Suspéndese a programación completa dos Actos Castelao 2021 debido ás restricións á actividade cultural que entran en vigor o 27 de xaneiro debido á COVID-19.
https://concelloderianxo.gal/cultura/-/blogs/suspension-dos-actos-castelao-2021

Emisión en directo do Pleno de xaneiro:

https://youtu.be/sZ3-9VlN8GE

Aprobado o Plan de Acción para o clima e a Enerxía Sostible-PACES.
No ano 2016 o Concello de Rianxo sumábase o Pacto das Alcaldías para o clima e a enerxía consistente, no compromiso dos concellos signatarios de facer propios os obxectivos da Unión Europea para o ano 2030 e reducir as emisións de CO2 no seu territorio en, polo menos, o 40 % a través de medidas de eficiencia enerxética e dun maior uso de fontes de enerxía renovable, traballando pola súa vez na implantación de medidas de adaptación ao cambio climático e aumento da resiliencia fronte a el, así como un aumento da cooperación coas autoridades locais e rexionais similares na UE e fóra dela para mellorar o acceso á enerxía segura, sustentable e alcanzable e que ten sido subscrito xa por mais de 7.000 concellos e entidades de ámbito local da Unión Europea.
Este acordo impulsaba entre outros a esixencia por parte da organización do Pacto das Alcaldías polo Clima de contar cada municipio cun documento chamado Plan de Acción para o clima e a enerxía sostible-PACES- que hoxe se aprobou por unanimidade. Un documento que apunta de xeito global a unha serie de medidas a desenvolver de aquí ao ano 2030, algunha delas concreta e en marcha como é a substitución das luminarias do Concello por tecnoloxía led, un proceso subvencionado polo Ministerio a través do IDAE e que cambiará un 65% das luminarias a LED nesta primeira fase. Un proxecto de case un millón de euros.
Todas as medidas/accións propostas no plan, prevén que o municipio de Rianxo reduza as súas emisións de CO2 nun 40 % ata o ano 2030, tendo como referencia o ano 2017.
Isto significa portanto que as emisións de Rianxo en 2030 non deberán superar 22471 TeqCO2/ano desde as 37768 TeqCO2/ano actuais.
As medidas suxiren unha diminución gradual de emisións nos sectores clave de 50 % dos edificios municipais, 60 % do alumeado público e 40 % dos edificios privados/terciarios e do transporte, medidas de fiscalidade verde, medidas de mellora da mobilidade, entre outras.

Rianxo recibe ‘Dúas paisaxes’, un óleo pintado por Manuel Rodríguez ‘Ínsua’, un dos curmáns de Castelao asasinado en 1937
https://www.nosdiario.gal/articulo/memoria/rianxo-recibe-duas-paisaxes-oleo-debuxado-manuel-rodriguez-insua-curmans-castelao-asasinado-1937/20210204084641115142.html

Aprobado o Plan Único 2021, e con el o abastecemento de Corques, o cambio da cuberta do pavillón polideportivo, o saneamento e abastecemento en Quintáns, a creación do Centro de Información á Muller e o reforzo da área de Servizos Sociais. https://concelloderianxo.gal/obras/-/blogs/aprobado-o-plan-nico-2021-da-deputaci-n-da-coru-a

Este ano o Entroido Rianxeiro será virtual. Disfrázate, decora, baila, actúa, xunto coa túa familia ou amizades e sube ás redes un vídeo curto ou foto co cancelo #entroidorianxeiro2021 (pero ollo, se non convivides non podedes aparecer de forma conxunta no vídeo!) e, se es menor de idade, pide autorización á túa nai, pai ou titor/a.

Sortearanse lotes de agasallos e vales de compra no comercio local.

Le as normas de participación en rianxo.gal/entroido ! É moi importante!
https://concelloderianxo.gal/cultura/-/blogs/entroido-virtual-rianxeiro-2021

O #entroidorianxeiro2021 segue en marcha toda esta semana! Recorda que para participar é preciso que nos envíes a folla de inscrición:

https://concelloderianxo.gal/documents/10545/2317178/FICHA+DE+INSCRICI%C3%93N+ENTROIDO+VIRTUAL+2021.pdf

Esta noite teríamos que despedir ao Toribiño, pero como a covid19 non permite comitivas fúnebres de máis de 15 persoas, animámosvos a que lle enviedes a vosa despedida en forma de pranto a través das redes sociais, no #entroidorianxeiro2021

A exposición do XIV Premio Internacional Jesús Nuñez de Arte Gráfica/2019, da Deputación da Coruña, poderá visitarse do 19 de febreiro ao 03 de marzo, na Sala de Exposicións do Centro Sociocultural - Auditorio de Rianxo, no horario de apertura do centro.
https://concelloderianxo.gal/cultura/-/blogs/exposicion-xiv-premio-internacional-jesus-nunez-de-arte-grafica-2019

Día Rosalía de Castro: os seus poemas musicados recollidos nunha lista de reprodución do YouTube.

O Concello de Rianxo quere deste xeito lembrar a figura da escritora galega, ante a imposibilidade de realizar homenaxes públicas.

https://youtube.com/playlist?list=PLh5xocokVD9CbJE90F5mLlfX2SRXvHdWs
https://concelloderianxo.gal/normalizacion/-/blogs/dia-rosalia-de-castro-2021-os-seus-poemas-musicados-recollidos-nunha-lista-de-reproducion-do-youtube

Convocouse unha sesión ordinaria do Pleno da corporación municipal para o xoves 25 de febreiro de 2021.

A sesión será telemática e emitirase en directo pola canle de YouTube do Concello de Rianxo.

https://concelloderianxo.gal/ordesdodia/-/blogs/orde-do-d-a-da-sesi-n-ordinaria-do-pleno-da-corporaci-n-do-25-de-febreiro

Rematou o #entroidorianxeiro2021 , e remata cunha boa nova para todas as persoas e familias que participastes enviando o formulario de inscrición, e é que non fará falla realizar o sorteo pois todas teredes o voso agasallo!

En total, 1500 € en lotes e vales para consumo no comercio local.

Moitas grazas por participar.

Así foi o #entroidorianxeiro2021

II Plan de rescate da Xunta de Galicia, dirixido a persoas traballadoras autónomas, microempresas, hostalaría e outros sectores pechados pola crise da covid-19.

https://empregoeigualdade.xunta.gal/axudas-subvencions/plan-de-rescate