وسبحان الله كل يوم في الدوره ومع كل تدريب جديد بتوضح الصوره اكثر واكثر … وبيصير واضح اديه كل تدريب فعلا مهم وبيلعب دور اساسي بالتدريب الي بعدو … وكل شي مترتب على بعض بطريقه محبوكة وجميله كانها روايه .. كل مرحله بتشوقنا للبعدها 🧚🏻‍♀️🦋

استاذه خلود عبقريه والله ✨🧠💫

الصراحه اكتشفت بهذي الدورة اني عندي حيل و قوة ناعمة خفيه وانا مابعرف
ياليتني عرفت هذي الدورة من زمان كان عززت القوة عندي
لان الاقارب اللي حولي دايم يشككون بافعالي واني استغلاليه وانو هذي انانيه
صحيح اني ماحبيت تعليقاتهم بس خلوني شوي اشكك بنفسي
بس بعد مادخلت هذي الدورة عززت لي وخلتني اتعلم حيل جديده مافكرت فيها

الحمدلله وأخيراً أنجزت سماع الصوتيات 🎀🎀

ما بين دوام وبيت وسماع الصوتيات جداً مفيده وبصراحه أنسب من طرحنا نحن لاسئلة الصوتيات .. وفرت علينا وقت وجهد فظيع شو انها ملمه لكل جوانب الحياه ..

انا صحيح دخلت اعادة للدوره بس فعلياً انا هلا منيح نورت بصيرتي .. اول مره كنت فاهمه بس ضايعه نص تطبيق وبعد ماكملت حكيت برجعلها وما رجعت وحسيت بكسل لاطلع من دائرة راحتي

لكن فعلياً المره هاي غير وحاسه الماده بتدخل وبصعوبه لتطلع لدرجه مبارح بجهز بالاكل وبجهز سيناريوهات براسي لو بديت اغير اشي وكيف اعمل واجهز ردود براسي

وقتها وقفت شوي مصدومه بحالي وبحكي صرت افكر بتفكير الاستاذه خلود خلص

السلام عليكم زميلاتي الجميلات

كنت عم بسمع الصوتيات ،،، و صار عندي مجموعة مشاعر متضاربة، جميلة و حزينة ،،، حابة اشاركها معكم

اول شي بنصحكم و بشدة سماع الصوتيات اجابات أ. خلود ، لازم نسميها عبقريات أ. خلود ،،، كلام يكتب بماء الذهب … اجابات رائعة ،،، و العجيب انه اغلبها لامس قلبي و كاني انا اللي سألت السؤال و هي بتجاوبني

في احد فيديوهات أ. خلود عالانستجرام ، كانت تقول ازا زوجك جيد ، لا تفرطي فيه ،،، لكن اعرفي تعاملي معه

و من متابعتي لقنوات الأستاذة، كنت فاهمة نفسي، بس مو عارفة اتعامل،،، عرفت وين الخلل في التواصل لكن مو عارفة شو الحل ، كنت بتخبط ،،، و هاد كان أحد أسباب دخولي للدورة ،،،

زوجي شخص طيب ، لكن كثير الانتقاد ، عنده اسلوب ممتاز في الاقناع و قلب الطاولة و عند أي نقاش أنسى انا ما هي وجهة نظري ،،، كما قالت أ. خلود في ردودها،،، يمارس علي حيلة #التشتيت ،،،،

كنت مدركة أنه فاهمني،،، و عنده قدرة على استفزازي ،،، (و ادخالي مربع #ردة_الفعل… الذي أنا ملكته) ،،، حاول قولبتي بالشكل الذي يريد و نجح ،،،، تغيرت نظرتي عن نفسي،،، أصبحت دائما حزينة (زعلانة على حالي) لو حدا سألني تكلمي عن نفسك ،،، بعرف عن حالي اني كنت و كنت ،،،

قدمت الكثير من التنازلات ،، لاني طيبة و بمبدأ بدي اكون زوجة صالحة،،، لكن اكتشفت انه الزوجة الصالحة هي اللي بتدير بالها ع حالها ،،، و بتراعي نفسيتها حتى تزهر ،، بمبدأ happy wife, happy life

متل ماقالت أ. خلود ،، لازم يكون عندك بنية تحتية قوية،،، شخصيتك قوية حتى ما يأثر فيكي حدا ،،، (و لنفسك عليك حقا)

اكتشفت انه لازم يكون عندي (جلد سميك ) حاجز ضد الانتقاد، ما يسمح لحدا يخترق نقاط الضعف عندي،،،، زوجي حافظني حفظ و عارف كيف يسفتزني،،، بالزبط مثل وصف الاستاذة،،، بس اطلب طلب او اقول اشي، ردة فعله بتلمس اشي انا بخاف منه او عارف رح يستفزني و بصير ابرر و بيتغير لوني،،،، حتى بيقولي شوفي لون وجهك كيف صار

حاليا و بعد ثلث مدة الدورة صرت اروق،،،، اكتر من موقف يستغرب انه ماقدر يستفزني،،،، و هاد اثبات انه هو كان يلعب على هاد الوتر

هلا ضل ارجع اعزز البنية التحتية و اسمك جلدي اكتر. ( اللي بلش يسمك)

و هاد كلة بنية بناء أسرة مسلمة فيها سعادة و سلام داخلي 🌸🌸

اكثر ما اعجبني و صدمني في البداية هو طريقة رد أ. خلود الصادمة التي تخرجنا من دائرة المجاملات .. اشعر اجاباتها كمن يرش الماء على وجهك و يقل لك اصحي و اخرجي من دائرة الضحية 😂 مش عارفة ليش نستمتع كنساء انه نكون ضحية

حلو جدا فهمنا ايش يعني الراجل يريح دماغه ... و الله فهمت الآن كثير من مواقف الموظفين الرجال اللي تحتي في الادارة و مديري و كمان زوجي العزيز ... كنت اسأل نفسي دايما ليش الرجال يعجبهم ( الكلفتة باليمني ) يعني يعمل الحاجة بتساهل و سرعة 😁

اسلوب الدورة الحقيقة رائع و فيو شغل ووضوح و بخلي الواحد فعلاً يستفيد لانو مجبورين نسقط كل المعلومات على حياتنا و مو بس دورة الواحد بياخد معلومات نظرية و يا بيعرف يطبقون يا لا
فعلاً دورة فيها تغير لأعماقنا
شكراً من القلب و الله يقويكي و يبارك فيكي ❤️❤️❤️

اسلوب الدورة مميز والتعليم مختلف، مش تلقين وانما تجارب وسماع تجارب غيري، وحسيت هاد الاسلوب جدا بناسب شخصيتي لانه لو قرأت هاي المفاهيم بدون تطبيقها ما بتوقع كنت رح اخد ربع الاستفادة اللي اخدتها لهلا من الدورة

أسلوب الدوره جميل ومفيد بعيدا عن أسلوب التلقين.
استخدام أسلوب القصه ودعمها بالفيديوهات وطرح الامثله وتجارب الآخرين ساهم اكثر في فهم الفكره.

اشعر باني كنت اسير على هذه الخطوات ولكن دون معرفة تسميات كل خطوة الان اصبح الطريق اوضح واسهل للتطبيق

الحمد لله كل ما رأيته في الدورة إلى الآن رائع وثري، بارك الله في جهودك أ. خلود وجهود المشرفات ونفع الله بك وبعلمك.
أسلوب الدورة التفاعلي رائع للغاية.

الدورة تسير بجهد واضح وملموس من كل الاطراف .. وكل خطوة وتدريب محسوب حسابها.. عنجد بوركت جهودكم 🌹

الدورة راااائعة واسلوبها فعلا مميز ولم احد مثيل له مع اني دخلت دورات وكورسات كثيرة جدا في مواضيع الانوثة والعلاقات ولكن هذه دخلت في اعداداتي و عملتلها reset .
شكرا للأستاذة خلود جزاها الله كل خير
و للمشرفات أيضا 💛💛💛
شكرا من أعماق الفؤاد .

الدورة رائعة بكل معنى الكلمة قلبتني قلب وعملتلي غسيل مخ

الدورة غنية جدا ورائعة وفيها العديد من الأفكار الجديدة على وعدلت العديد من المفاهيم الخاطئة.. كما أن بعض التعليقات من المدربة توزن بماء الذهب ولا بد من وضعها كحلقة في الأذن.

الدورة ممتازه ما شاء الله مجهود جبار جبار .. اشكر استاذه خلود من القلب لانه الدور اللي بتقوم فيه بتغير الافكار و العقول من اصعب المهمات بالحياة لكنها اكثرها اجرا و تأثيرا و يحتاج كتير من الصبر ..
هذا كان طريق الأنبياء و الرسل .. ان شاء الله تحشري معهم بأعلى مراتب الجنة لإختيارك هذه المهمة العظيمه 🤍

ملاحظاتي اني بركض داخليا بماراثون من اول يوم الدورة 😅 لكن بقّدر حرص استاذه خلود انها بتحاول تفيدنا بأكبر كمية من المعلومات و الافكار و مشكوره على حرصها على افادتنا ❤️ طلعتنا من مجرة الراحة 😂

الدوره رائعه.. ومعلومات قيمه .. بس اجد صعوبه في تطبيق بعض المهارات .. حاسه انو ما عندي خيال كافي لاستخدامها..
متعوده على نظام التدريس سوي واحد تنين تلاته 😂😂

الدوره معاده للمره الأولى وصدقاً أجمل من هيك طرح مرتب منسق ومنظم ومتعوب عليه .. وفيها زيادة معلومات عن الدفعات السابقه .. أبدعتي أستاذه والله يطرحلك البركه ..

الله يجزيكي كل خير دكتوره .. الدوره زحمة مرررررره وفيها كنز من المعلومات والتفاصيل ..
اظن بدي اكتر من سنه ل افليها تفلايه واستفيد من كل ما طرح بها ..
شكرا من القلب على خبراتك وإخلاصك وما تقدميه من تميز ..