O programa desenvolverase durante o período comprendido entre o mes de febreiro e o mes de decembro de 2022. As quendas, que poderán ter unha duración de 12 días (once pernoctacións) ou de 10 días (nove pernoctacións) cada un, realizaranse en réxime de pensión completa e en habitacións dobres de uso compartido. Ademais inclúe tratamentos termais, actividades de lecer e tempo libre e a póliza colectiva de seguro turístico. https://concelloderianxo.gal/servizossociais/-/blogs/termalismo-social-imserso-2022

A Asociación Virxe do Carme de Rianxo organiza o RianClown, festival cómico de rúa en Rianxo, o sábado 4 de decembro. Este ano incluirá o acendido das luces do Nadal.

A Asociación Vai de Roda, o vindeiro domingo 19 de decembro, ás 18.00 horas vai celebrar o Festival de Nadal. https://concelloderianxo.gal/cultura/-/blogs/festival-de-nadal-da-asociacion-vai-de-roda-2

O venres 17 de decembro, ás 21.00 horas terá lugar a pre-estrea da curtametraxe do rianxeiro Fran X. Rodríguez Devoradora de nenos. https://concelloderianxo.gal/cultura/-/blogs/pre-estrea-da-curtametraxe-devoradora-de-nenos

O xoves 23 de decembro, ás 20.30 horas, a sala Arcos Moldes do Auditorio de Rianxo acolle o concerto de Víctor Bouzas Cuarteto (trompeta) enmarcado no IV Ciclo de Novos Intérpretes organizado polo Concello de Rianxo e a Escola de Música de Rianxo. https://concelloderianxo.gal/cultura/-/blogs/concerto-victor-bouzas-cuarteto-trompeta-

A Asociación Sociocultural Faustino Rey Romero de Isorna e a Comunidade de Montes de Isorna coa colaboración do Concello de Rianxo organizan o sábao 18 de decembro unha homenaxe a Faustino Rey Romero no centenario do seu nacemento. https://concelloderianxo.gal/cultura/-/blogs/homenaxe-a-faustino-rey-romero-no-centenario-do-seu-nacemento

Ás 20.00 horas na canle de youtube da Escola de Música de Rianxo poderedes gozar do Festival de Nadal da Escola de Música de Rianxo. https://concelloderianxo.gal/cultura/-/blogs/festival-de-nadal-da-escola-de-musica-de-rianxo-3

O domingo 26 de decembro, ás 18.30 horas, terá lugar na sala Arcos Moldes do Auditorio de Rianxo o Concerto de Nadal da Banda da Escola de Música de Rianxo. https://concelloderianxo.gal/cultura/-/blogs/concerto-de-nadal-da-banda-da-escola-de-musica-de-rianxo-1

O mércores 29 de decembro, ás 18.00 horas, terá lugar na sala Arcos Moldes do Auditorio de Rianxo un concerto infantil Tecendo os soños a cargo de Esperanza Mara (soprano) e Alfredo Susavila (pianista). https://concelloderianxo.gal/cultura/-/blogs/concerto-infantil-tecendo-os-sonos-de-esperanza-mara

Nadal Cultural do Concello de Rianxo

Queres que te chamen os Reis Magos? Merca no comercio de Rianxo e poderás recibir a videochamada das Súas Maxestades!
https://nadalrianxo.com/

O vindeiro mércores 29 de decembro, ás 19.00 horas, terá lugar no salón de actos do Auditorio de Rianxo un video-forum do documental de Pedro Solla Morreu o demo acabouse a peseta dentro da programación do Titiriberia, festival de títeres. https://concelloderianxo.gal/cultura/-/blogs/video-forum-morreu-o-demo-acabouse-a-peseta

ACTUALIZACIÓN da Programación do Nadal Cultural 2021

https://concelloderianxo.gal/cultura/-/blogs/nadal-cultural-2021

Tes entre 0 e 200 anos?

Coñeces ou gustaríache coñecer ata o último recuncho da biblioteca municipal de Rianxo?

Pois anótate no "Obradoiro de participación cidadá" que se celebrará os días 27, 28 e 29 de decembro de 10:00 a 14:00 na Biblioteca Municipal de Rianxo.

De maneira amena e didáctica formarás parte da futura Re-construción da biblioteca municipal, sendo arquitecto/a por un día e achegando as túas ideas.

Reserva a túa praza no correo biblioteca@concelloderianxo.gal ou no teléfono 981 86 02 72 -- 667 185 581.
https://concelloderianxo.gal/biblioteca/-/blogs/obradoiro-de-participacion-cidada

Publícanse as bases da convocatoria de unha (1) praza de operario/a de limpeza, persoal laboral fixo, reservada a persoas con discapacidade. OEP-2017. Publicadas no BOP núm. 237 de 15-decembro-2021 https://sede.concelloderianxo.gal/opencms/gl/informacion/tablon/2021/ANUNCIO_PROG_20211222103006225.html

Convocatoria e Bases 1 tractorista limpeza praias, persoal laboral fixo descontinuo

Anuncio de Convocatoria e Bases dunha praza de 1 tractorista limpeza praias, persoal laboral fixo descontinuo, (execución sentenza) OEP-2018. Publicado no BOP 237 de 15-decembro-2021

https://sede.concelloderianxo.gal/opencms/gl/informacion/tablon/2021/ANUNCIO_PROG_20211222113140775.html

Convocatoria e bases 1 arquitecto superior de funcionario cobertura definitiva

Anuncio de convocatoria e bases de selección en propiedade dun funcionario, de carreira 1 praza de a Arquitecto/a, para cobertura definitiva. Publicado no BOP núm. 239 de 17-decembro-2021

https://sede.concelloderianxo.gal/opencms/gl/informacion/tablon/2021/ANUNCIO_PROG_20211222120006683.html

Felicitación do Nadal do Concello de Rianxo 2021

O proxecto de colaboración que se está a desenvolver entre o Concello de Rianxo e RedeAberta.gal para despregar unha rede neutral de fibra óptica vén de materializar a primeira teleoperadora local FibraRianxo.com, que será a empresa de telecomunicacións que prestará os servizos de Internet a través de RedeAberta, ademais doutras solucións de conectividade para zonas rurais e de telefonía móbil.

A rede empezarase a despregar ao longo de 2022 en 3 fases, ata chegar "ata a última casa da última aldea", seguindo a mesma filosofía que RedeAberta está a desonvolver noutros concellos nos que xa ten presencia.

Con esta colaboración o Concello de Rianxo pretende axudar a dar solución aos problemas de cobertura de redes de alta velocidade que sofren non poucos núcleos rurais e incluso urbanos do municipio.
https://concelloderianxo.gal/novastecnoloxias/-/blogs/o-proxecto-de-fibra-neutral-de-rede-aberta-xa-e-unha-realidade-coa-creacion-de-fibra-rianxo-un-teleoperador-local

NOVAS Medidas Covid-19

ℹ A Xunta de Galicia vén de anunciar os cambios nas restricións pola Covid-19 que decidiu o comité clínico ante a SEXTA ONDA 🦠

🔴 A hostalería terá que pechar a medianoite todos os días, excepto os venres e os sábados, que se amplía á 1 da mañá.

🔴 O horario do lecer nocturno redúcese ás 2.
Ponse en marcha un «toque de non queda» entre 2 e 6 da mañá. Só se poderá transitar pola rúa sós ou con persoas da mesma unidade familiar.

🔴Exténdese o certificado covid a todo o horario en bares e cafeterías. Ata o de agora só se requería a partir das 21 horas.
Pechan as barras.

🔴 Evitaranse os eventos musicais masivos. En todo caso deberán ser con público sentado, tanto en interior como en exterior.

🔴 As cabalgatas de reis recoméndanse que sexan estáticas.

⏰ As medidas entrarán en vigor o 31 de decembro ás 00.00 horas e estarán vixentes ata o 18 de xaneiro