ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ជនបរទេសជាង៣០០នាក់ត្រូវបានឃាត់ខ្លួនពាក់ព័ន្ធការឆបោកតាមអនឡាញ (Online Scams) ចំនួន៩កន្លែង នៅក្រុងបាវិត ខេត្តស្វាយរៀង និងដកហូតអាជ្ញាបណ្ណ បន្ទាប់ពីអាជ្ញាធររកឃើញ និងរឹបអូវត្ថុតាំងនៃការប្រព្រឹត្តិបទល្មើស ។ https://web.facebook.com/photo/?fbid=1442578184577972&set=a.492095336292933
ការរកឃើញថ្មីរបស់សមាគមអាដហុក បានចងក្រងជាឯកសារអំពីការរឹតបន្តឹងសិទ្ធិសេរីភាពក្នុងឆ្នាំ២០២៥ នៅកម្ពុជា ដែលមានមនុស្សជាង ១៥០០០នាក់ បានរងផលប៉ះពាល់ដោយការពង្រីកការប្រើប្រាស់ច្បាប់ញុះញង់ដែលផ្តោតលើជនក្រីក្រ សកម្មជន និងអ្នករិះគន់តាមអ៊ីនធឺណិត។ ទោះបីជាមានការចាប់ខ្លួននាពេលថ្មីៗចំនួនពីរករណី ដែលបង្ហាញពីនិន្នាការនេះក៏ដោយ ក៏មន្ត្រីរដ្ឋាភិបាលបានជំទាស់នឹងការលើកឡើងនេះផងដែរ។ https://web.facebook.com/photo/?fbid=1442626997906424&set=a.492095336292933
នៅក្នុងជំនួបជាមួយប្រធានាធិបតីបារាំងក្នុងទីក្រុងប៉ារីសនារសៀលថ្ងៃទី៨ មេសា លោកនាយករដ្ឋមន្ត្រីកម្ពុជា ហ៊ុន ម៉ាណែត មិនបានសុំឱ្យបារាំងជួយដោះស្រាយជម្លោះព្រំដែនជាមួយថៃទេ តែបានស្នើឱ្យបារាំងពង្រឹងការគាំទ្រការគោរពច្បាប់អន្តរជាតិ។ នេះបើតាមការបញ្ជាក់របស់លោក ហ្សង់ ហ្វ្រង់ស្វ័រតាន់ រដ្ឋមន្ត្រីប្រតិភូអមនាយករដ្ឋមន្ត្រី ក្នុងសន្និសីទ​សារព័ត៌មានស្តីពីលទ្ធផលដំណើរទស្សនកិច្ចការងារនៅបារាំងនារសៀលថ្ងៃទី៩ ខែមេសានេះ។ តាមមន្ត្រីជាន់ខ្ពស់កម្ពុជារូបនេះដដែល ការដែលកម្ពុជាមិនសុំការគាំទ្រពីបារាំងដោយសារកន្លងមក អាស៊ាន អាមេរិក និងចិនបានចូលអន្តរាគមន៍ ដោយសម្រេចបាននូវបទឈប់បាញ់ចំនួន ២លើកជាមួយថៃ។https://web.facebook.com/photo/?fbid=1442729091229548&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ថ្ងៃទី១០ ខែមេសា ឆ្នាំ២០២៦
នេះជាកម្មវិធីប្រចាំថ្ងៃសុក្រ «ឃ្លាំមើលប្រចាំសប្តាហ៍»
==========================
ប្រធានបទ៖ ប្រជាធិបតេយ្យ និងការប្រែប្រួលអាកាសធាតុ
វាគ្មិនកិត្តិយស៖
-លោក គល់ បញ្ញា ទីប្រឹក្សាអង្គការខុមហ្រ្វែល
-បណ្ឌិត មាស នី អ្នកសិក្សាសង្គម និងអ្នកវិភាគឯករាជ្យ
សម្របសម្រួលដោយ៖ លោក ស៊ិន ទិត្យសីហា
==========================
កម្មវិធីសូមស្វាគមន៍ដោយរីករាយ https://web.facebook.com/watch/live/?ref=watch_permalink&v=1480841670079761
អង្គ​ការ​សង្គមស៊ីវិល​​ផ្នែក​សិទ្ធិ​មនុស្ស និងគ្រួសារ​សកម្មជន​​ បន្ត​​អំពាវ​​នាវ​​ឱ្យ​​តុលាការ​ពិចារណា​ទម្លាក់​​​ចោល​​​បទ​​​ចោទ​ និង​​ដោះ​លែង​អ្នក​ការ​ពារ​សិទ្ធិ​មនុស្ស និង​សកម្ម​ជន​ការ​ពារ​បរិស្ថាន​ចំនួន ៧រូប ដោយ​ឥត​លក្ខ​ខណ្ឌ ដើម្បី​ឱ្យពួ​ក​គាត់​បាន​ជួបជុំក្រុមគ្រួសារក្នុងឱកាសបុណ្យចូលឆ្នាំ​ប្រពៃណី​ជាតិខាងមុខនេះ និងបន្តភាពសកម្មនិយមក្នុងកិច្ចការពារសិទ្ធិមនុស្ស ធនធានធម្មជាតិ និងដីធ្លីបន្តទៀត។ https://web.facebook.com/photo/?fbid=1442815744554216&set=a.492095336292933
ពលរដ្ឋខ្មែរចំនួន ១០៦នាក់​ត្រូវបានអាជ្ញាធរថៃចាប់បញ្ចូនមកប្រទេសកម្ពុជា ពី​បទរត់​ឆ្លងដែន និងស្នាក់នៅលើទឹកដីប្រទេសថៃដោយខុសច្បាប់ និងគ្មានលិខិតបញ្ជាក់ត្រឹមត្រូវ។​ នេះបើតាមការចុះផ្សាយរបស់សារព័ត៌មានថៃ Khoasod English នៅថ្ងៃទី១៨ ខែមេសា ឆ្នាំ២០២៦ និងថា ពលរដ្ឋខ្មែរដែលខុសច្បាប់ទាំងនោះត្រូវ​អាជ្ញាធរថៃបានបញ្ចូនមកកម្ពុជា​វិញតាមច្រកព្រំដែនអន្តរជាតិប៉ោយប៉ែត ខេត្តបន្ទាយមានជ័យ។ មន្ត្រីនាំពាក្យក្រសួងការងារអំពាវនាវឱ្យពលរដ្ឋខ្មែរសម្លឹងមើលឱកាសការងារក្នុងស្រុក ជាជាងប្រថុយទៅចំណាកស្រុក។ https://web.facebook.com/photo/?fbid=1450881837080940&set=a.492095336292933
ចៅក្រមស៊ើបសួរសាលាដំបូងរាជធានីភ្នំពេញ សម្រេចឃុំខ្លួនជនជាតិចិន និង ជប៉ុន សរុបចំនួន៨នាក់ នៅពន្ធនាគាររាជធានីភ្នំពេញ (PJ) លើករណីឆបោកតាមប្រព័ន្ធបច្ចេកវិទ្យា (Online Scam) ទីតាំងប្រព្រឹត្តស្ថិតនៅ អគារខុនដូ ភ្នំពេញកាឡាក់ស៊ីហ្កាដេន ជាន់ទី១៣ បន្ទប់លេខ ១៣១៦ និងបន្ទប់លេខ ១៣១៨ ផ្លូវបេតុង ភូមិបន្លាស្អិត សង្កាត់ឃ្មួញ ខណ្ឌសែនសុខ រាជធានីភ្នំពេញ។​​ https://web.facebook.com/photo/?fbid=1450913237077800&set=a.492095336292933
កម្ពុជាបានតវ៉ាជាថ្មីទៀត ប្រឆាំង​នឹងសកម្មភាព​របស់​កងកម្លាំងយោធាថៃ ដែលនៅតែបន្តពង្រីកការកាន់កាប់​ដោយ​ខុស​ច្បាប់ រំលោភលើ​អធិបតេយ្យភាពកម្ពុជា។ តាមក្រសួង​ការបរទេសកម្ពុជា នៅថ្ងៃទី១៨​ខែមេសា កងកម្លាំងប្រដាប់អាវុធថៃ​ បានពង្រីកការកាន់កាប់​ទឹកដីកម្ពុជា​បន្ថែមទៀត នៅតំបន់មួយចំនួន ក្នុងខេត្តចំនួន​៣របស់​កម្ពុជា គឺក្នុងឃុំ​ស្រអែម ខេត្ត​ព្រះវិហារ នៅស្រុកអន្លង់វែង និងស្រុកបន្ទាយអំពិល​ ខេត្ត​ឧត្តរមានជ័យ និងនៅឃុំ​ថ្មដា ក្នុង​ខេត្ត​ពោធិ៍សាត់។ https://web.facebook.com/photo/?fbid=1450960623739728&set=a.492095336292933
ព្រះមហាក្សត្រកម្ពុជា បានទទួលការព្យាបាលព្រះរោគដោយវះកាត់ ពីក្រុមវេជ្ជបណ្ឌិតចំណានៗ នៅមន្ទីរពេទ្យប៉េកាំង ប្រទេសចិន នៅវេលាព្រឹកថ្ងៃទី២០ ខែមេសា ឆ្នាំ២០២៦ ។ យោងតាមសេចក្តីប្រកាសព័ត៌មានរបស់ក្រសួងព្រះបរមរាជវាំង ។ https://www.facebook.com/photo/?fbid=1451056780396779&set=a.492095336292933
អំឡុងពេលតម្លៃប្រេងឥន្ធនៈ និងឧស្ម័នហ្គាស កំពុងឡើងថ្លៃជាបន្តបន្ទាប់ អ្នកសេដ្ឋកិច្ចក្រៅប្រព័ន្ធ ជួបបញ្ហាប្រឈម ក្នុងការប្រកបមុខរបរប្រចាំថ្ងៃ ហើយចំណូលក៏ធ្លាក់ចុះ។ លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធហៅកាត់ថា IDEA អំពាវនាវដល់ក្រុមហ៊ុនដឹកជញ្ជូននិងកម្មវិធីបញ្ជាទិញម្ហូបអាហារ បញ្ចុះតម្លៃជើងសារដល់អ្នកដឹកជញ្ជូននិងលក់អាហារ។ https://www.facebook.com/photo/?fbid=1451090720393385&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃចន្ទ ទី២០ ខែមេសា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការចូលរួមសង្កេតការណ៍ដំណើរការបោះឆ្នោត និងរាប់សន្លឹកឆ្នោតនៅបង់ក្លាដេស
វាគ្មិនកិត្តិយស៖
1. លោក កន សាវាង្ស អ្នកសម្របសម្រួលកម្មវិធីអង្កេត និងតស៊ូមតិនៃអង្គការខុមហ្វ្រែល
2. អ្នកស្រី ឆន សុគន្ធា នាយិកានៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://web.facebook.com/share/v/1BJvmcmzAk/
តំណាងអចិន្ត្រៃយ៍កម្ពុជាប្រចាំនៅអង្គការសហប្រជាជាតិ បានអំពាវនាវឲ្យមានការអនុវត្តបទឈប់បាញ់ដោយពេញលេញ និងបើកចរាចរណ៍នាវានិងយន្តហោះ ឆ្លងកាត់ច្រកសមុទ្រអកមូហ្ស ឲ្យមានសុវត្ថិភាពឡើងវិញ។ ការអំពាវនាវនេះ គឺកើតឡើងនៅគ្រាដែលច្រកសមុទ្រអកមូហ្ស កំពុងតែមានភាពតានតឹងខ្លាំង ដោយសារតែសង្រ្គាមនៅអ៊ីរ៉ង់។ https://www.facebook.com/photo/?fbid=1451170887052035&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្គារ៍ ទី២១ ខែមេសា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការចូលរួមសង្កេតការណ៍ដំណើរការបោះឆ្នោត និងរាប់សន្លឹកឆ្នោតនៅបង់ក្លាដេស
វាគ្មិនកិត្តិយស៖
1. លោក កន សាវាង្ស អ្នកសម្របសម្រួលកម្មវិធីអង្កេត និងតស៊ូមតិនៃអង្គការខុមហ្វ្រែល
2. អ្នកស្រី ឆន សុគន្ធា នាយិកានៃមជ្ឈមណ្ឌលកម្ពុជា ដើម្បីប្រព័ន្ធផ្សព្វផ្សាយឯករាជ្យ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/18KubYZMzc/?mibextid=wwXIfr​
អាជ្ញាធរកម្ពុជាបានបណ្ដេញជនបរទេសសរុបចំនួន ១,១៧៥នាក់ ដែលមាន ២៨សញ្ជាតិ ចេញពីព្រះរាជាណាចក្រកម្ពុជា ក្នុងអំឡុងថ្ងៃទី១២ ដល់ទី១៩ ខែមេសា ឆ្នាំ២០២៦ បន្ទាប់ពីរកឃើញពាក់ព័ន្ធនឹងបទល្មើសខុសច្បាប់ជាច្រើន ប្រកាសដោយអគ្គនាយកដ្ឋានអន្តោប្រវេសន៍។ https://web.facebook.com/photo/?fbid=1451792046989919&set=a.492095332959600
មូលនិធិរូបិយវត្ថុអន្តរជាតិ(IMF) បានឱ្យដឹងតាមរយៈការព្យាកររបស់ខ្លួន កាលពីពាក់កណ្តាលខែមេសា ថា កំណើនសេដ្ឋកិច្ចកម្ពុជា ក្នុងឆ្នាំ២០២៦នេះនឹងមានកំណើន ៤%។ មូលនិធិរូបិយវត្ថុអន្តរជាតិ(IMF) ព្យាករយ៉ាងដូច្នេះ ដោយយោងទៅលើកត្តាមួយចំនួនដូចជា ផលប៉ះពាល់ដោយសារជម្លោះនៅមជ្ឈិមបូព៌ា រួមទាំងការកើនឡើងនៃតម្លៃប្រេងសាំង ភាពតានតឹងពាណិជ្ជកម្ម និងភាពមិនប្រាកដប្រជា ខាងភូមិសាស្ត្រនយោបាយជាដើម។ https://web.facebook.com/photo/?fbid=1451835296985594&set=a.492095336292933
ក្រសួង​បរិស្ថាន​កាល​ពី​ថ្ងៃ​ទី២០​ ខែមេសា​ ឆ្នាំ​២០២៦​បាន​រក​ឃើញមាន​ការ​បំពុល​ទឹក​ព្រែក​ត្រែង ក្នុង​ស្រុករតនៈមណ្ឌល ខេត្តបាត់ដំបង។​ ការ​បំពុល​ទឹក​នេះ​បាន​បណ្តាល​ឱ្យ​ត្រី​ងាប់​ និង​ធ្វើ​ឱ្យ​ទឹក​ក្នុងព្រែក​ត្រែង​មាន​ក្លិន​ស្អុយ​ ខណៈ​ទីតាំងដែលពុល​ស្ថិត​នៅចម្ងាយ ៦០០ ម៉ែត្រពី​រោង​ចក្រចំនួន​ ២​។​ គេ​មិន​ទាន់​ដឹង​ថា​តើ​ការ​បំពុល​ទឹ​កនេះ​កើត​ចេញពី​ប្រភពណា​​ឱ្យ​ប្រាកដនៅ​ឡើយ​ទេ​។ តែ​អ្នក​នាំ​ពាក្យ​ក្រសួងបរិស្ថាន​អះអាង​ថា​ មន្ត្រីជំនាញ​កំពុង​​ស្រាវ​ជ្រាវ​លើ​ករណី​នេះ​បន្ត​ទៀត​។​ https://www.facebook.com/photo/?fbid=1451952836973840&set=a.492095336292933
រដ្ឋមន្ត្រីការបរទេសចិនលោក វ៉ាង យី និងរដ្ឋមន្ត្រីការពារជាតិចិនលោក ដុង ជុន គ្រោងមកបំពេញទស្សនកិច្ចផ្លូវការនៅកម្ពុជានាថ្ងៃទី២២ ខែមេសា ឆ្នាំ២០២៦ ដើម្បីចូលរួមកិច្ចប្រជុំលើកដំបូងនៃ «កិច្ចសន្ទនាយុទ្ធសាស្ត្រ ២+២» រវាងរដ្ឋមន្ត្រីការបរទេស និងរដ្ឋមន្ត្រីការពារជាតិរបស់ប្រទេសទាំងពីរ។ បើតាមការបញ្ជាក់របស់ក្រសួងការបរទេសកម្ពុជា កិច្ចប្រជុំនេះ គឺជាជំហានថ្មីមួយក្នុងការពង្រឹងកិច្ចសហប្រតិបត្តិការផ្នែកសន្តិសុខ និងវិស័យការពារជាតិរវាងប្រទេសចិន និងកម្ពុជា។ https://www.facebook.com/photo/?fbid=1451994956969628&set=a.492095336292933
អង្គការយូណេស្កូ (UNESCO) រៃអង្គាសប្រាក់ជំនួយសង្គ្រោះបន្ទាន់បាន៦ម៉ឺនដុល្លារសម្រាប់ជួសជុលប្រាសាទព្រះវិហារ សម្បត្តិបេតិកភណ្ឌពិភពលោក ដែលរងការខូចខាតដោយសារជម្លោះដ៏ធ្ងន់ធ្ងរ និងត្រូវការពេលជាច្រើនទសវត្សរ៍ ដើម្បីស្ដារឡើងវិញ និងផលប៉ះពាល់ដល់វិស័យទេសចរណ៍។​ https://www.facebook.com/photo/?fbid=1452027210299736&set=a.492095336292933
តំណាងពលរដ្ឋចំនួន ១៤៦គ្រួសារ នៅឃុំចំនួន​២ ក្នុង​ស្រុក​រវៀង ខេត្តព្រះវិហារ ​នៅថ្ងៃអង្គារ​នេះ បាន​បន្តទៅប្រមូល​ផ្តុំ​​ដាក់​ញត្តិ​​​នៅ​រដ្ឋបាល​​ខេត្តព្រះ​វិហារ ដើម្បីស្វែងរកកិច្ចអន្តរាគមន៍ពីអភិបាល​ខេត្ត ឱ្យ​ជួយ​ដោះ​ស្រាយ​បញ្ហា​ដីធ្លី​ជាមួយ​ក្រុមហ៊ុន គ្លូប៊ល ហ្រ្គីន ក្រោយការស្វែងរក​ដំណោះស្រាយ​នៅ​ថ្នាក់​ស្រុក ពុំ​មានលទ្ធផល​ដែល​ពួកគាត់​អាចទទួលយកបាន។​ https://www.facebook.com/photo/?fbid=1452067470295710&set=a.492095336292933
លោក នូ ភារម្យ គ្រូបង្រៀននៅសាលាឯកជនមួយកន្លែងក្នុងខេត្តកណ្ដាល ត្រូវតុលាការដោះលែងឱ្យនៅក្រៅបណ្ដោះអាសន្ន ក្រោមហេតុផលមានបន្ទុកបំណុល កូនតូច និងម្ដាយជរា។ មុនពេលត្រូវតុលាការដោះលែង ភរិយារបស់លោក អ្នកស្រី ហែម សំអូន ក៍បានសរសេរលិខិតសុំទោសទៅកាន់នាយករដ្ឋមន្ត្រី និងចេញវីដេអូលើបណ្ដាញសង្គមដោយសុំកិច្ចអន្តរាគមន៍ពីថ្នាក់ដឹកនាំ និងបានសុំទោសជំនួសស្វាមីរាល់ការសម្ដែងមតិកន្លងមកផងដែរ។ ក្រោយមានសេរីភាពវិញ លោក នូ ភារម្យ បញ្ចាក់ថា នៅតែបន្តអាជីពជាគ្រូបង្រៀន និងឈឺឆ្អាលខ្វល់ខ្វាយចំពោះប្រទេសជាតិដដែល។ https://web.facebook.com/photo/?fbid=1452654633570327&set=a.492095332959600