ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
សហគមន៍ជនជាតិដើមភាគតិចកួយឃុំប្រមេរុ ផុងក្នុងបំណុលក្រោយ​ចំណូលបាន​ពី​ជ័រច្បោះ​ធ្លាក់ចុះ ។ https://www.facebook.com/photo?fbid=1213169267518866&set=a.492095336292933
ជនបរទេសចម្រុះជាតិសាសន៍យ៉ាងតិចណាស់ជាង៨០០នាក់ ត្រូវបានសមត្ថកិច្ចឃាត់ខ្លួនពាក់ព័ន្ធនឹងការឆបោកតាមប្រព័ន្ធអនឡាញនៅទីតាំងជាច្រើនតាមបណ្តារាជធានីខេត្តផ្សេងៗគ្នាក្នុងរយៈពេល២ថ្ងៃមកនេះ ក្រោយពីមានបទបញ្ជាដាច់ខាតពីលោកនាយករដ្ឋមន្ត្រី ហ៊ុន ម៉ាណែត។ https://www.facebook.com/photo?fbid=1213170567518736&set=a.492095336292933
អគ្គនាយកដ្ឋានគយកម្ពុជា ប្រកាសថា ប្រជាពលរដ្ឋអាចនាំចូលទំនិញគ្រប់មុខពីប្រទេសថៃតាមច្រកផ្សេងៗក្រៅពីច្រកព្រំដែនគោកប្រទេសទាំងពីរដែលបានបិទ ប៉ុន្តែលើកលែងទំនិញដែលជាប់បម្រាមមានបន្លែ ផ្លែឈើ និងប្រភេទប្រេងឥន្ធនៈជាដើម។ https://www.facebook.com/photo/?fbid=1213171617518631&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៧ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell​ University
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​https://www.facebook.com/watch/live/?ref=watch_permalink&v=1113377817325124
គិតមកដល់ឆ្នាំ២០២៥នេះ កាសែតភ្នំពេញប៉ុស្តិ៍គឺជាកាសែតផ្សាយជាអង់គ្លេស ដែលមានវ័យចំណាស់ជាងគេក្នុងប្រទេសកម្ពុជា។ ធ្លាប់បម្រើជាចំណីអារម្មណ៍អ្នកអានអស់រយៈពេល ៣៣ឆ្នាំ កាសែតមួយនេះបានសម្រេចបញ្ឈប់ការបោះពុម្ពជាក្រដាសនៅត្រឹមឆ្នាំ២០២៤ កន្លងទៅ។ អំឡុងឆ្នាំនោះ ភ្នំពេញប៉ុស្តិ៍ បានចេញផ្សាយដោយប្តូរទៅជាទម្រង់អនឡាញទាំងស្រុង។ ក្នុងពិធីតាំងពិព័រណ៍រំលឹកស្នាដៃកាសែតភ្នំពេញប៉ុស្តិ៍កាលពីថ្ងៃអង្គារ បណ្តាអ្នកនិយមអានកាសែតចំណាស់មួយនេះ ចង់ឃើញ ភ្នំពេញប៉ុស្តិ៍ផ្តល់ជម្រើសដល់អ្នកអាន តាមរយៈការបោះពុម្ពផ្សាយជាទម្រង់កាសែតឡើងវិញ។https://www.facebook.com/photo/?fbid=1213355994166860&set=a.492095336292933
យ៉ាងហោចណាស់ មានព្រះរាជអាជ្ញា១នាក់ និងព្រះរាជអាជ្ញារង ១នាក់ ត្រូវបានបណ្តេញចេញ និងព្យួរពីការងារ ដោយសារពាក់ព័ន្ធបទល្មើសឆបោកអនឡាញ។ វិធានការលើមន្ត្រីស្ថាប័នអយ្យការទាំងពីររូបនេះនេះ ធ្វើឡើងខណៈដែលរដ្ឋាភិបាលកំពុងអនុវត្តចំណាត់ការក្តៅ ក្នុងការបង្ក្រាបទីតាំងឆបោកអនឡាញនៅទូទាំងប្រទេស។ https://www.facebook.com/photo/?fbid=1213358320833294&set=a.492095336292933
សមាគមសម្ព័ន្ធអ្នកសារព័ត៌មានកម្ពុជា(ខេមបូចា) បានរកឃើញករណីនៃការរំលោភបំពាននានា លើអ្នកកាសែតនៅក្នុងត្រីមាសទី១នៃឆ្នាំ២០២៥។ តាមរយៈរបាយការណ៍របស់ខ្លួននៅត្រីមាសទី១ ឆ្នាំ២០២៥នេះ ខេមបូចា បង្ហាញថា សេរីភាពសារព័ត៌មាន នីតិរដ្ឋ និងសិទ្ធិជាមូលដ្ឋាននៅកម្ពុជាបន្តជួបបញ្ហាប្រឈម។ តែមន្ត្រីរដ្ឋាភិបាលយល់ឃើញថារបាយការណ៍របស់ ខេមបូចា ធ្វើឡើងតែមួយជ្រុង។ https://www.facebook.com/photo/?fbid=1213359707499822&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៨ ខែកក្កដា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ អបអរសាទរខែនៃមោទកភាព (Pride Month)
វាគ្មិនកិត្តិយស :
១. សុទ្ធ ពៅសំណាង សមាជិកក្រុមប្រឹក្សាយោបល់យុវជនអង្គការសហប្រជាជាតិ
២. ឈាង ជាតិត្រា អ្នកដឹកនាំគម្រោងមោទនភាពពួកយើង និងជានិស្សិតសកលវិទ្យាល័យ Bucknell​ University
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/717278114616081
មន្ត្រីជាស្រ្តីបម្រើការនៅស្រុកត្បែងមានជ័យ ខេត្តព្រះវិហារម្នាក់ អះអាងថាអភិបាលស្រុកត្បែងមានជ័យលោក​ នុត សោភ័ណ្ឌ បានបៀតបៀនផ្លូវភេទលើខ្លួនជាច្រើនដងអំឡុងពេលបំពេញភារកិច្ច។ ស្រ្តីដែលជាជនរងគ្រោះទទូចឱ្យរដ្ឋាភិបាលកម្ពុជា ពិសេសតុលាការស្វែងរកយុត្តិធម៌ដល់ខ្លួន ខណៈជនបង្កគំរាមដកតួនាទីស្រ្តីរូបនោះចេញពីក្របខ័ណ្ឌ។ https://www.facebook.com/photo?fbid=1213998900769236&set=a.492095336292933
សាលាឧទ្ធរណ៍ខេត្តព្រះសីហនុបានសម្រេចឲ្យសកម្មជនដីធ្លីចំនួន១១នាក់មកពីសហគមន៍ចំនួនបីនៅក្នុងខេត្តកោះកុង រួចផុតបទចោទប្រកាន់ពីបទ «ញុះញង់ឲ្យប្រព្រឹត្តបទឧក្រិដ្ឋជាអាទិ៍»​របស់សលាដំបូងខេត្តកោះកុង ក្រោយការតវ៉ាជាបន្តបន្ទាប់ទាំងតាមផ្លូវច្បាប់ និងការដាក់ញត្តិទៅរដ្ឋមន្ត្រីក្រសួងយុត្តិធម៌។ អ្នកការពារសិទ្ធិមនុស្សក្នុងស្រុកចាត់ទុកថា ការសម្រេចរបស់តុលាការឧទ្ធណ៍ខេត្តព្រះសីហនុជាការផ្តល់យុត្តិធម៌ ដល់សកម្មជនដីធ្លីទាំងនោះ ដែលគ្មានគំនិតគិតទៅប្រព្រឹត្តបទឧក្រិដ្ឋនោះទេ ពោលគឺមានតែការតស៊ូមតិដោយសន្តិវិធី ដើម្បីទាមទារសិទ្ធិកាន់កាប់ដីធ្លីតែប៉ុណ្ណោះ។ https://www.facebook.com/photo/?fbid=1214007837435009&set=a.492095336292933
ក្តីក្តាំរបស់សកម្មជនការពារដីធ្លីពីររូបនៅខេត្តកោះកុងគឺអ្នកស្រី ផាវ ញើង​ និង អ្នកស្រី សេង លីន ត្រូវបានតុលាការកំពូលបង្គាប់ឲ្យសាលាឧទ្ធរណ៍ព្រះសីហនុកាត់​ក្តីឡើងវិញ ខណៈស្ត្រីជាសកម្មជនទាំងពីរនាក់ ត្រូវបានដាក់ឲ្យស្ថិតក្រោមការត្រួតពិនិត្យតាមផ្លូវតុលាការ។ មន្ត្រីសិទ្ធិមនុស្សរំពឹងថា សាលាឧទ្ធរណ៍ព្រះសីហនុ នឹងទម្លាក់បទចោទលើសកម្មជនដីធ្លីទាំងនេះ ដោយសំអាងថាអ្នកទាំងពីរមិនបានប្រព្រឹត្តបទល្មើសនោះទេគឺគ្រាន់តែការពារដីសម្បទានសង្គមកិច្ចសម្រាប់ពលរដ្ឋតែប៉ុណ្ណោះ។ https://www.facebook.com/photo/?fbid=1214009097434883&set=a.492095336292933
ប៉ុន្មានថ្ងៃកន្លងទៅនេះ សមត្ថកិច្ចកម្ពុជាបានធ្វើសកម្មភាពបង្ក្រាបក្រុមឆបោកអនឡាញយ៉ាងក្តៅគគុកនៅទូទាំងប្រទេស។ រយៈពេលត្រឹមតែ ២ថ្ងៃប៉ុណ្ណោះ សមត្ថកិច្ចបង្ក្រាបទីតាំងប្រព្រឹត្តិបទល្មើសឆបោកអនឡាញបានជាង១០កន្លែង ដែលស្ថិតនៅក្នុង ខេត្តព្រះសីហនុ កំពង់ស្ពឺ ក្រចេះ ពោធិ៍សាត់ បន្ទាយមានជ័យ និងរាជធានីភ្នំពេញ។ អ្នកតាមដានសង្គមនានាបានមើលឃើញថាយុទ្ធនាការបង្ក្រាបការឆបោកតាមអនឡាញដ៏ក្តៅគគុកនេះ គឺជាការបង្ហាញនូវឆន្ទៈពិតប្រាកដរបស់រដ្ឋាភិបាល ដើម្បីរក្សាបានសន្តិសុខជូនប្រជាជន និងជាការជួយលើកមុខមាត់ប្រទេសកម្ពុជាផងដែរ។ https://www.facebook.com/photo/?fbid=1214010680768058&set=a.492095336292933
សមត្ថកិច្ចបានបើកប្រតិបត្តិការបង្ក្រាបទីតាំងសង្ស័យថាជាមជ្ឈមណ្ឌលប្រព្រឹត្តិបទល្មើសអនឡាញនៅក្នុងខេត្តយ៉ាងហោចចំនួនប្រាំមួយ ចាប់តាំងពីថ្ងៃពុធ ក្រោយមានបទបញ្ជារបស់រដ្ឋាភិបាល និងកិច្ចប្រជុំមន្ត្រីជាន់ខ្ពស់ជាមួយនាយករដ្ឋមន្ត្រី ហ៊ុន ម៉ាណែត។ ទោះជាយ៉ាងណា អ្នកជំនាញខាងបទល្មើសឆ្លងដែន និងក្រុមឃ្លាំមើល បង្ហាញក្តីបារម្ភថាទីតាំងធំៗដែលគេស្គាល់ច្បាស់ និងពាក់ព័ន្ធនឹងអ្នកមានឥទ្ធិពលនយោបាយនៅតែមិនទាន់ត្រូវបានប៉ះពាល់នៅឡើយ។ https://www.facebook.com/photo/?fbid=1214029150766211&set=a.492095336292933
ក្រុម​ប្រជាសហគមន៍​សំរោង​ត្បូង នាតំបន់​បឹង​តាមោក ស្ថិត​ក្នុង​សង្កាត់​សំរោង ខណ្ឌ​ព្រែកព្នៅ បាន​បញ្ចេញ​​ប្រតិកម្ម​ភ្លាម​ៗ ​បន្ទាប់​ពី​សាលាដំបូង​រាជធានី​ភ្នំពេញប្រកាស​សាលក្រម ដោយ​កាត់ទោសពួកគាត់​ចំនួន ៩​​នាក់ ឱ្យ​ជាប់​ពន្ធនាគារ​រយៈ​ពេល​ ១ខែ ក្រោម​បទប្រឆាំងនឹងមន្ត្រី​រាជការសាធារណៈ ដោយសារ​ការ​​ដែល​ពួក​គាត់​តវ៉ា​រឿងជីកប្រឡាយ កាល​ពី​ខែកុម្ភៈ ឆ្នាំ២០២៤ ។ https://www.facebook.com/photo/?fbid=1214033050765821&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ថ្ងៃទី១៨ ខែកក្កដា ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ហេតុអ្វីប្រជាធិបតេយ្យបង្កើតទ្រឹស្តីឃុបឃិត (Conspiracy Theories)
វាគ្មិនកិត្តិយស៖
-លោក គល់ បញ្ញា ទីប្រឹក្សាអង្គការខុមហ្រ្វែល
-លោក ជុន សុខធូធារាជ្យ សមាជិកកាហ្វេនយោបាយ
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ https://www.facebook.com/watch/live/?ref=watch_permalink&v=586283224340870
ក្រសួងមហាផ្ទៃនឹងចាត់ការដោយយុត្តិធម៌ លើសំណុំរឿងអាស្រូវបំពានផ្លូវភេទនៅត្បែងមានជ័យ
អ្នកនាំពាក្យ៖ ក្រសួងមហាផ្ទៃនឹងចាត់ការដោយយុត្តិធម៌ លើសំណុំរឿងមន្ត្រីដែលប្ដឹងអភិបាលស្រុកត្បែងមានជ័យថាបំពានផ្លូវភេទ
អ្នកនាំពាក្យក្រសួងមហាផ្ទៃ លោក ទូច សុឃៈ ថាផ្ទៃនឹងចាត់ការដោយយុត្តិធម៌ លើសំណុំរឿងមន្ត្រីដែលប្ដឹងអភិបាលស្រុកត្បែងមានជ័យថាបំពានផ្លូវភេទ ។លោកថា លទ្ធផលនៃការស៊ើបអង្កេតលើករណីនេះនឹងបញ្ជូនទៅដល់ដៃរដ្ឋមន្ត្រីក្រសួងមហាផ្ទៃពិនិត្យនិងសម្រេច។ លោកបញ្ជាក់ទៀតថា ក្រសួងមហាផ្ទៃនឹងសហការជាមួយតុលាការលើករណីនេះ។ https://www.facebook.com/photo?fbid=1214137254088734&set=a.492095336292933
ឯកអគ្គរដ្ឋទូតចិនប្រចាំកម្ពុជាលោក វ៉ាង វិនប៊ីន (Wang Wenbin) បានបង្ហាញការគាំទ្រ និងកោតសរសើរកម្ពុជាចំពោះការប្រឹងប្រែង បង្ក្រាបបទល្មើសបច្ចេកវិទ្យា ដោយសំដៅលើអំពើឆបោកតាមបណ្តាញអ៊ីនធ័រនែត។ នេះបើតាមទំព័រហ្វេសប៊ុកផ្លូវការរបស់លោក វ៉ាង។ សំណេររបស់លោក វ៉ាង ធ្វើឡើងស្របពេលអាជ្ញាធរកម្ពុជាកំពុងអនុវត្តបទបញ្ជាដាច់ណាត់របស់នាយករដ្ឋមន្ត្រីកម្ពុជា លោក ហ៊ុន ម៉ាណែត ដែលស្នើឲ្យអាជ្ញាធរពាក់ព័ន្ធបោសសម្អាតសកម្មភាពឆបោកតាមប្រព័ន្ធអនឡាញនៅទូទាំងប្រទេស។ https://www.facebook.com/photo?fbid=1214177244084735&set=a.492095336292933
ក្រុមអង្គការសង្គមស៊ីវិលមួយក្រុមបានឲ្យដឹងនៅថ្ងៃទី១៨ ខែកក្កដា ឆ្នាំ២០២៥នេះថា ពួកគេនៅតែបន្តមានការព្រួយបារម្ភចំពោះបញ្ហាសិទ្ធិមនុស្ស និងលំហប្រជាធិបតេយ្យនៅកម្ពុជា។ ការលើកឡើងរបស់ក្រុមអង្គការសិទ្ធិមនុស្សទាំងនេះ ធ្វើឡើងបន្ទាប់ពីពួកគេ មានជំនួបមួយជាមួយឯកអគ្គរដ្ឋទូតបារាំងប្រចាំនៅកម្ពុជា កាលពីពីថ្ងៃទី១៦ ខែកក្កដា ឆ្នាំ២០២៥ នៅក្នុងស្ថានទូតបារាំង។ https://web.facebook.com/photo?fbid=1214890194013440&set=a.492095336292933
លោកស្រីភារធារីស្ថានទូតអាមេរិកប្រចាំកម្ពុជា Bridgette Walker បានថ្លែងថា សហរដ្ឋអាមេរិកគាំទ្រជំហរកម្ពុជា ក្នុងការដោះស្រាយជម្លោះព្រំដែនជាមួយថៃដោយសន្តិវិធី។ អាមេរិកក៏បានលើកឡើងពីការព្រួយបារម្ភរបស់ខ្លួនចំពោះបទល្មើសឆបោកអនឡាញ ដែលបានកើតឡើងនៅទូទាំងសាកលលោក រួមទំាងតំបន់អាស៊ីអាគ្នេយ៍។ ការថ្លែងរបស់ភារធារីស្ថានទូតអាមេរិកដូច្នេះ ធ្វើឡើងអំឡុងពេលដែលលោកស្រីមានជំនួបមួយជាមួយលោក អ៊ុច បូររិទ្ធ អនុប្រធានទីមួយនៃព្រឹទ្ធសភាកម្ពុជា នៅថ្ងៃទី១៧ ខែកក្កដា ឆ្នាំ២០២៥។ https://web.facebook.com/photo?fbid=1214892420679884&set=a.492095336292933
ជើង​យន្ត​ហោះ​ត្រង់​ពី​ចិន​បាន​មក​ចុះ​ចត​នៅ​ខេត្ត​សៀម​រាប​ជា​លើក​ដំបូង ​នាព្រឹក​ថ្ងៃ​ទី​១៨ ​ខែ​កក្កដា​ ឆ្នាំ​២០២៥​។​ ជើង​ហោះ​ហើរ​ត្រង់​នេះ ​ជា​របស់​ក្រុម​ហ៊ុន​អាកាសចរណ៍​ជាតិ​កម្ពុជា ​ដែល​ផ្ទុក​អ្នក​ដំណើរ​ពេញ ​ដែល​បាន​ចាក​ចេញ​ពី​ទី​ក្រុង ​សិន​ជិន​ ប្រទេស​ចិន​។​ ឯក​អគ្គ​រដ្ឋ​ទូត​ចិន​ប្រចាំ​កម្ពុជា​ បាន​គូស​បញ្ជាក់​ថា ​នេះ​ជា​ការ​រួម​បញ្ចូល​នូវ​ថាម​ពល​រស់​រវើក​ថ្មី​សម្រាប់​ឆ្នាំ​ទេសចរណ៍​ចិន​ និង ​កម្ពុជា​ ២០២៥​។ https://web.facebook.com/photo/?fbid=1214910434011416&set=a.492095336292933