Xoʻrozqand oʻzimizniki, faqat qogʻozi chet elniki

Ayrim kompaniyalar mening taklifimni koʻrib chiqmaydi ham. Chunki men “mahalliy” mutaxassisman

Keyin ular xorijiy agentlikni yollashadi. Xorijiy agentlik kichik summaga ishlamaydi

Keyin xorijiy agentlik meni yollaydi. Men ham xorijliklar bilan kichkina summaga ishlamayman.

Oqibatda men va xorijiy agentlik yutuqda, kompaniya esa zararda

*shunday holatlar boʻlgan, men qilgan ish uchun qoʻshni davlat agentligi TAF!da Gold olib ketgan

Kompaniyalar, yuraveringlar “Ishimizni xalqaro agentlik qilyapti” deb

Zoʻr oʻyin boʻldi 🔥🔥🔥

Qanchalik kreativligimizni bilmoqchi bo'lganlar, qilgan ishlarimizga boqsin))

Batafsil yozaman

100 %lik kommunikatsiyaning o‘zi yo‘q
Bizning vazifamiz bitta: unga imkon qadar 100% ga yaqinlashtirish

Bu post yozilishi uchun 3-4 kun ketdi. Chunki men ham fikrlarimni to'liq yetkazmoqchiman

Sizda ham bu voqea bo'lgandir. Kimgadir nimadir deysiz va quyidagi javobni eshitasiz:
“Ha, sen bunaqa demoqchi boʻldingmi?”

Siz esa hamma narsani aniq tushuntirdim deb o‘ylagan bo‘lasiz.

Muammo shundaki, fikrni bir miyadan ikkinchisiga shunchaki “ko‘chirib bo‘lmaydi”.

Avval siz g‘oyani shakllantirasiz. So‘ng uni so‘zlarga o‘girishga harakat qilasiz. Ammo til miyangizdagi bor narsani: his-tuyg‘ular, obrazlar, assotsiatsiyalar, kontekstni to‘liq ifodalab bera olmaydi.

Ana undan keyin eng qizig‘i boshlanadi.

Suhbatdoshingiz so‘zlaringizni eshitadi yoki o‘qiydi. Lekin ularni to‘g‘ridan-to‘g‘ri tushunmaydi. Buni ancha yillar avvala psixolingvist Gerbert Klark o'z tadqiqotlarida aytib o'tgan: har bir inson xabarni o‘zining tajribasi, bilimi va konteksti orqali talqin qiladi.

Boshqacha aytganda, miya yetishmayotgan ma’lumotni o‘zicha to‘ldirib oladi. Siz 100% lik nimadir aytasiz, u 70% tushunadi va qolgan 30% ni o'zidan qo'shadi.

Aynan shuning uchun ham muammolar yuzaga keladi.
*Bu faqat muloqotgagina tegishli emas.

Bu kontentga ham taalluqli.

Ko‘plab kontentmeykerlar shunday o‘ylaydi:
“Men nima demoqchiman?”

Lekin bu — noto‘g‘ri savol.

To‘g‘ri savol bu:
“Odam bu kontentni ko‘rganda nimani tushunadi?”

• Agar fikrni ko‘rsatish mumkin bo‘lsa — ko‘rsating.
• Agar chizib berish mumkin bo‘lsa — chizing.
• Agar misol keltirish mumkin bo‘lsa — keltiring.
• Agar uzun matn o‘rniga video yozish mumkin bo‘lsa — yozing.

Muloqot kanallaridan qanchalik ko‘p foydalansangiz, o‘quvchi yoki mijozga o‘zicha taxmin qilishga shunchalik kam hojat qoladi.

Albatta, 100% odam sizni bir xil tushunishiga erishib bo‘lmaydi. Bunga tajriba, bilim darajasi, madaniyat, kayfiyat va yana o‘nlab boshqa omillar ta’sir qiladi.

Ammo noto‘g‘ri talqin uchun qoldirilgan bo‘shliqni sezilarli darajada qisqartirish mumkin.

Aynan shuning uchun ham kontentmeyker yoki kopirayterning vazifasi shunchaki chiroyli matn yozish emas.

Uning vazifasi: boshqa odamda shu kontent yaratilishiga sabab bo‘lgan aynan o‘sha fikr, o‘sha his-tuyg‘u yoki o‘sha harakatni uyg‘otishdir.

Chunki muloqot samarasi siz nima deganingiz bilan o‘lchanmaydi.
Balki suhbatdoshingiz nima tushungani bilan o‘lchanadi.

Muammolar insonlar bir-birini tushunmasligi ortidan kelib chiqadi
Yana bir narsani unutmang: tushunmaslik mumkin emas. Tushuntira olmaslik mumkin

@copirayt

Kopiraytingdan keyin qayerga?

Boshlovchilarning koʻpchiligi instagram, telegram uchun matnlar yozib boshlaydi. Keyin progrev, oddiy videolar uchun senariy yozib boshlaydi. Kimdir oʻzini SMMga uradi.

Qayerga borishni bilmaganlar nima qilsin?

Ular uchun shaxsiy kuzatuvlarim asosida yuzaga kelgan fikrlarni ulashmoqchiman. Kopiraytingda koʻpchilik uchun kelajak yoʻq.
Masalan, Said akani darajasida kopirayter boʻlish, senior darajaga mumkin. Lekin Oʻzbekiston bozori 500 ta senior kopirayter uchun torlik qiladi.

Nega?
Chunki kopirayterga $2000+ toʻlashga tayyor 500 ta joy yoʻq

Menga tushgan ish takliflariga koʻra eng tanqis mutaxassislar:

1. Kontent prodyuser. Jarayonni toʻliq nazorat qila oladigan odam.

Vazifalari: auditoriyani analiz qiladi, ehtiyojlarni aniqlaydi. Konsept yechimlar taklif qiladi, eng maqbul variantni tanlashda ishtirok etadi. Senarist bilan oʻtirib senariy yozadi. Suratga olish uchun lokatsiya va aktyorlarni tanlaydi (izlab topmaydi, tanlaydi). Suratga olish va montaj jarayonida qisman ishtirok etadi. Video haqida kutilmalarini aktyor, operator, montajyorlarga tushuntira olishi kerak

2. UX writer
Bu koʻpchilik oʻylagan ilovadagi matnlarni oʻzbekchaga toʻgʻri tarjima qilish emas. Balki ilova mantigʻini dizayner va produkt menejer bilan muhokama qiladi

Vazifalari: UX analizlar natijalarini tushuna olish. Algoritmlar va dizayn boʻyicha boshlangʻich bilimlar. Dizayner va PM bilan ilova boʻyicha uchrashuvlar oʻtkazish. Keraksiz tugmalar, jumlalarni olib tashlash. Ilovani 7 yoshdan 70 yoshgacha har qanday inson tushuna olishini ta’minlash. Qaytaraman, bu yozuvlarni tarjima qilib chiqish emas. U foydalanuvchi interfeysida qulaylikni ta’minlaydi.

3. Mahalliylashtirish (lokalizatsiya) boʻyicha mutaxassis
Ba’zida xalqaro yoki katta brendlarda oʻzbek tilida kommunikatsiya yetishmaydi. Ayni holatda oʻzbekchalashtirish boʻyicha menejer yetishmaydi

Vazifalari: reklama mantigʻini, auditoriya muammosi va kompaniya bergan yechimni tahlil qilish. Oʻzbekcha “rang”lardan foydalanib reklamani oʻzbekchalashtirish

Yuqorida aytilgan 3 ta mutaxassis ham $1500+ topa oladi. Faqatgina til bilsa (kamida rus tili)

*4. Senarist.
Ha, yaxshi senaristlar kim? Ular senariy yozadigan kishilar emas. Kecha yozgan senariysi qanchalik samarali ishlaganini tahlil qila oladigan, senariylarni byudjet taraflama optimal ishlab chiqadigan odamlar. Ular kuniga 10 ta video olinadigan boʻlsa, 6 ta aktyordan 10 ta kombinatsiya chiqara oladi.
Masalan, 40 yoshli ayol bir rolikda turmush oʻrtoq boʻlsa, boshqasida ona, yana birida qoʻshni

*bularning hammasi shaxsiy tajriba, menga tushadigan ish takliflaridan kelib chiqqan fikrlar

@copirayt

Ish tartibi va rejalashtirish

Bugun hech qanday tadqiqotlar va nazariylar haqida emas, bugun bo'lgan meet bo'yicha yozmoqchiman

Men ishxonada 9+ (biznes, digital, mobil ilova, kreativ, ichki kommunikatsiya, PR, sayt, yuridik, HR...) bo'limga yordam beraman. Ularning hammasi Jira'ga vazifa qo'yganda priotitetni yoki high, yoki critical'ga qo'yadi. Ya'ni hamma vazifalar uchun ustuvorlik bir xil: eng muhim

Men kelgunimcha shunday bo'lgan ekan va bugun 4 ta bo'lim bilan buni to'g'riladim. Agar hamma topshiriq juda muhim bo'lsa, "juda muhim" so'zining ahamiyati qolmaydi. Shu tariqa endi ular haqiqiy ustuvorlikni belgilaydigan bo'ldi: low, normal, medium va hokazo

Mening pozitsiyam shunday: hech qaysi bo'lim boshqasidan ustun emas va men bittaman. Shuning uchun vaqt resursidan samarali foydalanish kerak. Agar "juda zarur, hozir qilish kerak" vazifalar ko'payaversa, oqibatda ularning hech biri bajarilmay qoladi. Shu sabab dedlaynlar va ustuvorlik bo'yicha aniq tartib bo'lgani yaxshi

*haqiqatda "yonib turgan" vazifalar bundan mustasno

@copirayt

Hayotim ajoyib hodisalarga boy)

Tasavvur qiling, bitta kompaniyaning 10 ta filiali va bosh ofisi bor. Filialga ishga topshirganimda doim “tajribam yetmasligi”ni aytishadi. Oradan 3-4 oy oʻtib, bosh ofisga ishga kiraman)

Bu 4-marta qaytarilyapti. Eng qiziq holat keyin boʻladi: oʻtgan hafta meet'da meni “tajribam yetmasligi”ni aytganlarni ishini tekshirishimni aytishdi. Digital jamoadagi xodimning ranggi oqarib ketdi))

*ishga adovat aralashtirmayman

@copirayt

Senaristlarga savol: senariy yozdingiz, senariydagi voqealarni miyangizda 1:1 film qilib chiza olasizmi?

Davom etamiz))

*Metro hududidagi reklamalardagi oʻzgarishlar metro ma’muriyati bilan kelishilgan holda boʻlishi kerak ekan. Shu sabab birinchi variant olib tashlangan edi

@copirayt

#bugun
Avtobusda reklamalar

Bugun ertalab avtobusda reklamalarni kuzatib keldim. Fikrlarim bilan o'rtoqlashaman va lozim topsangiz o'sha brendlarning marketologlariga yuborib qo'ying

1. Oqteapadan bulling))
Avvaliga EVOSning Tohir Sodiqov ishtrok etgan sokinroq reklamasini ko'rasiz. Macho lavashni reklamasi ketadi, Tohir aka ham pozitiv tonda, bosiqlik bilan gapiradi. Reklama tugagacg Oqtepani shovqinli reklamasi boshlanadi: Talaba set, xx000 so'm...
Bu reklama shovqin va yaxshi tasvir bilan EVOSni reklamasini miyangizdan yuvib tashlaydi va ayni shu jarayonda sizning xotirangizda faqat Oqtepa qoladi

Yechim: ADBUSga reklama berayotganda reklama materialidan avval yoki keyin raqobatchi brend reklamasi bo'lmasligini ham kelishish kerak

2. Safiyaning robotlari))
Safiyada qandaydir keshbeklar ishga tushibdi, oxirida sheriklarga tekin qahva dedi shekilli. Rolik yaxshi ishlangan, lekin ovoz berish juda yomon. To'g'ri, studiyada aktrisa ovoz bergan, lekin talaffuz juda sifatsiz. Ko'plab turkiy tillar, shevalarni tushunadigan odam sifatida fikrim: umuman tushunarsiz, urg'ular noto'g'ri. Reklamaning aniq maqsadi ham noma'lum, eslab qoladigan narsayam yo'q. Hatto Safiya so'zi ham juda past, sifatsiz ovozda

Yechim: aniq taklifni aniq fikr bilan yaxshi, tabiiy ovoz berib, qayta olsih kerak

3. Noma'lum brendlar
Bir brendlar chiqadi, nimalarnidir reklama qiladi. Oxirida na CTA bor, na telefon bor, na aniq taklif bor

Yechim: o'zi nimaga reklama beryapmiz, deb o'zingizdan so'rang. Marketing byudjetini havoga sovurmang

4. Universitet reklamalari
Ularda ham "Xorijda ishlashni istaysizmi, xalqaro diplom va juda ko'p va'dalar..." Oxirida 1 soniyada universitet nomi. Sizga orzu qilish imkonini berib, o'sha orzu amalga oshadigan joy haqida ma'lumot juda kam. Telefon raqam ham yo'q. Universitet logotipi, bo'ldi

Yechim: Brend insonlarning esida qolishi uchun u haqida ham gapiring, yechimlarni bering

Taklif Pro Max: e'tibor berdim, avtobusda reklama ovozi yetarlicha baland ekan. Shuni hisobga olib, reklama boshida "Hammani diqqat qilsin" deyilsa, yetarli. Yo'lovchilar telefondan ko'zini uzib, e'tiborini reklamaga qaratadi

*nega postlar kam? ish ko'p, kreativga buyurtmalar bo'lsa, akkauntim: @copirayter

@copirayt

Qat’iy shartnomalar haqida o‘ylash vaqti keldi

Bir necha kun avval Burger King mashhur bokschi Bahodir Jalolov ularni tanlayotgani aks etgan reklamani ko‘rsatdi. Vaholanki, yaqindagina o‘sha Jalolov EVOS’ning lavashini reklama qilgandi

Eng qizig‘i ham shunda)
EVOS sportchi bilan shartnoma tuzayotganda, unda “reklama kampaniyasi tugaganidan so‘ng 12 oy davomida raqobatchi va shunga o‘xshash mahsulotlarni reklama qilmaslik” haqida band bo'lganmi?
Agar yo‘q bo‘lsa, bu katta xato. Siz taniqli shaxs uchun pul to‘ladingiz, u orqali yangi insonlarni jalb qildingiz, bir oydan keyin esa o‘sha qahramon “Burger King‘ga boringlar”, deb turibdi. Raqobatchingizga olib boradigan yo‘lning pulini ham siz to‘lab berdingiz

Bu xuddi shahardagi eng zo‘r sotuvchini ishga olib, uni o‘qitib, unga mijozlar bazasini topshirish-u, keyin u o‘sha baza bilan qo‘shni do‘konga o‘tib ketganiga o‘xshaydi.

Aslida muammo Jalolovda emas. U sportchi, unga taklif berishdi, u qabul qildi. Hammasi halol. Muammo shartnomani tuzgan odamda.

Brendlar, eslab qoling: brend elchisi (ambassador) yoki reklama yuzi bilan shartnoma tuzayotganda, unda albatta eksklyuzivlik haqida band bo‘lishi kerak. Mahsulot toifasi, muddat, raqobatchilar — hammasi aniq va qat’iy ko‘rsatilishi lozim. Aks holda, siz sodiqlikni sotib olmaysiz. Siz shunchaki bir kunga yuzni ijaraga olasiz, ertasi kuni esa o‘sha yuz sizga qarshi ishlaydi.

*sportchilar fast-fudlarni reklama qilishi esa umuman alohida mavzu

@copirayt

Apple kecha “yorvordi”))
Oʻzi revolyutsion narsa qomadi-da smartfonlar olamida

Qandaydir katta oʻzgarish = katta xarajat davrida minimal oʻzgarishlar ham yetarli boʻlib qoldi. 2 nmlik texprotsesga kelsak, oddiy foydalanuvchi uchun buning hech qanday ahamiyati yoʻq. 2 nm boʻldi nimayu, 4 nm boʻldi nima?)
Yoki kimdir sezganmi farqni?)

Sezishingiz mumkin, 1500$ ga olganingizdan keyin miya “Ha, yaxshiroq ekan” deb oʻylashga majbur-da))

Duo boʻlsa, umuman kech qoldi. Samsung 8-avlod buklamafonini chiqarganda Apple olamshumul yangilikdek taqdim qildi oʻz variantini)

Yana bir jihat: avvaldan buyurtmalar 23-oktyabrgacha ekanini hisobga olsak, Apple 44 kun ichida real talabni baholay oladi. Agar buyurtmalar kam boʻlsa, Xitoydagi zavodga “Duo otmen” deb Telegramdan yozib yuboradi

*chunki apple vision pro'dan yaxshigina tili kuygan

Buyogʻi marketing. iPhone 5 va 6, 6 va 7 orasidagi farq 2 yil boʻlgan boʻlsa, yangi avlod smartfonlarida bu standart 1 yilga aylanib boʻldi. Demak, muhandislar jamoasi har yili bitta yangi iPhone yoki Samsung oʻylab topishga majbur))

Apple foydalanuvchisi sifatida fikrim: agar yangi avlod mac, iPhone yoki boshqa qurilmada katta oʻzgarish boʻlmasa, yangilash shart emas.

Blogerlarning “zoʻr chiqibdi” degan PRlariga ishonmasdan, real ehtiyojni baholang)

*2022-yilda chiqqan Mac Air M2 ning imkoniyatlaridan ham toʻliq foydalanmayman va uni M5 ga yangilashda ma’no koʻrmayman

@copirayt

Senat buni ma'qullabdi

O‘ o‘ → Ö ö
G‘ g‘ → Ğ ğ
Sh sh → Ş ş
Ch ch → Ç ç

O'zi o' harfini "qalpog'i"ni klaviaturada qiynalib yozardik, endi bunisini qanday yozamiz, hayronman))

Bu yilgi ishlardan ayrimlari

1. Uklon. Bu keyslar seriyasini menimcha hamma ko'rib ulgurdi

2. EPA. Professional texnikalar brendi bilan yozda "Chilla qahramonlari" kampaniyasini ishlab chiqdik. Kampaniya doirasida qiyiqcha va qo'l kremidan foydalanib roliklar oldik
*auditoriya: professional ustalar. Ustalar EPA sovg'asini olgach, QR kodni skanerlab, rolikni ko'rishadi. EPA oddiy uy texnikasi pozitsiyasida emas

3. Listee. OLX va Bir Bir'ga jiddiy raqobatchi sifatida kirib kelgan xalqaro kompaniya. Loyiha zapuskidagi kommunikatsiyani o'zbekchalashtirish bilan shug'ullanyapman

4. Blitz. Nemis tili o'quv markazi uchun UX matnlarni tahrirlab, ilovani foydalanuvchilar uchun qulayroq ko'rinishga keltirdik. Target uchun chuqur analitika asosida roliklar seriyasini ishlab chiqdik
*app store va play marketda mavjud

Yana 10 lab mahalliy, xalqaro loyihalarda qisman yoki to'liq kreativ, kontentlarni ishlab chiqdim
Shunaqa gaplar...

@copirayt

Kirib oʻting ✅

@copirayt

Safia, stakancha qanday qilib tarona qoʻyishiga tushunmadim))

@copirayt