រាជរដ្ឋាភិបាលកម្ពុជា បានធ្វើការតវ៉ាជាផ្លូវការយ៉ាងខ្លាំងបន្ថែមទៀត ចំពោះការបន្តរំលោភបំពានជា បន្តបន្ទាប់របស់ថៃ មកលើអធិបតេយ្យ និងបូរណភាពទឹកដីរបស់កម្ពុជា តាមបណ្ដោយព្រំដែន ដែល ចុង ក្រោយ នេះ ធ្វើឡើង តាម រយៈ យក ចម្លាក់ ព្រះពុទ្ធ ស៊ីម៉ងត៍ មកដាក់ នៅ ភូមិសាស្ត្រ ស្រុក អន្លង វែង ដើម្បី បង្កើត ស្ថានភាពថ្មី។ https://www.facebook.com/photo/?fbid=1592861669549622&set=a.492095336292933
លោក រ៉ុង ឈុន ទីប្រឹក្សាគណបក្សកម្លាំងជាតិ បានដាក់ពាក្យសុំច្បាប់ទៅតុលាការកំពូលដើម្បីទៅធ្វើបុណ្យភ្ជុំបិណ្ឌនៅស្រុកកំណើតក្នុងស្រុកស្អាងខេត្តកណ្តាលនាពេលខាងមុខ។ សូមរម្លឹកជូនថា លោក រ៉ុង ឈុន ដែលគេស្គាល់ជាអ្នករិះគន់មិនសំចៃមាត់លើបញ្ហាព្រំដែនត្រូវបានតុលាការកំពូលកាត់ទោសដាក់ក្នុងពន្ធនាគាររយៈពេល៤ឆ្នាំ ដោយព្យួរទោស និងហាមដើរចេញពីរង្វង់ទីក្រុងភ្នំពេញ។ https://www.facebook.com/photo/?fbid=1592899759545813&set=a.492095336292933
កម្ពុជាកំពុងរៀបចំសន្និសីទអន្តរជាតិស្តីពីការប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា។ នៅចំពោះមុខបណ្តាសហគមន៍អន្តរជាតិ លោក ហ៊ុន ម៉ាណែត នាយករដ្ឋមន្ត្រីកម្ពុជា បានបញ្ជាក់ជំហរជាថ្មីថា កម្ពុជាមិនមែនជាទីតាំងសម្រាប់ឲ្យឧក្រិដ្ឋជនប្រព្រឹត្តបទល្មើសឆបោកអនឡាញឡើយ។ តែទន្ទឹមនេះ លោក ហ៊ុន ម៉ាណែត បានទទួលស្គាល់ថា កម្ពុជាបានផុងខ្លួនទៅក្នុងឧក្រិដ្ឋកម្មឆបោកអនឡាញ ដោយសារតែកំណើនល្បែងអនឡាញ និងធុរជនដែលគ្មានភាពស្មោះត្រង់ចូលមកវិនិយោគនៅកម្ពុជា។ https://www.facebook.com/photo/?fbid=1593031992865923&set=a.492095336292933
លទ្ធផលស្ទង់មតិថវិកាបើកចំហ ឬ Open Budget Survey (OBS) ឆ្នាំ២០២៥ បង្ហាញថា កម្ពុជាទទួលបានពិន្ទុត្រឹម ២លើ១០០ សម្រាប់ការចូលរួមរបស់សាធារណជនក្នុងដំណើរការរៀបចំថវិកា។ ការវាយតម្លៃនេះ ពិនិត្យលើកម្រិតដែលរដ្ឋាភិបាលផ្តល់ឱកាសជាផ្លូវការឱ្យសាធារណជនចូលរួមនៅគ្រប់ដំណាក់កាលនៃដំណើរការថវិកា រួមមានការរៀបចំថវិកាដោយស្ថាប័នប្រតិបត្តិ ការពិនិត្យ និងអនុម័តដោយស្ថាប័ននីតិប្បញ្ញត្តិ ព្រមទាំងការត្រួតពិនិត្យដោយស្ថាប័នសវនកម្មកំពូល។ https://www.facebook.com/photo/?fbid=1593078806194575&set=a.492095336292933
សំណើដំឡើងប្រាក់ឈ្នួលកម្មករកាត់ដេរនៅឆ្នាំ២០២៧ ឱ្យដល់ ២៥០,៦៦ដុល្លាររបស់សហព័ន្ធសហជីពនៅកម្ពុជាមានហេតុផលត្រឹមត្រូវ សមស្របសម្រាប់បរិបទសេដ្ឋកិច្ចកម្ពុជាសព្វថ្ងៃ។ នេះតាមសេចក្តីថ្លែងការណ៍របស់ អង្គការClean Clothes Campaign។ សម្រាប់បណ្តាញអង្គការក្រៅរដ្ឋាភិបាលមួយនេះ ប្រាក់ឈ្នួលកម្មករកាត់ដេរនៅកម្ពុជាបច្ចុប្បន្នមានកម្រិតទាប និងមិនអាចឆ្លើយតបការចាយវាយប្រចាំថ្ងៃរបស់កម្មករនោះឡើយ។ https://www.facebook.com/photo/?fbid=1593157882853334&set=a.492095336292933
នៅក្នុងថ្ងៃបើកសន្និសីទ ICCOS មន្ត្រីអន្តរជាតិបានកោតសរសើរចំពោះការបង្ក្រាបរបស់កម្ពុជាទៅលើទីតាំងដែលប្រើប្រាស់សម្រាប់ការឆបោកតាមអនឡាញ ប៉ុន្តែបានព្រមានថា ការគ្រាន់តែចុះបិទទីតាំងទាំងនោះមិនអាចបញ្ឈប់បណ្តាញបោកប្រាស់ឆ្លងដែនដែលមានទំនាក់ទំនងគ្នាយ៉ាងស្មុគស្មាញនោះទេ។ ពួកគេបានអំពាវនាវឱ្យមានការយកចិត្តទុកដាក់កាន់តែខ្លាំងលើលំហូរហិរញ្ញវត្ថុ រូបិយបណ្ណគ្រីបតូ និងកិច្ចសហប្រតិបត្តិការឆ្លងប្រទេស។ https://web.facebook.com/photo/?fbid=1594785236023932&set=a.492095336292933
ធនាគារអភិវឌ្ឍន៍អាស៊ីហៅកាត់ជាភាសាអង់គ្លេស ADB បានទម្លាក់ការព្យាករណ៍កំណើនសេដ្ឋកិច្ចរបស់ប្រទេសកម្ពុជាសម្រាប់ឆ្នាំ២០២៦ មកត្រឹម ៣,៩% ពោលទាបជាងការព្យាករណ៍កាលពីខែកក្កដា ឆ្នាំ២០២៦ ដែលមាន ៤,១%។ នេះបើតាមរបាយការណ៍របស់ ADB ចេញផ្សាយនៅថ្ងៃទី២៣ ខែកញ្ញា ឆ្នាំ២០២៦ ដោយពន្យល់ថា មូលហេតុនៃការទម្លាក់ចុះនេះគឺពីការចុះខ្សោយផ្នែកវិស័យទេសចរណ៍។ https://web.facebook.com/photo/?fbid=1594842029351586&set=a.492095336292933
ជនជាតិខ្មែរ និងបរទេស ដែលជាប់ពាក់ព័ន្ធក្នុងបទល្មើស ឆបោកតាមប្រព័ន្ធបច្ចេកវិទ្យា (Online Scams) ចំនួន៤ ៨៣៤នាក់ ត្រូវបានឃាត់ និងឃុំខ្លួនជាបន្តបន្ទាប់ក្នុងមណ្ឌល អប់រំកែប្រែ និងនៅ២៣ពន្ធនាគារទូទាំងប្រទេស។ តួលេខនេះ គិត ត្រឹមខែកញ្ញា ឆ្នាំ ២០២៦។ នេះបើតាមការបញ្ជាក់របស់លោកទូច សុឃៈ អ្នកនាំពាក្យរងក្រសួងមហាផ្ទៃ។ https://web.facebook.com/photo/?fbid=1595014816000974&set=a.492095336292933
ថ្លែងក្នុងមហាសន្និបាតអង្គការសហប្រជាជាតិលើកទី៨១ នៅថ្ងៃសុក្រទី២៥ ខែកញ្ញានេះ នាយករដ្ឋមន្ត្រីថៃ លោក អនុធិន ឆានវីរៈគូនបានបង្ហាញការសោកស្តាយ ដែលកម្ពុជាជ្រើសយកការដោះស្រាយជម្លោះព្រំដែនសមុទ្រ តាមរយៈយន្តការផ្សះផ្សាដោយបង្ខំ UNCLOS។ ក្នុងសុន្ទរកថាជិត ១៨នាទី លោក អនុធិន អះអាងថា ប្រទេសថៃមិនដែលចង់បង្កើតជម្លោះនោះទេ ប៉ុន្តែសន្តិភាពអាចកសាងបាន លុះត្រាតែភាគីទាំងពីររួមគ្នាដោយស្មោះត្រង់ ពិសេសគឺចេញពីការប្តេជ្ញាចិត្តរបស់កម្ពុជាផ្ទាល់។ បន្ថែមពីនេះ លោកអនុធិននៅបានអំពាវនាវឱ្យកម្ពុជា សហការជាមួយថៃ ដើម្បីពង្រឹងសន្តិសុខតាមព្រំដែន ការបោសសម្អាតអំពើឆបោកអនឡាញ និងការបោសសម្អាតមីន។ https://www.facebook.com/share/p/1FGStQL7Gc/
គណៈកម្មាធិការជាតិរៀបចំការបោះឆ្នោត (គ.ជ.ប.) អះអាងថា ខ្លួនកំពុងធ្វើការដើម្បីធានាថា ប្រជាពលរដ្ឋអាចចុះឈ្មោះ និងអនុវត្តសិទ្ធិបោះឆ្នោតរបស់ខ្លួនបានរួមទាំងប្រជាពលរដ្ឋដែលត្រូវបានផ្លាស់ទីលំនៅ និងមិនអាចវិលត្រឡប់ទៅលំនៅឋានវិញបានដោយសារវិវាទព្រំដែន។ ទោះជាយ៉ាងណាក៏ដោយ ការអំពាវនាវជាច្រើនឆ្នាំពីអង្គការសង្គមស៊ីវិលនិងឥស្សរជនគណបក្សប្រឆាំងដើម្បីឱ្យពលរដ្ឋខ្មែរដែលរស់នៅក្រៅប្រទេសអាចចុះឈ្មោះបោះឆ្នោតបាន នៅតែមិនទាន់មានដំណោះស្រាយនៅឡើយ។ https://www.facebook.com/photo/?fbid=1597894732379649&set=a.492095336292933
ក្រសួងការពារជាតិតាមរយៈគណៈកម្មាធិការជាតិកាតព្វកិច្ចយោធា បានប្រកាសឱ្យពលរដ្ឋគ្រប់អាយុចូលបំពេញកាតព្វកិច្ចយោធា ត្រូវទៅទទួលពាក្យ និងដាក់ពាក្យសុំចូលនៅក្នុងខែតុលា ឆ្នាំ២០២៦។ ទន្ទឹមគ្នានេះ ក្រសួងការពារជាតិ ក៏ស្នើឱ្យពលរដ្ឋគ្រប់អាយុទាំងអស់ ត្រូវទៅទទួលពាក្យ និងដាក់ពាក្យឱ្យបានទាន់ពេលវេលា ដែលនឹងត្រូវបិទបញ្ចប់នៅពាក់កណ្តាលខែតុលា។ ប្រមុខការពារជាតិកម្ពុជា លោក ទៀ សីហា បានអះអាងថា ដំណើរការជ្រើសរើសត្រូវអនុវត្តតាមលក្ខខណ្ឌ និងនីតិវិធី ដែលបានកំណត់ប្រកបដោយតម្លាភាព និងស្មើភាព។ https://www.facebook.com/photo/?fbid=1597939619041827&set=a.492095336292933
អង្គភាពប្រឆាំងអំពើពុករលួយ(ACU) បង្ហាញអ្នកពាក់ព័ន្ធនឹងសំណុំរឿងពុករលួយ និងសម្អាតប្រាក់ របស់មេឃុំព្រែកខ្សាច់ រៀម រុំ នៅស្រុកគិរីសាគរ ខេត្តកោះកុង។ មនុស្សចុងក្រោយដែល ACU បង្ហាញអត្តសញ្ញាណ មានឈ្មោះ ភេ ផាត់ផេង អនុសេនីយ៍ទោ នគរបាលអន្តោប្រវេសន៍។ https://www.facebook.com/photo/?fbid=1597983722370750&set=a.492095336292933
ជនបរទេសពីរនាក់ដែលមានដើមកំណើតវៀតណាមត្រូវបានរាយការណ៍ថាបាត់ខ្លួននៅក្នុងទីក្រុងភ្នំពេញអស់រយៈពេលជាងមួយសប្តាហ៍មកហើយ ខណៈដែលអង្គការមួយបានសម្តែងការព្រួយបារម្ភដោយសារតែសកម្មភាពរបស់ពួកគេក្នុងនាមជាអ្នកធ្វើការខាងផ្នែកការពារសិទ្ធិមនុស្ស។ https://www.facebook.com/photo/?fbid=1598091959026593&set=a.492095336292933
ការផ្សាយផ្ទាល់សំឡេងសង្គមស៊ីវិល(VOC)
សម្រាប់ថ្ងៃចន្ទ ទី២៨ ខែកញ្ញា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ យុវជន និងឱកាសការងារក្នុងយុគសម័យឌីជីថល
វាគ្មិនកិត្តិយស៖
1. លោក ផង់ អាន អ្នកសម្របសម្រួលក្រុមយុវជនដើម្បីសង្គម និងគោលនយោបាយ
2. លោក វណ្ណ ប៊ុនណា ប្រធានផ្នែកស្រាវជ្រាវ និងតស៊ូមតិ នៃសមាគមបណ្តាញយុវជនកម្ពុជា
សម្របសម្រួលដោយ៖ ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1Apne5byyF/
សម្រាប់ថ្ងៃចន្ទ ទី២៨ ខែកញ្ញា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ យុវជន និងឱកាសការងារក្នុងយុគសម័យឌីជីថល
វាគ្មិនកិត្តិយស៖
1. លោក ផង់ អាន អ្នកសម្របសម្រួលក្រុមយុវជនដើម្បីសង្គម និងគោលនយោបាយ
2. លោក វណ្ណ ប៊ុនណា ប្រធានផ្នែកស្រាវជ្រាវ និងតស៊ូមតិ នៃសមាគមបណ្តាញយុវជនកម្ពុជា
សម្របសម្រួលដោយ៖ ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1Apne5byyF/
រដ្ឋមន្ត្រីការបទេសកម្ពុជា លោក ប្រាក់ សុខុន ថ្លែងនៅក្នុងមហាសន្និបាតអង្គការសហប្រជាជាតិ បានស្នើឲ្យថៃបញ្ឈប់សកម្មភាពទាំងឡាយនៅក្នុងទឹកដីកម្ពុជា ដែលត្រូវទាហានថៃកាន់កាប់ បន្ទាប់ពីការប្រកាសបទឈប់បាញ់កាលពីឆ្នាំមុន និងបញ្ជាក់សាជាថ្មីថា ការកសាងទំនុកចិត្តនៅតែជាកត្តាគន្លឹះមួយនៅក្នុងការដោះស្រាយជម្លោះព្រំដែនរវាងប្រទេសទាំងពីរដោយផ្លូវសន្តិភាព។ តែលោកថា សម្រាប់កម្ពុជា ការស្តារទំនុកចិត្តឡើងវិញត្រូវតែផ្អែកលើការប្តេជ្ញាចិត្តជាក់ស្តែង។ ក្រោយនាយករដ្ឋមន្ត្រីថៃ លោក អនុធិន ឆានវីរៈគូន បានប្រាប់មហាសន្និបាតអង្គការសហប្រជាជាតិកាលពីថ្ងៃទី២៥កញ្ញាថា ថៃមិនដែលចង់បង្កើតជម្លោះនោះទេ ប៉ុន្តែសន្តិភាពអាចកសាងបាន លុះត្រាតែភាគីទាំងពីរសហការរួមគ្នាដោយស្មោះត្រង់ ពិសេសគឺចេញពីការប្តេជ្ញាចិត្តផ្ទាល់របស់កម្ពុជា។ https://www.facebook.com/photo/?fbid=1598225739013215&set=a.492095336292933
ការផ្សាយឡើងវិញសំឡេងសង្គមស៊ីវិល(VOC)
សម្រាប់ថ្ងៃអង្ការ ទី២៩ ខែកញ្ញា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ យុវជន និងឱកាសការងារក្នុងយុគសម័យឌីជីថល
វាគ្មិនកិត្តិយស៖
1. លោក ផង់ អាន អ្នកសម្របសម្រួលក្រុមយុវជនដើម្បីសង្គម និងគោលនយោបាយ
2. លោក វណ្ណ ប៊ុនណា ប្រធានផ្នែកស្រាវជ្រាវ និងតស៊ូមតិ នៃសមាគមបណ្តាញយុវជនកម្ពុជា
សម្របសម្រួលដោយ៖ ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1EbY8tTMEe/?mibextid=wwXIfr
សម្រាប់ថ្ងៃអង្ការ ទី២៩ ខែកញ្ញា ឆ្នាំ២០២៦
កម្មវិធី «សំឡេងម្ចាស់ឆ្នោត»
==========================
ប្រធានបទ៖ យុវជន និងឱកាសការងារក្នុងយុគសម័យឌីជីថល
វាគ្មិនកិត្តិយស៖
1. លោក ផង់ អាន អ្នកសម្របសម្រួលក្រុមយុវជនដើម្បីសង្គម និងគោលនយោបាយ
2. លោក វណ្ណ ប៊ុនណា ប្រធានផ្នែកស្រាវជ្រាវ និងតស៊ូមតិ នៃសមាគមបណ្តាញយុវជនកម្ពុជា
សម្របសម្រួលដោយ៖ ស៊ិន រតនា
==========================
កម្មវិធីសូមស្វាគមន៍ដោយរីករាយ https://www.facebook.com/share/v/1EbY8tTMEe/?mibextid=wwXIfr
កាលពីខែកក្កដា រដ្ឋាភិបាលកម្ពុជាបានបង្កើតក្រុមការងារមួយដើម្បីទទួលយកជនភៀសខ្លួនជាបណ្ដោះអាសន្ន ដែលបានចាកចេញពីអាហ្វហ្គានីស្ថានក្នុងអំឡុងពេលនៃការដកកងទ័ពអាម៉េរិកចេញពីប្រទេសនេះកាលពីឆ្នាំ ២០២១ ខណៈដែលជំរំមួយនៅក្នុងប្រទេសកាតាកំពុងត្រៀមបិទទ្វារ។ https://www.facebook.com/photo/?fbid=1598942452274877&set=a.492095336292933
បណ្តាញអាស៊ីសម្រាប់ការបោះឆ្នោតដោយសេរី(ANFREL)បានចេញផ្សាយរបាយការណ៍ឃ្លាំមើលនយោបាយប្រចាំខែសីហា ដោយកត់សម្គាល់ថា ស្ថានភាពនយោបាយកម្ពុជាមានការវិវត្តន៍ជាបុគ្គលរវាងមេដឹកនាំបក្សកាន់អំណាច និងមេដឹកនាំបក្សប្រឆាំង។ ប៉ុន្តែទន្ទឹមនឹងការវិវត្តន៍វិជ្ជមាននេះ ស្ថានភាពនយោបាយខ្មែរនៅតែមិនទាន់បើកចំហជាទូទៅដល់តួអង្គប្រឆាំងផ្សេងទៀត ជាពិសេសការរឹតត្បិតសិទ្ធិនយោបាយនៅចំពោះមុខនៃការបោះឆ្នោតឃុំ សង្កាត់ ឆ្នាំ២០២៧។ https://www.facebook.com/photo/?fbid=1598987855603670&set=a.492095336292933
មេឆបោកតាមអនឡាញឈ្មោះហៅក្រៅ ត្រងោល និងមានឈ្មោះពិត ចាង ចៀនឃាំង (Zhang Jian Qiang) ត្រូវបានរកឃើញបានបញ្ជូនប្រាក់គ្រីបតូ ក្នុងទំហំទឹកប្រាក់ស្មើនឹងជាង ២៥០លានដុល្លារអាមេរិកទៅក្រៅប្រទេស ខណៈប្រាក់មួយចំនួនតូចត្រូវបានប្រើប្រាស់ក្នុងកម្ពុជាដើម្បីប្រតិបត្តិការឆបោក។ https://www.facebook.com/photo/?fbid=1599121558923633&set=a.492095336292933
ប្រទេសជាសមាជិកសន្និសីទត្រួតពិនិត្យឡើងវិញលើកទី៣ នៃការអនុវត្តអនុសញ្ញាអន្តរជាតិ ស្តីពីការហាមឃាត់ប្រើប្រាស់គ្រាប់បែកចង្កោម ដែលបានធ្វើឡើងនៅទីក្រុងវៀងចន្ទន៍ ប្រទេសឡាវ កាលពីពេលថ្មីៗនេះ បានសម្រេចថ្កោលទោសប្រទេស ដែលបានប្រើប្រាស់គ្រាប់បែកចង្កោមប្រឆាំងនឹងកម្ពុជា។ នេះជាការបញ្ជាក់របស់ លោក ហេង រតនា អគ្គនាយកមជ្ឈមណ្ឌលសកម្មភាពកម្ចាត់មីនកម្ពុជា(CMAC) នៅថ្ងៃទី២៨ ខែកញ្ញា ឆ្នាំ២០២៦។ https://www.facebook.com/share/p/19Pi2go5Gu/