#Imkoniyatlar

Yevropa Ittifoqi preferensiyalar bosh tizimi + (“GSP+”)ning boshqa benefitsiar mamlakatlar qatorida O‘zbekiston uchun amaldagi muddatini keyingi to‘rt yilga — 2027-yil 31-dekabrgacha uzaytirmoqda.

O‘zbekiston GSP+ ishtirokchisi sifatida 6200 turdagi mahsulotlarni bojxona bojisiz YI hududiga eksport qilishi mumkin.

Xususan, 2022-yil yakuniga koʻra 628 ta korxona tomonidan Yevropa bozorlariga 647 mln dollarlik (2020-yilga nisbatan ikki baravar koʻp) mahalliy mahsulotlar eksport qilindi.

GSP+ imtiyozlari doirasida Yevropa Ittifoqi bozorlariga 177,4 mln dollarlik to‘qimachilik sanoati mahsulotlari (2021-yilga nisbatan o‘sish – 126,4 foiz), 138,3 mln dollarlik kimyo sanoati mahsulotlari (4,7 barobar), 19,7 mln dollarlik qishloq xo‘jaligi va oziq-ovqat sanoati (103%), 9 mln dollarlik elektrotexnika sanoati mahsulotlari (117%) eksport qilindi.

@cpr_uz

LinkedIn | Twitter | Instagram

"O‘zbekiston – 2030” strategiyasida beshta ustuvor yo‘nalish belgilangan. Ularning har biri bo‘yicha 2030-yilgacha erishiladigan samaradorlik ko‘rsatkichlari tasdiqlangan.

Xususan, barqaror iqtisodiy o‘sish orqali aholi farovonligini ta’minlashga qaratilgan maqsad va vazifalar sifatida quyidagilar keltirilgan:

🔹YIM hajmini $160 mlrdga yetkazish;
🔹Aholi jon boshiga daromadlarni $4 mingga yetkazish;
🔹Inflyatsiya darajasini 5–6 %dan oshmasligini taʼminlash;
🔹Byudjet taqchilligini 2025-yildan 3 %dan past bo‘lishini taʼminlash.

Eslatib o‘tamiz, barqaror iqtisodiy oʻsish, kichik va oʻrta biznesni rivojlantirish va kambagʻallikni qisqartirish masalalari “Kelajakni loyihalash: “O‘zbekiston – 2030” strategiyasi doirasida rivojlanishning muhim istiqbollari” xalqaro konferensiyasi ishtirokchilarining diqqat markazida boʻladi. Tadbir 12-dekabr kuni Toshkentda oʻtkaziladi.

Konferensiya ishtirokchilarini ro‘yxatga olish 8-dekabr kuni yakunlanadi.

Imkoniyatni boy bermang, 👉ro‘yxatdan o‘ting.

@cpr_uz

LinkedIn | Twitter | Instagram

#Sana

Progressiv islohotlar markazi jamoasi barcha yurtdoshlarimizni Konstitutsiya kuni bilan tabriklaydi!

Yangi tahrirdagi Konstitutsiyada Oʻzbekiston demokratik, huquqiy, ijtimoiy va dunyoviy davlat ekani qatʼiy belgilanib, inson, uning huquq va erkinliklari oliy qadriyat deb eʼlon qilindi.

Bosh Qomusning demokratik, bunyodkorlik salohiyati cheksizdir. Uning meʼyor va qadriyatlarini toʻliq hayotga tatbiq etish uchun davlat organlari, nodavlat tashkilotlar, akademik doiralar, biznes vakillari, keng jamoatchilik, har birimiz harakat qilishimiz kerak.

Bilim va tajribamizni, kuch-gʻayrat va imkoniyatlarimizni birlashtirib, ulkan maqsadlarga erishimiz mumkin!

@cpr_uz

LinkedIn | Twitter | Instagram