የአከራይና ተከራይ ውል እድሳት ማጠናቀቂያ የጊዜ ገደብ እስከ ጳጉሜ 5 ቀን 2018 ዓ.ም ለመጨረሻ ጊዜ ተራዝሟል፡፡

ከሀምሌ 1 ቀን 2018 ዓ.ም ጀምሮ ሲሰጥ የቆየው የአከራይና ተከራይ ውል ምዝገባና እድሳት አገልግሎት ለመጨረሻ ጊዜ እስከ ጳጉሜ 5 ቀን 2018 ዓ.ም ድረስ መራዘሙን የአዲስ አበባ ከተማ ቤቶች ልማትና አስተዳደር ቢሮ አስታወቀ፡፡

ቢሮው የውል ምዝገባና እድሳት ስራው እስከ ነሐሴ 30 ቀን 2018 ዓ.ም እንዲጠናቀቅ ጊዜ ገደብ አስቀምጦ የነበረ ቢሆንም፣ አስፈላጊ ቅድመ ሁኔታዎችን በጊዜው አሟልተው ያልቀረቡ፣ በተሰጠው የጊዜ ገደብ በልዩ ልዩ ምክንያት ከአዲስ አበባና ከሀገር ውጭ የነበሩ ተዋዋዮች መኖራቸውን ተረድቷል።በህብረተሰቡ ተደጋጋሚ ጥያቄ መሰረት የመጨረሻ ተጨማሪ እድል መስጠት አስፈላጊ ሆኖ መገኘቱን ቢሮው ገልጿል።

በመሆኑም እስከ ዛሬ ውላቸውን ያላደሱ ሁሉም አከራዮችና ተከራዮች ይህንን የመጨረሻ እድል በመጠቀም እስከ ጳጉሜ 5 ቀን 2018 ዓ.ም ድረስ በክፍለ ከተሞች፣ በሁሉም የመሶብ አንድ ማዕከላት እና ለዚሁ አገልግሎት በተዘጋጁ ቦታዎች  በመቅረብ ውላቸውን እንዲያድሱ ቢሮው ጥሪ አቅርቧል።

የመጨረሻ እድል — ጊዜዎ ሳያልቅ ውልዎን ያድሱ!!

ነሀሴ 30 ቀን 2018 ዓ.ም

የአዲስ አበባ ቤቶች ልማት እና አስተዳደር ቢሮ
ኮሙኒኬሽን ጉዳዮች ዳይሬክቶሬት
      
ለተጨማሪ የመረጃ አማራጮች
https://linktr.ee/aahdab

የአዲስ አበባ ከተማ የመንግሥት ሠራተኞች የማኅበር ቤት ግንባታ መነሻ ዋጋ በካሬ ወደ 50 ሺህ ብር ከፍ ተደረገ!

ከዚህ ቀደም በካሬ 35 ሺህ ብር የነበረው የአዲስ አበባ ከተማ አስተዳደር የመንግሥት ሠራተኞች የማኅበር ቤት ግንባታ መነሻ ዋጋ ፤ ወደ 50 ሺህ ብር ከፍ እንዲል መደረጉን የአዲስ አበባ ከተማ አስተዳደር ቤቶች ልማትና አስተዳደር ቢሮ በማኅበር ተደራጅተው ቤት የመገንባት ፍላጎት ያላቸውን የመንግሥት ሠራተኞች ለሚያደራጀው የከተማ አስተዳደሩ ኅብረት ሥራ ኮሚሽን የጻፈው ዋዜማ የተመለከተችው ደብዳቤ ያመላክታል።

የከተማ አስተዳደሩ የቤቶች ልማትና አስተዳደር ቢሮ ምክትል ሀላፊ መኮንን ጥበቡ ቸኮል (ዶ/ር) ፊርማ ያረፈበት ይኸው ደብዳቤ እንደሚያመለክተው፤ በታህሳስ ወር፤ 2017 ዓ.ም በካሬ የተሰላው መነሻ የግንባታ ዋጋ 35 ሺህ ብር ቢሆንም፤ በመስከረም ወር 2018 ዓ.ም በተከለሰው የዋጋ ተመን መሠረት ወደ 50 ሺህ ብር ከፍ እንዲል ተወስኗል፡፡

ማንበብ ይቀጥሉ
Condoaddis

ማስታወቂያ
ለማህበር ቤት ተጠባባቂ ምዝገባ
💢💢💢💢💢💢💢

የአዲስ አበባ ቤቶች ልማት እና አስተዳደር ቢሮ በ2005 ዓ.ም የጋራ መኖሪያ ቤት ተመዝግበው በመቆጠብ ላይ ካሉ ቤት ፈላጊዎች ውስጥ በማህበር ተደራጅቶ በጋራ ቤት ለመስራት አቅም እና ፍላጎት ያላቸውን ተመዝጋቢዎች በማህበርአደራጅቶ መሬት በማስረከብ በተለያዩ ሳይቶች ግንባታ እንዲጅምሩ ማድረጉ ይታወቃል ፡፡

በመሆኑም ከማህበሩ ውስጥ አባላት በተለያዩ ምክንያት ሲጓደሉ ቢሮው ተጠባባቂዎችን መዝግቦ በማዘጋጀት በሚጓደሉ አባላት ተተኪ አባላት ይመድባል ፡፡ በመሆኑም በተጠባባቂነት በመመዝገብ በማህበር ተደራጅቶ ቤት ለመገንባት አቅም እና ፍላጎት ያላችሁ የ2005 ዓ.ም የጋራ መኖሪያ ቤት ተመዝጋቢዎች ብቻ በተዘጋጀው ሲስተም ከታች የተቀመጠውን ሊንክ በመጠቀም ማስታወቂያው ከወጣበት 07/01/2019 ቀን ጀምሮ ባሉት 10 ተከታታይ ቀናቶች ውስጥ መመዝገብ የምትችሉ መሆኑን እናሳውቃለን፡፡

ለመመዝገብ የሚያስፈልጉ መስፈርቶች

1. የ2005 የጋራ መኖሪያ ቤት ተመዝጋቢ የሆኑ እና እየቆጠቡ የሚገኙ፡፡

2. ለቤት ግንባታ የሚውለውን 70 በመቶ ገንዘብ ማህበራቱ እያስገነቡ በሚገኝበት ዋጋ መሰረት ማዋጣት የሚችል እና ቀሪውን 30 በመቶ ቢሮው ባመቻቸው መሰረት ከባንክ ለመበደር ፍቃደኛ የሆኑ፡፡

ማሳሳቢያ

ምዝገባው የሚደረገው ኦንላይን ብቻ በመሆኑ ቢሮ መምጣት አያስፈልግም (የሞባይል ስልክዎን ተጠቅሞ መመዝገብ ይችላሉ)

የአዲስ አበባ ቤቶች ልማት እና አስተዳደር ቢሮ


የመመዝገቢያ ሊንክ፡- https://forms.gle/3y6E2EmAZSbboRg8A

https://youtu.be/NEg0l3im8u8?si=F_QtOgwxihNsXKEW

ይድረስ ለአዲስአበባ አስተዳደር እና ቤቶች ልማት!

በዚህ ሳምንት በወጣው ዜና እንደተናገራችሁት በ ቅጠል ተራ በ 4 ወራት ውስጥ 960 ቤቶችን ገንብታቹ ካስተላለፋቹ 15 አመት ሙሉ ከልጆቻቸው አፍ እየነጠቁ እየቆጠቡ የሚጠብቁትን በቤት ክራይ የሚንከራተቱ የ 2005 ተመዝጋቢዎችን ታድያ ለምን ዝም አላቹሀቸው?

አንድ የ 35 አመት ተመዝጋቢ 15 አመት በተስፋ ሲጠብቅ 50 አመት ሞላው ማለት ነው ብዙዎች ከኃላቸው መጥተው ቤት ሲያገኙ እነሱ ለ አመታት በትእግስት እየጠበቁ ነው በከተማችን የሚደረገው የልማት ስራ ጥሩ ሆኖ ሳለ ይሄን ህዝብን ያማረረ ጉዳይ 1 እንዲሉልን ቁርጡን እንዲነግሩን 2005 የኮንዶምንየም ተመዝጋቢዎች በአክብሮት እንጠይቃለን! (መስኪ)
Condoaddis.com

አብይ አህመድ ለሁለተኛ የአምስት ዓመት ዘመን ቃለ መሃላ ፈጸሙ

የኢትዮጵያ ሕዝብ ተወካዮች ምክር ቤት አቶ አብይ አህመድን ለተጨማሪ የአምስት ዓመት ዘመን የኢትዮጵያ ጠቅላይ ሚኒስትር አድርጎ ከመረጠ በኋላ፣ ጠቅላይ ሚኒስትሩ በፓርላማ ፊት የሥልጣን ቃለ መሃላ ፈጽመዋል።

#URGENT #CASH_ONLY
Summit condominium
For sale

Bedroom:- one
Size: - 52.9 sqm
Floor: - 1st

Price:- Birr 5.5 million
(CASH ONLY)

Call 0913587955
Condoaddis.com