ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
លោកនាយករដ្ឋមន្ត្រី ហ៊ុន ម៉ាណែត បានចេញបទបញ្ជាឱ្យបើកយុទ្ធនាការបោសសម្អាត ការឆបោកតាមប្រព័ន្ធបច្ចេកវិទ្យា ដែលចុះហត្ថលេខានៅថ្ងៃទី១៤ ខែកក្កដា ខណៈថ្ងៃដដែល កម្លាំងចម្រុះនៃរាជធានីភ្នំពេញបានបង្រ្កាបទីតាំងសង្ស័យពាក់ព័ន្ធនឹងបទល្មើសឆបោកអនឡាញ (Online Scams)ពីរកន្លែងក្នុងខណ្ឌទួលគោក និងខណ្ឌសែនសុខ។ https://web.facebook.com/photo?fbid=1212418174260642&set=a.492095336292933
កម្ពុជាបានប្តេជ្ញាធ្វើសមាហរណកម្ម គម្រោងវាយតម្លៃលើផលប៉ះពាល់នៃលិខិតបទដ្ឋានគតិយុត្ត ឬ RIA នៅក្នុងច្បាប់ និងបទប្បញ្ញត្តិរបស់ខ្លួនក្នុងគោលបំណងលើកកម្ពស់សមត្ថភាពប្រកួតប្រជែង និងភាពធន់របស់កម្ពុជា ដើម្បីទាក់ទាញអ្នកវិនិយោគបរទេសកាន់តែច្រើន។ https://web.facebook.com/photo/?fbid=1212455404256919&set=a.492095336292933
ការ​ផ្គត់ផ្គង់ផលិតផល​ទឹកដោះគោនៅកម្ពុជាកំពុងខ្វះខាត ដោយសារការបិទ​ព្រំដែន​ជាមួយ​ប្រទេស​ថៃ​។ នេះក៏ដោយសារតែ​ថៃ​ធ្លាប់ជាអ្នក​ផ្គត់ផ្គង់ ទឹកដោះគោ​ភាគច្រើន​នៅកម្ពុជា ពោលគឺដល់​ទៅ ៧៦,២៩ភាគរយ។ បច្ចុប្បន្នទឹកដោះគោក្នុងស្រុកអាចផ្គត់ផ្គង់បានត្រឹមតែ ២០ភាគរយនៃតម្រូវការប្រើប្រាស់សរុបប៉ុណ្ណោះ ដែលវាកំពុងបង្កការលំបាក ប៉ះពាល់ដល់ហាងកាហ្វេ ភោជនីយដ្ឋាន និងអាជីវកម្មផ្សេងៗទៀតជាច្រើន។ យ៉ាងណាមិញ អ្នកផលិតទឹកដោះគោក្នុងស្រុកបានសន្យាថានឹងបង្កើនផលិតកម្មដើម្បីបំពេញតម្រូវការ។ https://web.facebook.com/photo/?fbid=1212457100923416&set=a.492095336292933
ក្រុមគ្រួសារ និងអង្គការឃ្លាំមើលសិទ្ធិមនុស្ស មានក្ដីសង្ឃឹមឡើងវិញលើសំណុំរឿងលោក ជា ចាន់ថា ដែលជាថ្នាក់ដឹកនាំមូលដ្ឋានសមាគម​ IDEA ត្រូវបានព្រះរាជអាជ្ញាស្នើសុំប្រធានក្រុមប្រឹក្សាជំនុំជម្រះនៃសាលាឧទ្ធរណ៍រាជធានីភ្នំពេញ ឱ្យទម្លាក់ចោលបទចោទលើលោក ក្រោមហេតុផលគ្មានភស្តុតាងជាក់លាក់សម្រាប់ដាក់បន្ទុក។ ការស្នើនេះត្រូវសាលាឧទ្ធរណ៍ គ្រោងប្រកាសសាលដីកាលើលោក ជា ចាន់ថា នៅចុងខែកក្កដាខាងមុខនេះ។ https://web.facebook.com/photo/?fbid=1212461670922959&set=a.492095336292933
អគ្គនាយកដ្ឋានគយ និងរដ្ឋាករកម្ពុជា បាន​​បញ្ជាក់ថា មុខទំនិញមានប្រភពដើមពី​ប្រទេស​ថៃ ដែលជាប់បម្រាមនាំចូលមកកម្ពុជា រួមមាន បន្លែ និងផ្លែឈើ និងមុខទំនិញជាប្រេង​ឥន្ធ​នៈ និងឧស្ម័នឥន្ធនៈ។ https://web.facebook.com/photo/?fbid=1212469447588848&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៦ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ការឃ្លាំមើល និងវាយតម្លៃស្ថានភាពសង្គម
វាគ្មិនកិត្តិយស៖
- បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
- លោក សេក សុជាតិ អ្នកប្រឹក្សាយោបល់ផ្នែកអភិវឌ្ឍន៍ផ្នត់គំនិត និងការស្រាវជ្រាវ
សម្របសម្រួលដោយ៖ លោកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ https://www.facebook.com/watch/live/?ref=watch_permalink&v=1115969237248159
មនុស្សស្រីប្រុសជាជនជាតិវៀតណាមសរុបចំនួន៦៣នាក់ ត្រូវបានកម្លាំងគណៈបញ្ជាការឯកភាពខេត្តព្រះសីហនុ ឃាត់ខ្លួនដោយសង្ស័យថា ជាប់ពាក់ព័ន្ធការលបលួចប្រព្រឹត្តអំពើល្មើសឆបោកតាមប្រព័ន្ធបច្ចេកវិទ្យា ក្នុងប្រតិបត្តិការបង្ក្រាបទីតាំងសង្ស័យចំនួន៤ផ្សេងគ្នា។ https://www.facebook.com/photo?fbid=1213166244185835&set=a.492095336292933
មន្ត្រីជាស្ត្រីម្នាក់បម្រើការងារនៅរដ្ឋបាលស្រុកត្បែងមានជ័យ អំពាវនាវសុំអន្តរាគមន៍ពីថ្នាក់ដឹកនាំ ក្រោយរងការបំពានផ្លូវភេទពីអភិបាលស្រុកត្បែងមានជ័យ។ ការអំពាវនាវនេះធ្វើឡើងបន្ទាប់ពីស្ដ្រីរូបនេះ បានដាក់ពាក្យបណ្ដឹងគ្រប់ស្ថាប័ន ប៉ុន្តែមិនទាន់មានដំណោះស្រាយ ក្នុងពេលខ្លួន និងសាក្សី រងការគំរាមពីថ្នាក់លើថានឹងដកក្របខ័ណ្ឌចេញពីការងារ។ https://www.facebook.com/photo?fbid=1213166984185761&set=a.492095336292933
សាលាដំបូងរាជធានីភ្នំពេញ នៅថ្ងៃទី១៦ ខែកក្កដា បានសម្រេចផ្តន្ទាទោសប្រជាសហគមន៍សំរោងត្បូងចំនួនប្រាំបួននាក់នៅតំបន់បឹងតាមោកឱ្យជាប់ពន្ធនាគារចំនួនមួយខែ ពាក់ព័ន្ធនឹងបទប្រឆាំងនឹងមន្ត្រីរាជការសាធារណៈ ដោយសារការតវ៉ារឿងជីកប្រឡាយកាល​ពី​ខែកុម្ភៈឆ្នាំមុន​។ https://www.facebook.com/photo?fbid=1213168264185633&set=a.492095336292933
សហគមន៍ជនជាតិដើមភាគតិចកួយឃុំប្រមេរុ ផុងក្នុងបំណុលក្រោយ​ចំណូលបាន​ពី​ជ័រច្បោះ​ធ្លាក់ចុះ ។ https://www.facebook.com/photo?fbid=1213169267518866&set=a.492095336292933
ជនបរទេសចម្រុះជាតិសាសន៍យ៉ាងតិចណាស់ជាង៨០០នាក់ ត្រូវបានសមត្ថកិច្ចឃាត់ខ្លួនពាក់ព័ន្ធនឹងការឆបោកតាមប្រព័ន្ធអនឡាញនៅទីតាំងជាច្រើនតាមបណ្តារាជធានីខេត្តផ្សេងៗគ្នាក្នុងរយៈពេល២ថ្ងៃមកនេះ ក្រោយពីមានបទបញ្ជាដាច់ខាតពីលោកនាយករដ្ឋមន្ត្រី ហ៊ុន ម៉ាណែត។ https://www.facebook.com/photo?fbid=1213170567518736&set=a.492095336292933
អគ្គនាយកដ្ឋានគយកម្ពុជា ប្រកាសថា ប្រជាពលរដ្ឋអាចនាំចូលទំនិញគ្រប់មុខពីប្រទេសថៃតាមច្រកផ្សេងៗក្រៅពីច្រកព្រំដែនគោកប្រទេសទាំងពីរដែលបានបិទ ប៉ុន្តែលើកលែងទំនិញដែលជាប់បម្រាមមានបន្លែ ផ្លែឈើ និងប្រភេទប្រេងឥន្ធនៈជាដើម។ https://www.facebook.com/photo/?fbid=1213171617518631&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៧ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell​ University
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​https://www.facebook.com/watch/live/?ref=watch_permalink&v=1113377817325124
គិតមកដល់ឆ្នាំ២០២៥នេះ កាសែតភ្នំពេញប៉ុស្តិ៍គឺជាកាសែតផ្សាយជាអង់គ្លេស ដែលមានវ័យចំណាស់ជាងគេក្នុងប្រទេសកម្ពុជា។ ធ្លាប់បម្រើជាចំណីអារម្មណ៍អ្នកអានអស់រយៈពេល ៣៣ឆ្នាំ កាសែតមួយនេះបានសម្រេចបញ្ឈប់ការបោះពុម្ពជាក្រដាសនៅត្រឹមឆ្នាំ២០២៤ កន្លងទៅ។ អំឡុងឆ្នាំនោះ ភ្នំពេញប៉ុស្តិ៍ បានចេញផ្សាយដោយប្តូរទៅជាទម្រង់អនឡាញទាំងស្រុង។ ក្នុងពិធីតាំងពិព័រណ៍រំលឹកស្នាដៃកាសែតភ្នំពេញប៉ុស្តិ៍កាលពីថ្ងៃអង្គារ បណ្តាអ្នកនិយមអានកាសែតចំណាស់មួយនេះ ចង់ឃើញ ភ្នំពេញប៉ុស្តិ៍ផ្តល់ជម្រើសដល់អ្នកអាន តាមរយៈការបោះពុម្ពផ្សាយជាទម្រង់កាសែតឡើងវិញ។https://www.facebook.com/photo/?fbid=1213355994166860&set=a.492095336292933
យ៉ាងហោចណាស់ មានព្រះរាជអាជ្ញា១នាក់ និងព្រះរាជអាជ្ញារង ១នាក់ ត្រូវបានបណ្តេញចេញ និងព្យួរពីការងារ ដោយសារពាក់ព័ន្ធបទល្មើសឆបោកអនឡាញ។ វិធានការលើមន្ត្រីស្ថាប័នអយ្យការទាំងពីររូបនេះនេះ ធ្វើឡើងខណៈដែលរដ្ឋាភិបាលកំពុងអនុវត្តចំណាត់ការក្តៅ ក្នុងការបង្ក្រាបទីតាំងឆបោកអនឡាញនៅទូទាំងប្រទេស។ https://www.facebook.com/photo/?fbid=1213358320833294&set=a.492095336292933
សមាគមសម្ព័ន្ធអ្នកសារព័ត៌មានកម្ពុជា(ខេមបូចា) បានរកឃើញករណីនៃការរំលោភបំពាននានា លើអ្នកកាសែតនៅក្នុងត្រីមាសទី១នៃឆ្នាំ២០២៥។ តាមរយៈរបាយការណ៍របស់ខ្លួននៅត្រីមាសទី១ ឆ្នាំ២០២៥នេះ ខេមបូចា បង្ហាញថា សេរីភាពសារព័ត៌មាន នីតិរដ្ឋ និងសិទ្ធិជាមូលដ្ឋាននៅកម្ពុជាបន្តជួបបញ្ហាប្រឈម។ តែមន្ត្រីរដ្ឋាភិបាលយល់ឃើញថារបាយការណ៍របស់ ខេមបូចា ធ្វើឡើងតែមួយជ្រុង។ https://www.facebook.com/photo/?fbid=1213359707499822&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៨ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell​ University
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/717278114616081
មន្ត្រីជាស្រ្តីបម្រើការនៅស្រុកត្បែងមានជ័យ ខេត្តព្រះវិហារម្នាក់ អះអាងថាអភិបាលស្រុកត្បែងមានជ័យលោក​ នុត សោភ័ណ្ឌ បានបៀតបៀនផ្លូវភេទលើខ្លួនជាច្រើនដងអំឡុងពេលបំពេញភារកិច្ច។ ស្រ្តីដែលជាជនរងគ្រោះទទូចឱ្យរដ្ឋាភិបាលកម្ពុជា ពិសេសតុលាការស្វែងរកយុត្តិធម៌ដល់ខ្លួន ខណៈជនបង្កគំរាមដកតួនាទីស្រ្តីរូបនោះចេញពីក្របខ័ណ្ឌ។ https://www.facebook.com/photo?fbid=1213998900769236&set=a.492095336292933
សាលាឧទ្ធរណ៍ខេត្តព្រះសីហនុបានសម្រេចឲ្យសកម្មជនដីធ្លីចំនួន១១នាក់មកពីសហគមន៍ចំនួនបីនៅក្នុងខេត្តកោះកុង រួចផុតបទចោទប្រកាន់ពីបទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍»​របស់សលាដំបូងខេត្តកោះកុង ក្រោយការតវ៉ាជាបន្តបន្ទាប់ទាំងតាមផ្លូវច្បាប់ និងការដាក់ញត្តិទៅរដ្ឋមន្ត្រីក្រសួងយុត្តិធម៌។ អ្នកការពារសិទ្ធិមនុស្សក្នុងស្រុកចាត់ទុកថា ការសម្រេចរបស់តុលាការឧទ្ធណ៍ខេត្តព្រះសីហនុជាការផ្តល់យុត្តិធម៌ ដល់សកម្មជនដីធ្លីទាំងនោះ ដែលគ្មានគំនិតគិតទៅប្រព្រឹត្តបទឧក្រិដ្ឋនោះទេ ពោលគឺមានតែការតស៊ូមតិដោយសន្តិវិធី ដើម្បីទាមទារសិទ្ធិកាន់កាប់ដីធ្លីតែប៉ុណ្ណោះ។ https://www.facebook.com/photo/?fbid=1214007837435009&set=a.492095336292933
ក្តីក្តាំរបស់សកម្មជនការពារដីធ្លីពីររូបនៅខេត្តកោះកុងគឺអ្នកស្រី ផាវ ញើង​ និង អ្នកស្រី សេង លីន ត្រូវបានតុលាការកំពូលបង្គាប់ឲ្យសាលាឧទ្ធរណ៍ព្រះសីហនុកាត់​ក្តីឡើងវិញ ខណៈស្ត្រីជាសកម្មជនទាំងពីរនាក់ ត្រូវបានដាក់ឲ្យស្ថិតក្រោមការត្រួតពិនិត្យតាមផ្លូវតុលាការ។ មន្ត្រីសិទ្ធិមនុស្សរំពឹងថា សាលាឧទ្ធរណ៍ព្រះសីហនុ នឹងទម្លាក់បទចោទលើសកម្មជនដីធ្លីទាំងនេះ ដោយសំអាងថាអ្នកទាំងពីរមិនបានប្រព្រឹត្តបទល្មើសនោះទេគឺគ្រាន់តែការពារដីសម្បទានសង្គមកិច្ចសម្រាប់ពលរដ្ឋតែប៉ុណ្ណោះ។ https://www.facebook.com/photo/?fbid=1214009097434883&set=a.492095336292933