ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
នៅថ្ងៃទី២ ខែមិថុនា ឆ្នាំ២០២៦ ប្រមុខរដ្ឋាភិបាលកម្ពុជា លោក ហ៊ុន ម៉ាណែត បានប្រកាសពីការជូនដំណឹងរបស់ភាគីកម្ពុជា ទៅកាន់ភាគីថៃ និងអង្គការសហប្រជាជាតិ អំពីការចាប់ផ្តើមយន្តការផ្សះផ្សាដោយបង្ខំទាក់ទងនឹងបញ្ហាដែនសមុទ្រត្រួតស៊ីគ្នាជាមួយថៃ។ ការប្រកាសបែបនេះរបស់កម្ពុជា ធ្វើឡើងបន្ទាប់ពីមានជំនួប រវាងប្រមុខការទូតកម្ពុជា និងប្រមុខការទូតថៃ នៅទីក្រុងញូវយ៉ក សហរដ្ឋអាមេរិក កាលពីថ្ងៃទី២៦ ខែឧសភា ឆ្នាំ២០២៦។ https://web.facebook.com/photo/?fbid=1490685966433860&set=a.492095336292933
ប្រធានាធិបតី​អាម៉េរិក ដូណាល់ ត្រាំ បានតែងតាំង​លោក Christopher Anderson ជាឯកអគ្គរដ្ឋទូត​អាម៉េរិក​ប្រចាំ​កម្ពុជា ក្រោយ​មុខតំណែងនេះ​ទំនេរចោល អស់​រយៈពេល​ពីរ​ឆ្នាំ។ ​អ្នកវិភាគ​និយាយ​ថា នេះអាច​ជួយ​ពង្រឹង និង​ជំរុញ​ការ​រៀបចំ​ទំនាក់ទំនង​ទ្វេភាគី​ឡើង​វិញ​ជា​បន្តបន្ទាប់។ https://web.facebook.com/photo/?fbid=1490739889761801&set=a.492095336292933
ពលរដ្ឋ២ឃុំនៅឃុំរួសរាន់ និងឃុំរីករាយ ក្នុងស្រុករវៀង ខេត្តព្រះវិហារ ដែលមានវិវាទដីធ្លីជាមួយក្រុមហ៊ុន គ្លូប៊ល ហ្គ្រីន ដែលជាក្រុមហ៊ុនធ្វើអាជីវកម្មរ៉ែ ទន្ទឹមរង់ចាំដំណោះស្រាយពីក្រសួងកសិកម្ម ដើម្បីទាមទារឱ្យកាត់ឆ្វៀលដីធ្លីពួកគេត្រឡប់មកវិញ ខណៈជីវភាពពលរដ្ឋពឹងផ្អែកលើដីចម្ការទាំងនោះ។ ការស្វែងរកកិច្ចអន្តរាគមន៍ពីក្រសួង ក្រោយពលរដ្ឋមិនបានទទួលដំណោះស្រាយសមរម្យពីការសម្របសម្រួលដោយអាជ្ញាធរថ្នាក់ខេត្ត។ https://web.facebook.com/photo/?fbid=1490786279757162&set=a.492095336292933
ក្រុមអ្នកសង្កេតការណ៍អាស៊ាន (AOT) បានចុះទៅសង្កេតការណ៍ ផ្ទៀងផ្ទាត់ និងរាយការណ៍អំពីស្ថានភាពព្រំដែននៅច្រកអានសេះ ស្រុកជាំក្សាន្ត ខេត្តព្រះវិហារ នៅព្រឹកថ្ងៃអង្គារនេះ ស្របពេលដែលទាហានកម្ពុជា ត្រូវបានរាយការណ៍ថា បានព្យាយាមទប់ស្កាត់ទាហានថៃ ដែលនៅតែបន្តដាក់បន្លាលួសឈ្លានពានចូលទឹកដីកម្ពុជា នៅមុំបី។​ https://www.facebook.com/photo/?fbid=1490898893079234&set=a.492095336292933
ទណ្ឌិតជាក្មេងទំនើងចំនួន ៧៩០នាក់ ដែលបានផ្ទេរទៅអនុវត្តទោសនៅមណ្ឌលអប់រំកែប្រែទី៤ ខេត្តពោធិ៍សាត់ និងពន្ធនាគារខេត្តឧត្តរមានជ័យ កំពុងមមាញឹកដាំបន្លែ ចិញ្ចឹមសត្វ ចាក់គម្របលេណដ្ឋាន និងការងារសំណង់ផ្សេងៗ ដើម្បីគាំទ្រដល់កម្លាំងជួរមុខ។ នេះបើតាម​អគ្គនាយកដ្ឋាន​ពន្ធនាគារ។​ https://www.facebook.com/photo/?fbid=1490957349740055&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃពុធ ទី០៣ ខែមិថុនា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ពលរដ្ឋប្រជាធិបតេយ្យសេរី
វាគ្មិនកិត្តិយស៖
1. លោក នី សុខា ប្រធានសមាគមការពារសិទ្ធិមនុស្ស អាដហុក
2. លោក រស់ សុដ្ឋា ប្រធានអង្កការសម្ព័នភាពការពារសិទ្ធិមនុស្សកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​ https://www.facebook.com/share/v/18aSqtbeyG/
លោក ហ៊ុន ម៉ាណែត បានច្រានចោលការអះអាងដែលថា កញ្ចប់ថវិកាជាតិសម្រាប់វិស័យអប់រំ និងសុខាភិបាលនឹងត្រូវកាត់បន្ថយ ដើម្បីផ្តល់មូលនិធិដល់ការចំណាយខ្ពស់លើវិស័យការពារជាតិ ដោយបញ្ជាក់ថា វិស័យទាំងពីរនេះនឹងបន្តទទួលបានកញ្ចប់ថវិកាបន្ថែមក្រោមផែនការថវិកាជាតិរយៈពេលវែងរបស់រដ្ឋាភិបាល។ https://www.facebook.com/photo/?fbid=1491028099732980&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី០៤ ខែមិថុនា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ ពលរដ្ឋប្រជាធិបតេយ្យសេរី
វាគ្មិនកិត្តិយស៖
1. លោក នី សុខា ប្រធានសមាគមការពារសិទ្ធិមនុស្ស អាដហុក
2. លោក រស់ សុដ្ឋា ប្រធានអង្កការសម្ព័នភាពការពារសិទ្ធិមនុស្សកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1DhRQiGDf3/?mibextid=wwXIfr​
នាយករដ្ឋមន្ត្រីថៃ លោក អនុធិន ឆាន់វីរៈគូន បានប្រាប់ប្រព័ន្ធផ្សព្វផ្សាយក្នុងស្រុកនៅថ្ងៃអង្គារ ទី២មិថុនានេះថា រដ្ឋាភិបាលថៃមានមធ្យោបាយផ្ទាល់ខ្លួនដើម្បីដោះស្រាយបញ្ហាដែនសមុទ្រត្រួតស៊ីគ្នាជាមួយកម្ពុជា។ ​ការបញ្ជាក់ដូចនេះ​របស់​លោកអនុធិនធ្វើឡើង បន្ទាប់ពីកម្ពុជាបានផ្តល់សញ្ញាទៅអង្គការសហប្រជាជាតិក្នុងថ្ងៃទី២មិថុនាថា កម្ពុជានឹងប្រើយន្តការផ្សះផ្សាដោយចាប់បង្ខំនៅក្រោមអនុសញ្ញា UNCLOS ក្នុងការដោះស្រាយជម្លោះដែនសមុទ្រដ៏រ៉ាំរ៉ៃជាមួយប្រទេសថៃ។ https://web.facebook.com/photo/?fbid=1491712812997842&set=a.492095336292933
បំណុលសាធារណៈសរុបរបស់កម្ពុជាមានចំនួន ១៣,៣០ ពាន់លានដុល្លារនៅចុងត្រីមាសទីមួយនៃឆ្នាំ ២០២៦ ដោយរដ្ឋាភិបាលលើកឡើងថាបំណុលរបស់ប្រទេសនៅតែមាននិរន្តរភាព និងមានហានិភ័យទាប។ https://web.facebook.com/photo/?fbid=1491775076324949&set=a.492095336292933
ភូមិជោគជ័យមិនមែនជាទឹកដីថៃ ហើយកម្ពុជាក៏មិនបានលួចដាក់មីន ក្រោយមានបទឈប់បាញ់ថ្ងៃទី២៧ ខែធ្នូ ឆ្នាំ២០២៥ ដែរ។ នេះជាការបញ្ជាក់របស់លោក ជុំ សុន្ទរី ឯកអគ្គរាជទូតកម្ពុជាប្រចាំប្រទេសជប៉ុននៅក្នុងលិខិតមួយដែលផ្ញើទៅកាន់និពន្ធនាយកសារព័ត៌មាន Nikkei Asia។ ចំពោះលោក ជុំ សុន្ទរី កាសែត Nikkei Asia ផ្សាយខុសពីស្ថានភាពពិតអំពីជម្លោះព្រំដែនខ្មែរ-ថៃ។ https://web.facebook.com/photo/?fbid=1491871889648601&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី០៤ ខែឧសភា ឆ្នាំ២០២៦
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ៖ IDAHOBIT Day 2026
វាគ្មិនកិត្តិយស :
១. សុទ្ធ ពៅសំណាង អ្នកសម្របសម្រួលបណ្ដាញប្រជាជនគន្លឹះវ័យក្មេង
២. ណឺ មិនា អ្នកបកប្រែ
អ្នកសម្របសម្រួល៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://web.facebook.com/share/v/1BUPKynTgT/
លោក ជិន សេងឃាង អាយុ ៤១ឆ្នាំ ជាបេក្ខជនឈរឈ្មោះមកពីគណបក្សឆន្ទៈខ្មែរ សម្រាប់ការបោះឆ្នោតក្រុមប្រឹក្សាឃុំ សង្កាត់ឆ្នាំ២០២៧ ខាងមុខនេះ ត្រូវបានអាជ្ញាធរចាប់ខ្លួនកាលពីថ្ងៃទី៣០ ខែឧសភា ឆ្នាំ២០២៦ នៅផ្ទះរបស់លោកក្នុងស្រុកព្រៃឈរ ខេត្តកំពង់ចាម ដោយចោទប្រកាន់ពីបទញុះញង់ ដោយសារតែសកម្មជនបក្សជំទាស់ខាងលើបញ្ចេញមតិទាក់ទងទៅនឹងបញ្ហាព្រំដែនកម្ពុជា-ថៃ ។ នេះបើតាមការចុះផ្សា​យរបស់អង្គការការពារសិទ្ធិមនុស្សលីកាដូ។ https://web.facebook.com/photo/?fbid=1492008246301632&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃសុក្រ ទី០៥ ខែឧសភា ឆ្នាំ២០២៦
នេះជាកម្មវិធីប្រចាំថ្ងៃព្រហស្បតិ៍ «ស្ត្រីអាចធ្វើបាន»
==========================
ប្រធានបទ៖ IDAHOBIT Day 2026
វាគ្មិនកិត្តិយស :
១. សុទ្ធ ពៅសំណាង អ្នកសម្របសម្រួលបណ្ដាញប្រជាជនគន្លឹះវ័យក្មេង
២. ណឺ មិនា អ្នកបកប្រែ
អ្នកសម្របសម្រួល៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://www.facebook.com/share/v/1BWbeknSSM/?mibextid=wwXIfr
ប្រជា​ពល​រដ្ឋ​ដែល​ជា​ជន​ភៀស​សឹកពី​ជម្លោះព្រំ​ដែន​រាប់​ពាន់​គ្រួសារ​​បាន​ចាកចេញពី​ជំរំ​តង់​មក​នៅ​ផ្ទះ​ដែល​រដ្ឋាភិបាលបាន​ផ្ដល់​ជូន។ ​ទន្ទឹម​នឹង​បាន​ផ្ទះ​ថ្មី​ស្នាក់​នៅ ប្រជា​ពល​រដ្ឋ​មួយ​ចំនួន​បាន​លើក​ឡើង​ថា ​ទី​តាំង​រស់​នៅ​ថ្មី​​បាន​កែ​ប្រែ​ជីវភាព​របស់​ពូក​គាត់បាន​តិច​តួច​នៅ​ឡើយ​។​ https://www.facebook.com/photo/?fbid=1492627549573035&set=a.492095336292933
ក្រោយជំនួបរវាងអាជ្ញាធររាជធានីភ្នំពេញ និងតំណាងសហជីពអង្គការសមាគមកាលពីរសៀលថ្ងៃទី៣ ខែមិថុនា អាជ្ញាធរបានស្នើឱ្យតំណាងសហជីពត្រូវធ្វើការកែតម្រូវចំពោះសកម្មភាពក្នុងការជួប​ជុំ ប្រមូលផ្តុំ ដង្ហែក្បួននៅតាមទីសាធារណៈណាមួយ ដោយត្រូវជូនដំណឹងជាមុន។ តំណាងសហជីពដែលបានចូលរួមបញ្ជាក់ថា ពួកគេនឹងបន្តអនុវត្តសេរីភាពជាមូលដ្ឋានដែលធានាដល់ការគោរពសិទ្ធិមនុស្ស។ https://www.facebook.com/photo/?fbid=1492676716234785&set=a.492095336292933
សហរដ្ឋអាម៉េរិកបានស្នើពន្ធបន្ថែមលើប្រទេសកម្ពុជា និងប្រទេសចំនួន ៥៩ ផ្សេងទៀត រួមមានប្រទេសម៉ាឡេស៊ី សិង្ហបុរី ហ្វីលីពីន វៀតណាម និងថៃ ចំពោះការបរាជ័យក្នុងការដាក់ និងអនុវត្តការហាមឃាត់ការនាំចូលផលិតផល ដែលផលិតឡើងដោយប្រើកម្លាំងពលកម្មដោយបង្ខំ បន្ទាប់ពីការបញ្ចប់ការស៊ើបអង្កេតពាណិជ្ជកម្មនៅថ្ងៃទី ២ ខែមិថុនា។ https://www.facebook.com/photo/?fbid=1492830819552708&set=a.492095336292933
ក្នុងខួប៦ឆ្នាំនៃការបាត់ខ្លួនសកម្មជននយោបាយថៃ លោក Wanchalearm Satsaksit អង្គការ និងសហគមន៍អន្តរជាតិមួយចំនួនបានទាមទារឱ្យរដ្ឋាភិបាលកម្ពុជា-ថៃបន្តស៊ើបអង្កេត បើទោះបីជាករណីនេះត្រូវបានតុលាការកម្ពុជាបិទសំណុំរឿងក៏ដោយ។ នេះបើតាមការចុះផ្សាយរបស់សហព័ន្ធអន្តរជាតិសម្រាប់សិទ្ធិមនុស្ស (FIDH) នៅថ្ងៃទី៤ ខែមិថុនា ឆ្នាំ២០២៦។ សូមរំឭកថា លោក Wanchalearm Satsaksit បានភៀសខ្លួនមកកម្ពុជាកាលពីឆ្នាំ២០១៤ និងបាត់ខ្លួននៅកម្ពុជា កាលពីឆ្នាំ ២០២០ ក្បែរអគារខុនដូរមួយក្នុងខណ្ឌជ្រោយចង្វារ រាជធានីភ្នំពេញ។ https://www.facebook.com/photo/?fbid=1492879792881144&set=a.492095336292933
កម្លាំង​សមត្ថកិច្ច​នៅរាជធានី​ភ្នំពេញ និង​នៅខេត្តត្បូងឃ្មុំ បាន​បន្តបំពេញការងារ ដើម្បី​លុបបំបាត់ឱ្យ​អស់នូវរាល់បទល្មើស ជាពិសេសបទល្មើសឆបោកតាមប្រព័ន្ធបច្ចេកវិទ្យា (Online Scams) នៅក្នុងមូល​ដ្ឋាន​របស់ខ្លួន ហើយជា​លទ្ធផល បានចុះបង្រ្កាប និងឃាត់ខ្លួនបានជន​សង្ស័យ​ជិត​១០០នាក់។​ https://web.facebook.com/photo/?fbid=1495520182617105&set=a.492095336292933
សមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ បានយកថ្ងៃអាទិត្យ ទី៧ ខែមិថុនា ឆ្នាំ២០២៦ ដើម្បីរំឭកខួប៧៧ឆ្នាំដែលបារាំងផ្ទេរដែនដីកម្ពុជាក្រោមទៅឲ្យវៀតណាមគ្រប់គ្រង។ ឆ្លៀតឱកាសនេះ តំណាងសមាគមខ្មែរកម្ពុជាក្រោម បានទទូចជាថ្មីទៀត ឲ្យអាជ្ញាធរវៀតណាម ដោះលែងសកម្មជនខ្មែរកម្ពុជាក្រោមឲ្យមានការសេរីភាពឡើងវិញ ដោយឥតលក្ខខណ្ឌ។ ការអំពាវនាវនេះធ្វើឡើងបន្ទាប់ពីអាជ្ញាធរវៀតណាមទើបចាប់ខ្លួន លោក ថាច់ ចាន់ត្រា កាលពីថ្ងៃទី២៩ ខែមេសា ឆ្នាំ២០២៦ ក្រោយពីលោកបានចែករំលែកព័ត៌មានស្តីពីអាជ្ញាធរវៀតណាមរំលោភសិទ្ធិខ្មែរក្រោម។ https://web.facebook.com/photo/?fbid=1495567972612326&set=a.492095336292933