الدورة رائعة و دسمة ، الرسوم لا تؤدي حقها فعلا

الدورة قيمة بكل جوانبها وواضح جدا انه انعملت بجهد كبير وبنية صادقة .. بشكر الأستاذة خلود على تفانيها بأنه نستفيد لانها بتحاول توصل المعلومة بأكتر من طريقة وبشكرها جداً انه بتشاركنا مواقف شخصية صارت معها هي لانه هاد بخلي الدورة أكثر واقعية.

"الدورة ممتعة ومرنة خاصة صفة التفاعل والتدريب الفردي أو الجماعي وتوصيات وحرص كلا من الاستاذة خلود والمشرفة على اغتنام الفرصة والإفادة والاستفادة للجميع
والتوقيت لكل فعالية يلزم الاجتهاد وعصر المخ من أجل تعلم المهارات لأقصى درجة
قيام كل من الاستاذة خلود والمشرفة على تصحيح الأخطاء والتوجيه بطريقة جميلة فيها فرفشة وحب "

انا سعيدة بمشاركتي بهذه الدورة واتطلع للمشاركة بدورة مذكرات زوجة مثيرة

"ملاحظتي ايجابية بشدة، الدورة اختصرت علي قراءة كتب كثير بدون تطبيق كنت مشتتة
تمري المادة من الالف للياء ،ترتيب المراحل والطرق لتطبيق الحيل واهم اشي الصبر والتأني حتى اكون في مربع الفعل وليس ردة الفعل"

"دوره جميله وممتعه بكل معنى الكلمه وسّعت مداركنا واشعرتنا إنه في أمل بكل شي لكن غيري الأسلوب وتعلمي تعلمي تعلمي
شكراً من القلب لطالما كنا نشعر في أمور مبهمه بتصير حوالينا بهالحياه ولكن ما بنعرف نوصفها حتى
ماشاءالله عليك كيف قدرتي تفكفكيها وتشرحيها بأبسط الطرق
جزاك الله عنا خير الجزاء "

رائعه جدا كل شي فيني تغير ابي اطبق الدوره بكل يومي مخي هادي تصرفاتي واعيه انصدمت من كمية الموافقات اللي حصلت عليها طلع الغلط من اسلوبي

صدقا أفضل استثمار لاي أنثى هو دورة اسرار القوة الناعمة فهي تفتح لها افق واسع بالدهاء الانثوي الذي يحقق التوازن في العلاقات ويراعي جميع الاطراف وتخرجين منه بانتصارات الجميع فيها منتصر وراض

عشقت هذه الدورة كثيرا و كم تمنيت ان أسخر وقتي لكي أقرأ اطبق كل حرف فيها

ياريت لو في دعوة اذا دعيتها الك يااستاذة خلود بوفيكي حقك…من دوراتك كنت مفكرة انه اهم دورة هي المذكرات فاستفدت كتييييير لكن حسيت لازم غوص اكتر في شي مالقيته فاشتركت بالاسرار وكتتييييير مستمتعه لكن في شي فيني عم دور عليه ومالقيته وهلأ عازمة ع اني اشترك بالVIP ومتأكدة رح لاقيه….لاقي الجمال وفن الرد ولاقي الاتكيت ولاقي نسخة رند الحلوة يلي اخذها مني القلق والتعب ومرض السرطان …انا بحبك كتير لاني بكل مرة عم لاقي بكلامك شي بيرفعني لفوق ومن لما دخلت عبروفايلك وبلشت اسمع كلامك ونصائحك وأنا بهداك اليوم غير أنا يلي بهاليوم….سامحيني عالاطالة

البث راااائع ، أهم شئ في الدورة هو خطاب الأنا و خاصة انه فيه وصف للخطوات العملية الواضحة له

لاحظت انه أغلب المشكل اللي صارتلي مع زوجي أصور الموقف حسب ما أنا حسيته و ليس كما صار فعلا، فينتقل النقاش من المشكلة الحقيقية إلى غضب زوجي مني بسبب أني أغير الحقيقة، أتبلى عليه، أقوّله كلام ما قاله ....
و بذلك يضيع حقي و يصير هو الزعلان لأني ظلمته و تنقلب علي الطاولة

أعاني من مشكلة يا سيّدات

مخّي اتعوّد عالمعلومات الدّسمة (من هذه الدّورة ودورة المذكّرات)
وكلّ ما حاول اقرأ كتاب أحسّه خفيف 😅😅 ما يعبّي راسي ..

شو الحلّ؟ 😂😂😂

بالنسبة الي الحمد لله كتير مبسوطة ومرتاحة.. وين كنت ووين صرت!
حاسة انو ما حدا بقدر يأثر علي بكلمتين زي اول،، حاسة اني قويه من جوا، عندي ثقة، حاسة انو الوعي زاد،،
يا الله قديش الاشي بفرق والله عن تجربة..
صرت اعرف احاور حماتي واسمعها الكلام اللي بعجبها، وصرت افهم مقاصدها من كل شي بتعملو..
بالنسبة لزوجي، مش معلقة نفسي عليه ولا منتظرة منو اشي ، ازا قدملي اهلا وسهلا ازا انشغل عني،عادي جدا،حياتي خلص مو موقفة على حد، ولا رح اسمح لحد يتحكم بمزاجي وحياتي اللي انا مسوولة عنها،،
بحاول اربي اولادي واعلمهم شو بتعلم، وبناتي يكونو أحسن مني وبدعيلهم كتير..
اسال الله العظيم ان يبارك لنا هذه الدورة وييسرلي باقي الدورات من حيث لا احتسب ❤️❤️❤️

الآن فقط انهيت مشاهدة البث الثالث ...صراحة البث جميييل جدا ...اعجبني كيف كنتي تصححي الامثلة بخطاب الأنا...يعني سبحان الله كيف الواحد لما يغير كلماته فقط يغير المعنى والمقصد ويمكن يمد جسور التواصل بدل ما يهدها .
الصراحة في البداية كنت اقول (قبل ما تبدأي بفقرة الامثلة) ماكل هذا ، ولماذا كل هذا التعب والمشقة ، اقول كلامي وخلاص طالما نيتي سليمة فما دخلي في الآخر كيف يفهم، ( ما هو شغل زايد يختي )
لكن لما رأيت الامثلة...قلت في نفسي...وااااو الهذه الدرجة يمكن للكلام أن يصنع فرق !!
أيضا ما أجمل فيديوهات الاطفال اللي تعبر عن مشاعرها. ..وأنا في هذا العمر لا أعرف كيف اعبر عما في داخلي 🥹 ...كم هو جميل أن اصبح مثل ذلك الصغير...وا اسفاه على نفسي ☹️😫
هو صراحة تعلمت أنه لازمني شغل كثيييير على نفسي
لكن يستاهل ، وجعلت لي هدفا جديدا: أن أكون أفضل نسخة من نفسي ( لأن نسختي الحالية نوعا ما قاسية أو باردة )

والله في كتير مواقف لازم كنت أستخدم فيها خطاب الأنا .. مواقف كبتت فيها مشاعري وضلت تتراكم فوق بعض وفي كل مشكلة تصير نجيب الماضي والمستقبل لحد ما وصلنا لمرحلة الانفجار العظيم اللي كان قبل سنة تماماً وكنت على أبواب الطلاق .. يمكن لو عرفت أطلع مشاعري صح بكل موقف ما كان انفجرت وكان عرفنا نلاقي حل وسط بين مشاعري وحاجاتي وتصرفاته لانه كلها مواقف عادية مش خطوط حمراء ( بتأخر بالليل .. بضل مشغول عالجوال .. بقضيش معنا وقت كتير .. ما بسمعني لما بدي أشاوره بشي .. رامي حمل الاولاد كله علي .. العيدية .. المناسبات .. الطلعات ) بس أنا مكنتش أعرف أطلب حاجتي ولا حتى أعبر عن مشاعري وصدقاً وصلت لمرحلة بطلت عارفة قيمة حالي!

اليوم من خلال دورة مذكرات زوجة مثيرة ودورة أسرار القوة الناعمة أنا عرفت قديش مهم كل وحدة فينا تتعلم المهارات الحياتية بقدر ما بتهتم تتعلم وتاخد شهادة جامعية .. وجودنا في مجتمع مثري ( المجموعات خلال الدورات ) كتير بعطينا خبرة وبكشفلنا مواقف يمكن ما صارت معنا لكن محتمل تصير فبكون عنا خلفية شو نتصرف فيها.

يا ريت لو اني عرفت الأستاذة خلود من قبل كان اختصرت على حالي كتير مشاعر سيئة ومواقف وذكريات مش حلوة وليالي من العياط والقهر .. بتمنى لو بنقدر نقنع كل الناس يدخلوا هالدورات ويعمروا بيوتهم بدل ما نسمع قصص بتقطع القلب والحل هيو موجود.

بدي اعبر عن مشاعري 🥲
انا بكتشف كل شي حوالي من اول وجديد مع كل الناس قد ما كنت مركزة ع طلباتي وع رضا نفسي ما كنت شايفة اشي قدامي هلا وصلت لمرحلة اني بفهم الي حوالي بأكم كلمة بأسلوب من هالاساليب الي تعلمناها بيحكو كل شي ولسه بتعلم كمية الوعي الي كنت فيها صفر قدام الي بكتسبه حاليا ما اجمل الشعور مع انه مشاعر مختلطة من جميع الاشكال بس رضيانة ومبسوطة الحمدلله

هاد التمرين كان اصعب تمرين بصراحة
لحتى نفهمه ونقلب عقلنا ونستوعب التخبيص يلي كننا فيه أنا وصديقتي بالدورة كل يوم عم نكون مصدومين بالمعلومات الرهيبة
بس متل خطاب الأنا ما مرق علينا 🤣👏🏻

بدي اقول ملاحظة بخصوص خطاب الانا
صراحة وصدقا كثير حسيت انه المشكلة عندي فعلا.. كان ممكن بكلمات بسيطة اقلب الموقف لصالحي.. خاصة انه ربنا حاطتني مع اشخاص مش سيئين ...

والصراحة الدورة خلتني احب واشوف الايجابيات في الناس الي انا موجودة بينهن (زوجي ودار عمي والبلدة الجديدة الي انا فيها)
يعني والله حسيت حماتي سكررررة وزوجي صرت احبه .. صرت اطلب منه ومزعلش شو ما كانت النتيجة
هن متغيروش لسا على حالهن .. بس انا الي تغير مخي وتفكيري
والاكثر من هيك كمان.. حسيت قديش مش مقدرة النعمة الموجودة عندي بسبب قلة بصيرتي وجهلي

أود أن أعبر عن امتناني الكبير لهذه الدورة المميزة. المحتوى ثري، منظم، ويُقدَّم بطريقة عملية تساعد على الفهم والتطبيق مباشرة. شعرت بأن كل جزء من الدورة مُعد بعناية ويضيف لي قيمة حقيقية.

كما أن المدربة كانت أكثر من رائعة؛ أسلوبها واضح، وشرحها سلس، وتتعامل مع الأسئلة باحترافية وصبر. لديها قدرة جميلة على تبسيط المفاهيم وجعلها قريبة من الواقع، وهذا ما جعل التجربة ممتعة ومفيدة في الوقت نفسه.

شكرًا لكم على هذا الجهد، وعلى تجربة تعليمية تستحق التقدير.

عشقت هذه الدورة كثيرا و كم تكنيت ان أسخر وقتي لكي أقرأ اطبق كل حرف فيها