بتعرفو دايما كانو يحكولنا ارمي شباكك ع الناعم بس ما حدا وضحلنا معناها الان بدأنا نتعلم

في شغله حابه احكيها
انا دخلت الدوره وانا متأكده مليون بالميه انه رح تكون رائعة واني رح اسفيد منها بس ما توقعت ابلش احس بالتغيير من اول يوم بصراحة اليوم طول الوقت وانا بفكر بالكلام الي قرأته الي بعتته الاستاذه خلود وفعلا لما الواحد يفكر بينه وبين حاله بيكتشف قديش الكلام صح وكيف تأثير الحياه والمجتمع بشكل خاص علينا وكأنو كلنا انحطينا بنفس القالب يعني كلنا بنتصرف وبنتعامل نفس الاشي بدون ما نفكر وبدون وعي يعني ما بدي احكي الكل ولكن نسبه كبيره منا هيك وضعهم

لسا احنا باليوم الاول بس الحمدلله انا كتير ممتنه لوجودي بهاي الدوره وكتير ممتنه للاستاذة خلود ع مجهودها وع افكارها الي اكثر من رائعة وان شاء الله انه كله بميزان حسناتها بصراحه مش عارفه اوصف شعوري قديش انا مبسوطه وبنفس الوقت شوي مصدومه من نفسي كيف ما انتبهت لامور معينه بس هينا مكملين مع احلى طاقم واكيد رح نتعلم ونستفيد زي ما بدنا واكتر حتى و صدقا صدقا حاسه بتغيير ملحوظ بالنسبه الي من اليوم الاول ❤️
ويعطيكم الف عافيه ع جهودكم ❤️

براجع ملخص الأفكار اللي كتبتها 😳
حاسة حالي عايشة في كوكب اخر خصوصا مع شخصيتي اللي فيها غلوّ في الصدق والطريق المستقيم هو الوحيد ولا يوجد طريق ثاني مهما حاولت...

صفنت بحالي 🥹
كاين الواحد حامل السلم بالعرض وماشي... لا وكمان بستغرب ليش الناس ماشية بالعكس.... مش عارف مين ماشي بالعكس😕

الله المستعان
اليوم تلقيت الصفعة الاولى😆
جاري تلقي الصفعات 😅

بصراحة بعد الانتهاء من تسليم البطاقات مر شريط حياتي امامي وكيف طبقت هذه الافكار علية ..اندهشت انه ولا مرة انا فهمت الحيلة🤷‍♀️

وطبقت فكرة القنوات على ابني حتى اقنعه لاتمام الواجب ولاول مرة اتم عمل واجبه المدرسي بدون ما اعصب عليه وادخل في جدال ينتهي بتوتر

بالنسبه لنفسي شعرت اني كنت في عالم ثاني ظالمه نفسي وغيري😔.

كنت أشعر أني دائما الصح او انا الضحيه ودائما اشتكي ليش كذا ما يفهموني. وكنت دائما افكر في مصلحتي بدون ما أشعر..

عرفت وين المشكله وحابه اعرف كيف العلاج وكيف اكتسب مهارات القوة الناعمة😍

بما إني معيدة للدورة يلي استنتجته أنه كل الحيل والأساليب مرت علينا سواء استخدمناها أو شفنا حدا عم يستخدمها بس الفرق الكبييييير أنه الدورة بتخليك تمشي فيها وفق طريق محددة وواضحة ومننهجة بحيث ما تستسلمي وتعرفي متى توقفي ومتى تكملي أو متى تنسحبي جزئيا أو نهائيا .... بالمختصر خليكن مركزين كل الوقت وخدوا بأول نصيحة يلي هي الورقة والقلم واقعدوا اكتبوا الأفكار حتى تاخدوا أكبر استفادة ممكنة 🤭

غريب كيف أنا كنت ماخذه مسلك واحد مع الجميع وخاصه العيال !!
احس باشيا تصير في مخي وتتحرك اشيا ومتحمسه اكمل

هالفعالية على انها بسيطه
بس بتخلي الوحده صدق تفكر ع الاقل بس تفكر ان في اشيا ماكنا نشوفها

انا اول ماقرأت القصة قلت وانا وشو دخلني بفلانة وكرشتها😂 ومدري شو
بس بعدين لما سمعت مشاركاتكم توضحتلي الفكرة شوي شوي و تذكرت مواقف كتيرة خسرت حقي بسبب اني كنت اهرب او اسكت ويضيع حقي ات تنقلب الطاولة علي من دون قصدي
الفعالية بسيطة وممتعة من دون صف معلومات و بدأت حقق اول نتائجها بفضل الله في عملي و على المستوى الشخصي ولله الحمد

شكرا 😍ان شاءالله نضل متفاعلين لآخر الدورة انا مبسوطة وحابة الدورة عشان هيك تفاعلي قوي بدي استفيد واتعلم وكلمة حق تقال ما مر علي اسلوب تعليم بهاي الطريقة

بدي احكي شغلة كثير اثرت فيني
انا انسانة جامدة نوعاً ما وجدية

من لما دخلت الدورة وبلشت اطبق بالفعاليات حسيت بلشت اتغير شوي شوي واوخد المواقف والحياة بطريقة فرفوشة وحلوة
يا الله قديش الاشي اثر فيني
حسيت طاقتي صارت ايجابية على طول ، بطلت افكر بطريقة سلبية ، الاشي كثيييييييير مريح
الحمد لله انه ربنا وجهني لأسجل بهاي الدورة

انضممت لهذه الدورة لاني اسعى إلى الارتقاء بنفسي وأن أتمتع بأدوات أكثر فاعلية
ومتابعة آخر التطورات في العلاقات الاجتماعية وفنون التواصل

خاصة في آخر خمس سنوات (من بعد كورونا تحديداً)
شعرت بتغيير كبير في العلاقات الاجتماعية وطرق التواصل بين الناس

لاحظت انتشار الفردية أكثر والميل إلى الانعزال الاجتماعي
و اصبح من السهل
الحكم على علاقة بالنهاية

لاحظت فقدان الصبر من بعض الناس على استمرار العلاقة
وأصبح من السهل التفريط فيها
حتى وصلت إلى العلاقات الأسرية والطلاق
والأب يترك أولاده ويتخلى عن مسؤولياته

لاحظت أن بعض الناس لا يستثمر في علاقته مع الاخر ولا يبذل جهد ولا يقدم شيء لهذه العلاقة لاستمرارها

خاصة مع الأبواق المناديه بالفردية واعتزال ما يؤذيك

شكراً لك أ.خلود على دورك البناء لانك تضعين أساساً متيناً في بناء البيوت وسكينتها
وتحسين العلاقات بين الناس
وصلة الأرحام

وادعو الله أن يبقى أثر علمك صدقة جارية في ميزان حسناتك

يا الهي قديشك مبدعة بتمرير الأفكار !!
اول مرة بقرأ هالقد كم من المعلومات وبفتح فيهن كل حواسي !
المشاعر والطاقة والروح الحلوة عم تنتقل وتعدينا😍

النقاش مؤثر وفعال كما لو كان مرئي تماماً سألت نفسي قبل التسجيل إن كنت جاهزة لمايند سيت جديد ؟!
أثناء النقاش شعرت بالفرح لأنني وجدت ما كنت أبحث عنه تماما
هذه أول مرة حرفياً أرى كيف النعومة تساوي زلزاااال 💥
بدأت أرى أساليب القوة الناعمة لدي وأكتسب أساليب لم تكن موجودة واساساً أنا كنت ارفض نهائي هالأساليب وأقول ما بإمكاني اكتسابها والأسلوب هبة ربانية
الأستاذة أقنعتني بسلاسة 🙏أن بعض الهبات الربانية ممكن أن تأتي بالكسب💪

بصراحة الأستاذة خلود عرّتنا أمام أنفسنا وطلعت أنا السبب بكل الطوش وبكل رفض أخدته من زوجي لأني لا بعرف أطلب ولا بعرف أرفض (وهاد عرضني للاستغلال) لكن أحتسب تلبيتي لطلبات الناس (سابقاً ) من باب قضاء الحوائج..
برجع بعقلي لكل المواقف اللي طلبت فيها أشياء وما صارت بلاقي انه أغلب الطلبات اللي رفضها زوجي هي أشياء عادية وتافهة ولكن أنا كنت أعمل حالي مش شايفة القناة هههههه أو شايفتها ومش هاممني الا انه طلباتي تصير بالوقت اللي مناسبني انا وماشية زي القطار !!!
من خلال أول كم يوم بالدورة حطت الأستاذة خلود قدامنا المراي ورجتنا حالنا احنا شو .. الآن انا بعترف لنفسي اني مليش علاقة لا من قريب ولا من بعيد بالقوة الناعمة 😭😭😭 لكن من صمصومة قلبي بدي أتغير وبدي أنبسط وبدي أرقى بنفسي وبدي أصلح حالي .. يا رب متل ما حطيت الأستاذة خلود بطريقنا وسهلت انه نسجل بهالدورة قوينا على انفسنا وساعدنا نتغير كما تحب وترضى وانفعنا بهالعلم ❤️

بالنسبة الي كل البث كان حلو وكلشي فيه كان مفيد كتير بالنسبه الي 🔥❤️

بالنسبه للتغيير الي حسيتو بصراحة صرت كتير انتبه ع كلامي قبل ما احكي اي اشي صرت افكر منيح واحاول اشوف الصوره من كل الجوانب واتحكم برده فعلي وخصوصا مع اولادي صرت احاول اكون الفعل مش رد الفعل واتجنب اعطي رد فعل قوي او مثلا اعصب وصراحه كلشي تعلمناه مش طالع من راسي 🔥❤️

طبعا متحمسين لكلشي جاي 😍🔥

كثيير كان البث حلوو .. انا حضرته تسجيل بس برضو استمتعت ..🩷🩷

حبييت التطبيقات والامثلة اللي أعطتها الاستاذة ..

الحمدلله بحس الآن ردود افعالي ع المواقف والاحداث اللي بتصير معي أقل حدة .. خصوصاً إني نرفوزة وعصبية شوي ..
هسا بكون ريلاكس حتى لو الموضوع مستفز .. وبحاول اكون رايقة بالرد وما اعطي ردة فعل عنيفة .. الحمدلله لاحظت هالاشي بالاول انعكس علي .. انو بطلت اكون بستريس او انو يصير الموضوع خارج دائرة سيطرتي ..

فعلآ انو الامور دايمآ بتمشي بالهداوة احسن

الحمدلله 🩵

صباح النور يا أحلى مشرفات و ألطف متدربات🌹
الآن أنهيت البث والله ماقدرت اتركه الا حتى احضر الحصة وكل شوي اكتب ملاحظات لانو كل كلمة تسوى دهب 😍😍
أعجبتني فكرة الضرب على الوتر الحساس عند الطلب وتذكرت مواقفي لما واقفت على أشياء من زمان وبعدين سألت حالي انا كيف وليش وافقت ؟؟ واكتشفت اني محاطة بكتير أشخاص بمارسو القوة الناعمة عليي وانا ولا داري😂😂

بصراحة دخلت الدورة على أمل التغيير والتعلم، لكن لم افكر أن امارس التغيير مع شخص معين،

وبما أن الاستاذة افترضت أن يكون شخص نمارس عليه التأثير، فاخترت امي، فبدأت اكتب عنها، كتبت كثيرا، واستعنت بالذكاء الاصطناعي،
لكنه ادهشني ان قال: أمك ليست “قاسية فقط” أو “لينة فقط”
هي مزيج… لكن التعب والمسؤولية جعلوا الجانب الصارم هو الأكثر ظهورًا.
أيضا: النساء مثل أمك لا يحتجن حلولًا كبيرة…
يحتجن أشياء صغيرة لكنها صادقة جدًا.

بكيت جدا لأن أمي قاست وتحملت كثيرا في حياتها، لم تسمح لقسوة ظروفها أن تضعفها، تحملت من اجلنا كثيرا، فاصبحت شخص آخر...

شكرا لكي استاذة على ما ايقظته في داخلي
شكرا على أنك نبهتني أن أمي انسانة وإن كانت تبدو قاسية...ففي داخلها طيبة...ساحاول باذن الله أن افعل شيئا لها، ارى الطريق والتغيير صعب علي ، لكن سأحاول ... من قلبي اقول لكي ...بارك الله في جهودك استاذة❤️

صراحة البث كان جميل جدا و كنت كتيير اصفن و اتفكر بالمعلومات الي فيه، كنت مفكره حالي انه عندي قوه ناعمه بس طلعت غلطاااانه انا تمارس علي القوة الناعمه وانا بعالم الاحلام ، والله انه البث فتحلي ابواب و افكار براسي مستحييييل انه افكر فيها لحالي مش قادره اوصفلكم الشعور ، والله يا ريت سمعت هاي الاشياء
بوقت ابكرررررر 😭😭😭😭

اكثر فقره عجبتني بالبث فقرة انه نطلب و طلعنا ما بنعرف نطلب ، الاستاذه خلود فتحت مخي انه كيف يعني طلب ( اشي بسيط زي هيك ما كنت اعرف كيف احدده ) واااو

ابتسامة الدكتوره خلود و ضحكتها سااااااحرة الجمال جد ما شاء الله اللهم بارك. زي كأنها شايفيتنا و شايفه ردود افعالنا وبتضحك عليهم 😂😂

اللهم بارك ان شاء الله الي جاي احسن واحسن . الله يجعلها سبب في صلاح حالنا و تزكية نفوسنا 🤲❤️🥰