ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
សាលាឧទ្ធរណ៍ភ្នំពេញបានប្រកាសសាលដីការ​តម្កល់​ការ​សម្រេច​របស់​សាលា​ដំបូង​ខេត្ត​កំពង់​ឆ្នាំង​ ដែល​ផ្ដន្ទាទោស​ប្រជាសហគមន៍ឡពាង ខេត្តកំពង់ឆ្នាំងចំនួន៥នាក់ក្រោមបទចោទ «ហិង្សាដោយចេតនាមានស្ថានទម្ងន់ទោស» និងបទ «ធ្វើឱ្យខូចខាតដោយចេតនាមានស្ថានទម្ងន់ទោស» ដែលប្ដឹងដោយក្រុមហ៊ុន ខេ.ឌី.ស៊ី (KDC)។សាលដីកានេះត្រូវបានប្រកាសកាលពីថ្ងៃទី១២ខែកញ្ញាឆ្នាំ២០២៥។ https://www.facebook.com/photo/?fbid=1265003012335491&set=a.492095336292933
អ្នកនាំពាក្យក្រសួងការពារជាតិកម្ពុជា លោកស្រី ម៉ាលីសុជាតា បានប្រតិកម្មភ្លាមៗ ជាមួយនឹងការទាត់ចោលការចោទប្រកាន់ពីសំណាក់ភាគីថៃថា កម្ពុជាបានបង្ហោះដូ្រនចូលទឹកដីថៃ។ មន្ត្រីនាំពាក្យរូបនេះ យល់ឃើញថា ពាក្យសម្តីចោទប្រកាន់របស់ថៃដដែលៗបែបនេះបានប៉ះពាល់យ៉ាងខ្លាំងដល់ការជឿទុកចិត្តគ្នាទៅវិញទៅមក។ អ្នកវិភាគជឿថា ថៃកំពុងប្រើប្រាស់ការចោទប្រកាន់ដើម្បីការពារទង្វើអាក្រក់របស់ខ្លួន ដែលបន្តឈ្លានពានកម្ពុជា ទោះបីមានបទឈប់បាញ់យ៉ាងណាក្តី។ https://www.facebook.com/photo/?fbid=1265016542334138&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្គារ៍ ថ្ងៃទី១៦ ខែកញ្ញា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ទិវាប្រជាធិបតេយ្យអន្តរជាតិ
វាគ្មិនកិត្តិយស៖
- លោក នី សុខា ប្រធានសមាគមអាដហុក
- បណ្ឌិត ប៉ា ចន្ទរឿន ប្រធានវិទ្យាស្ថានប្រជាធិបតេយ្យកម្ពុជា(CID)
សម្របសម្រួលដោយ៖ កញ្ញា ស៊ិន រតនា
==========================https://www.facebook.com/comfrel.org/videos/1403868994044839
រដ្ឋបាលជលផលកំពុងជំរុញធុរកិច្ចកម្ពុជាឱ្យប្រកាន់យកស្លាក «ផលិតនៅកម្ពុជា» ដើម្បីការពារវិស័យជលផលរបស់ប្រទេសពីការលួចប្រើប្រាស់ ពង្រឹងអត្តសញ្ញាណផលិតផល និងជំរុញការជឿទុកចិត្តលើទីផ្សារទាំងក្នុងស្រុក និងអន្តរជាតិ តាមរយៈគម្រោងបញ្ជាក់គុណភាពសុវត្ថិភាព។​ https://www.facebook.com/photo/?fbid=1265751828927276&set=a.492095336292933
នៅថ្ងៃទី១៥ កញ្ញានេះ ថ្នាក់ដឹកនាំ និងតំណាងនៃអង្គការសង្គមស៊ីវិលមួយចំនួន រួមទាំងអ្នកសិក្សាស្រាវជ្រាវ និងអ្នកច្បាប់បានជួបជជែកគ្នាជុំវិញការអនុវត្តលទ្ធិប្រជាធិបតេយ្យនៅកម្ពុជា និងការយល់ដឹងរបស់ពលរដ្ឋខ្មែរស្តីពីដំណើរការប្រជាធិបតេយ្យ។ មន្ត្រីសង្គមស៊ីវិលខ្លះថ្លែងថា ដំណើរការប្រជាធិបតេយ្យនៅកម្ពុជាមិនទាន់មានភាពប្រសើរនៅឡើយ ខណៈពលរដ្ឋជាច្រើនហាក់គ្មានឆន្ទៈតាមដានការបំពេញការងាររបស់មន្ត្រីអនុវត្តច្បាប់ ឬចំណុចខ្វះខាតរបស់រដ្ឋាភិបាល។ https://www.facebook.com/photo/?fbid=1265755988926860&set=a.492095336292933
នៅថ្ងៃទី១៥ ខែកញ្ញា ឆ្នាំ២០២៥ រដ្ឋសភាកម្ពុជាបានអនុម័តលើសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងបន្ថែមលើសន្ធិសញ្ញាស្តីពីតំបន់អាស៊ី-អាគ្នេយ៍គ្មានអាវុធនុយក្លេអ៊ែរដើម្បីលើកកម្ពស់សន្តិភាព សន្តិសុខតំបន់ និងសកលលោក។ តាមរដ្ឋសភាកម្ពុជា សេចក្តីព្រាងច្បាប់នេះនឹងក្លាយជាឧបករណ៍ច្បាប់ដែលនាំឱ្យតំបន់អាស៊ីអាគ្នេយ៍គ្មានអាវុធនុយក្លេអ៊ែរ និងគ្មានអាវុធប្រល័យលោក។ https://www.facebook.com/photo/?fbid=1265759265593199&set=a.492095336292933
ប្រទេសចិនជាមិត្តដែលតែងឈរប្រកៀកស្មាកម្ពុជា មិនថានៅក្នុងស្ថានភាពងងឹត តាមរយៈការផ្តល់ជំនួយសុខាភិបាលជារឿយៗដល់មាតា និងទារកនៅកម្ពុជា។ នេះជាការលើកឡើងរបស់លោកស្រី ឱ វ៉ាន់ឌីន រដ្ឋលេខាធិការក្រសួងសុខាភិបាលកម្ពុជាក្នុងវេទិកាមួយនៅទីក្រុងណាននីង ប្រទេសចិននាថ្ងៃទី១៥ ខែកញ្ញា ឆ្នាំ២០២៥។ មន្ត្រីជាន់ខ្ពស់ក្រសួងសុខាភិបាលរូបនេះលើកឡើងថា កម្ពុជាមានជំហររួមគ្នាជាមួយចិនដើម្បីធានាថា មាតា និងទារកខ្មែរគ្រប់រូបទទួលបានការថែទាំប្រកបដោយគុណភាព និងការយកចិត្តទុកដាក់។ https://www.facebook.com/photo/?fbid=1265919248910534&set=a.492095336292933
កម្ពុជាកំពុងស្វែងរក និងជំរុញវិនិយោគិនវៀតណាមឱ្យមកបណ្តាក់ទុនក្នុងវិស័យចម្បងមួយចំនួននៅកម្ពុជា។ នេះបើតាមកាសែតក្នុងស្រុកវៀតណាម VN Economy ចេញផ្សាយក្នុងថ្ងៃទី១៦ ខែកញ្ញា ឆ្នាំ២០២៥នេះ។ ការជំរុញធុរកិច្ចជនវៀតណាមនៅកម្ពុជាដូចនេះធ្វើឡើងនៅក្នុងសន្និសីទស្តីពីការតភ្ជាប់សហគ្រាស ផលិតកម្ម ចែកចាយ និងភស្តុភាររវាងវៀតណាម និងកម្ពុជាដើម្បីរួមចំណែកក្នុងការបង្កើនទំហំពាណិជ្ជកម្មទ្វេភាគីចំនួន ២០ពាន់លានដុល្លារនៅត្រឹមឆ្នាំ ២០៣០។ https://www.facebook.com/photo/?fbid=1265920198910439&set=a.492095336292933
ជួបគ្នាល្ងាចជាមួយកម្មវិធី «សភា រដ្ឋាភិបាល និងអភិបាលកិច្ច»
នៃការផ្សាយសំឡេងសង្គមស៊ីវិល (VoC)
សហការជាមួយអង្គការសម្ព័ន្ធភាពជាដៃគូរដើម្បី
ការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD)

ប្រធានបទ ៖ ការវិភាជថវិកាសម្រាប់ការអនុវត្តប្រព័ន្ធអត្រានុកូលដ្ឋាននៅរដ្ឋបាលថ្នាក់ក្រោមជាតិ
កាលបរិច្ឆេទ ៖ ថ្ងៃទី១៧ ខែកញ្ញា ឆ្នាំ២០២៥ (៤:០០ ដល់ ៥:០០ ល្ងាច)

លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo/?fbid=1266660412169751&set=a.492095336292933
ស៊ីក្លូគឺជាមធ្យោបាយធ្វើដំណើរសម្រាប់មនុស្សរាប់ទសវត្សមកហើយ ក៏ប៉ុន្តែនាពេលបច្ចុប្បន្ននេះ ការនិយមប្រើស៊ីក្លូកំពុងប្រឈមនឹងការបាត់បង់ពីប្រទេសកម្ពុជា ដោយសារតែការរីកចម្រើននៃមធ្យោបាយធ្វើដំណើរបែបទំនើប។ https://www.facebook.com/photo/?fbid=1266722152163577&set=a.492095336292933
ប្រាក់ឈ្នួលអប្បបរមាសម្រាប់ឆ្នាំ២០២៦ សម្រាប់កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប ត្រូវបានតម្លើងពី២០៨$ ដល់ ២១០$។ យោងតាមនាយករដ្ឋមន្ត្រី ហ៊ុន ម៉ាណែត។ https://www.facebook.com/photo?fbid=1266631055506020&set=a.492095336292933
អ្នកនាំពាក្យសាលាខេត្តស្ទឹងត្រែង លោក ម៉ែន គុង បានឲ្យដឹងនៅថ្ងៃអង្គារ ទី១៦ ខែកញ្ញា ឆ្នាំ២០២៥ ថា កម្រិតទឹកជំនន់នៅក្នុងខេត្តស្ទឹងត្រែងកំពុងស្ថិតក្នុងស្ថានភាពអាចគ្រប់គ្រងបាន ទោះបីមានផលប៉ះពាល់មួយចំនួនលើដីបង្កបង្កើនផលកសិកម្មរបស់ពលរដ្ឋក្តី។ បើតាមលោក ម៉ែន គុង អាជ្ញាធរខេត្តបានអន្តរាគមន៍ និងផ្តល់ស្បៀងអាហារដល់ប្រជាពលរដ្ឋដែលរងផលប៉ះពាល់ពីទឹកជំនន់នេះ។ គិតត្រឹមថ្ងៃទី១៦ ខែកញ្ញានេះ កម្រិតទឹកជំនន់នៅក្នុងខេត្តស្ទឹងត្រែងនៅមិនទាន់មានសភាពអាក្រក់ ឬប្រកាសអាសន្ននៅឡើយទេ។ https://www.facebook.com/photo?fbid=1266633022172490&set=a.492095336292933
នៅថ្ងៃទី១៥​ ខែ​កញ្ញា​ ឆ្នាំ២០២៥​ សមត្ថ​កិច្ច​​ក្រុង​ភ្នំពេញ​បាន​ឃាត់​ខ្លួ​ន​ជន​ជាតិ​ខ្មែរ​ និង​បរទេស​ជិត​ ៥០​នាក់ ​ ដែលជាប់​ពាក់​ព័ន្ធ​នឹង​បទ​ល្មើស​ឆបោក​​អន​ឡាញ​។​ តាម​រដ្ឋ​បាល​ក្រុងភ្នំពេញ ជន​ល្មើសដែលប្រព្រឹត្ត​សកម្ម​ភាព​ឆបោកទាំងជិត ៥០នាក់​ត្រូវ​បាននាំ​ខ្លួន​ទៅ​ស្នង​ការរាជធានីភ្នំពេញ​ ​ដើម្បីអនុវត្ត​នីតិ​វិធី​បន្ត​។​ https://www.facebook.com/photo?fbid=1266633892172403&set=a.492095336292933
Forwarded from Comfrel Adminlive
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី១៧ ខែកញ្ញា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច» សហការជាមួយអង្គការសម្ព័ន្ធភាពជាដៃគូរដើម្បី
ការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD)
==========================
ប្រធានបទ៖ ការវិភាជថវិកាសម្រាប់ការអនុវត្តប្រព័ន្ធអត្រានុកូលដ្ឋាននៅរដ្ឋបាលថ្នាក់ក្រោមជាតិ
វាគ្មិនកិត្តិយស៖
- លោក យឹម សំអុល អនុប្រធាននាយកដ្ឋានអត្តសញ្ញាណកម្ម នៃក្រសួងមហាផ្ទៃ
- លោកបណ្ឌិត ច័ន្ទ សុផល នាយកនៃមជ្ឈមណ្ឌលសិក្សាគោលនយោបាយ (CPS)
- លោក សុន ពេញ នាយកប្រតិបត្តិ នៃសម្ព័ន្ធភាព CPDD
អ្នកសម្របសម្រួលដោយ៖ លោកស្រី យ៉ឹង នីម
==========================
កម្មវិធីសូមស្វាគមន៍ដោយរីករាយ ​ https://www.facebook.com/watch/live/?ref=watch_permalink&v=1453012399151284
ប្រជាពលរដ្ឋខ្មែរប្រមាណជាង២០០នាក់ នៅភូមិព្រៃចាន់ ឃុំអូរបីជាន់ ស្រុកអូរជ្រៅ ខេត្តបន្ទាយមានជ័យបានចេញតវ៉ាជាថ្មីចំពោះទង្វើរបស់ទាហានថៃដែលចូលមកលុកលុយនិងរាយលួសបន្លាទន្ទា្រនយកដីខ្មែរ។ប៉ុន្តែការតវ៉ានោះបានរំសាយទៅវិញនៅព្រលប់ថ្ងៃទី១៦ ខែកញ្ញា ក្រោយអាជ្ញាធរកម្ពុជា និងអាជ្ញាធរថៃ បានសម្របសម្រួលឱ្យទាហានថៃដកថយ​ពីទីតំាងទំនាស់ ដើម្បីទុកឱ្យថ្នាក់ដឹកនាំខេត្តជាប់ព្រំដែននៃប្រទេសទាំង២ប្រជុំដោះស្រាយ។ https://www.facebook.com/photo/?fbid=1266811052154687&set=a.492095336292933
អ្នកឃ្លាំមើលនៅកម្ពុជា បង្ហាញក្ដីបារម្ភចំពោះបញ្ហាអសន្តិសុខ ដែលបង្កដោយការផ្ទុះអាវុធដាក់គ្នាពីសំណាក់ជនបរទេសនៅកម្ពុជា។ ពួកគេទទូចឱ្យរាជរដ្ឋាភិបាល ចាត់វិធានការម៉ឺងម៉ាត់គ្រប់គ្រងអាវុធឱ្យមានប្រសិទ្ធិភាពនិងត្រូវស្វែងរកប្រភពអាវុធដែលជនសង្ស័យយកមកប្រើដោយខុសច្បាប់ដើម្បីបញ្ចៀសបាតុភាពផ្សេងៗដែលនាំឱ្យខូចខាតចំពោះអាយុជីវិតពលរដ្ឋនិងប៉ះពាល់សន្តិសុខសង្គម។ https://www.facebook.com/photo/?fbid=1266816708820788&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៨ ខែកញ្ញា ឆ្នាំ២០២៥
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច» សហការជាមួយអង្គការសម្ព័ន្ធភាពជាដៃគូរដើម្បី
ការអភិវឌ្ឍតាមបែបប្រជាធិបតេយ្យ (សម្ព័ន្ធភាព CPDD)
==========================
ប្រធានបទ៖ ការវិភាជថវិកាសម្រាប់ការអនុវត្តប្រព័ន្ធអត្រានុកូលដ្ឋាននៅរដ្ឋបាលថ្នាក់ក្រោមជាតិ
វាគ្មិនកិត្តិយស៖
- លោក យឹម សំអុល អនុប្រធាននាយកដ្ឋានអត្តសញ្ញាណកម្ម នៃក្រសួងមហាផ្ទៃ
- លោកបណ្ឌិត ច័ន្ទ សុផល នាយកនៃមជ្ឈមណ្ឌលសិក្សាគោលនយោបាយ (CPS)
- លោក សុន ពេញ នាយកប្រតិបត្តិ នៃសម្ព័ន្ធភាព CPDD
អ្នកសម្របសម្រួលដោយ៖ លោកស្រី យ៉ឹង នីម https://www.facebook.com/comfrel.org/videos/4115561542019463
កម្មករ​ក្នុង​វិស័យ​កាត់ដេរសម្លៀក​បំពាក់ ផលិតស្បែកជើង និង​ផលិត​ផល​ធ្វើដំណើរ​​បង្ហាញ​ការមិន​សប្បាយ​ចិត្ត​នៅ​ថ្ងៃទី១៧ ខែកញ្ញា ក្រោយ​ពី​លោក​នាយក​រដ្ឋ​មន្ត្រី ហ៊ុន ម៉ាណែត បាន​ប្រកាស​ថា ​ប្រាក់ឈ្នួល​គោល​អប្បបរមា​សម្រាប់​ឆ្នាំ២០២៦​ឡើងបាន​២​ដុល្លារ ដែល​តួ​លេខ​នេះ​ដាច់​ឆ្ងាយ​ពី​អ្វី​ដែល​សហជីព​ឯករាជ្យ​យល់​ថា ​តួលេខ​គួរ​ដំឡើ​ង​ឱ្យ​ត្រូវ​តាម​​«តម្លៃ​ជាក់ស្ដែងលើ​ការ​ចំណាយ​​ប្រចាំ​ថ្ងៃ»​​។​​ https://www.facebook.com/photo?fbid=1267477292088063&set=a.492095336292933
មួយសប្តាហ៍បន្ទាប់ពី «លទ្ធផលវិជ្ជមាន» នៃកិច្ចប្រជុំគណៈកម្មាធិការព្រំដែនទូទៅ (GBC) កងទ័ពថៃបានបាញ់ឧស្ម័នបង្ហូរទឹកភ្នែក និងកាំភ្លើងខ្យល់លើជនស៊ីវិលខ្មែរ និងបន្តរាយបន្លាលួសនៅភូមិព្រៃចាន់ ខេត្តបន្ទាយមានជ័យ។ រឿងនេះបានកើតឡើងបន្ទាប់ពីមានការប្រឈមមុខដាក់គ្នានៅថ្ងៃអង្គាររវាងអ្នកភូមិកម្ពុជានៅភូមិព្រៃចាន់ និងកងទ័ពថៃ។https://www.facebook.com/photo?fbid=1267480758754383&set=a.492095336292933
ជួបគ្នាល្ងាចជាមួយកម្មវិធី «ស្ត្រីអាចធ្វើបាន!» នៃការផ្សាយសំឡេងសង្គមស៊ីវិល (VoC)
ប្រធានបទ ៖ តើមានការប្រឈមដែរឬទេចំពោះស្រ្តីក្នុងតួនាទីដឹកនាំនៅមូលដ្ឋាន?
កាលបរិច្ឆេទ ៖ ថ្ងៃទី១៨ ខែកញ្ញា ឆ្នាំ២០២៥ (៤:០០ ដល់ ៥:០០ ល្ងាច)

លោកអ្នកអាចចូលរួមផ្ដល់មតិយោបល់ និងចូលរួមសួរសំណួរមកកាន់កម្មវិធីនេះតាមរយៈខ្ទង់ខមិននៅលើផេកខុមហ្វ្រែល។ https://www.facebook.com/photo?fbid=1267491528753306&set=a.492095336292933