ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
ក្រុមអ្នកសង្កេតការណ៍អាស៊ានប្រចាំនៅកម្ពុជា (ASEAN Observer Team–Cambodia: AOT-KH) បានចុះសួរសុខទុក្ខ និងពិនិត្យស្ថានភាពរស់នៅរបស់ពលរដ្ឋភៀសសឹក នៅមណ្ឌលសុវត្ថិភាពវត្តពើងអង្កាម ហៅវត្តបាក់កាំ ឃុំឈានមុខ ស្រុកត្បែងមានជ័យ ខេត្តព្រះវិហារ មានចំនួន ២៩៥គ្រួសារ ។ https://www.facebook.com/photo/?fbid=1529121605923629&set=a.492095336292933
ក្រោយមានភាពចម្រូងចម្រាស់រឿងបាត់​ខ្សាច់រាប់លានតោន និងចំណូលថវិការាប់រយលានដុល្លារសហរដ្ឋអាមេរិកពីការនាំខ្សាច់ទៅលក់នៅប្រទេសសិង្ហបុរី​ ​ រាជរដ្ឋាភិបាលបានសម្រេចផ្អាកការនាំខ្សាច់ចេញទៅក្រៅប្រទេសជាផ្លូវការកាលពីឆ្នាំ២០១៧។ ប៉ុន្តែថ្មីៗនេះ តាមរយៈការស្រាវជ្រាវរបស់អង្គការចលនាមាតាធម្មជាតិបានរកឃើញថា ខ្សាច់សមុទ្រកម្ពុជានៅតែត្រូវបានបូមពីខេត្តកោះកុងនាំចេញទៅលក់នៅប្រទេសសិង្ហបុរី។ https://www.facebook.com/photo/?fbid=1529175602584896&set=a.492095336292933
អ្នកសារព័ត៌មានអនឡាញម្នាក់ ត្រូវបានតុលាការសម្រេចផ្តន្ទាទោសដាក់ពន្ធនាគាររយៈពេល ២ឆ្នាំ បន្ទាប់ពី​ផ្សព្វ​ផ្សាយព័ត៌មានដែលអាជ្ញាធរចាត់ទុកថា ធ្វើប៉ះពាល់ដល់ទឹកចិត្តកងទ័ព​កម្ពុជា​ក្នុងអំ​ឡុង​ពេល​មាន​ជម្លោះ​ព្រំដែនកម្ពុជា និងថៃ។ ក្រុមអង្គការការពារសេរីភាព​សារព័ត៌មាន​បានលើកឡើងថា វាធ្វើឱ្យប៉ះពាល់ដល់សេរីភាពសារព័ត៌មាន​នៅកម្ពុជា។ https://www.facebook.com/photo/?fbid=1529318915903898&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃពុធ ទី១៥ ខែកក្កដា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ សិទ្ធិមនុស្សជាមូលដ្ឋាន
វាគ្មិនកិត្តិយស៖
1. លោក សេង សុវឌ្ឍនា នាយកប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា
2. លោក រស់ សុដ្ឋា ​ប្រធានអង្គការសម្ព័ន្ធភាពការពារសិទ្ធិមនុស្សកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​ https://www.facebook.com/share/v/1HqXLEoMBa/?mibextid=wwXIfr
ស្ថានទូតចិនប្រចាំនៅកម្ពុជាបានអំពាវនាវឱ្យមានការស៊ើបអង្កេតឆាប់រហ័សលើករណីឃាតកម្មលើវេជ្ជបណ្ឌិតចិនម្នាក់នៅភ្នំពេញ ដោយជំរុញឱ្យអាជ្ញាធរស្វែងរកការពិត នាំជនល្មើសមកផ្តន្ទាទោសតាមច្បាប់ និងធានាសុវត្ថិភាពរបស់ពលរដ្ឋចិននៅក្នុងប្រទេស។ https://www.facebook.com/photo/?fbid=1529437369225386&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី១៦ ខែកក្កដា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ សិទ្ធិមនុស្សជាមូលដ្ឋាន
វាគ្មិនកិត្តិយស៖
1. លោក សេង សុវឌ្ឍនា នាយកប្រតិបត្តិនៃមជ្ឈមណ្ឌលសិទ្ធិមនុស្សកម្ពុជា
2. លោក រស់ សុដ្ឋា ​ប្រធានអង្គការសម្ព័ន្ធភាពការពារសិទ្ធិមនុស្សកម្ពុជា
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​ https://www.facebook.com/share/v/1bRGJjwRNW/?mibextid=wwXIfr
សកម្មជនអ្នកគាំទ្រគណបក្សនយោបាយម្នាក់ទៀតទើបត្រូវបានចាប់ខ្លួនដោយសារតែបានចូលរួមលើកស្លាកគណបក្សក្រៅរដ្ឋាភិបាលមួយនៅខេត្តស្វាយរៀង។ ជាសរុបគិតត្រឹមពេលនេះ មានមនុស្សជាង ១៣០នាក់ត្រូវបានចាប់ខ្លួនដោយសារតែបានធ្វើសកម្មភាពសង្គម នយោបាយ និងបញ្ចេញមតិ។ ករណីនេះបានធ្វើឲ្យអ្នកការពារសិទ្ធិមនុស្ស និងមន្ត្រីរបស់គណបក្សក្រៅរដ្ឋាភិបាលកម្ពុជាព្រួយបារម្ភចំពោះស្ថានភាពសិទ្ធិមនុស្សនៅកម្ពុជា។ https://www.facebook.com/photo/?fbid=1530075852494871&set=a.492095336292933
ភាគីកម្ពុជាបានទាមទារឱ្យភាគីថៃបញ្ឈប់ការឈូសឆាយធ្វើផ្លូវ ការពង្រីកភូមិសាស្ត្រ សកម្មភាព​រាយបន្លាលួស នៅក្នុងតំបន់ដែលស្ថិតនៅក្នុងដែនអធិបតេយ្យកម្ពុជា និងតំបន់ដែល​មិនទាន់ដាច់ស្រេច នៅក្នុងកិច្ចប្រជុំក្រៅផ្លូវការក្រុមលេខាធិការដ្ឋាននៃគណៈកម្មាធិការព្រំដែនថ្នាក់យោធភូមិភាគកម្ពុជា-ថៃ (RBC) នៅច្រកអន្តរជាតិជាំ-សាង៊ាំ ស្រុកអន្លង់វែង ខេត្តឧត្តរមានជ័យ។ https://www.facebook.com/photo/?fbid=1530120762490380&set=a.492095336292933
សារព័ត៌មាន Reuters បានចុះផ្សាយនៅថ្ងៃពុធ ទី១៥ កក្កដានេះនូវអត្ថបទមួយដែលថា កាស៊ីណូ The Royal Hill នៅច្រកអូរស្មាច់ជាទីតាំងប្រព្រឹត្តអំពើឆបោក​អនឡាញដ៏ធំមួយដែលមានជាប់ពាក់ព័ន្ធនឹងឧកញ៉ាមានអំណាចម្នាក់នៅកម្ពុជា។ បើតាម Reuters ក្រុមហ៊ុន Lim Heng Group របស់អ្នកឧកញ៉ា លឹម ហេង ជាម្ចាស់កម្មសិទ្ធិកាស៊ីណូ The Royal Hill បានជួលឲ្យជនជាតិចិនយកធ្វើជាទីតាំងប្រព្រឹត្តបទល្មើសឆបោកអនឡាញ។ https://www.facebook.com/photo/?fbid=1530235775812212&set=a.492095336292933
ក្នុងរយៈពេល៦ខែដើមឆ្នាំ២០២៦ អាជ្ញាធរកម្ពុជាបានទប់ស្កាត់ស្ត្រីខ្មែរជិត២០០នាក់ មិនឱ្យធ្វើដំណើរទៅក្រៅប្រទេស ដោយសង្ស័យថាអាចចាញ់បោកមេខ្យល់តាមរយៈការបោកបញ្ឆោតទៅធ្វើការ ឬរៀបអាពាហ៍ពិពាហ៍ទៅក្រៅប្រទេស។ ខណៈអង្គការសង្គមស៊ីវិលសាទរចំពោះវិធានការនេះ ពួកគេក៏អំពាវនាវឱ្យរដ្ឋាភិបាលពង្រឹងការបង្ក្រាបមេខ្យល់ និងពង្រីកការផ្សព្វផ្សាយអំពីល្បិចបោកប្រាស់ដល់ប្រជាពលរដ្ឋ។ https://www.facebook.com/photo/?fbid=1530960795739710&set=a.492095336292933
នៅក្នុងកិច្ចប្រជុំក្រៅផ្លូវការ RBC ភាគីកម្ពុជាបានទាមទារឱ្យភាគីថៃផ្ទៀងផ្ទាត់ហេតុការណ៍បាញ់បោះ និងផ្ទុះអាវុធកាលពីពេលថ្មីៗដើម្បីចៀសវាងការកើនឡើងនៃភាពតានតឹងតាមព្រំដែន។ ថៃ តាមរយៈកងទ័ពភូមិភាគទី២ បានបដិសេធដោយអះអាងថា ខ្លួនមិនមែនជាអ្នកបង្កឱ្យមានហេតុការណ៍នោះទេ។ https://www.facebook.com/photo/?fbid=1531012829067840&set=a.492095336292933
លោកស្រី Flerida Ann Camille P. Mayo ឯកអគ្គរដ្ឋទូតហ្វីលីពីនប្រចាំកម្ពុជាចប់អាណត្តិបានបញ្ជាក់ជាថ្មីថា ហ្វីលីពីននឹងខិតខំប្រឹងប្រែងជួយជំរុញការដោះស្រាយជម្លោះព្រំដែនរវាងកម្ពុជា និងថៃ ប្រកបដោយអព្យាក្រឹតភាព។ ការបញ្ជាក់ជាថ្មីរបស់ឯកអគ្គរដ្ឋទូតហ្វីលីពីនដូចនេះធ្វើឡើងនៅក្នុងជំនួបជាមួយលោកហ៊ុន សែន ប្រធានព្រឹទ្ធសភានាថ្ងៃទី១៦ ខែកក្កដា ឆ្នាំ ២០២៦។ https://www.facebook.com/photo/?fbid=1531167722385684&set=a.492095336292933
គណបក្សកម្លាំងជាតិបានយកញត្តិទៅដាក់ថ្វាយជូនព្រះមហាក្សត្រ​ខ្មែរ ដើម្បីយាងព្រះអង្គឱ្យជួយ​អន្តរាគមន៍​ករណី​លោក រ៉ុង ឈុន ឱ្យមានសិទ្ធិធ្វើនយោបាយពេញលេញឡើងវិញ ក្រោយតុលាការសម្រេចបិទផ្លូវនយោបាយរយៈពេល៥ឆ្នាំ។ អ្នកឃ្លាំមើល​យល់ថា ការបន្តបិទខ្ទប់សិទ្ធិធ្វើនយោបាយរបស់លោក រ៉ុង ឈុន នឹងមិនមានប្រយោជន៍អ្វីដល់ជាតិនោះឡើយ។ https://www.facebook.com/photo/?fbid=1533512062151250&set=a.492095336292933
អ្នកជំនាញផ្នែកសារព័ត៌មាននៅកម្ពុជា បានកត់សម្គាល់ឃើញភាពយឺតយ៉ាវនៃការធ្វើច្បាប់ ឬធ្វើវិសោធនកម្មច្បាប់មួយចំនួនពាក់ព័ន្ធនឹងវិស័យព័ត៌មាន ដូចជាច្បាប់ស្តីពីរបបសារព័ត៌មាន ច្បាប់ស្តីពីសិទ្ធិទទួលព័ត៌មាន ច្បាប់ស្តីពីការប្រើប្រាស់បណ្តាញសង្គម ច្បាប់ស្តីពីបច្ចេកវិទ្យាAI ​និងច្បាប់ស្តីពីការការពារទិន្នន័យបុគ្គលជាដើម ដើម្បីការពារផលប្រយោជន៍សង្គម និងសិទ្ធិរបស់អ្នកកាសែត។​​https://www.facebook.com/photo/?fbid=1533566752145781&set=a.492095336292933
ឯកអគ្គរាជទូតជប៉ុនប្រចាំកម្ពុជា បានសន្យាផ្តល់ថវិកាចំនួន ៣លានដុល្លារ សម្រាប់ផ្គត់ផ្គង់ទូកល្បាត និងឧបករណ៍ទំនាក់ទំនង ដែលជាផ្នែកមួយនៃគម្រោងសន្តិសុខ និងបានផ្តល់ថវិកាសម្រាប់ទិញឧបករណ៍ដល់ក្រុមអ្នកសង្កេតការណ៍អាស៊ាន។​ https://www.facebook.com/photo/?fbid=1533666662135790&set=a.492095336292933
មន្ទីរប្រឆាំងគ្រឿងញៀន បានព្រមានចាត់វិធានការផ្លូវច្បាប់ប្រឆាំងនឹងលោក រិន ច័ន្ទរិទ្ធិ ម្ចាស់គណនីហ្វេសប៊ុកឈ្មោះ Ren Chanrith ជុំវិញការបង្ហោះព័ត៌មាន ដោយចោទប្រកាន់គ្មានមូលដ្ឋាន លើមន្ត្រីនគរបាលនៃមន្ទីរគ្រឿងញៀន។ ការព្រមានឲ្យកែតម្រូវ និងលុបព័ត៌មានគ្មានមូលដ្ឋានចេញពីហ្វេសប៊ុក ធ្វើឡើងបន្ទាប់ពីគណនីហ្វេសប៊ុក Ren Chanrith បានសរសេរកាលពីថ្ងៃទី១៥កក្កដាថា បច្ចុប្បន្នមានករណីកៀបស៊ីលើពលរដ្ឋ ដោយទាមទារឲ្យពលរដ្ឋបង់លុយជាថ្នូរនឹងការដោះលែង។ https://www.facebook.com/photo/?fbid=1533719612130495&set=a.492095336292933
អង្គការសង្គម​ស៊ីវិលមួយ​ចំនួន​ គ្រោង​លើកយក​បញ្ហា​មួយ​ចំនួនទាក់ទងជា​មួយ​​នឹងការព្រួយបារម្ភអំពី​ស្ថានភាព​សិទ្ធិមនុស្ស និងលម្ហសេរីភាព​នៅ​កម្ពុជា​ យកទៅជជែកពិភាក្សាជា​មួយ​អ្នករាយការណ៍​ពិសេសរបស់​អង្គការសហប្រជាជាតិ​។ គម្រោងនេះ នឹងធ្វើឡើងក្នុងឱកាសអ្នករាយយការណ៍ពិសេសរបស់អង្គការអន្តរជាតិនេះ ​មកបំពេញ​ទស្សនកិច្ច​នៅកម្ពុជា ចាប់ពី​ថ្ងៃ​ទី​២០-៣១ខែកក្កដា ឆ្នាំ​២០២៦​​ ដើម្បី​ធានាបាន​នូវ​ស្ថានភាព​សិទ្ធិមនុស្ស​នៅ​កម្ពុជាកាន់តែ​ប្រសើរ។ https://www.facebook.com/photo/?fbid=1534334542069002&set=a.492095336292933
កម្ពុជាបានច្រានចោលការអះអាងរបស់ឧបនាយករដ្ឋមន្ត្រី និងរដ្ឋមន្ត្រីការបរទេសថៃ លោក ស៊ីហាសាក់ ភួងកែវកែវ (Sihasak Phuangketkeow) ដែលថា ការសម្រេចរបស់កម្ពុជាក្នុងការប្រើយន្តការផ្សះផ្សាជាកាតព្វកិច្ចក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រ (UNCLOS) បាន «បិទទ្វារ» ការចរចាព្រំដែនគោក ដោយបញ្ជាក់ថា បញ្ហាព្រំដែនសមុទ្រ និងព្រំដែនគោកស្ថិតក្រោមក្របខណ្ឌច្បាប់ និងយន្តការដាច់ដោយឡែកពីគ្នា ហើយអាចដំណើរការស្របគ្នាបាន។​ https://www.facebook.com/photo/?fbid=1534377002064756&set=a.492095336292933
អ្នកនាំពាក្យក្រសួងការបរទេសចិន លោក Lin Jian បានចេញមុខការពារជំហររបស់កម្ពុជាដែលបានគាំទ្រគោលនយោបាយ «ចិនតែមួយ»។ ការការពារដោយចំហរបស់ចិននេះ គឺបន្ទាប់ពីក្រសួងការបរទេសតៃវ៉ាន់សម្រេចលុបចោលការសម្រួលទិដ្ឋាការចេញ-ចូលដល់កម្ពុជា។ អ្នកនាំពាក្យក្រសួងការបរទេសចិនបានចាត់ទុកការសម្រេចរបស់ទីក្រុងតៃប៉ិជាគំរូដ៏អាក្រក់ក្នុងចេតនាប៉ុនប៉ងបំបែកខ្លួនចេញពីចិន។ https://www.facebook.com/photo/?fbid=1534547348714388&set=a.492095336292933
សហជីពទ្រទ្រង់សិទ្ធិការងារបុគ្គលិកកម្មករខ្មែរ នៃក្រុមហ៊ុនណាហ្គាវើលដ៍ (LRSU) ចេញលិខិតបញ្ជាក់ជំហរ ដោយអះអាងថា សហជីពប្រកាន់ភ្ជាប់គោលការណ៍ឯករាជ្យ មិនចូលរួមសកម្មភាពនយោបាយ ឬបម្រើនិន្នាការនយោបាយណាមួយឡើយ។ សហជីព បញ្ជាក់ថា គោលដៅសំខាន់របស់ខ្លួន គឺផ្ដោតលើការការពារ និងលើកកម្ពស់សិទ្ធិការងាររបស់កម្មករនិយោជិត។ https://www.facebook.com/photo/?fbid=1534649418704181&set=a.492095336292933