ខុមហ្រ្វែល - COMFREL
✔
2.46K subscribers
9.14K photos
1 video
5 files
13.2K links
នេះជា Official Channel របស់គណៈកម្មាធិការខុមហ្រ្វែល (COMFREL)
Download Telegram
អង្គការលើកលែងទោសអន្តរជាតិ Amnesty International ចោទ​ប្រកាន់​ក្រុមហ៊ុន​សន្តិសុខឯកជនចំនួន៥​នៅ​កម្ពុជា​ថា​បាន​ជួយសម្រួល​ដល់​ប្រតិបត្តិការ​នៅ​ទីតាំងឆបោកអនឡាញ​ដែល​មាន​ការ​ជួញដូរ​មនុស្ស បង្ខំ​ឱ្យ​ធ្វើការ និង​ធ្វើ​ទារុណកម្មធ្ងន់ធ្ងរ។ នៅ​ក្នុង​របាយការណ៍​ចេញផ្សាយ​នៅ​ថ្ងៃទី២៩ ខែតុលា ឆ្នាំ២០២៦ Amnesty International ក៏​បាន​លើកឡើង​ពី​ភស្តុតាង​ដែល​ភ្ជាប់​មន្ត្រីយោធា និង​នគរបាលជាង ២០នាក់​ទៅ​នឹង​ក្រុមហ៊ុន​សន្តិសុខ និង​ទីតាំងឆបោកយ៉ាងតិច ២២កន្លែង។ https://www.facebook.com/photo/?fbid=1630531005782688&set=a.492095336292933
ភាគីកម្ពុជាបានលើកឡើងពីបញ្ហាមួយចំនួនដែលទើបកើតឡើងនាពេលថ្មីៗនេះ ក្នុងជំនួបក្រៅផ្លូវការរវាងតំណាងយោធភូមិភាគទី៤ កម្ពុជា និងកងទ័ពភូមិភាគទី២ ថៃ នៅច្រកព្រំដែនអន្តរជាតិជាំ-សាង៉ាំ ខេត្តឧត្តរមានជ័យ នាថ្ងៃទី២៨ ខែតុលា ដោយជំរុញឱ្យភាគីទាំងពីរស្វែងរកមធ្យោបាយដោះស្រាយឱ្យបានទាន់ពេលវេលា និងប្រកបដោយប្រសិទ្ធភាព ដើម្បីពង្រឹងទំនុកចិត្ត និងឈានទៅស្តារប្រក្រតីភាពតាមព្រំដែនឡើងវិញ។ https://www.facebook.com/photo/?fbid=1630612915774497&set=a.492095336292933
គណៈកម្មាធិការជាតិកាតព្វកិច្ចយោធា សម្រេចជ្រើសរើសបេក្ខជន៥០០០នាក់ ចូលបំពេញកាតព្វកិច្ចយោធា សម្រាប់វគ្គដំបូង ឆ្នាំ២០២៦។ ក្នុងខណ្ឌទាំង១៤ នៅរាជធានីភ្នំពេញ គឺមានបេក្ខជនទាំងអស់ចំនួន ៣០០នាក់ ត្រូវបានជ្រើសរើសចូលបំពេញកាតព្វកិច្ចយោធា។​ https://www.facebook.com/photo/?fbid=1630730109096111&set=a.492095336292933
កម្ពុជាគ្រោងនឹងបង្កើនការចំណាយថវិកាដល់ចំនួន ៤៧,៧ ទ្រីលានរៀល ឬស្មើនឹង ១១,៧ ពាន់លានដុល្លារអាមេរិក នៅក្នុងឆ្នាំ ២០២៧ ដោយសេចក្តីព្រាងថវិកានេះផ្តល់អាទិភាពលើសន្តិសុខជាតិ ជីវភាពរស់នៅរបស់ប្រជាពលរដ្ឋ និងកំណើនសេដ្ឋកិច្ច ក្នុងបរិបទដែលមានភាពមិនច្បាស់លាស់កើនឡើង។ https://www.facebook.com/photo/?fbid=1630793295756459&set=a.492095336292933
អាជ្ញាធរថៃ​បានរឹបអូស និងបង្កក​ទឹកប្រាក់​​ប្រមាណជាង ១ពាន់លាន​ដុល្លារ ក្រោយស៊ើបអង្កេតឃើញថា ​​ទឹកប្រាក់ទាំងនេះ​​បានមក​​ពីការលាងលុយកខ្វក់​។ នៅក្នុងប្រតិបត្តិការនេះ អាជ្ញា​ធរ​ថៃ​បាន​ដាក់ការ​សង្ស័យ​លើលោក Ben Smith អ្នកជំនួញសញ្ជាតិអាហ្វ្រិកខាងត្បូង និង​​លោក យឹម លក្ខណ៍ ប្រធានក្រុមហ៊ុន BIC Group ដែល​ជា​កូនប្រុសរបស់លោក យឹម ឆៃលី បច្ចុប្បន្ន​ជាឧត្តមក្រុមប្រឹក្សាផ្ទាល់ព្រះមហាក្សត្រ។ https://www.facebook.com/photo/?fbid=1630874355748353&set=a.492095336292933
នាយករដ្ឋមន្ត្រីថៃ លោក អានុទីន ឆានវីរៈគូន បានលើកឡើងជាថ្មីថាថៃនឹងមិនបើកច្រកព្រំដែនជាមួយកម្ពុជាទេប្រសិនបើបញ្ហាព្រំដែនគោកបញ្ហាដែនទឹកនិងបញ្ហាឆបោកអនឡាញនៅមិនទាន់ត្រូវបានដោះស្រាយ ។ ប៉ុន្តែមន្ត្រីជាន់ខ្ពស់រដ្ឋាភិបាលកម្ពុជាហាក់មិនបានភ្ញាក់ ផ្អើលនិងថាកម្ពុជានៅតែប្រកាន់ជំហរមិនបើកច្រកព្រំដែនល្គឹកណាថៃមិនបើកច្រកព្រំដែនមុន ។ https://www.facebook.com/photo/?fbid=1633880398781082&set=a.492095336292933
រាជរដ្ឋាភិបាលកម្ពុជាបានអនុវត្តវិធានការវិន័យលើមន្ត្រីនគរបាលចំនួន ៧៧រូប ដែលមានការជាប់ពាក់ព័ន្ធនឹងករណីឆបោកតាមប្រព័ន្ធបច្ចេកវិទ្យា ខណៈអាជ្ញាធរបន្តចាត់វិធានការតាមផ្លូវច្បាប់ចំពោះអ្នកពាក់ព័ន្ធ និងមេក្លោងបណ្តាញឧក្រិដ្ឋកម្ម។ https://www.facebook.com/photo/?fbid=1633914742110981&set=a.492095336292933
ប្រជាពលរដ្ឋចំនួន ១១៨គ្រួសារ នៅសហគមន៍ស្ទឹងកំបុត រាជធានីភ្នំពេញ បាន​បន្ត​ដាក់ញត្តិ និងឯកសារបន្ថែមទៅក្រសួងរៀបចំដែនដី នគរូបនីយកម្ម និងសំណង់ ដើម្បីស្នើសុំចុះបញ្ជីដីធ្លីជាប្រព័ន្ធ និងស្វែងរកដំណោះស្រាយចំពោះបញ្ហា​ដីធ្លីដែលអូសបន្លាយតាំងពីឆ្នាំ២០០៧មក។ https://www.facebook.com/photo/?fbid=1634061775429611&set=a.492095336292933
អាជ្ញាធរបានរារាំងមនុស្សចំនួន ២១៨ នាក់ មិនឱ្យធ្វើដំណើរ ដោយសារពួកគេអាចនឹងក្លាយជាជនរងគ្រោះនៃការជួញដូរមនុស្ស ខណៈដែលតំណាងអង្គការសង្គមស៊ីវិលមួយរូបបានលើកឡើងពីក្តីបារម្ភជុំវិញបញ្ហាការជួញដូរមនុស្សនៅក្នុងប្រទេសកម្ពុជា និងការដែលកម្ពុជាត្រូវគេប្រើប្រាស់ជាផ្លូវសម្រាប់បញ្ជូនជនរងគ្រោះទៅកាន់គោលដៅផ្សេងទៀត។ https://www.facebook.com/photo/?fbid=1634217642080691&set=a.492095336292933
ទោះបីកម្ពុជាបានបង្កើនវិធានការបង្ក្រាបទីតាំងឆបោកតាមអនឡាញ និងដកហូតអាជ្ញាបណ្ណកាស៊ីណូមួយចំនួនក៏ដោយ ក៏លំហូរប្រាក់គ្រីបតូទៅកាន់កាស៊ីណូនៅខេត្តព្រះសីហនុ នៅតែបន្តមានទំហំធំ។ របាយការណ៍របស់ក្រុមហ៊ុនស៊ើបអង្កេតទិន្នន័យប្លុកឆេន TRM Labs បង្ហាញថា កាស៊ីណូចំនួន ៣៤កន្លែងនៅខេត្តនេះ បានទទួលប្រាក់គ្រីបតូសរុបប្រមាណ ១,៧ពាន់លានដុល្លារ ក្នុងរយៈពេលជាង ៨ខែឆ្នាំ២០២៦ ក្នុងនោះជាង ៦០% ជាលំហូរប្រាក់ទៅកាន់កាស៊ីណូ ដែលមានទំនាក់ទំនងនឹងបណ្តាញរងទណ្ឌកម្មរបស់អាមេរិក។ https://www.facebook.com/photo/?fbid=1634978448671277&set=a.492095336292933
ដំណើរការចុះឈ្មោះអ្នកបោះឆ្នោតដោយប្រើប្រាស់ប្រព័ន្ធ​ជីវមាត្រនៅកម្ពុជាកំ​ពុង​ស្ថិតក្នុងដំណាក់កាលនៃការផ្លាស់ប្តូរ ដោយមានគណបក្សនយោបាយ និងអ្នក​សង្កេតការណ៍បោះឆ្នោតចូលរួមតាមដាន​។ ទោះជាយ៉ាងណាក៏ដោយ ពួកគេបាន​កត់សម្គាល់ឃើញថា ការផ្សព្វផ្សាយនៅមិនទាន់គ្រប់គ្រាន់នៅឡើយ​ ខណៈគណៈកម្មាធិការជាតិរៀបចំការបោះឆ្នោត (គ.ជ.ប) កំពុងធ្វើបច្ចុប្បន្នភាពការចុះឈ្មោះអ្នកបោះឆ្នោត ដើម្បីត្រៀមសម្រាប់ការបោះឆ្នោតជ្រើសរើសក្រុមប្រឹក្សាឃុំ-សង្កាត់ នៅឆ្នាំ២០២៧។ https://www.facebook.com/photo/?fbid=1635022415333547&set=a.492095336292933
ពលរដ្ឋកម្ពុជាចំនួន ១ ៨៦៩គ្រួសារ ស្មើនឹង ៧ ៨៧៣នាក់ នៅតំបន់ច្រកបឹងត្រកួន ខេត្តបន្ទាយមានជ័យ នៅតែមិនអាចវិលត្រឡប់ទៅលំនៅឋានវិញបាន ជាង ១០ខែបន្ទាប់ពីបទឈប់បាញ់ចូលជាធរមាន ដោយក្រសួងការពារជាតិអះអាងថា សកម្មភាពយោធាថៃ និងការបន្តចូលកាន់កាប់ទឹកដីកម្ពុជានៅតំបន់នេះបានរារាំងការវិលត្រឡប់របស់ពួកគេ។ https://www.facebook.com/photo/?fbid=1635172711985184&set=a.492095336292933
កាសែត Intelligence Online បានរាយការណ៍នៅថ្ងៃចន្ទ ទី២ វិច្ឆិកា​នេះ​ថា កម្ពុជា​កំពុងស្វែងរកជម្រើសសម្រាប់បំពាក់ប្រព័ន្ធប្រឆាំងដ្រូន តាមរយៈ​ការ​ណាត់ជួបជាមួយក្រុមហ៊ុន Aselsan ដែលជាក្រុមហ៊ុនផលិតអាវុធយោធាដ៏ធំរបស់តួកគី មានទីស្នាក់ការនៅទីក្រុងអង់ការ៉ា។ https://www.facebook.com/photo/?fbid=1635259005309888&set=a.492095336292933
រថក្រោះយោធាថៃចំនួន២គ្រឿង ត្រូវបានដាក់ពង្រាយនៅចម្ងាយប្រមាណ ២៥០ម៉ែត្រពីទីតាំងសង្កេតការណ៍របស់ក្រុមអ្នកសង្កេតការណ៍អាស៊ាន នៅក្បែរភូមិជោគជ័យ ក្នុងខេត្តបន្ទាយមានជ័យ។ នេះបើយោងតាមក្រសួងការពារជាតិ។ https://web.facebook.com/photo/?fbid=1636017405234048&set=a.492095336292933
នៅថ្ងៃទី៤ ខែវិច្ឆិកា ឆ្នាំ២០២៦ កម្មករ​រោងចក្រ​ប្រមាណ ២ ០០០នាក់​បានប្រមូលផ្តុំគ្នានៅមុខរោងចក្រ Bright Flushing ដែល​មាន​ទីតាំង​នៅ​ស្រុក​ត្រាំកក់ ខេត្តតាកែវ។ នេះ​បើ​យោង​តាម​មជ្ឈមណ្ឌល​សម្ព័ន្ធការងារ និង​សិទ្ធិមនុស្ស សង់ត្រាល់​ ដោយបន្ថែមថា ការតវ៉ានេះធ្វើឡើង ក្រោយកម្មករ​មិនពេញចិត្ត​នឹង​ក្រុមហ៊ុន​ដែល​បានកាត់លុយ​ថ្លៃ​ធ្វើ​ដំណើរ និងថ្លៃ​សេវា​ផ្សេងៗ។ https://www.facebook.com/photo/?fbid=1637095395126249&set=a.492095336292933
ក្រុមអ្នកសង្កេតការណ៍អាស៊ានប្រចាំកម្ពុជា (AOT-KH) នៅព្រឹកថ្ងៃទី៥ ខែវិច្ឆិកា បានចុះទៅពិនិត្យតំបន់ច១ ដែលយោធាថៃបានរំកិលប៉ុស្តិ៍សង្កេតការណ៍ និងបន្តជីកលេណដ្ឋានចូលមកមុខប្រមាណ ២០ម៉ែត្រពីទីតាំងចាស់ ព្រមទាំងចុះពិនិត្យស្ពានស្ទឹងមេទឹក ដែលរងការទម្លាក់គ្រាប់បែកពីយន្តហោះចម្បាំងថៃកាលពីខែធ្នូ ឆ្នាំ២០២៥។ https://www.facebook.com/photo/?fbid=1637426825093106&set=a.492095336292933
ប្រជាពលរដ្ឋសហគមន៍ស្អាងភ្នំចំនួន២២នាក់ មកពីភូមិពាមសាលា ឃុំស្អាងភ្នំ ស្រុកស្អាង ខេត្តកណ្តាល នៅថ្ងៃទី៥ ខែវិច្ឆិកា បានប្រមូលផ្តុំគ្នានៅមុខក្រសួងរៀបចំដែនដី នគរូបនីយកម្ម និងសំណង់ ដើម្បីដាក់ញត្តិស្នើឱ្យក្រសួងជួយពន្លឿនការចុះបញ្ជីដីធ្លីជាប្រព័ន្ធជូនប្រជាពលរដ្ឋចំនួន៣៣គ្រួសារ ដែលអះអាងថាបានរស់នៅ និងប្រើប្រាស់ដីអស់រយៈពេល៤៥ឆ្នាំមកហើយ ប៉ុន្តែមិនទាន់ទទួលបានបណ្ណកម្មសិទ្ធិស្របច្បាប់នៅឡើយ។ https://www.facebook.com/photo/?fbid=1638242251678230&set=a.492095336292933
ក្នុងទិវាបញ្ចប់និទណ្ឌភាពលើអ្នកសារព័ត៌មាន អង្គការសង្គមស៊ីវិល​ចំនួន១៣ បានចេញសេចក្តីថ្លែងការណ៍រួមមួយ ស្នើឱ្យរដ្ឋាភិបាលកម្ពុជាចាត់វិធានការជាបន្ទាន់លើឧក្រិដ្ឋកម្មទាំងអស់ ដែលប្រឆាំងអ្នកសារព័ត៌មាន និងអ្នកការពារសិទ្ធិមនុស្សនៅកម្ពុជា។ សេចក្តីថ្លែងការណ៍បានលើកឡើងពីការគំរាមកំហែង និងការដាក់សម្ពាធលើអ្នកសារព័ត៌មាន ដែលធ្វើឱ្យប៉ះពាល់ដល់សេរីភាពសារព័ត៌មាន សេរីភាពបញ្ចេញមតិ និងសិទ្ធិទទួលបានព័ត៌មានរបស់ពលរដ្ឋ។ តែក្រសួងព័ត៌មានអះអាងថា ការលើកកម្ពស់យុត្តិធម៌ និងសុវត្ថិភាពសម្រាប់អ្នកសារព័ត៌មាន គឺជាអាទិភាពរបស់រដ្ឋាភិបាលកម្ពុជា។ https://www.facebook.com/photo/?fbid=1638503638318758&set=a.492095336292933
សេចក្ដីព្រាង​ច្បាប់​ថវិកាជាតិ​ឆ្នាំ​២០២៧ នឹង​ត្រូវ​បង្កើនការ​ចំណាយ​លើ​ផ្នែក​ការពារជាតិ សន្តិសុខ និង​សណ្ដាប់ធ្នាប់​សាធារណៈ ដែល​អាច​កើន​ជិត​១៤​ភាគ​រយ​ ឬ​ប្រហែល​១,​៦១​ពាន់​លាន​ដុល្លារ។ នេះ​បើ​តាម​​សេចក្ដី​ព្រាង​ថវិកា​ដែល​ត្រូវ​បាន​បង្ហោះ​ផ្សាយ​កាល​ពី​ថ្ងៃព្រហស្បតិ៍​ដោយ​ក្រ​សួង​សេដ្ឋកិច្ច និង​ហិរញ្ញវត្ថុ​។​ https://www.facebook.com/photo/?fbid=1638625991639856&set=a.492095336292933
យោងតាមសេចក្តីព្រាងច្បាប់ ថវិកា របស់ក្រសួងសេដ្ឋកិច្ច និងហិរញ្ញវត្ថុបាន ឱ្យ ដឹង ថា ការចំណាយ ថ្នាក់ ក្រោមជាតិរបស់កម្ពុជាសម្រាប់រដ្ឋបាលមូលដ្ឋាននៅឆ្នាំ២០២៧ ត្រូវគេ រំពឹងថានឹងកើនឡើង១៧ភាគរយ ដល់ចំនួន១,២៤ពាន់លានដុល្លារ ធៀប នឹង ចំនួន១,០៦ពាន់លានដុល្លារកាល ពី ឆ្នាំមុន។ https://web.facebook.com/photo/?fbid=1642861454549643&set=a.492095336292933