O acontecido hoxe en Compostela é inexplicábel e nos enche de carraxe pola situación de violencia á que se chegou. De todo este despropósito facemos responsable á Consellaría do Mar que é a que debería capitanear o diálogo e a procura dunha solución, non alimentar o enfrontamento nin a confusión.

Esiximos que se poña fin dunha vez a este conflito creado entre traballadores do mar que levan convivindo máis de 70 anos. Deixade traballar e producir á nosa xente!

Desexamos a pronta recuperación das persoas mancadas en especial do noso veciño que, afortunadamente, soubemos non reviste gravidade. Tamén instamos á inmediata posta en liberdade dos detidos para iniciar a resolución pacífica desta liorta á que están abocando ao sector.

O alcalde de Rianxo, Adolfo Muíños
https://concelloderianxo.gal/manifestos/-/blogs/comunicado-polo-conflito-da-mexilla

A Asociación Escola de Música de Rianxo organiza a exposición "20 anos de Música", enmarcada nos actos conmemorativos do XX aniversario da Banda da Escola de Música de Rianxo. A mostra terá lugar na sala de exposicións do auditorio de Rianxo, do 21 de abril ao 19 de maio.

A apertura da exposición será o venres 21 de abril ás 20.30 horas. A organización do evento conta coa colaboración do Concello de Rianxo, a Deputación da Coruña e Bandin Audio. https://concelloderianxo.gal/cultura/-/blogs/exposicion-20-anos-de-musica-da-banda-da-escola-de-musica-de-rianxo

O vindeiro 28 e 29 de abril terá lugar en Rianxo un festival de música clásica na Sala Arcos Moldes do Auditorio de Rianxo con dous días de concertos con recoñecidos músicos do panorama galego e internacional.

Este sábado, 22 de abril, ás 20h30, terá lugar na sala Arcos Moldes do Auditorio de Rianxo Concerto De não saber o que me espera de Nacho · Faia · Lar. Tres referentes da música galega, Faia Díaz, Nacho Muñoz e Lar Legido, presentarán un repertorio do artista portugués Zeca Afonso, nunha actuación que combina elementos tradicionais, vangarda e experimentación. https://concelloderianxo.gal/cultura/-/blogs/concerto-de-nao-saber-o-que-me-espera-de-nacho-faia-lar

A Xunta de Galicia convocou o programa Acción de Verán 2023, con campamentos e campos de voluntariado para este verán. Publicarase no DOG a convocatoria o vindeiro luns 16 de maio. https://concelloderianxo.gal/xuventude/-/blogs/accion-de-veran-2023

Rianxo das letras. Día Internacional do Libro e a Lectura.

https://www.youtube.com/watch?v=eZXLJCjRWO8

Orde do día da sesión ordinaria do Pleno da Corporación do vindeiro xoves 27 de abril de 2023
https://concelloderianxo.gal/ordesdodia/-/blogs/orde-do-dia-da-sesion-ordinaria-do-pleno-da-corporacion-do-27-de-abril-de-2023

O venres 28 de abril ás 9.00 h realizarase o sorteo das mesas electorais de cara ás vindeiras eleccións locais do 28 de maio, nun pleno extraordinario.

O sorteo será retransmitido en directo, ao igual que os demais plenos, pola canle de YouTube do Concello de Rianxo.

https://concelloderianxo.gal/ordesdodia/-/blogs/orde-do-dia-da-sesion-extraordinaria-do-pleno-da-corporacion-do-28-de-abril-de-2023-sorteo-de-mesas-electorais

A Banda da Escola de Música de Rianxo ofrecerá un concerto con motivo do primeiro de maio, enmarcado nos actos conmemorativos do XX aniversario da súa fundación. O concerto terá lugar o luns 01 de maio ás 12:30 horas no Campo de Arriba de Rianxo. https://concelloderianxo.gal/cultura/-/blogs/concerto-primeiro-de-maio-a-cargo-da-banda-da-escola-de-musica-de-rianxo

O Obradoiro Dual de Emprego Pazo de Rianxiño organiza a exposición Galicia, conservando a natureza, cedida polo CEIDA (Centro de Extensión Universitaria e Divulgación Ambiental de Galicia). A exposición está aberta ao público no Auditorio de Rianxo, primeiro andar, dende o 24 de abril ata o 18 de maio de 2023.
https://concelloderianxo.gal/cultura/-/blogs/exposicion-galicia-conservando-a-natureza-do-ceida

oncerto de Ivan Vilela e Pablo Castaño na sala Arcos Moldes do Auditorio de Rianxo, o venres 5 de maio ás 21:00 h
https://concelloderianxo.gal/cultura/-/blogs/concerto-iv-n-vilela-e-pablo-casta-o

A Agrupación Teatral Criaturas presentará "A Geisha", unha obra de teatro que promete transportar ao público a un mundo de intriga, amor e traizón. A representación terá lugar o sábado 06 de maio ás 20:30 horas na sala Arcos Moldes do Auditorio de Rianxo. https://concelloderianxo.gal/cultura/-/blogs/teatro-a-geisha-da-agrupacion-teatral-criaturas

O Concello de Rianxo homenaxea, como é habitual o primeiro de maio, á xente do mar, cunha ofrenda floral ante o monumento ás persoas falecidas no mar do Parque de Galicia e unha ofrenda floral marítima.
https://concelloderianxo.gal/actualidade/-/blogs/actos-polo-1-de-maio-dia-da-xente-do-mar

O vindeiro xoves 04 de maio, ás 20.00h, no Salón de Actos do Auditorio de Rianxo, terá lugar a presentación do libro A Petición de Auli do escritor rianxeiro Ramón Torrado Romero. https://concelloderianxo.gal/cultura/-/blogs/presentacion-do-libro-a-peticion-de-auli-de-ramon-torrado-romero

Deron comezo as obras que conectarán á rede pública de abastecemento as primeiras vivendas da parroquia do Araño.

A duración prevista é dunha semana de obras e dará cobertura a unhas dez vivendas directamente da marxe dereita da estrada (dirección Ribeira). Trabállase tamén un proxecto de conexión co depósito de Taragoña de toda esta rede o que a dotará de maior potencia e caudal.
https://concelloderianxo.gal/obras/-/blogs/a-parroquia-do-arano-conectase-a-traida-municipal

Con cargo ao plan único da Deputación sacouse de novo a licitación pública o proxecto de remodelación do patio cuberto do Colexio Brea Segade de Taragoña. A execución terá lugar ao longo do verán para estar dispoñíbel no novo curso. Resolverá as carencias do patio cuberto actual cunha nova envolvente, acompañados dunha mellora no confort interior, o cal se buscará conseguir tanto a través da mellora da envolvente térmica da edificación, na cuberta do edificio así como ca disposición duns acabados que fagan da edificación un volume estanco á auga.
https://concelloderianxo.gal/obras/-/blogs/proxecto-de-remodelacion-do-patio-cuberto-do-colexio-brea-segade-de-taragona

Orde do día da sesión extraordinaria do pleno da Corporación do 11 de maio de 2023 https://concelloderianxo.gal/ordesdodia/-/blogs/orde-do-dia-da-sesion-extraordinaria-do-pleno-da-corporacion-do-11-de-maio-de-2023

O Centro Cultural Vicente Vidal de Leiro organiza unha serie de actos para conmemorar o Día das Letras Galegas. A celebración terá lugar o mércores 17 de maio e incluirá rutas pola zona, un xantar popular, xogos populares e unha pequena homenaxe a Francisco Fernández del Riego; para todas estas propostas conta coa colaboración do Concello de Rianxo. https://concelloderianxo.gal/cultura/-/blogs/letras-galegas-no-centro-cultural-vicente-vidal-de-leiro

O vindeiro 19 de maio o pianista rianxeiro Iago Hermo ofrecerá un concerto de piano e música electrónica "Brutaal". O concerto será as 21.00 h na Sala Arcos Moldes do Auditorio de Rianxo. https://concelloderianxo.gal/cultura/-/blogs/concerto-brutaal-do-pianista-rianxeiro-iago-hermo