ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ស្របពេលកម្ពុជាកំពុងប្រកាន់ខ្ជាប់នឹងបទឈប់បាញ់នេះ មានការចែករំលែកលើបណ្តាញសង្គមហ្វេសប៊ុក អំពាវនាវឲ្យពលរដ្ឋខ្មែរឈប់ប្រើប្រាស់ផលិតផលថៃ និង​ខ្លះមានបង្កប់​ពាក្យពេចន៍អុជអាលឱ្យ​​ស្អប់ខ្ពើមជាតិសាសន៍ថៃ។ អ្នកឃ្លាំមើលសង្គមកម្ពុជាយល់ថា ការបង្កើនស្មារតីជាតិនិយម ​ដែលចំណេញដល់ប្រទេសជាតិ​ជារឿងត្រឹមត្រូវ។ ប៉ុន្តែប្រសិនបើជា​ទង្វើនោះជ្រុលហួសហេតុ បែបអុជអាល បង្កជម្លោះ បង្កើតការស្អប់ខ្ពើមជាតិសាសន៍ដទៃ នោះវា​​នឹងបើកផ្លូវឱ្យថៃ​យកលេស​បង្កអរិភាពលើកម្ពុជាបាន​​។ https://web.facebook.com/photo?fbid=1227368936098899&set=a.492095336292933
បន្ទាប់ពីត្រូវបានចាប់ខ្លួនអស់រយៈពេល៦ថ្ងៃ ថៃនៅតែមិនទាន់បញ្ជូនទាហានខ្មែរទាំង១៨នាក់ត្រឡប់មកវិញទេ ដោយកម្ពុជាបានជំរុញម្តងហើយម្តងទៀត ឱ្យបញ្ជូនពួកគេមកវិញឱ្យបានលឿន និងធានាការអនុវត្តស្របតាមច្បាប់មនុស្សធម៌អន្តរជាតិ ។ https://www.facebook.com/photo/?fbid=1228232572679202&set=a.492095336292933
បន្ទាប់ពីមានការរាយការណ៍ពីគម្រោងបើកការវាយលុករបស់យោធាថៃតាមបណ្តោយព្រំដែន អ្នកនាំពាក្យក្រសួងការពារជាតិ លោកស្រី ម៉ាលី សុជាតា បានបញ្ជាក់នៅព្រឹកនេះថា ព្រំដែនកម្ពុជា-ថៃ មិនមានការប្រយុទ្ធណាមួយផ្ទុះឡើងឡើយ។ លោកស្រី​ថា កងកម្លាំង​យោធាកម្ពុជានៅតែ​មាន​ការ​ប្រុង​ប្រយ័ត្ន​ខ្ពស់ គ្មាន​ការ​ប៉ះ​ទង្គិច​ណាមួយ​បាន​កើត​ឡើង​នៅ​តាម​តំបន់​ព្រំដែន​សំខាន់ៗ​ឡើយ។ https://www.facebook.com/photo?fbid=1228231886012604&set=a.492095336292933
ក្រសួងការពារជាតិកម្ពុជាអះអាងថា កងកម្លាំងថៃដែលប្រដាប់ដោយអាវុធគ្រប់ដៃ និងគ្រឿងចក្រ បានចូលក្នុងតំបន់ជម្លោះអានសេះ និងតំបន់ផ្សេងទៀត ហើយបានដាក់ពង្រាយបន្លាលួស ដោយអ្នកនាំពាក្យលោកស្រី ម៉ាលី សុជាតា បានហៅទង្វើនេះថាជាការរំលោភលើបទឈប់បាញ់ និងការគំរាមកំហែងដល់សន្តិសុខក្នុងតំបន់។ https://www.facebook.com/photo/?fbid=1228373435998449&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ថ្ងៃទី០៤ ខែសីហា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ព័ត៌មានក្លែងក្លាយ និងការបញ្ចេញមតិ
វាគ្មិនកិត្តិយស៖
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
- លោក ណុប វី ប្រធានសមាគមសម្ព័ន្ធអ្នកសារព័ត៌មានកម្ពុជា (CamboJA)
អ្នកសម្របសម្រួល៖ អ្នកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ https://www.facebook.com/watch/live/?ref=watch_permalink&v=1129305619012163
ការបាញ់គ្រាប់ផ្លោងរវាងកងទ័ពថៃ និងកម្ពុជាបានធូរស្រាល បន្ទាប់ពីបទឈប់បាញ់ដ៏ផុយស្រួយមួយត្រូវបានឯកភាពគ្នានៅម៉ាឡេស៊ីនៅថ្ងៃទី២៨ ខែកក្កដា ប៉ុន្តែសង្គ្រាមព័ត៌មានរវាងអ្នកប្រើប្រាស់អ៊ីនធឺណិតនៃប្រទេសទាំងពីរនៅតែបន្តកើតមាននៅលើបណ្តាញសង្គម ។ https://www.facebook.com/photo/?fbid=1228443245991468&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ថ្ងៃទី០៥ ខែសីហា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ព័ត៌មានក្លែងក្លាយ និងការបញ្ចេញមតិ
វាគ្មិនកិត្តិយស៖
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
- លោក ណុប វី ប្រធានសមាគមសម្ព័ន្ធអ្នកសារព័ត៌មានកម្ពុជា (CamboJA)
អ្នកសម្របសម្រួល៖ អ្នកស្រី យ៉ឹង នីម https://web.facebook.com/comfrel.org/videos/740119672065684
ពលរដ្ឋខ្មែរធ្វើការនៅប្រទេសថៃដែលបានសម្រុកវិលត្រឡប់មកកម្ពុជាវិញ បន្ទាប់ពីការប្រយុទ្ធគ្នារវាងយោធាកម្ពុជា និងយោធាថៃ កាលពីថ្ងៃទី២៤ ខែកក្កដាមក ហើយពួកគេរំពឹងថា រដ្ឋាភិបាលនឹងផ្តល់ការងារជូនពួកគាត់ ខណៈមួយចំនួនរកការងារធ្វើពុំទាន់បាន និងមួយចំនួនទៀតប្រកប​អាជីវកម្មរផ្ទាល់ខ្លួនជាលក្ខណៈគ្រួសារ។​ https://web.facebook.com/photo/?fbid=1229156992586760&set=a.492095336292933
រាជរដ្ឋាភិបាលកម្ពុជា ស្វែងរកកិច្ចអន្តរាគមន៍ពីខាង​​​កាក​បាទ​ក្រហម​អន្តរ​ជាតិ និង​អង្គ​ការ​សិទ្ធិ​មនុស្ស​អន្តរ​ជាតិ​នានា​​ ដើម្បី​ជំរុញ​ឱ្យ​ភាគី​ថៃ​ដោះ​លែង​កង​ទ័ព​កម្ពុជា​ចំនួន​១៨នាក់ ដែលយោធា​ថៃ​ចាប់​ខ្លួន ក្រោយ​បទ​ឈប់​បាញ់ ឱ្យ​​មក​​មាតុ​ប្រទេស​វិញ​ឱ្យបា​ន​ឆាប់​បំផុត។ https://web.facebook.com/photo/?fbid=1229160715919721&set=a.492095336292933
ប្រជាពលរដ្ឋមួយចំនួនត្រូវបង្ខំចិត្តភៀសខ្លួនចេញពីលំនៅឋានជាថ្មី បន្ទាប់ថ្នាក់ដឹកនាំកម្ពុជាកាលពីយប់ថ្ងៃទី០៣ ខែសីហា ឆ្នាំ២០២៥ បានប្រកាសពីផែនការវាយប្រហាររបស់ថៃជាថ្មីមកលើកម្ពុជា។ ពលរដ្ឋភៀសសឹករងការលំបាកយ៉ាងខ្លាំងពីការធ្វើដំណើរនិងរស់នៅភៀសខ្លួននេះ ពិសេសគឺខាតបង់សេដ្ឋកិច្ច មុខរបរការងារប្រចាំថ្ងៃដែលជាប្រភពចំណូល និងការសិក្សារបស់កូនៗ។ https://web.facebook.com/photo?fbid=1229326429236483&set=a.492095336292933
រាជរដ្ឋាភិបាលកម្ពុជា បានទាមទារឱ្យភាគីថៃ គោរពឱ្យបានពេញលេញ នូវដែនអធិបតេយ្យភាព និងបូរណភាពទឹកដីរបស់កម្ពុជា ស្របតាមធម្មនុញ្ញអង្គការសហប្រជាជាតិ ធម្មនុញ្ញរបស់អាស៊ាន និងបណ្តាគោលការណ៍ជាមូលដ្ឋានរបស់ច្បាប់អន្តរជាតិ។ នេះបើតាមលោក ជុំ សុន្ទរី អ្នកនាំពាក្យក្រសួងការបរទេស និងកិច្ចសហប្រតិបត្តិការអន្តរជាតិ ថ្លែងនៅក្នុងសន្និសីទសារព័ត៌មានប្រចាំថ្ងៃនៅព្រឹកថ្ងៃទី៥ ខែសីហានេះ។ https://web.facebook.com/photo?fbid=1229328155902977&set=a.492095336292933
អ្នកជំនាញកិច្ចការអន្តរជាតិនានា បានលើកឡើងពីភាពផុយស្រួយនៃបទឈប់បាញ់រវាងកម្ពុជា និងថៃនាពេលនេះ ដែលតម្រូវឲ្យសហគមន៍អន្តរជាតិចាត់តាំងក្រុមសង្កេតការណ៍ឯករាជ្យជាបន្ទាន់ក្នុងការតាមដាន។ តាមក្រុមអ្នកជំនាញ សហគមន៍អន្តរជាតិត្រូវមានវិធានការច្បាស់លាស់មួយ ក្នុងការដាក់សម្ពាធ ឬទណ្ឌកម្មចំពោះភាគីថៃប្រសិនបើនៅតែបន្តរំលោភបទឈប់បាញ់។ https://www.facebook.com/photo?fbid=1229330529236073&set=a.492095336292933
លោក ហ៊ុន សែន ប្រធាន​ព្រឹទ្ធ​សភា​កម្ពុជា បាន​ប្រកាស​នៅ​យប់​ថ្ងៃ​ទី៤ ​ខែ​សីហា ​ថា ​កម្ពុជា​នឹង​ឈាន​ទៅ​រក​ការ​ពឹង​ពាក់​លើ​កាក​បាទ​ក្រហម​អន្តរ​ជាតិ​ដើម្បី​ជួយ​ដល់​ទាហាន​កម្ពុជា​១៨​រូប​ដែល​ថៃ​ចាប់​យក​ទៅ​ នៅក្រោយ​បទ​ឈប់​បាញ់​តែ​មិន​ទាន់​បាន​បញ្ជូន​មក​វិញ​។​ គិត​ត្រឹម​ថ្ងៃ​ទី​៤​ខែ​សីហា​នេះ​ មាន​ទាហាន​ខ្មែរ​តែ​២​រូប ប៉ុណ្ណោះ​ដែល​ត្រូវ​បាន​ប្រគល់​មក​វិញ​ ដោយ​ស្ថិត​ក្នុង​ស្ថាន​ភាព​របួស​។ https://www.facebook.com/photo?fbid=1229336809235445&set=a.492095336292933
ក្រុមអ្នកជំនាញគ្រាប់បែកទម្លាក់មកពីមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) បានសង្ស័យថា គ្រាប់បែក MK-84 ដែលថៃប្រើដើម្បីវាយប្រហារទីតាំងក្នុងខេត្តឧត្តរមានជ័យ ប្រហែលជាត្រូវបានផលិតនៅប្រទេសអ៊ីស្រាអែល ដែលមានអត្តសញ្ញាណគ្រាប់បែកនោះមានលេខ Lot No. IMI 96G015-11 ហើយផលិតក្នុងឆ្នាំ១៩៩៦។ ដូច្នេះមានន័យថា វាមិនមែនជាសំណល់គ្រាប់បែកដែលបន្សល់ពីសម័យសង្គ្រាមស៊ីវិលឡើយ។ https://www.facebook.com/photo?fbid=1229339772568482&set=a.492095336292933
ពលករខ្មែរនៅថៃមួយចំនួនអះអាងថាមិនទាន់សម្រេចចិត្តត្រឡប់មកប្រទេសកំណើតវិញ ដោយសារតែជីវភាពខ្វះខាត និងគ្មានលទ្ធភាពសងបំណុលគេ។ ការអះអាងនេះ ស្របពេលពលករខ្មែរសរុបជាង៣០ម៉ឺននាក់បានសម្រុកចេញពីប្រទេសថៃត្រឡប់មកមាតុភូមិវិញ បន្ទាប់ពីមានជម្លោះព្រំដែនកម្ពុជា-ថៃ ។ https://www.facebook.com/photo?fbid=1229522192550240&set=a.492095336292933
គណៈកម្មាធិការសិទ្ធិមនុស្សកម្ពុជាស្នើអង្គការអន្តរជាតិនានាអន្តរាគមន៍ជួយទាហានខ្មែរទាំង១៨រូបដែលត្រូវថៃចាប់ខ្លួន។ មន្ត្រីជាន់ខ្ពស់គណៈកម្មាធិការសិទ្ធិមនុស្សកម្ពុជា បង្ហាញក្ដីសង្ឃឹមថា សុខភាពទាហានខ្មែរទាំង១៨រូបនឹងល្អប្រសើរហើយ ពួកគេនឹងត្រូវបានដោះលែងមកវិញឆាប់ៗ។ https://www.facebook.com/photo?fbid=1229523542550105&set=a.492095336292933
ប្រធានអាស៊ាន លោក អាន់វ៉ា អ៊ីប្រាហ៊ីម មានប្រសាសន៍ថា ផ្កាយរណបនឹងត្រូវបានប្រើប្រាស់ ដើម្បីត្រួតពិនិត្យឃ្លាំមើលនៅលើសមរភូមិព្រំដែនពីចម្ងាយ ដោយអនុព័ន្ធការពាររបស់ប្រទេសម៉ាឡេស៊ី និងសមភាគីអាស៊ាន ។ https://www.facebook.com/photo?fbid=1229527995882993&set=a.492095336292933
តំណាងម្ចាស់អាជីវកម្មនៅកម្ពុជាបានប្តេជ្ញារំលាយកិច្ចសន្យាប្រេនPTTទាំងអស់របស់ថៃ ឱ្យ​ទៅជាយីហោខ្មែរទូទាំង​​២៥​​ខេត្ត-ក្រុង ដើម្បីលើកស្ទួយផលិតផលក្នុងស្រុក ខណៈម្ចាស់ហាង និងបុគ្គលិកជាច្រើនពាន់នាក់កំពុងប្រឈមធ្លាក់ចុះប្រាក់ចំណូល បាត់បង់ការងារ ដោយសារ​សកម្មភាពពហិការមិនប្រើផលិតផលនាំចូលពីប្រទេសថៃ។ https://www.facebook.com/photo?fbid=1230100369159089&set=a.492095336292933
លោក ឃុន ថងឌី មេដឹកនាំបក្សដំណើរឆ្ពោះទៅមុខ ដែលភាគច្រើនគេស្គាល់លោកជាអ្នកបង្កើតមាតិកានិយាយពីប្រវត្តិសាស្រ្ត និងជាអ្នករិះគន់ច្បាប់ដកសញ្ជាតិ ត្រូវឃុំខ្លួនក្នុងពន្ធនាគារព្រៃស ពីបទ «ញុះញង់»។ យ៉ាងណាការឃុំខ្លួនមេបក្សរូបនេះ ត្រូវបានសហការីលោក និងអង្គការឃ្លាំមើលសិទ្ធិមនុស្ស អះអាងថា លោក ឃុន ថងឌី បាននិយាយធ្វើឱ្យប៉ះពាល់ដល់នយោបាយកាទូត ក្នុងពេលកម្ពុជា និងថៃ កំពុងមានជម្លោះព្រំដែន។ https://www.facebook.com/photo?fbid=1230141852488274&set=a.492095336292933
ក្រោយ​ពេល​ចូលជួប​ជាមួយ​ទាហាន​កម្ពុជា ១៨ រូប​ដែល​ស្ថិត​ក្រោម​ការ​ឃុំ​ឃាំង​របស់​ថៃ កាល​ពី​ថ្ងទី៥ សីហា គណៈកម្មាធិការអន្តរជាតិនៃកាកបាទក្រហម (ICRC) បាន​ថ្លែង​ថា ខ្លួន​មិន​អាច​បង្ហាញ​អំពី​អ្វី​ដែល​ខ្លួន​បាន​រក​ឃើញ ឬ ការ​ឃ្លាំង​មើល​នោះ​ទេ។
ICRC ប្រចាំ​ប្រទេស​ថៃ បាន​ថ្លែង​ថា៖ «គោលការណ៍នេះគឺជាមូលដ្ឋានគ្រឹះនៃការងាររបស់យើង ដែលមានសារៈសំខាន់សម្រាប់ធានាសុវត្ថិភាពរបស់ប្រជាជនដែលយើងជួយ បុគ្គលិករបស់យើង និងការ​ទទួល​បាន​ការ​អនុញ្ញាត​ចូលជាបន្ត​ទៀត​ដែលយើងត្រូវការដើម្បីបំពេញបេសកកម្មរបស់យើង»។ https://www.facebook.com/photo?fbid=1230150029154123&set=a.492095336292933