Musiqa yoki yo'l: qay biridan foyda?

Odatda haydovchilar uzoq yo'lda uxlab qolishi mumkin. Buning oldini olish uchun yo'l chetiga mayda to'siqlar qilinadi. G'ildirak ularga tegishi bilan titrash (vibratsiya) hosil bo'ladi.

Shu joyiga kreativlik yordam beradi. Videoda Vengriya yo'llari

Ana, yo'l ham musiqani rivojlanishiga yordam bera oladi))

*uxlatadigan musiqa emas bu, rul va mashinaga kuchli vibratsiya beradi

✅️@copirayt

Payme bilan yangi o'quv yili uchun tabriknomalar (открытки) ishlab chiqdik

Allaqachon Payme ilovasida
Tez orada esa maktablarda

👍@copirayt

GenZ uchun voronka

AIDA endi ishlamaydi.

Eslaymiz. Hozirgacha AIDA qanday ishlar edi?

1. Attention - E’tibor
2. Interest - Qiziqish
3. Desire - Istak
4. Action - Harakat

Ammo kontentning tezlashuvi, fokusning pasayuvi va lidlarning qimmatlashuvi (buni targetologlar tasdiqlashi mumkin) jarayonida bizga yangi sxema kerak bo'yapti

Endi biz zumerlar (Z avlod) bozorda asosiy xaridorga aylanishini kunma-kun kutayotgan bir paytda, "Brand New" savdo sxemasi ishlashni boshlayapti.

Xo'sh, bu nima?
1. Community - Hamjamiyat
2. Inspiration - Ilhom
3. Exploration - Kashfiyot
4. Loyalty - Sodiqlik

Eng boshida hech qanday bilim, ma'lumot, xabardorlik yo‘q, savdoga undovchi hech qanday turtki yo‘q. Faqatgina brend qadriyatlarini baham ko‘radigan hamjamiyat mavjud.

Bu qanday ishlaydi?
1. Brend va uning qadriyatlarini shakllantirish
1.1. Biz ularni standart POEM modeli bo‘yicha ommaga yetkazamiz, ammo bilimni oshirish o‘rniga hamjamiyatni shakllantiramiz. Samsung haqida hamma biladi, lekin hamma ham Samsung hamjamiyatining bir qismi emas, shuning uchun ham hamma *Apple olishni istaydi.

2. Odamlarga ilhom beramiz. Mahsulot/xizmatimiz yordamida hayot, odatlar va uslub qanday o‘zgarayotganini ko‘rsatamiz.

3. Bu qanday ishlashini batafsil tushuntiramiz va ko'rsatamiz. Aynan shu yerda qamrov va kontentga jalb qilish muhim ahamiyat kasb etadi.

4. Sinab ko'rish, test imkoniyatini beramiz. Bu bilan insonlarning brendga sodiqligini oshirish uchun bor kuchimizni sarflaymiz.

*Chunki iPhone'chilar "qabila"si mavjud. Aslida Apple "injiq" va noqulay, Samsung texnik jihatdan Apple'dan ustun bo'lsa-da, hamma "olma"ga "o'tirib qolgan"

✔️@copirayt

Qashqadaryo. Chiroqchi tumani. Respublikamizda eng birinchi tarvuz pishadigan joydagi reklama

Chiroqchining odamlari sodda, chapani odamlar. Ularga qochirim gaplarni yozish kerak emas

Tarvuz uchun esa suv kerak. Suv yer ostidan olinadi, oqova emas. Buning uchun esa suv nasosi kerak

Chiroqchi. Tarvuz. Suv. Nasos
Kerakli joydagi kerakli reklama

✅️@copirayt

Qimmat kopirayting

Toyota kompaniyasi 2023-yilda birgina Corolla modelining 845 963 donasini iste'molchilarga yetkazib bergan. Bugatti esa atigi 589 dona avtomobil sotgan...

Kopirayting yo'nalishlarini ham shunga qiyoslash mumkin. SMM matnlariga talab ko'p, ammo arzon. Sloganlar, kreativ kampaniyalar esa bir necha yuz barobar qimmatroq turadi

Hozir siz bilan "eng qimmat" kopirayting yo'nalishlarini ko'rib chiqamiz

1. Konversion kopirayting
Konversion kopirayting foydalanuvchilarni aniq harakatlarga undaydigan matnlar yaratishga qaratilgan: xarid qilish, obuna bo‘lish, ro‘yxatdan o‘tish va hokazo. Bunday matnlar maqsadli auditoriyani chuqur tahlil qilishni, samarali harakatga undovchi chaqiriqlar (CTA) tuzishni va qaror qabul qilishning psixologik jihatlarini aniq tushunishni talab etadi.
Misol: lendinglar, sotuvchi sahifalar, sotuvchi xatlar (email marketing), reklama kampaniyalari.
Nega qimmat: Yaxshi yozilgan matnlar kompaniyaning sotuvi va daromadini sezilarli darajada oshirganligi sababli

2. Texnik kopirayting
Texnik kopirayting IT, tibbiyot, muhandislik va moliya kabi murakkab va ixtisoslashgan mavzularda matnlar yozishni o‘z ichiga oladi. U muayyan sohada chuqur bilimga ega bo‘lishni, murakkab ma’lumotlarni tushunarli va aniq matnlarga aylantira olish qobiliyatini talab qiladi.
Misol: Mahsulotlar bo‘yicha yo‘riqnomalar, foydalanuvchi qo‘llanmalari, texnik maqolalar, white paper’lar.
Nega qimmat: Mavzuni nafaqat chuqur tushunadigan, balki maqsadli auditoriyaga bilimlarni samarali yetkazib bera oladigan yuqori malakali mutaxassislarni talab etadi.

3. Brend kopiraytingi
Brend kopiraytingi brendlar uchun o‘ziga xos ovoz va uslublarni ishlab chiqish, shiorlar, missiya va qarashlarni yaratishni o‘z ichiga oladi. Bu matnlar brend bilan uzoq muddatli assotsiatsiyalarni shakllantirishga yordam beradi, maqsadli auditoriya nigohida uning o‘ziga xosligi va qadriyatlarini gavdalantiradi.
Misol: shiorlar, kompaniya missiyalari, brend xabarlari, reklama kampaniyalari.
Nega qimmat: Brending nafaqat ijodkorlikni, balki strategik qarashni ham talab qiladi, chunki bu matnlar uzoq yillar davomida brendning idrok etilishini shakllantirishi mumkin.

Bundan tashqari adaptatsiyalar ham anchagina qimmat turadi. Masalan, xorijiy brendlarning reklama kompaniyalarini "o'zbekchalashtirish".
*bu tarjimadan farqli ish

Bu kabi ishlarni zimmangizga olish uchun Bugatti va Toyota muhandislari darajasidagi farqni anglash yetarli

✔️@copirayt