ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
រាជរដ្ឋាភិបាលកម្ពុជា បានទាមទារឱ្យភាគីថៃ បញ្ឈប់ជាបន្ទាន់ការសាង់សាងសង់លេណដ្ឋាន យោធាថ្មី នៅតំបន់ច្រកទ្វារអន្តរជាតិថ្មដា ក៏ដូចជា​ផែនការពង្រីកបណ្តាញអគ្គិសនីជាតិរបស់ថៃ ទៅកាន់តំបន់ប្រាសាទតាក្របី និងភ្នំ៣៣៣ ដែលសុទ្ធតែស្ថិតក្នុងទឹកដីកម្ពុជា។ ការទាមទារជាបន្តបន្ទាប់របស់កម្ពុជា គឺដោយសារតែកងកម្លាំងប្រដាប់អាវុធថៃ បានបន្តរំលោភបំពានមកលើអធិបតេយ្យ និងបូរណភាពទឹកដីកម្ពុជា តាមបណ្តោយព្រំដែន។ https://www.facebook.com/photo/?fbid=1553342956834827&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្គារ ទី១១ ខែសីហា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ ការអប់រំសីលធម៌ចំពោះយុវជន
វាគ្មិនកិត្តិយស៖
1. លោកបណ្ឌិត ប៉ា ចន្ទរឿន ប្រធានវិទ្យាស្ថានប្រជាធិបតេយ្យកម្ពុជា
2. សួន វីន ប្រធានក្រុម យុវជនលិខិតអម
3. កញ្ញា តឿប ទេវរេវ យុវជន
សម្របសម្រួលដោយ៖ លោក ជា ចាវឡុង
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1EiUV6qy36/?mibextid=wwXIfr​
សហគមន៍និងអង្គការសង្គមស៊ីវិលចំនួន ៥៨ស្ថាប័ន បានចេញសេចក្តីថ្លែងការណ៍រួមគ្នាមួយ ដោយអំពាវនាវដល់ធនាគារពិភពលោក "World Bank" ឱ្យទទួលយករបាយការណ៍ស៊ើបអង្កេតរបស់ស្ថាប័នទទួលពាក្យបណ្តឹងឯករាជ្យ ស៊ីអេអូ និងដោះស្រាយវិបត្តិមីក្រូហិរញ្ញវត្ថុ នៅកម្ពុជា។ បន្ទាប់ពីរកឃើញថា សហគមន៍ជនជាតិដើមភាគតិចជាច្រើនកន្លែងនៅទូទាំងប្រទេសកម្ពុជា កំពុងរស់នៅដោយរងទុក្ខលំបាកយ៉ាងខ្លាំងពីផលប៉ះពាល់អវិជ្ជមាននៃបំណុលមីក្រូហិរញ្ញវត្ថុជារៀងរាល់ថ្ងៃ ។ នេះបើផ្អែកតាមការចេញផ្សាយរបស់អង្គការ លីកាដូ។ https://www.facebook.com/photo/?fbid=1553417846827338&set=a.492095336292933
យោងតាមស្ថានទូតអូស្ត្រាលីប្រចាំកម្ពុជាកាលពីថ្ងៃទី ១០ ខែសីហា លោក កឹម សុខា អតីតមេដឹកនាំបក្សប្រឆាំង បានជួបជាមួយលោក Derek Yip ឯកអគ្គរដ្ឋទូតអូស្ត្រាលី ជាលើកដំបូង ចាប់តាំងពីលោកទទួលបានការលើកលែងទោសពីព្រះមហាក្សត្រ ចំពោះការកាត់ទោសឱ្យជាប់ពន្ធនាគាររយៈពេល ២៧ ឆ្នាំ។ https://www.facebook.com/photo/?fbid=1553527620149694&set=a.492095336292933
ពី​រឆ្នាំ​ក្រោយ​បើក​ការ​ដ្ឋាន​សាង​សង់​ព្រែកជីក​ហ្វូណន​តេជោ ប្រជា​ពល​រដ្ឋ​ជា​ច្រើន​គ្រួសារដែល​រស់​នៅ​តាម​បណ្ដោយ​ផ្លូវ​ដែល​ត្រូវ​ជីកព្រែក​កំពុង​ស្ថិត​នៅ​ក្នុង​ភាព​មិន​ប្រាកដ​ប្រជា​ដោយសារតែ​ការ​សងសំណង​នៅពន្យារពេល និង​បានធ្វើ​ឲ្យ​ប៉ះពាល់​ដល់ជីវភាព​ប្រចាំ​ថ្ងៃ​ បើ​ទោះ​បី​ជា​ចិន​ទើប​បាន​ផ្ដល់​ជំនួយ​ហិរញ្ញប្បទាន​​ដល់​គម្រោង​​១,២​ពាន់​លាន​ដុល្លារនេះ​ក៏​ដោយ​។​​ https://www.facebook.com/photo/?fbid=1554229306746192&set=a.492095336292933
ក្រុមអ្នកសង្កេតការណ៍អាស៊ានប្រចាំកម្ពុជា AOT-KH ដឹកនាំ​ដោយ​ហ្វីលីពីន ចុះទៅ​ទីតាំង​ផ្ទះប្រជាជនស៊ីវិលចំនួន ១១៤ខ្នង ដែល​រងផលប៉ះពាល់ទាំងស្រុង ហើយប្រជាជនសរុបចំនួន ៥១១នាក់ (ស្រីចំនួន ២៦៨នាក់) នៅមិនទាន់អាចត្រលប់ទៅលំនៅឋានវិញបាន នៅ​ខេត្ត​ព្រះវិហារ។ https://www.facebook.com/photo/?fbid=1554274990074957&set=a.492095336292933
លោក​ រ៉ុង ឈុន ទីប្រឹក្សា​គណបក្ស​កម្លាំង​ជាតិ​អះអាង​ថា លោក​នឹង​បន្ត​សកម្ម​ភាព​​តស៊ូ​មតិ​ដោយ​សន្តិវិធី​ ដើម្បី​ទាម​ទារ​សេរីភាព​​និង​យុត្តិធម៌​​ បន្ទាប់ក្រសួង​យុត្តិធម៌ខកខាន​មិន​បាន​​ឆ្លើយ​តប​ទៅ​តាម​ការស្នើសុំរបស់​​លោក​ឱ្យ​ពិនិត្យ​សើ​រើ​លើ​សាលដីកា​របស់​តុលាការ​កំពូល​​។​ https://www.facebook.com/photo/?fbid=1554399450062511&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃពុធ ទី១២ ខែសីហា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ បច្ចុប្បន្នភាពនៃលំហការងារសង្គមស៊ីវិល
វាគ្មិនកិត្តិយស៖
1. លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
2. លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1J3PUCf6og/
អ៊ីស្រាអែលបាននាំយកដ្រូនឃ្លាំមើល មកសាកល្បងនៅតាមបន្ទាត់ព្រំដែនកម្ពុជា និងថៃដើម្បីបង្ហាញប្រាប់ពីបច្ចេកវិទ្យាចុងក្រោយរបស់ខ្លួនទៅកាន់កងទ័ពថៃ។ នេះបើតាមការចុះផ្សាយរបស់កាសែត Defence Blog នៅថ្ងៃអង្គារទី១១សីហា។ គួរកត់សម្គាល់ថា ការសាកល្បងសមត្ថភាពយាន​គ្មានមនុស្សបើករបស់អ៊ីស្រាអែល​ពេលនេះ ធ្វើឡើងអំឡុង​​ព្រំដែនថៃ និងកម្ពុជាបន្តស្ថិតក្នុងស្ថានភាពជម្លោះជាងមួយឆ្នាំមកហើយ​។ https://www.facebook.com/photo/?fbid=1554524420050014&set=a.492095336292933
លោក ហ៊ុន ម៉ាណែត បានបញ្ជាឱ្យអាជ្ញាធរខេត្តស្ទឹងត្រែងបន្តពង្រឹងការទប់ស្កាត់បទល្មើសឆ្លងព្រំដែន ដើម្បីធានាថាខេត្តនេះមិនពាក់ព័ន្ធនឹងសេដ្ឋកិច្ចខ្មៅ និងដើម្បីគាំទ្រដល់កិច្ចខិតខំប្រឹងប្រែងក្នុងការលើកកម្ពស់កេរ្តិ៍ឈ្មោះរបស់កម្ពុជានៅលើឆាកអន្តរជាតិ។ https://www.facebook.com/photo/?fbid=1555152603320529&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃព្រហស្បតិ៍ ទី១៣ ខែសីហា ឆ្នាំ២០២៦
នេះជាកម្មវិធីប្រចាំថ្ងៃពុធ «សភា រដ្ឋាភិបាល និង អភិបាលកិច្ច»
==========================
ប្រធានបទ៖ បច្ចុប្បន្នភាពនៃលំហការងារសង្គមស៊ីវិល
វាគ្មិនកិត្តិយស៖
1. លោក អំ សំអាត នាយកទទួលបន្ទុកកិច្ចការទូទៅនៃអង្គការលីកាដូ
2. លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ
សម្របសម្រួលដោយ៖ កញ្ញា ស៊ិន រតនា
==========================
កម្មវិធីសូមស្វាគមន៍ដោយរីករាយ ​https://web.facebook.com/share/v/19DALTMR3j/
រដ្ឋាភិបាលកម្ពុជាបានចេញអនុក្រឹត្យស្តីពីការអនុវត្តច្បាប់កាតព្វកិច្ចយោធា ក្រោយច្បាប់នេះត្រូវបានលោក ហ៊ុន សែន ក្នុងនាមជាប្រមុខរដ្ឋស្តីទីចុះហត្ថលេខាលើរាជក្រមដាក់ឱ្យប្រើប្រាស់កាលពីចុងខែឧសភា ឆ្នាំ២០២៦។ អនុក្រឹត្យនេះ​មាន ៨ជំពូក និង ៤១មាត្រា ដោយកំណត់ពីលក្ខខណ្ឌ ការធ្វើជំរឿន នីតិវិធីជ្រើសរើស ប្រាក់ឧបត្ថម្ភ គោលរបប និងការពន្យារពេលចូលបំពេញកាតព្វកិច្ចជាដើម។ គួរជម្រាបថា គ្រប់យោធិនចូលបំពេញកាតព្វកិច្ចយោធានឹងទទួលបានប្រាក់ឧបត្ថម្ភប្រចាំខែម្នាក់ៗចំនួន ៤០ម៉ឺនរៀល បូកនឹងរបបគោលផ្សេងៗទៀតដូចយោធិនអាជីពដែរ។ https://www.facebook.com/photo/?fbid=1555314746637648&set=a.492095336292933
សារព័ត៌មាន Mongabay បានចុះផ្សាយអត្ថបទស្រាវជ្រាវដែលបង្ហាញថា អាជីវកម្មបូមខ្សាច់សមុទ្រ នៅប្រទេសកម្ពុជាលក់ទៅឱ្យ​ប្រទេសសិង្ហបុរី ហាក់ចាប់ដំណើរការឡើងវិញ ក្រោយពីផ្អាកអស់ជាច្រើនឆ្នាំ។ សារព័ត៌មាន Mongabay បានសម្ភាសប្រធានមន្ទីររ៉ែ និងថាមពលខេត្តកោះកុង ដោយបញ្ជាក់ថា អាជ្ញាធរមូលដ្ឋានបានទទួលគោលការណ៍ពីថ្នាក់ជាតិ ដើម្បីអនុញ្ញាតឲ្យមានដំណើរការអាជីវកម្មបូមខ្សាច់សមុទ្រលក់នាំចេញទៅប្រទេសសិង្ហបុរី។ https://www.facebook.com/photo/?fbid=1555419873293802&set=a.492095336292933
ចិនបានបញ្ជាក់ជាថ្មីថា កិច្ចសហប្រតិបត្តិការលើសម្ភារការពារជាតិរបស់ខ្លួនជាមួយកម្ពុជា និងថៃ មិនសំដៅលើការលម្អៀង​ទៅកាន់​ភាគី​ណាមួយឡើយ ខណៈមន្ត្រីយោធាថៃបន្តលើកឡើងពីការព្រួយបារម្ភចំពោះការកើនឡើងនៃសម្ភារយោធាផលិតដោយចិន​លើទឹក​ដី​កម្ពុជា ដែលថ្មីៗនេះផ្តោតលើនាវាចម្បាំងប្រភេទ Corvette ថ្មីរបស់កងទ័ពជើងទឹកកម្ពុជា។​ https://www.facebook.com/photo/?fbid=1556053139897142&set=a.492095336292933
ក្រុមអង្គការសង្គមស៊ីវិលចំនួន ៧ស្ថាប័នបានប្រារព្ធខួប​លើក​ទី២៨ នៃ​ទិវាយុវជនអន្តរជាតិ ក្រោមប្រធានបទ «ពង្រឹងភាពធន់ និងលំហសុវត្ថិភាពរបស់យុវជន ដើម្បីអនាគតកម្ពុជា» នៅរាជបណ្ឌិត្យសភាកម្ពុជា រាជធានីភ្នំពេញ​។ យុវជនមួយចំនួនដែលចូលរួមក្នុងវេទិកានេះ​បាននិយាយថា ពួកគេទទួលបានការងារធ្វើដែលខុសជំនាញ។ ក្នុងន័យនេះ យុវជនជំរុញឱ្យក្រសួងការងារ និងក្រសួងអប់រំបង្កើនការផ្សព្វផ្សាយពីការតម្រង់ទិសសិក្សា ដើម្បីកសាងភាពធន់ សមស្របទៅនឹងទីផ្សារការងារបច្ចុប្បន្ន៕ https://www.facebook.com/photo/?fbid=1556110556558067&set=a.492095336292933
សហគមន៍​ជន​ជាតិ​ដើម​ភាគ​តិច​ក្នុង​ខេត្ត​រតនគិរី​កាលពី​ថ្ងៃព្រហស្បតិ៍​ បាន​អំពាវ​នាវ​ឲ្យ​ក្រ​សួង​ដែនដីបញ្ចប់​នីតិ​វិធី​ដើម្បី​ប្រគល់​ដី​ជាង​៧០០​ហិកតា ​ជូន​ពួក​គាត់​វិញ និង​ថា​ដី​ទាំង​នោះ​ត្រូវ​បាន​ក្រុម​ហ៊ុន​វៀតណាម​​ឈូស​ឆាយ​យក​។​ https://www.facebook.com/photo/?fbid=1556220473213742&set=a.492095336292933
ពលរដ្ឋភៀស​សឹក​​ប្រមាណ​ជាង​ ១ម៉ឺន​នាក់​អាច​ជួប​ការលំបាក​ក្នុងការចុះឈ្មោះ និង​ពិនិត្យ​ឈ្មោះ​សម្រាប់ការបោះឆ្នោតជ្រើសរើសក្រុមប្រឹក្សាឃុំ សង្កាត់ អាណត្តិទី៦។ លោក​ ហង្ស​ ពុទ្ធា អ្នកនាំពាក្យគណៈកម្មាធិការជាតិរៀបចំការបោះឆ្នោត (គ.ជ.ប) បាន​អះអាងថា ក្នុងកាលៈទេសៈ​ដែលការចុះឈ្មោះបោះឆ្នោត​បានខិតជិតមកដល់ ពលរដ្ឋបន្តភៀសសឹក​នៅតែអាច​ចុះឈ្មោះ និង​ពិនិត្យ​ឈ្មោះ​បាន​ដដែល នៅ​តាម​ឃុំ​-សង្កាត់​ដែល​ខ្លួនកំពុងតាំងទីលំនៅ។ https://www.facebook.com/photo/?fbid=1556331489869307&set=a.492095336292933
ប្រធានព្រឹទ្ធសភា លោក ហ៊ុន សែន បានអំពាវនាវឱ្យមានតំណាងស្ត្រីកាន់តែច្រើន ក្នុងថ្នាក់ដឹកនាំនយោបាយកម្ពុជា ដោយបានជំរុញឱ្យគណបក្សរបស់លោក គឺគណបក្សប្រជាជនកម្ពុជា (CPP) ដែលកំពុងកាន់អំណាច បញ្ចូលស្ត្រីទៅក្នុងតំណែងដែលអាចជាប់ឆ្នោតបាន នៅមុនការបោះឆ្នោត ជ្រើសរើសក្រុមប្រឹក្សាឃុំ-សង្កាត់នាឆ្នាំក្រោយនេះ ខណៈដែលអង្គការសង្កេតការណ៍ការបោះឆ្នោត Comfrel បានលើកឡើងថា កម្ពុជាត្រូវការកូតាដែលច្បាស់លាស់ និងមានមហិច្ឆតាជាងនេះ ដើម្បីប្រែក្លាយកាតព្វកិច្ចនេះឱ្យទៅជាតំណាងដែលមានន័យពិតប្រាកដ។ https://www.facebook.com/photo/?fbid=1558816079620848&set=a.492095336292933
តុលាការ​ម​ជ្ឈ​ត្តិការ​អចិន្ត្រៃយ៍​បានប្រកាសជាផ្លូវការពីការតែងតាំងលោកស្រី Katrina Cooper ធ្វើជាប្រធានគណៈកម្មការផ្សះផ្សាជម្លោះព្រំដែនសមុទ្ររវាងកម្ពុជា និងថៃ។ លោកស្រីប្រធានគណៈកម្មការផ្សះផ្សារូបនេះត្រូវបានជ្រើសតាំងកាលពីថ្ងៃទី១៣ ខែសីហា ដោយអ្នកផ្សះផ្សាចំនួន ៤រូប តំណាងឱ្យភាគីកម្ពុជា និងថៃ។ ភ្លាមៗ ក្រសួងការបរទេសកម្ពុជា និងថៃបានប្រកាស​ស្វាគមន៍ចំពោះការតែងតាំង​សមាសភាពលោកស្រី​ Katrina Cooper ដោយ​ចាត់ទុកថា នេះជាជំហានដ៏សំខាន់មួយក្នុងដំណើរការផ្សះផ្សាជម្លោះព្រំដែនសមុទ្ររបស់ភាគីទាំងពីរ។ https://www.facebook.com/photo/?fbid=1558867316282391&set=a.492095336292933
នៅថ្ងៃអាទិត្យទី១៦សីហានេះ លោក ហ៊ុន សែន ប្រធានព្រឹទ្ធសភាកម្ពុជា បានចាយពេល៣ម៉ោង ដើម្បីជជែកជាមួយលោក កឹម សុខា មេដឹកនាំអតីតបក្សសង្រ្គោះជាតិ និងកូនស្រីច្បងរបស់លោក គឺកញ្ញា កឹម មនោវិទ្យា។ តាមបណ្តាញសង្គមហ្វេសប៊ុក លោក ហ៊ុន សែន បានបញ្ចេញរូបថតចាប់ដៃយ៉ាងស្និទ្ធស្នាលជាមួយលោក កឹម សុខា និងកោតសរសើរកញ្ញា កឹម មនោវិទ្យា ថា ជាធនធានមនុស្សដ៏ល្អសម្រាប់ជាតិ។ https://www.facebook.com/photo/?fbid=1558981429604313&set=a.492095332959600