1 haftacha oldin qayerdadir oʻqidim:

AI modellar erasi tugab, AI agentlar erasi boshlanyapti

Kecha esa ishxonada 2 ta AI agent oʻrnatishni boshladik

Yana darslar yozyapmiz

*bepul darslar

AI = qurol

Hozir ishni, kunni, umuman olganda hayotni AI'siz tasavvur qilish qiyin. Dizaynda AI, montajda AI, kreativda AI...
*AI — sun'iy intellekt

Kopiraytingda ham AI'ning ulushi yaxshigina. O'zim 3 yildan beri 3-4 ta AI modellardan foydalanib kelaman. Bu menga tezlik, sifat va resurslarni tejash imkonini beradi.

Ko'pchilik AI kopiraytingni ishini olib qo'yadi, deb o'ylaydi. Aslida AI emas, AI ishlatadigan kopirayterlar raqobatda yutib chiqadi.

Shu tufayli, "Kopitayterlar uchun AI" nomli mini kurs ochyapman
Kurs 1 oy = 8 ta darsdan iborat bo'ladi. Dastur ichida eng yaxshi AI modellar, ularga sifatli prompt yozish (prompt injiniring), promptlar kutubxonasi, prompt chaining va eng muhim blok "AI natijalarini tahrir qilish" bloki ham bo'ladi

Kurs 6-apreldan boshlanadi.
Narxi: 100$
Menda avval o'qiganlar uchun: 80$
*Ramazon oyida joy band qilsangiz, 70$ (hamma uchun)
Faqatgina tajribali kopirayterlar olinadi. Chunki kurs aynan kopiraytingda AI'ni qo'llash bo'yicha

Ro'yxatdan o'tish: @copirayter

@copirayt

Natijaning 80 foizi promtga bog‘liq

Sun’iy intellekt modeliga yoki mavzuga emas. Aynan so‘rovni QANDAY shakllantirganingizga bog‘liq.

Buni bilarmidingiz? Amalda qo‘llaysizmi?

“Kopirayterlar uchun sun’iy intellekt” mini-kursi
8 ta dars · 1 oy · 6-apreldan boshlanadi

Dasturda:
→ Sun’iy intellekt modellari — har birining kuchli tomonlari
→ Promt-injiniring — ideal so‘rov formulasi
→ Prompt chaining — murakkab vazifalar uchun promtlar zanjiri
→ Promtlar kutubxonasi — shaxsiy arsenalingiz
→ Tahrirlash — SI variantini o‘z matningizga qanday aylantirish mumkin

Kursdan so‘ng: matnlaringiz tezroq, sifatliroq va kuchliroq bo‘ladi. Va birorta mijoz uni “qo‘lda yozilgan” matndan farqlay olmaydi.

Tajribali kopirayterlar, kontentmeykerlar uchun.

Kurs narxi: $100
Ramazon oyida barcha uchun — $70

Chegirma tugashiga oz qoldi

Chegirmadan foydalanib qoling
Ro'yxatdan o'tish uchun @copirayter'ga murojaat qiling

30$ lik chegirma bugun va ertaga amal qiladi

Ramazon Hayiti muborak boʻlsin!

Qishloqda hech qachon tugamaydigan ishlardan biri: ariq qazish

Ko'pchilik holatlarda kadrlar va TOP menejerlar o'rtasida KPI bo'yicha tushunmovchiliklar bo'ladi

Shu podkastda yaxshi tushuntirishibdi: https://youtu.be/iq9WShFNMMA

Men startapchi emasman, ammo...

Oxirgi 2-3 yil ichida davlat ko'magi, venture fondlar paydo bo'lishi, angel investorlar bozorga kirishi kabi omillar startaplar ko'payishigi kuchli zarba bo'ldi (turtki so'zi bu yerda ojiz)

Natija nima bo'ldi?
Hamma o'zining startapini ishlab chiqa boshladi. Senior dasturchilar, marketologlar, iqtisodchilar ham ishdan bo'shab, bor resursini startapga sarflay boshladi.

Kompaniyalar kadrlarni, kadrlar esa o'z resursini yo'qota boshladi. Dunyo bo'ylab 90-95% startaplar "o'lishini" hisobga olsak, bu umumiy bozorning orqaga ketishiga sabab bo'ladi

Nima qilish kerak?
Men bu yerda birgina yechim ko'ryapman: birlashish. 2 ta kichikroq startap birlashib, tezroq va kuchliroq bo'lishi mumkin.

Men hozirda tanish va ko'rib turgan loyihalarim: connected.uz va publink.uz

Chunki connected ham o'z jurnalini yaratishga harakat qilyapti. Publink esa ayni shu sohadagi platforma.

Siz qaysidir funksiya ustida oylab ishlayotganingizda kimdirda xuddi shu narsa tayyor turibdi. Shu sabab birlashish yaxshi yechim

Men startapchi emasman, ammo ko'rib turganim shu.

@copirayt

Chegirma tugagan edi

Yana 5 kishi uchun 30$ lik chegirma
Kurs narxi: 100$ 70$ (850 000 soʻm)

Murojaat uchun: @copirayter

Kurslarni qachon sotib olmaslik kerak?

Hozir bozorda turli-tuman kurslar bor. O'zim ham kurs o'tgan odam sifatida, qachon kurs olish kerak va qachon olmaslik kerakligi haqida yozmoqchiman.

Hozir kurslar shunchalik ko'p va jozibadorki, go‘yoki o‘qimasangiz, hayotdan orqada qolib ketayotgandek tuyuladi.

Qachon kurs sotib olmaslik kerak?

1. Hech qachon oxirgi pulingizga kurs olmang
Agar kursni “bu hamma narsani o‘zgartirish uchun yagona imkoniyat” degan xayol bilan sotib olayotgan bo‘lsangiz, demak, siz allaqachon tavakkal qilyapsiz.

Kurs sehrli tayoqcha emas.
Bu faqat amaliyot, mashqlar bilan birga ishlaydigan vosita.

Qo‘lda pul qolmaganda, bosim paydo bo‘ladi:
xarajatni tezroq qoplash kerak → kutuvlar oshib ketadi → hafsala pir bo‘lishi tezlashadi.

To‘g‘ri mantiq esa quyidagicha:
avval poydevor qurasiz → keyin o‘qish orqali o‘zingizni kuchaytirasiz.
Aksincha emas.

2. Aniq maqsadingiz bo‘lmasa
Eng ko‘p uchraydigan xato: “har ehtimolga qarshi” yoki “bo‘laversin-chi” deb kurs sotib olish.

Sotib olishdan oldin o‘zingizga oddiy savol bering:
bu kurs aynan qaysi muammoyimni hal qiladi?

“Yaxshiroq bo‘laman” degan mavhum javob emas, aniq maqsad bo‘lishi kerak:
• reklama uchun matn yozishni o‘rganaman;
• targetni qanday yoqishni tushunib olaman;
• daromadimni X% ga oshira olaman.

Agar aniq javobingiz bo‘lmasa, demak, bu kurs sizga kerak emas.
90% ehtimol bilan uni hatto oxirigacha o‘qib tugatmaysiz.

3. Muallifni tekshirmagan bo‘lsangiz
Hozir deyarli hammaning “qadog‘i” chiroyli.
Lekin chiroyli qadoq — bu professionallik degani emas.

Masalaning ichiga chuqurroq kiring:
— muallifning o‘zi hozir shu sohada ishlayaptimi?
— “muvaffaqiyatli muvaffaqiyat” haqidagi ertaklar emas, real keyslari bormi?
— murakkab narsani oddiy tilda tushuntira oladimi?
— o‘quvchilarida natijalar bormi?

Agar kimdir faqat kurs sotish orqali pul ishlayotgan bo‘lsa, bu allaqachon o‘ylanib ko‘rish uchun jiddiy sabab.

4. Doim keyingi kursga yugurayotgan bo‘lsangiz
Juda keng tarqalgan holat:
sotib oldim → ko‘rdim → ilhomlandim → yana bittasini sotib oldim.

Bu rivojlanish illyuziyasini yaratadi, lekin hech qanday natija bermaydi.

To‘g‘ri ketma-ketlik quyidagicha:
kurs → amaliyotga tatbiq etish → natija → bo‘shliqni aniqlash → yangi kurs.

Agar avvalgi kursda olgan bilimlaringizni qo‘llamagan bo‘lsangiz, keyingisi yordam bermaydi.
Siz shunchaki “bilimlar ombori”ni to‘ldirasiz, daromadingizni emas.

5. Tizim emas, motivatsiya kutayotgan bo‘lsangiz
Kurs — motivatsiya manbai emas.
U shunchaki bilim va tartibli tizim beradi.

Agar siz undan “turtki”, ilhom yoki muhit kutib borayotgan bo‘lsangiz, bilingki, bularning ta’siri tezda tugaydi.
2–3 kundan keyin yana avvalgi holatingizga qaytasiz.

Faqat bir narsa ishlaydi:
intizom + amaliyot.

Xulosa:
Kurslar — bu kuchaytirgich.
Lekin ular hech qachon amaliy harakatning o‘rnini bosa olmaydi.

10 ta kursni o‘qib, bir joyda qolib ketish mumkin.
Bitta kursni o‘qib, shuning ortidan daromad qilish ham mumkin.

Farq olingan bilimlar sonida emas.
Farq — siz u bilimlar bilan nima qilganingizda.

Mana bu kursga esa qabul davom etmoqda
6-aprel kuni darslar boshlanadi, ulgurib qoling

@copirayt

Aprel oyida hamma daromad va xarajatlarimni ushbu 4 ta ilovada yozib bormoqchiman

May oyi boshida shaxsiy tajribam bilan boʻlishaman

*karmon oʻzimizning, qalta qozoq qardoshlarning loyihasi

Tong
Ishlash uchun eng yaxshi vaqt

Kimlar keldi?

Natijaning 80 foizi promtga bog‘liq

Sun’iy intellekt modeliga yoki mavzuga emas. Aynan so‘rovni QANDAY shakllantirganingizga bog‘liq.

Buni bilarmidingiz? Amalda qo‘llaysizmi?

“AI kontent” mini-kursi
8 ta dars · 1 oy · 6-apreldan boshlanadi

Dasturda:
→ Sun’iy intellekt modellari — har birining kuchli tomonlari
→ Promt-injiniring — ideal so‘rov formulasi
→ Prompt chaining — murakkab vazifalar uchun promtlar zanjiri
→ Promtlar kutubxonasi — shaxsiy arsenalingiz
→ Tahrirlash — SI variantini o‘z matningizga qanday aylantirish mumkin

Kursdan so‘ng: kontentlaringiz tezroq, sifatliroq va kuchliroq bo‘ladi. Va birorta mijoz uni “qo‘lda yozilgan” matndan farqlay olmaydi.

Tajribali kopirayterlar, kontentmeykerlar va AI’ni oʻrganmoqchi boʻlganlar uchun.

Kurs narxi: $70

Ro'yxatdan o'tish uchun @copirayter'ga murojaat qiling

Biz odatlar ichida yashaymiz

Adashmasam 2021-yilda Muhammadali aka menga "Mamlakatlar tanazzulining sabablari" kitobini sovg'a qilgan edi. Kitobni o'qishni boshlaganimga esa 1 haftacha bo'ldi

Xo'sh, nega 5 yil ichida o'qilmagan kitob, endi ochildi? Hammasiga odatlar sabab. Bizni odatlarimiz boshqaradi

Doimgidek, oddiy misol bilan: do'konga kirdingiz, kola yoki pepsini olishingiz odatga bog'liq. Endi o'sha ichimlik uchun pul to'lamoqchisiz, QR kodni skaner qilishda payme yoki click'dan birni ochishingiz ham odatga bog'liq.

Marketingning asosiy vazifasi: insonlarning odatlari ichiga o'z mahsuloti va xizmatlarini singdirish. Qo'lingiz shakarli mahsulotga uzatilishi, instagramda kuniga soatlab o'tirish, faqat fast-food yeyish...
Odatlar bizni boshqaradi

Odatlar bizni boshqara ekan, xo'sh, qanday qilib foydali odatlarni orttirish, bardavom qilish mumkin?

Oddiy, ularni boshqa jarayonlarga bog'lash.
Masalan, har kuni ishga qatnaysiz va bundan qocha, buni to'xtata olmaysiz (agar ishdan bo'shasangiz ham yangisiga joylashasiz-ku)
Ayni shu jarayonga odatni bog'lash kerak. Yo'lda kitob o'qiysiz, avtobus tiqiling bo'lsa, tinglaysiz

Odatlarni boshqa jarayonlarga bog'lang
Men ishga borish-kelishda 106 ta audiodarslik tingladim, endi qog'oz kitoblarga o'tdim

@copirayt

Kotib AI startapida marketing menejer bo'lib ishlayman

Call-markazlar uchun AI qo'ng'iroqlar tahlilini o'rnatamiz. 10 kuncha avval Linkedinda servisimiz haqida post qo'yganimda "Sizning modelingiz so'zlarni aniq tushunmaydi" degan izohlar bo'ldi

Nima qilish kerak, deb o'yladim. Bu yerda bitta yechim bor edi: fakt bilan javob berish

Agar kanalimda biznes egalarni bo'lsa, avval savollar bermoqchiman:
• Sotuv bo‘limingiz rahbari yoki sifat nazorati menejeri bir kunda nechta qo‘ng‘iroqni eshita oladi?
• Eng muhimi, u hamma qo‘ng‘iroqni ham birinchisidek xolis baholay oladimi?
• Charchoqni, xodimga bo‘lgan shaxsiy munosabatini va o‘sha kundagi kayfiyatini bir chetga surib qo‘ya oladimi?

Albatta yo'q. Biz insonmiz. Charchaymiz. Bizda his-tuyg‘ular, simpatiya va boshqa vazifalar bor. Bu kamchilik emas — bu shunchaki hayotiy haqiqat.

Sun’iy intellekt esa charchamaydi. Uning “yoqtirgan” xodimlari bo‘lmaydi. U birinchi qo‘ng‘iroqni ham, 524-qo'ng'roqni ham bir xil baholaydi.

Endi, ovozni tanish sifatiga to‘xtalsak.
Biz ko‘pchilikka tanish bo‘lgan videoni topdik. Bu videoga o‘n yildan oshgan va u aynan bir insonning o‘ziga xos shevada gapirgani tufayli virusdek tarqalgan. Ayrim o'zbeklar ham bu shevani, uning nima deyotganini tushunmagan. Biz bu videoni atayin stress-test sifatida tanladik. Agar modelimiz buni eplasa, demak, hammasini eplay oladi.

Natijani videoda ko'rishingiz mumkin

Bizning model o‘zbek, rus, tojik, qoraqalpoq tillarini 95% dan yuqori aniqlikda tushunadi. Faqat darsliklardagi adabiy tilni emas, balki jonli nutqni: shevalar, rus va o‘zbek tillari aralashgan muloqotni, his-hayajon va tezkor gapirish sur’atini ham tushunadi.

Xulosa: tizim qo‘ng‘iroqlarning bir qismini emas, balki barcha 95–97% ini — butun oqimni xolis tahlil qiladi.

Agar hozir sizning koll-markazingiz qo‘ng‘iroqlarning atigi 20–30% ini eshitayotgan bo‘lsa, siz biznesingizni ko‘r-ko‘rona boshqarayapsiz.

Xizmatimizdan foydalanish uchun @nurbekyuldoshiy profiliga yozishingiz mumkin. Bepul test rejimimiz bor

@copirayter

Brand ambassador ≠ Brand face: farqini bilasizmi?

So‘nggi yillarda brendlar kommunikatsiyasida mashhur shaxslar bilan ishlash strategiyasi kuchayib bormoqda. Xususan, brand ambassador yoki brand face formatidagi hamkorliklar marketing va PR kampaniyalarining muhim qismiga aylandi. Bu amaliyot global bozorda allaqachon shakllangan bo‘lsa, hozir O‘zbekistonda ham faol qo‘llanila boshladi.

Masalan:
▪️ Shahzoda — Uzum marketplace kampaniyalarida
▪️ Yulduz Rajabova — Safia qandolat tarmog‘i kommunikatsiyasida
▪️ Mirshakar Fayzulloev — Yandex Split loyihasida
▪️ Eldor Shomurodov – TBC Bank uchun loyihalarda

Biroq bu kabi hamkorliklarda ko‘pincha ikki tushuncha aralashtirib yuboriladi: brand ambassador va brand face.

Birinchi qarashda ular bir xildek ko‘rinadi — har ikkalasi ham reklama kampaniyalarida ishtirok etadi va brendni ommaga tanishtirishga xizmat qiladi. Ammo PR va marketing strategiyasi nuqtayi nazaridan bu ikki rol turli funksiyalarni bajaradi.

Brand face (brend yuzi) — bu brendning vizual identifikatsiyasiga xizmat qiluvchi shaxs. U reklama materiallari, bannerlar, video roliklar yoki kampaniyalarda asosiy obraz sifatida namoyon bo‘ladi. Auditoriya brendni ko‘rganda, ko‘pincha aynan shu inson bilan assotsiatsiya qiladi.

Brand ambassador (brend elchisi) esa brend qadriyatlarini targ‘ib qiluvchi uzoq muddatli kommunikatsiya vakilidir. U nafaqat reklama kampaniyalarida, balki turli tadbirlar, ijtimoiy tarmoqlar va PR faoliyatida ham brend nomidan chiqadi. Ambassador brend bilan barqaror aloqani ifodalaydi va auditoriya bilan ishonch ko‘prigini yaratadi.

Qisqa qilib aytganda:
Brand face — brendning vizual timsoli.
Brand ambassador — brendning kommunikatsion vakili.

Amaliyotda ba’zi holatlarda bir shaxs ikkala rolni ham bajarishi mumkin. Biroq strategik jihatdan bu ikki pozitsiya turli kommunikatsion vazifalarni bajaradi va brend positioningida alohida rol o‘ynaydi.

Sizningcha, yuqoridagi misollarda kim brand face, kim brand ambassador?🤔
Izohlarda yozing — birga tahlil qilamiz.

@marketing_asanova

Onasini emsin)

Men kreativda 2 yil oldin qo'llagan, o'quvchilarim ham biladigan narsalarni Instagramda kontent qilishyapti

Izohlarda odamlar ham WoW deyapti...

10 000+

Kopirayting bo‘yicha men mualliflik qilgan bepul manbalardan foydalanuvchilarning soni 10 000 nafardan oshdi
*kitob va blogimni o'quvchilardan tashqari

Men kopiraytingni ilk bor o‘rganishni boshlaganimda o‘zbek tilida deyarli manbalar yo‘q edi. Shu sababli rus tilidagi manbalardan o‘rganishga majbur bo‘lganman. Va e’tiborli jihati shuki, rus tilidagi men o‘rgangan manbalarning barchasi BEPUL edi. O‘sha payt o‘z oldimga maqsad qo‘yganman: o‘zbek tilida kopirayting bo‘yicha bepul darsliklar yozish.

Mana bugun o‘sha maqsadimga qaysidir darajada erishdim, deb o‘ylayman. Chunki hozirgacha men yozgan darsliklardan kopiraytingni o‘rganganlar soni 10 000 dan oshdi.

Avval o‘zbek tilidagi kopirayting bo‘yicha ilk kitob. Kanalimdagi 3 yil davomida yozilgan barcha postlarni jamlab, kitob ko‘rinishiga keltirdim va uni ham kopirayterlar uchun o‘z kanalimda bepul taqdim etdim.

Keyinroq 2024-yil oxirida Najot Ta’lim bilan hamkorlikda EdFix platformasida ilk kopirayting bo‘yicha bepul kursni yo‘lga qo‘ygan edik. Bugungi kunga kelib, ushbu kursda o‘qiganlarning soni 3000 nafardan oshdi.

Eng oxirgi qilingan ish yaqinda SMM Savodxon loyihasi bilan birgalikda SMM darslari tarkibida bepul kopirayting darslarini joyladik. Bu darslar ham hozirgacha 7000 nafardan ortiq o‘quvchiga ega bo‘ldi.

Faxr bilan aytamanki, men maqsadimga qaysidir darajada erishdim.

SMM Savodxon darslariga @smmsavodxon_bot orqali ro‘yxatdan o‘tasizlar. Botda ko‘rsatma bor, aynan shu ko‘rsatma orqali bepul darsliklardan foydalanishingiz mumkin. Kopirayting bo‘yicha hozir 2 ta dars mavjud, yana 4 ta dars montaj jarayonida

Bu yo‘lda meni hozirgacha qo‘llab-quvvatlagan obunachilarimga, hamkasblarimga va ustozlarimga, barchaga kattadan-katta rahmat aytaman.

@copirayt — sizning kopirayter do‘stingiz