ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៤ ខែតុលា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ សិទ្ធិទទួលបានព័ត៌មាន
វាគ្មិនកិត្តិយស៖
- អ្នកស្រី ហង្ស សម្ភស្ស ប្រធានក្រុមបណ្ដាញអ្នកសារព័ត៌មាន
- លោក ចាន់ វិចិត្រ អ្នកសម្របសម្រួលបណ្តាញនៃអង្គការ NGO Forumនិងជាសមាជិក A2IWG
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://web.facebook.com/share/v/1RyTfSmiL7/
ជាងពាក់កណ្តាលនៃសហគមន៍នៃអ្នកស្រឡាញ់ភេទដូចគ្នា (LGBTQ+) នៅកម្ពុជាបានប្រឈមនឹងអំពើហិង្សាទាំងផ្លូវកាយ និងផ្លូវភេទ ការរើសអើង និងការយាយីនៅក្នុងមួយឆ្នាំចុងក្រោយនេះ ដែលនាំឱ្យមានអត្រាខ្ពស់នៃជំងឺបាក់ទឹកចិត្ត ការធ្វើបាបខ្លួនឯង និងការធ្វើអត្តឃាត ខណៈដែលមានតែ ៩ភាគរយប៉ុណ្ណោះដែលមានលទ្ធភាពទទួលបានជំនួយសុខភាពផ្លូវចិត្ត។ ប្រការនេះជំរុញឱ្យមានការអំពាវនាវឱ្យមានការការពារផ្នែកច្បាប់ឱ្យបានកាន់តែប្រសើរ និងផ្តល់សេវាសុខភាពផ្លូវចិត្តកាន់តែទូលំទូលាយដល់ពួកគេ។ https://www.facebook.com/photo/?fbid=1291924659643326&set=a.492095336292933
«ផលប៉ះពាល់លើសំឡេងឯករាជ្យ» គឺជាពាក្យដែលក្រុមប្រឹក្សាសិទ្ធិមនុស្សនៃអង្គការសហប្រជាជាតិ បានប្រើប្រាស់នៅក្នុងសម័យប្រជុំលើកទី៦០របស់ខ្លួន ដើម្បីពិពណ៌នាអំពីទិដ្ឋភាពនៃសេរីភាពស៊ីវិល និងនយោបាយដែលកំពុងបន្តធ្លាក់ចុះរបស់កម្ពុជា។ ខណៈពេលដែលអង្គការបានទទួលស្គាល់អំពីវឌ្ឍនភាពផ្នែកច្បាប់ និងសង្គមមួយចំនួនរបស់កម្ពុជា ដំណោះស្រាយ ២៩ចំណុចរបស់ក្រុមប្រឹក្សាបានសម្តែង «ការព្រួយបារម្ភយ៉ាងធ្ងន់ធ្ងរ» លើបរិយាកាសនៃការភ័យខ្លាចកាន់តែយ៉ាប់យ៉ឺនឡើង ដែលប្រជាពលរដ្ឋស្ទាក់ស្ទើរក្នុងការនិយាយដោយមានសេរីភាពតាមអ៊ីនធឺណិត ឬជាសាធារណៈដោយសារតែការគំរាមកំហែងនៃការចាប់ខ្លួនពីបទញុះញង់។ វា​បាន​ធ្វើ​ឱ្យ​ការ​អភិវឌ្ឍ​លទ្ធិប្រជាធិបតេយ្យ​របស់​ប្រទេសកម្ពុជា​ធ្លាក់​ចុះ​ក្នុង​រយៈពេល​ប៉ុន្មាន​ឆ្នាំ​ចុង​ក្រោយ​នេះ។ https://www.facebook.com/photo?fbid=1292039656298493&set=a.492095336292933
ប្រមុខការទូតម៉ាឡេស៊ី លោក មហាម៉ាត់ ហាសាន បានបញ្ជាក់នៅថ្ងៃទី១៤ ខែតុលា ឆ្នាំ២០២៥ ថា កម្ពុជា និងថៃមានគម្រោងចុះហត្ថលេខាលើកិច្ចព្រមព្រៀងសន្តិភាពមួយ ដែលមានប្រធានាធិបតីអាមេរិក លោក ដូណាល់ ត្រាំ ធ្វើជាសាក្សីនៅអំឡុងកិច្ចប្រជុំកំពូលអាស៊ាន នាចុងខែតុលា ឆ្នាំ២០២៥។ បើតាមប្រមុខការទូតម៉ាឡេស៊ី កិច្ចព្រមព្រៀងសន្តិភាពនេះនឹងតម្រូវឱ្យភាគីជម្លោះទាំងពីរដោះគ្រាប់មីន និងដកកាំភ្លើងធំៗចេញពីតំបន់ព្រំដែន។ គួររម្លឹកថា ក្រោយការផ្ទុះអាវុធរយៈពេល ៥ថ្ងៃក្នុងខែកក្កដា កម្ពុជា និងថៃបានព្រមព្រៀងលើបទឈប់បាញ់មួយនៅប្រទេសម៉ាឡេស៊ីកាលពីថ្ងៃ២៨ កក្កដា។ ដូច្នេះក្រៅពីបទឈប់បាញ់ តើកម្ពុជាចាំបាច់ត្រូវតែមានកិច្ចព្រមព្រៀងសន្តិភាពជាមួយថៃដែរ ឬយ៉ាងណា? https://www.facebook.com/photo?fbid=1293506729485119&set=a.492095332959600
ក្នុងរយៈពេល៤ខែមកនេះ ពោលចាប់ពីថ្ងៃទី២៧ ខែមិថុនា ដល់ថ្ងៃទី១៤ ខែតុលា ឆ្នាំ២០២៥ សមត្ថកិច្ចកម្ពុជាបានបញ្ជូនមេខ្លោង និងបក្ខពួកចំនួន៧៥នាក់ទៅតុលាការ និងឃាត់ខ្លួនជនសង្ស័យបានជាង ៣​ ៤៥៥នាក់ ពាក់ព័ន្ធនឹងបទល្មើសឆបោកតាមប្រព័ន្ធអនឡាញ (Online Scam)។​ ជនទាំងនោះ ត្រូវបង្ក្រាបបាននៅតាមគោលដៅ៩២កន្លែង ក្នុងរាជធានី-ខេត្តចំនួន១៨។ យោងតាមក្រសួងព័ត៌មានបានបញ្ជាក់ថា ជនសង្ស័យដែលពាក់ព័ន្ធនឹងបទល្មើសឆបោកតាមបច្ចេកវិទ្យាទាំង ៣ ៤៥៥នាក់នេះ គឺមានចំនួន២០សញ្ជាតិ​។ ក្នុងនោះមាន ជនជាតិចិន វៀតណាម ឥណ្ឌូណេស៊ី ឥណ្ឌា បង់ក្លាដេស ថៃ កូរ៉េខាងត្បូង ប៉ាគីស្ថាន នេប៉ាល់ ម៉ាឡេស៊ី ជប៉ុន មីយ៉ាន់ម៉ា ហ្វីលីពីន ឡាវ កាមេរ៉ូន នីហ្សេរីយ៉ា យូហ្គាន់ដា សេរ៉ាលីអូន ម៉ុងហ្គោលី និងជនជាតិរុស្ស៊ី។ ក្រោយប្រតិបត្តិការចុះបង្ក្រាបដល់ទីតាំង វត្ថុតាងត្រូវបានគ្រប់គ្រងនិងរក្សាទុកត្រឹមត្រូវដោយសមត្ថកិច្ចជំនាញក្នុងរាជធានី-ខេត្ត ខណៈទីតាំងត្រូវបានបិទមិនឱ្យមានការចេញ-ចូលឡើយមកទល់បច្ចុប្បន្ន។ https://www.facebook.com/photo?fbid=1293575579478234&set=a.492095332959600
នៅ​ថ្ងៃ​ទី​១៥​ ខែ​តុលា ឆ្នាំ​២០២៥​ អ្នក​នាំ​ពាក្យ​ព្រឹទ្ធ​សភា​កម្ពុជា ​បាន​ច្រាន​ចោល​ការ​លើក​ឡើង​របស់​ភាគី​ថៃ ​ដែល​ថា​ លោក​ ហ៊ុន​ សែន ​ប្រ​មុខ​គណ​បក្ស​កាន់​អំណាច​នៅ​កម្ពុជា​ បាន​ដាក់​សម្ពាធ​ឲ្យ​ភាគី​ថៃ​ បើក​ព្រំ​ដែន​ឡើង​វិញ​នៅ​ត្រឹម​ថ្ងៃ​ទី​២០ ​ខែ​តុលា ​ឆ្នាំ​២០២៥​។​ ការ​ទាត់​ចោល​នេះ​ ធ្វើ​ឡើង​ភ្លាមៗ​ បន្ទាប់ពី​កាសែត​The Nation​ របស់​ថៃ ​បាន​ផ្សាយ​ថា ​ថៃ​នៅ​តែ​ប្រកាន់​ជំហរ​ដដែល ​គឺ​មិន​បើក​ព្រំដែន​ឡើង​វិញ​ទេ​ បើ​ទោះ​បី​ជាកម្ពុជា​ដាក់​សម្ពាធ​ក៏​ដោយ​។ https://www.facebook.com/photo/?fbid=1293716479464144&set=a.492095336292933
Forwarded from Comfrel Adminlive
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៦ ខែតុលា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ ស្ត្រី និងការតស៊ូមតិនឹងផ្នត់គំនិតសង្គម
វាគ្មិនកិត្តិយស :
១. លោកស្រី ម៉ៅ ម៉ាប់ នាយិកាប្រតិបត្តិអង្គការក្លាហាន
២. កញ្ញា អាន វណ្ណៈ និស្សិតជំនាញច្បាប់
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​https://www.facebook.com/watch/live/?ref=watch_permalink&v=1176996990952404
នៅថ្ងៃទី១៥ ខែតុលា ឆ្នាំ២០២៥ ក្រសួងការបរទេសកូរ៉េខាងត្បូងបានដាក់បម្រាមកម្រិតខ្ពស់ចំពោះការធ្វើដំណើររបស់ពលរដ្ឋកូរ៉េចូលប្រទេសកម្ពុជា ក្រោមហេតុផលក្តីបារម្ភពីការធ្លាក់ក្នុងអន្ទាក់នៃក្រុមឧក្រិដ្ឋជនអនឡាញ។ នៅក្នុងបម្រាមដែលចូលជាធរមាននាថ្ងៃព្រហស្បតិ៍ ទី១៦ ខែតុលានេះ ក្រសួងការបរទេសកូរ៉េខាងត្បូងបានកំណត់តំបន់គ្រោះថ្នាក់ចាប់ពីកម្រិតលេខ១ ដល់កម្រិតលេខ៤ និងថា ពលរដ្ឋកូរ៉េណាម្នាក់ដែលហ៊ានល្មើសបម្រាមនេះនឹងត្រូវប្រឈមការផ្តន្ទាទោសតាមច្បាប់។ https://www.facebook.com/photo?fbid=1293809769454815&set=a.492095336292933
អាជ្ញាធរ​កម្ពុជា និង កូរ៉េ ពិភាក្សា​លម្អិត​អំពី​កិច្ច​សហប្រតិបត្តិការ​រវាង​សមត្ថកិច្ច​នៃ​ប្រទេស​ទាំង​ពីរ​ក្នុង​ការ​ទប់​ស្កាត់​និង​បង្ក្រាប​ការ​ឆបោក​តាម​អនឡាញ​ដែល​ពាក់​ព័ន្ធ​នឹង​ជនជាតិ​កូរ៉េ ខណៈ​ដែល​ពលរដ្ឋ​កូរ៉េ​ជាង ៦០​នាក់​ទៀត​កំពុង​ស្ថិត​ក្នុង​ការ​ត្រៀម​បញ្ជូន​ត្រឡប់​ទៅ​ស្រុក​វិញ។ https://www.facebook.com/photo/?fbid=1294411592727966&set=a.492095332959600
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃទី១៧ ខែតុលា ឆ្នាំ២០២៥
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន!»
==========================
ប្រធានបទ៖ ស្ត្រី និងការតស៊ូមតិនឹងផ្នត់គំនិតសង្គម
វាគ្មិនកិត្តិយស :
១. លោកស្រី ម៉ៅ ម៉ាប់ នាយិកាប្រតិបត្តិអង្គការក្លាហាន
២. កញ្ញា អាន វណ្ណៈ និស្សិតជំនាញច្បាប់
អ្នកសម្របសម្រួល៖ កញ្ញា ស្រ៊ី លីដា
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/1BA5CFuAwm/
កម្ពុជា​បញ្ជាក់​​សាជាថ្មីអំពីគោលជំហរ​មិនផ្លាស់ប្តូរនោះ​គឺ​ «កម្ពុជាមិនមាន និងមិនដាក់មីនប្រឆាំងមនុស្សថ្មីនោះទេ» ខណៈ​ដែល​ប្រទេស​ថៃ​បាន​ព្យាយាម​បង្ហាញ​ទៅ​សារព័ត៌មាន​អន្តរជាតិ​អំពី​អ្វី​ដែល​ពួក​គេ​អះអាង​ថា ជា​មីនដាក់​ថ្មីៗ។ https://www.facebook.com/photo?fbid=1294575079378284&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ថ្ងៃទី១៧ ខែតុលា ឆ្នាំ២០២៥
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ការផ្លាស់ប្ដូរគោលនយោបាយរបស់សហរដ្ឋអាមេរិក និងផលប៉ះពាល់លើប្រជាធិបតេយ្យនិងសិទ្ធិមនុស្ស
វាគ្មិនកិត្តិយស៖
-លោក គល់ បញ្ញា ទីប្រឹក្សាអង្គការខុមហ្រ្វែល
-លោក ឯម សុវណ្ណារ៉ា អ្នកស្រាវជ្រាវ និងអ្នកវិភាគនយោបាយ
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ https://www.facebook.com/watch/live/?ref=watch_permalink&v=1525380188597791
អាជ្ញាធរបានរាយការណ៍ថា ជនជាតិកូរ៉េចំនួន ៥៩នាក់កំពុងត្រូវបានធ្វើមាតុភូមិនិវត្តន៍នៅថ្ងៃនេះ ក្រោមកិច្ចសហប្រតិបត្តិការរបស់ស្ថានទូតកូរ៉េ ខណៈដែលទីក្រុងសេអ៊ូលបានលើកឡើងពីការព្រួយបារម្ភយ៉ាងខ្លាំងទៅកាន់អង្គការសហប្រជាជាតិ ជុំវិញការជួញដូរមនុស្ស និងប្រតិបត្តិការឧក្រិដ្ឋកម្មដែលផ្តោតលើពលរដ្ឋកូរ៉េ បន្ទាប់ពីការស្លាប់របស់និស្សិតម្នាក់ត្រូវបានផ្សារភ្ជាប់ទៅនឹងទីតាំងឆបោកក្នុងប្រទេសកម្ពុជា។ https://www.facebook.com/photo/?fbid=1294680062701119&set=a.492095336292933
នៅព្រឹកថ្ងៃសុក្រ ទី១៧ តុលានេះ ក្រុមអង្គការសង្គមស៊ីវិលមួយចំនួនបានបើកកិច្ចពិភាក្សាស្តីពីតម្លៃនៃកិច្ចព្រមព្រៀងសន្តិភាពទីក្រុងប៉ារីសសម្រាប់កម្ពុជា។ នៅក្នុងបរិបទដែលកម្ពុជាកំពុងមានជម្លោះព្រំដែនជាមួយថៃ ក្រុមអង្គការសង្គមស៊ីវិលយល់ថា កិច្ចព្រមព្រៀងសន្តិភាពទីក្រុងប៉ារីសជាកិច្ចព្រមព្រៀងដ៏សំខាន់ដែលរដ្ឋាភិបាលកម្ពុជាអាចយកមកប្រើប្រាស់ដើម្បីដោះស្រាយការរំលោភ​ដែនអធិបតេយ្យភាពរបស់កម្ពុជាពីសំណាក់ភាគីថៃ។ https://www.facebook.com/photo?fbid=1294691359366656&set=a.492095336292933
រដ្ឋមន្ត្រីក្រសួងការបរទេស ប្រាក់ សុខុន បញ្ជាក់ថា ភាគីថៃ ឯកភាពនឹងដោះលែង​ទាហានកម្ពុជាទាំង១៨អ្នកត្រឡប់មកកាន់កម្ពុជាវិញ តែត្រូវរង់ចាំរហូតដល់កិច្ចព្រមព្រៀង សន្តិភាព​ចុះហត្ថលេខា នៅចុងខែតុលានេះសិន។ រដ្ឋមន្ត្រីការបរទេស បានបញ្ជាក់ដូច្នេះ ក្នុងកិច្ចសម្ភាសជាមួយទូរទស្សន៍​ជាតិ​កម្ពុជា​ បន្ទាប់​ពី​ត្រឡប់​មក​ពីកិច្ចប្រជុំចតុភាគី ​នៅ​ប្រទេស​ម៉ាឡេស៊ី ​នៅ​ថ្ងៃទី​១៨ ខែ​តុលា។ https://www.facebook.com/photo?fbid=1297122759123516&set=a.492095332959600
គណៈកម្មាធិការសិទ្ធិមនុស្សកម្ពុជា បានផ្ញើញត្តិថ្មីមួយទៀតទៅកាន់ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) ដើម្បីស្នើឱ្យចុះសង្កេតការណ៍ជាបន្ទាន់នៅតាមតំបន់ព្រំដែនកម្ពុជា-ថៃ ជាទីដែលភាគីថៃនៅតែប្រើឧបករណ៍បំពងសំឡេងខ្លាំងធ្វើឱ្យប៉ះពាល់សិទ្ធិមនុស្សធ្ងន់ធ្ងរ។ ក្នុងញត្តិថ្មីដែលផ្ញើនៅថ្ងៃទី១៧ ខែតុលាម្សិលមិញនេះ គណៈកម្មាធិការសិទ្ធិមនុស្សកម្ពុជាបានបញ្ជាក់ម្តងទៀតថា ប្រសិនបើOHCHR នៅតែកង្វះខាតសកម្មភាពជាក់ស្តែង នោះគេនឹងអាចបកស្រាយបានថា OHCHR យល់ស្របចំពោះការរំលោភបំពានយ៉ាងធ្ងន់ធ្ងរលើច្បាប់សិទ្ធិមនុស្សអន្តរជាតិ និងសិទ្ធិមនុស្សធម៌អន្តរជាតិ។ https://www.facebook.com/photo?fbid=1297192449116547&set=a.492095332959600
Forwarded from Comfrel Adminlive
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃទី២០ ខែតុលា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស (២៣ តុលា)
វាគ្មិនកិត្តិយស៖
- លោក នី សុខា ប្រធានសមាគមអាដហុក
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
សម្របសម្រួលដោយ៖
==========================
កម្មវិធីសូមស្វាគមន៍ដោយរីករាយ ​https://www.facebook.com/watch/live/?ref=watch_permalink&v=842309688221857
សម្តេច ហ៊ុន ម៉ាណែត បានចេញមកទទូចឱ្យពលរដ្ឋ ជឿទុកចិត្តលើរាជរដ្ឋាភិបាល នៅក្នុងការដោះស្រាយបញ្ហាព្រំដែន និងកិច្ចខិតខំប្រឹងប្រែង ក្នុងការឈានទៅដោះលែងវីរកងទ័ពខ្មែរ ដែលកំពុងស្ថិតកនៅក្រោមការគ្រប់គ្រង របស់យោធាថៃ។ នៅក្នុងស្ថានភាពដែលបញ្ហាជម្លោះ ដែលនៅមានភាពផុយស្រួយនៅឡើយ ប្រមុខរាជរដ្ឋាភិបាល ស្នើឱ្យពលរដ្ឋ កុំទាន់សួរថាតើក្រោយបទឈប់បាញ់ កន្លែងណាបាត់? កន្លែងណាបាន? មេទ័ពណាស្លាប់? មេទ័ពណារស់? តែសូមមើលពីលទ្ធផល ដែលសម្រេចបាន នៅក្នុងការធានាថា មិនមានការផ្ទុះអាវុធជាថ្មី និងការទប់ស្កាត់ឱ្យជម្លោះរីករាលជាដើម។ https://www.facebook.com/photo/?fbid=1297414479094344&set=a.492095336292933
កម្មករនិយោជិត និងសហជីពណាហ្គាវើលដ៍(LRSU)ប្រមាណ៧០នាក់ បានជួបជុំគ្នាដាក់ញត្តិនៅក្រសួងការងារ និងបណ្តាស្ថានទូតប្រទេសលោកសេរីមួយចំនួន នៅរាជធានីភ្នំពេញ ដើម្បីស្នើសុំពន្លឿនដំណោះស្រាយវិវាទការងារក្រុមហ៊ុនណាហ្គាវើលដ៍ជូនពួកគេ ស្របទៅតាមអនុសាសន៍របស់អង្គការអន្តរជាតិខាងការងារ(ILO) ខណៈវិវាទនេះបានអូសបន្លាយពេលជិត ៤ឆ្នាំ។ https://www.facebook.com/photo?fbid=1297423322426793&set=a.492095336292933
ការផ្សាយឡេីងវិញសំឡេងសង្គមស៊ីវិល(VOC)
សម្រាប់ថ្ងៃទី២១​ ខែតុលា ឆ្នាំ២០២៥
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស (២៣ តុលា)
វាគ្មិនកិត្តិយស៖
- លោក នី សុខា ប្រធានសមាគមអាដហុក
- លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
សម្របសម្រួលដោយ៖
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/16T69tSEVx/?mibextid=wwXIfr