#Sana

Progressiv islohotlar markazi jamoasi barcha yurtdoshlarimizni Konstitutsiya kuni bilan tabriklaydi!

Yangi tahrirdagi Konstitutsiyada Oʻzbekiston demokratik, huquqiy, ijtimoiy va dunyoviy davlat ekani qatʼiy belgilanib, inson, uning huquq va erkinliklari oliy qadriyat deb eʼlon qilindi.

Bosh Qomusning demokratik, bunyodkorlik salohiyati cheksizdir. Uning meʼyor va qadriyatlarini toʻliq hayotga tatbiq etish uchun davlat organlari, nodavlat tashkilotlar, akademik doiralar, biznes vakillari, keng jamoatchilik, har birimiz harakat qilishimiz kerak.

Bilim va tajribamizni, kuch-gʻayrat va imkoniyatlarimizni birlashtirib, ulkan maqsadlarga erishimiz mumkin!

@cpr_uz

LinkedIn | Twitter | Instagram

Markaziy Osiyo davlatlari jamoaviy mintaqaviy oʻziga xoslikni qanday ilgari surishi mumkin? - Modern Diplomacy

​Joriy global tendensiyalar va geosiyosatdagi oʻzgaruvchan dinamikani hisobga olgan holda, Markaziy Osiyo mamlakatlari ASEAN yoki Shimoliy Yevropa mamlakatlari kabi mintaqaviy bloklarga oʻxshash umumiy qadriyatlar va maqsadlar atrofida birlashish mintaqa vakillarining har biri uchun manfaatlidir.

Markaziy Osiyoning beshta davlati umumiy tarix, din, madaniyat va dunyoqarashga ega, shuningdek, hozirda oʻxshash ijtimoiy-iqtisodiy va siyosiy muammolarga duch kelmoqda. Ushbu umumiyliklarga asoslanib, ular umumiy mintaqaviy oʻzlik tuygʻusini kuchaytirishi mumkin.

Batafsil maqolada o'qing

@cpr_uz

LinkedIn | Twitter | Instagram

Progressiv islohotlar markazi direktori Mirshohid Aslanov Qatar axborot agentligi jurnalisti Yusuf Axmad El Sayyidga intervyu berdi.

Yaqin kunlarda Toshkentda ilk bor korrupsiyaga qarshi kurashish boʻyicha global mukofotning topshirish marosimi boʻlib oʻtadi. Ushbu mukofot 2015-yilda Qatar hukumati hamda BMT shafeligida Qatarda tashkil etilgan Qonun ustuvorligi va korrupsiyaga qarshi kurash markazi tomonidan taʼsis etilgan hamda Sankt-Peterburgda boʻlib oʻtgan Korrupsiyaga qarshi kurashish idoralari xalqaro assotsiatsiyasining VIII konferensiyasida Qatar davlati rahbari Shayx Tamim bin Hamad Ol Soniy tomonidan eʼlon qilingan.

Shu munosabat bilan, suhbat davomida asosiy eʼtibor Oʻzbekistonda korrupsiyaga qarshi kurashish yoʻnalishida amalga oshirilgan ishlar, oldinda turgan vazifalar, ushbu yoʻnalishda ikki mamlakat oʻrtasidagi hamkorlikka qaratildi. Shuningdek, M. Aslanov ushbu xalqaro mukofotni topshirish marosimining mamlakatimiz uchun ahamiyati, Oʻzbekiston va Qatarning mintaqa va dunyodagi tashabbuslari haqida toʻxtaldi.

Taʼkidlangandek, markaz tomonidan davlat xaridlarida korrupsiya omillarini oʻrganish va ularni bartaraf etish, jamiyatda huquqiy madaniyatni yuksaltirish, korrupsiyaga nisbatan toqatsizlik kayfiyatini shakllantirish boʻyicha tadqiqot va loyihalar amalga oshirish rejalashtirilgan.

@cpr_uz

LinkedIn | Twitter | Instagram

“Oʻzbekiston – 2030” strategiyasida Oʻzbekistonning Global innovatsion indeksda Top-50 talik mamlakatlar roʻyxatiga kirish kabi ambitsioz maqsad qoʻyilgan.

Mavjud salohiyatni inobatga olib, samarali modellardan foydalanish Oʻzbekistonning jahon miqyosidagi mavqeyini yaxshilash imkonini beradi.

Qaysi xorijiy mamlakatlar hukumatga samarali yondashuvlarni ishlab chiqishda yordam berishi mumkin? Oʻzbekistonda toʻrtinchi sanoat inqilobi davrida iqtisodiy oʻsishni taʼminlash uchun nima qilish kerak?

Batafsil saytimizda oʻqing

@cpr_uz

LinkedIn | Twitter | Instagram | Youtube

"Korrupsiyaga qarshi kurash, eng avvalo, siyosiy iroda masalasidir. O‘zbekistonda oxirgi 6–7 yil davomida bu yo‘nalishda amalga oshirilgan islohotlar davlat rahbarining ulkan siyosiy irodasi ko‘rsatkichidir. Muhimi, korrupsiya muammo sifatida hukumat tomonidan tan olindi va unga qarshi kurashish davlat siyosati darajasiga ko‘tarildi", dedi Progressiv islohotlar markazi eksperti Nodira Akbarova.

Uning fikriga ko‘ra, amalga oshirilgan islohotlarning natijalarini O‘zbekistonning turli xalqaro reyting va indekslardagi o‘rni o‘zgarganida ham ko‘rsa bo‘ladi. Xususan, Transparency International xalqaro nodavlat-notijorat tashkiloti tomonidan 2022-yil yakunlari bo‘yicha eʼlon qilingan Korrupsiyani qabul qilish indeksida O‘zbekiston o‘z o‘rnini 14 pog‘onaga yaxshilagan va 180 ta davlat orasida 126-o‘rinni egallagan. Taqqoslash uchun, bu indeksning 2016-yilgi hisobotida mamlakatimiz 21 ball bilan 156-o‘rinda edi. Yaʼni oxirgi olti yil ichida 30 ta pog‘onaga yuqorilagan. Muhimi, bu yo‘nalishdagi islohotlar davom etmoqda.

"O‘zbekiston ilk marotaba Qatar Amiri Shayx Tamim Ol Soniy tomonidan taʼsis etilgan “Xalqaro korrupsiyaga qarshi kurashish bo‘yicha yuksak mukofoti”ning tantanali taqdirlash marosimiga mezbonlik qilishi ham keng ko‘lamli islohotlarning ifodasi, O‘zbekistonning bu boradagi saʼy-harakatlarining jahon hamjamiyati tomonidan eʼtirof etilishidir. Shu bilan birga, bu Yaqin Sharq, jumladan, Qatar tadbirkorlari va investorlari uchun moliyaviy oqimlarni mamlakatimizga yo‘naltirish uchun signal bo‘lishi mumkin", deya taʼkidlaydi ekspert.

Batafsil saytimizda o'qing

@cpr_uz

LinkedIn | Twitter | Instagram