ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រុមអ្នកជំនាញគ្រាប់បែកទម្លាក់មកពីមជ្ឈមណ្ឌលសកម្មភាពកំចាត់មីនកម្ពុជា (ស៊ីម៉ាក់) បានសង្ស័យថា គ្រាប់បែក MK-84 ដែលថៃប្រើដើម្បីវាយប្រហារទីតាំងក្នុងខេត្តឧត្តរមានជ័យ ប្រហែលជាត្រូវបានផលិតនៅប្រទេសអ៊ីស្រាអែល ដែលមានអត្តសញ្ញាណគ្រាប់បែកនោះមានលេខ Lot No. IMI 96G015-11 ហើយផលិតក្នុងឆ្នាំ១៩៩៦។ ដូច្នេះមានន័យថា វាមិនមែនជាសំណល់គ្រាប់បែកដែលបន្សល់ពីសម័យសង្គ្រាមស៊ីវិលឡើយ។ https://www.facebook.com/photo?fbid=1229339772568482&set=a.492095336292933
ពលករខ្មែរនៅថៃមួយចំនួនអះអាងថាមិនទាន់សម្រេចចិត្តត្រឡប់មកប្រទេសកំណើតវិញ ដោយសារតែជីវភាពខ្វះខាត និងគ្មានលទ្ធភាពសងបំណុលគេ។ ការអះអាងនេះ ស្របពេលពលករខ្មែរសរុបជាង៣០ម៉ឺននាក់បានសម្រុកចេញពីប្រទេសថៃត្រឡប់មកមាតុភូមិវិញ បន្ទាប់ពីមានជម្លោះព្រំដែនកម្ពុជា-ថៃ ។ https://www.facebook.com/photo?fbid=1229522192550240&set=a.492095336292933
គណៈកម្មាធិការសិទ្ធិមនុស្សកម្ពុជាស្នើអង្គការអន្តរជាតិនានាអន្តរាគមន៍ជួយទាហានខ្មែរទាំង១៨រូបដែលត្រូវថៃចាប់ខ្លួន។ មន្ត្រីជាន់ខ្ពស់គណៈកម្មាធិការសិទ្ធិមនុស្សកម្ពុជា បង្ហាញក្ដីសង្ឃឹមថា សុខភាពទាហានខ្មែរទាំង១៨រូបនឹងល្អប្រសើរហើយ ពួកគេនឹងត្រូវបានដោះលែងមកវិញឆាប់ៗ។ https://www.facebook.com/photo?fbid=1229523542550105&set=a.492095336292933
ប្រធានអាស៊ាន លោក អាន់វ៉ា អ៊ីប្រាហ៊ីម មានប្រសាសន៍ថា ផ្កាយរណបនឹងត្រូវបានប្រើប្រាស់ ដើម្បីត្រួតពិនិត្យឃ្លាំមើលនៅលើសមរភូមិព្រំដែនពីចម្ងាយ ដោយអនុព័ន្ធការពាររបស់ប្រទេសម៉ាឡេស៊ី និងសមភាគីអាស៊ាន ។ https://www.facebook.com/photo?fbid=1229527995882993&set=a.492095336292933
តំណាងម្ចាស់អាជីវកម្មនៅកម្ពុជាបានប្តេជ្ញារំលាយកិច្ចសន្យាប្រេនPTTទាំងអស់របស់ថៃ ឱ្យ​ទៅជាយីហោខ្មែរទូទាំង​​២៥​​ខេត្ត-ក្រុង ដើម្បីលើកស្ទួយផលិតផលក្នុងស្រុក ខណៈម្ចាស់ហាង និងបុគ្គលិកជាច្រើនពាន់នាក់កំពុងប្រឈមធ្លាក់ចុះប្រាក់ចំណូល បាត់បង់ការងារ ដោយសារ​សកម្មភាពពហិការមិនប្រើផលិតផលនាំចូលពីប្រទេសថៃ។ https://www.facebook.com/photo?fbid=1230100369159089&set=a.492095336292933
លោក ឃុន ថងឌី មេដឹកនាំបក្សដំណើរឆ្ពោះទៅមុខ ដែលភាគច្រើនគេស្គាល់លោកជាអ្នកបង្កើតមាតិកានិយាយពីប្រវត្តិសាស្រ្ត និងជាអ្នករិះគន់ច្បាប់ដកសញ្ជាតិ ត្រូវឃុំខ្លួនក្នុងពន្ធនាគារព្រៃស ពីបទ «ញុះញង់»។ យ៉ាងណាការឃុំខ្លួនមេបក្សរូបនេះ ត្រូវបានសហការីលោក និងអង្គការឃ្លាំមើលសិទ្ធិមនុស្ស អះអាងថា លោក ឃុន ថងឌី បាននិយាយធ្វើឱ្យប៉ះពាល់ដល់នយោបាយកាទូត ក្នុងពេលកម្ពុជា និងថៃ កំពុងមានជម្លោះព្រំដែន។ https://www.facebook.com/photo?fbid=1230141852488274&set=a.492095336292933
ក្រោយ​ពេល​ចូលជួប​ជាមួយ​ទាហាន​កម្ពុជា ១៨ រូប​ដែល​ស្ថិត​ក្រោម​ការ​ឃុំ​ឃាំង​របស់​ថៃ កាល​ពី​ថ្ងទី៥ សីហា គណៈកម្មាធិការអន្តរជាតិនៃកាកបាទក្រហម (ICRC) បាន​ថ្លែង​ថា ខ្លួន​មិន​អាច​បង្ហាញ​អំពី​អ្វី​ដែល​ខ្លួន​បាន​រក​ឃើញ ឬ ការ​ឃ្លាំង​មើល​នោះ​ទេ។
ICRC ប្រចាំ​ប្រទេស​ថៃ បាន​ថ្លែង​ថា៖ «គោលការណ៍នេះគឺជាមូលដ្ឋានគ្រឹះនៃការងាររបស់យើង ដែលមានសារៈសំខាន់សម្រាប់ធានាសុវត្ថិភាពរបស់ប្រជាជនដែលយើងជួយ បុគ្គលិករបស់យើង និងការ​ទទួល​បាន​ការ​អនុញ្ញាត​ចូលជាបន្ត​ទៀត​ដែលយើងត្រូវការដើម្បីបំពេញបេសកកម្មរបស់យើង»។ https://www.facebook.com/photo?fbid=1230150029154123&set=a.492095336292933
ស្ថានទូតជប៉ុនប្រចាំកម្ពុជា បានចេញមកច្រានចោល ពាក្យចចាមអារ៉ាម ដែលថា​រដ្ឋាភិបាល​ជប៉ុន នឹងផ្តល់ដ្រូនចម្បាំងដល់ប្រទេសថៃ។ ស្ថានទូតជប៉ុនប្រចាំកម្ពុជា តាម​រយៈទំព័រហ្វេសប៊ុកនៅព្រឹកថ្ងៃទី៦សីហានេះ អះអាង​ថា ពាក្យចចាមអារ៉ាមនេះ ជា​រឿង​មិន​ពិត​នោះទេ។ ​ស្ថានទូត​ជប៉ុន បានសរសេរលើបណ្ដាញសង្គមខ្លួន ​ដូច្នេះ ៖ «រដ្ឋាភិបាល​ជប៉ុន ពុំដែលមានគម្រោងផ្តល់គ្រឿងយន្តបែបនេះ ដល់ប្រទេសថៃ ហើយក៏មិនធ្លាប់បាន​ទទួលសំណើបែបនេះពីប្រទេសថៃដែរ»។ https://www.facebook.com/photo?fbid=1230280869141039&set=a.492095336292933
សាលាដំបូងខេត្តកំពង់ស្ពឺបានកាត់ទោសឪពុករបស់អ្នកអធិប្បាយនយោបាយដែលកំពុងនិរទេសខ្លួនទៅក្រៅប្រទេសលោក ស៊ន តារា គឺលោក សុខ ស៊ុនណារ៉េត ឱ្យជាប់ពន្ធនាគារ ៤ឆ្នាំ ពាក់ព័ន្ធរឿងគ្រឿងញៀន ក្រោយពីតុលាការបានបើកសវនាការកាលពីថ្ងៃទី៩ ខែកក្កដា ឆ្នាំ២០២៥។ https://www.facebook.com/photo?fbid=1230284382474021&set=a.492095336292933
ក្រុមនិស្សិត និងបញ្ញវន្តខ្មែរជិត២០០០នាក់បានដាក់ញត្តិស្នើទៅស្ថានទូតធំៗនៅកម្ពុជា ដើម្បីជំរុញឱ្យថៃដោះលែងកងទ័ពខ្មែរទាំង១៨រូប។ ការដាក់ញត្តិនេះធ្វើឡើងក្រោយថៃបានចាប់ និងគ្រប់គ្រងកងទ័ពខ្មែរ ដោយមិនព្រមបញ្ជូនឱ្យកម្ពុជាវិញជិត១០ថ្ងៃមកនេះ។ https://www.facebook.com/photo/?fbid=1230372249131901&set=a.492095336292933
សមត្ថកិច្ចកម្ពុជាចាប់បានសាច់បង្កកទម្ងន់ជិត ៧តោនដែលគ្មានប្រភពច្បាស់លាស់ និងនាំចូលមកកម្ពុជាដោយខុសលក្ខណៈបច្ចេកទេសត្រឹមត្រូវ។ នេះបើតាមការឱ្យដឹងពីលោក ហ៊ុន សារ៉ាត់ អនុប្រធានអគ្គនាយកដ្ឋានសុខភាពសត្វ និងផលិតកម្មសត្វ នៅថ្ងៃទី៦ ខែសីហា ឆ្នាំ២០២៥។ យ៉ាងណាមិញ រូបភាពនៃការនាំចូលសាច់បង្កកតែងមានជាហូរហែ ក្នុងនោះសាច់ដែលចាប់បានភាគច្រើនគឺត្រូវបានដឹកចេញពីប្រទេសវៀតណាម។ https://web.facebook.com/photo/?fbid=1230939749075151&set=a.492095336292933
អាជ្ញាធរមីនកម្ពុជា ស្នើ​សុំអង្គការ​ជំនួយ​របស់​ប្រជាពលរដ្ឋន័រវេស ​(Norwegian People’s Aid) ជួយធ្វើ​យុទ្ធនាការជាសកលដើម្បី​ប្រយុទ្ធ​ប្រឆាំង​នឹង​ការ​ប្រើប្រាស់​គ្រាប់បែក​ចង្កោម​របស់​យោធា​ថៃមកលើកម្ពុជា ខណៈប្រភេទគ្រាប់នេះបានបង្កនូវផលប៉ះពាល់យ៉ាងធ្ងន់ធ្ងរដល់អាយុជីវិតប្រជាជនកម្ពុជាទាំងចាស់ ទាំងក្មេង។ ការសុំបែបនេះ ធ្វើឡើងក្នុងជំនួបរវាងលោក លី ធុជ អនុប្រធានទី១ នៃអាជ្ញាធរមីន ជាមួយលោក Hans Risser​ នាយក​​អង្គការ​ជំនួយរបស់ប្រជាពលរដ្ឋន័រវេស (NPA) ប្រចាំ​កម្ពុជា បានពិភាក្សាការងារ​គ្នា នៅថ្ងៃទី៦ ខែសីហា ឆ្នាំ២០២៥។ https://web.facebook.com/photo?fbid=1230945335741259&set=a.492095336292933
សហរដ្ឋអាមេរិកបាន​សន្យាផ្តល់ការគាំទ្របច្ចេកទេសសម្រាប់ការអនុវត្តបទឈប់បាញ់ជាអចិន្ត្រៃយ៍រវាង​កម្ពុជា​និងថៃ​ រួមទាំងតាមរយៈការត្រួតពិនិត្យ ខណៈ​ដែល​កិច្ចប្រជុំពិសេសនៃគណៈកម្មាធិការព្រំដែនទូទៅ (GBC) ដែលកំពុងប្រព្រឹត្តទៅនៅ​ប្រទេស​ម៉ាឡេស៊ី នៅថ្ងៃនេះ ត្រូវ​បានរំពឹង​ថា​នឹង​មាន​លទ្ធផល។ https://web.facebook.com/photo?fbid=1230952939073832&set=a.492095336292933
ស្ថានទូតចិនប្រចាំប្រទេសថៃបានច្រានចោលការរាយការណ៍របស់សារព័ត៌មាននាពេលថ្មីៗនេះ ដែលអះអាងថា ប្រទេសចិនបានបរិច្ចាគយន្តហោះគ្មានមនុស្សបើក (ដ្រូន) ដល់កម្ពុជាសម្រាប់ប្រតិបត្តិការតាមព្រំដែន ដោយអ្នកនាំពាក្យរបស់ស្ថានទូតបានបំភ្លឺថា រូបភាពដែលផ្សព្វផ្សាយតាមអ៊ីនធឺណិតគឺជារូបភាពនៃការបង្ហាញពីសមត្ថភាពហោះហើររបស់ដ្រូនកាលពីខែមករា ឆ្នាំ២០២៤ និងមិនទាក់ទងនឹងភាពតានតឹងបច្ចុប្បន្ននោះទេ។ https://web.facebook.com/photo/?fbid=1230959962406463&set=a.492095336292933
កូន​សិស្សជាង​១៥ម៉ឺន​នាក់​មិន​អាច​ចូល​រៀន​​បាន​ទេ ​ដោយសារ​សាលា​ជា​ច្រើន​​នៅ​បន្ត​បិទទ្វារ​ ហើយ​ប្រជា​ពល​រដ្ឋ​ជា​ច្រើន​កំពុង​រស់​នៅ​ក្នុង​ទីតាំងភៀស​សឹក បើទោះ​បីជាមាន​​បទឈប់​បាញ់​ ក្រោយ​កម្ពុជា-​ថៃ​បាន​ផ្ទុះ​អាវុធ​ដាក់​គ្នា​នៅ​តាម​ព្រំ​ដែន​​ចំនួន​ប្រាំថ្ងៃ​។​​ https://www.facebook.com/photo/?fbid=1231022125733580&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៧ ខែសីហា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ ការយកចិត្តទុកដាក់ក្នុងការដោះស្រាយបញ្ហារំលោភបំពានលើស្ត្រី និងក្មេងស្រី
វាគ្មិនកិត្តិយស :
១. លោកស្រី រ៉ន ស្រីម៉ុច មន្ត្រីអង្កេត និងអន្តរាគមន៍ករណីជួញដូរនៃសមាគមអាដហុក
២. កញ្ញា សារ៉ុន រ៉ុងសៃ យុវជនសកម្មក្នុងកិច្ចការងារសង្គម
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយhttps://www.facebook.com/watch/live/?ref=watch_permalink&v=1683150199031577
សាលាដំបូងរាជធានីភ្នំពេញ នៅថ្ងៃព្រហស្បតិ៍ទី៧សីហានេះ បានបើកសវនាការកោះហៅអនុប្រធានគណបក្សភ្លើងទៀន លោក ថាច់ សេដ្ឋា ឲ្យចូលបំភ្លឺលើសំណុំរឿងថ្មីមួយទៀត ដែលទាំងមេធាវី និងសាច់ញាតិរបស់អ្នកនយោបាជំទាស់រូបនេះ មិនទាន់ដឹងច្បាស់នៅឡើយ។ ទោះយ៉ាងណា មន្ត្រីជាន់ខ្ពស់បក្សភ្លើងទៀន និងមេធាវីការពារក្តី​ យល់ថា លោក ថាច់ សេដ្ឋា អាចប្រឈមនឹងបទចោទប្រកាន់ថ្មីបន្ថែមទៀត ក្រោយការចូលបំភ្លឺនៅសាលាដំបូងនាព្រឹកនេះ។ https://www.facebook.com/photo/?fbid=1231085655727227&set=a.492095336292933
ក្រសួងការពារជាតិកម្ពុជា បញ្ជាក់ក្នុងសេចក្ដីប្រកាសព័ត៌មានរបស់ខ្លួនដោយកត់សម្គាល់ថា កិច្ចប្រជុំគណៈកម្មាធិការកិច្ចការព្រំដែនទូទៅ នៅប្រទេសម៉ាឡេស៊ី ដែលដឹកនាំដោយ នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិកម្ពុជា និងលោក ណាត់ថាក់ផុន ណាកផានីត រដ្ឋមន្រ្តីស្តីទី ក្រសួងការពារជាតិ នៃព្រះរាជាណាចក្រថៃ បានប្រព្រឹត្តទៅក្នុងបរិយាកាសស្ថាបនា និងវិជ្ជមាន ។ https://www.facebook.com/photo?fbid=1231160155719777&set=a.492095336292933
អ្នកឃ្លាំមើលបញ្ហាភូមិសាស្ត្រនយោបាយលើកឡើងថា ទំនាក់ទំនងកិច្ចសហប្រតិបត្តិការលើវិស័យយោធាកម្ពុជានិងអាមេរិក កំពុងដើរទៅរកភាពល្អប្រសើរឡើងវិញ បន្ទាប់ពីសហរដ្ឋអាមេរិកចេញមុខអន្តរាគមន៍ឱ្យមានបទឈប់បាញ់នៃជម្លោះព្រំដែនកម្ពុជា-ថៃ និងការបង្ហាញជំហរគាំទ្រតាមរយៈការរៀបចំផែនការយោធា និងការគាំទ្រផ្នែកបច្ចេកទេស ដើម្បីរក្សាសន្តិភាព។ https://www.facebook.com/photo?fbid=1231164035719389&set=a.492095336292933
រំលោភបំពានលើស្ត្រី និងក្មេងស្រី
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី០៨ ខែសីហា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ ការយកចិត្តទុកដាក់ក្នុងការដោះស្រាយបញ្ហារំលោភបំពានលើស្ត្រី និងក្មេងស្រី
វាគ្មិនកិត្តិយស :
១. លោកស្រី រ៉ន ស្រីម៉ុច មន្ត្រីអង្កេត និងអន្តរាគមន៍ករណីជួញដូរនៃសមាគមអាដហុក
២. កញ្ញា សារ៉ុន រ៉ុងសៃ យុវជនសកម្មក្នុងកិច្ចការងារសង្គម
អ្នកសម្របសម្រួល៖ កញ្ញា ស្រ៊ី លីដា https://www.facebook.com/comfrel.org/videos/716889787823967