#Uzbekistan2030

🌐 Progressiv islohotlar markazi “O‘zbekiston – 2030” strategiyasida belgilangan maqsad va vazifalar bo‘yicha videomateriallar turkumini taqdim etadi.

Ushbu videoroliklar orqali ijtimoiy-iqtisodiy va siyosiy-huquqiy sohalarda amalga oshirish rejalashtirilgan loyiha hamda chora-tadbirlar haqida bilib olishingiz mumkin.

📹 Ilk videorolik makroiqtisodiy barqarorlikni ta’minlashga bag'ishlangan. “O‘zbekiston – 2030” strategiyasiga ko'ra, quyidagilar amalga oshiriladi:

1️⃣ YIM $90 dan $160 milliardgacha yetkaziladi;
2️⃣ Aholi jon boshiga daromad $4000 gacha oshiriladi;
3️⃣ Davlat qarzi 50% dan oshmasligi ta'minlanadi;
4️⃣ Inflyatsiya darajasi 5-6% gacha tushiriladi.

@cpr_uz

LinkedIn | Twitter | Instagram | Youtube

Atrof-muhitning degradatsiyasi Markaziy Osiyoda jamiyat tanazzuliga olib keladimi?

Atrof-muhit holatining ekstremal darajada yomonlashuvi aholining hayot kechirishi uchun muhim boʻlgan tizimlarni buzilishiga olib kelishi mumkin, bu oziq-ovqat va suv tanqisligi, sogʻliqni saqlash inqirozi va aholi migratsiyasi kabi muammolarni keltirib chiqaradi.

Iqtisodiy oqibatlar sezilarli boʻlishi sanoat, qishloq xoʻjaligi va umumiy iqtisodiy barqarorlikka salbiy taʼsir qiladi. Koʻpgina tadqiqotlar atrof-muhitning yomonlashishi ijtimoiy inqirozga olib keladigan asosiy omillardan biri ekanligini taʼkidlaydi.

Atrof-muhitning yomonlashishi va jamiyat tanazzuli oʻrtasida qanday bogʻliqlik bor? Hozirgi kunda kuzatilayotgan ekologik ofatlar qanday oqibatlarga olib kelishi mumkin?

Progressiv islohotlar markazi eksperti Feruzbek Damirov oʻz maqolasida ushbu savollarga javob berishga harakat qildi.

Batafsil saytimizda oʻqing

@cpr_uz

LinkedIn | Twitter | Instagram | Youtube

Tadbirkorlarning barqarorlik reytingi joriy qilinadi

Reytingi yuqori tadbirkorlar uchun
▫️barcha soliq tekshiruvlari bekor bo‘ladi;
▫️qo‘shilgan qiymat solig‘i (QQS) summasi 1 kunda va boshqa soliq turlari bo‘yicha ortiqcha to‘lov 3 kunda qaytarib beriladi.

Shuningdek, shubhali shartnomalar va insofsiz raqobatga chek qo‘yilib, “yashirin” iqtisodiyot qisqaradi. Onlayn e'lon qilinib boradigan reyting orqali tadbirkorlar o‘z hamkorlari to‘g‘risida ishonchli ma'lumotga ega bo‘ladi.

@cpr_uz

LinkedIn | Twitter | Instagram | Youtube

Makroiqtisodiy va hududiy tadqiqotlar instituti tomonidan tayyorlangan "Milliy qadriyatlarga asoslangan iqtisodiyot: negizlar va farovonlik uyg'unligining empirik tahlili" nomli hisobotning taqdimotida Progressiv islohotlar markazi direktori Mirshohid Aslanov ishtirok etib, qadriyatlar bilan bogʻliq ayrim masalalarga to’xtalib o’tdi:

"Men qadriyatlarni “atom”ga oʻxshataman. Agar biz ularni toʻgʻri yoʻnaltirib, taraqqiyot maqsadlarida foydalanishni oʻrgansak, jamiyatimiz bundan faqat yutadi. Aksincha, notoʻgʻri ishlatsak, ular atom bombasi kabi qaytarilmas oqibatlarga olib kelishi mumkin.

Batafsil 👉 videoda

@cpr_uz

LinkedIn | Twitter | Instagram | Youtube

#Uzbekistan2030

📹 E'tiboringizga “O‘zbekiston – 2030” strategiyasiga bag‘ishlangan navbatdagi animatsion rolikni taqdim etamiz. Unda “yashil” iqtisodiyotni rivojlantirish uchun belgilangan maqsad va vazifalar sanab o‘tilgan. Xususan:

▫️ Qayta tiklanuvchi energiya manbalarini 25 ming mVt·s hamda jami isteʼmoldagi ulushini 40 %ga yetkazish;
▫️ Sanoatda “yashil sertifikat”lar bozorini rivojlantirish;
▫️ Ko‘p qavatli uy-joylardagi xonadonlarning energiya samaradorligini baholash tizimini joriy etish;
▫️ Jamoat transportini ekologik toza yoqilg‘iga o‘tkazish.

@cpr_uz

LinkedIn | Twitter | Instagram | Youtube

💡 Inflyatsiya, dotatsiya, globallashuv, veksel, defitsit, byudjet taqchilligi, kapitalizm… Bu kabi iqtisodiy atamalarni koʻp bor eshitgandirsiz, ammo ularni maʼnosini bilasizmi?

Endilikda Progressiv islohotlar markazi iqtisodiy atamalarni sodda tilda va xalqchil misollar yordamida taqdim etib boradi.

📹 Ilk videoroligimizda “inflyatsiya” atamasini osh misolida tushuntirishga harakat qildik.

Izohlarda o'z fikr-mulohazalaringiz va bilmoqchi bo'lgan atamalaringizni yozib qoldirishingiz mumkin.

@cpr_uz

LinkedIn | Twitter | Instagram | Youtube

Shavkat Mirziyoyev va Si Szinpinning kuni kecha Pekinda boʻlib oʻtgan uchrashuvlarida Oʻzbekiston va Xitoy oʻrtasidagi ikki tomonlama munosabatlarni yangi bosqichlarga olib chiqishga qaratilgan bir qator muhim hujjatlar qabul qilindi.

Xususan, ikki davlatni bogʻlaydigan aviaqatnovlar chastotasini oshirish boʻyicha eʼtiborga molik kelishuv bayoni imzolandi. Unga koʻra, haftalik reyslar sonini 100 taga yetkazish koʻzda tutilgan.

Eslatib oʻtamiz, 2023-yil avgust oyi boʻyicha ikki davlat oʻrtasida haftasiga atigi 13 ta aviaqatnovlar mavjud edi. Progressiv islohotlar markazi ekspertlari ushbu holatni tahlil qilib, bu faktor ikki davlat orasidagi munosabatlarga jiddiy taʼsir koʻrsatayotganligi haqida maqola e’lon qilgan edi.

Shubhasiz, aviaqatnovlar chastotasini bir vaqtning oʻzida 100 ta reysga oshirish albatta qiyinchilik tugʻdiradi. Ushbu muammoni samarali hal etish uchun Xitoy Oʻzbekiston fuqarolari uchun viza cheklovlarini olib tashlash masalasini koʻrib chiqishi juda muhim.

Batafsil saytimizda oʻqing

@cpr_uz

LinkedIn | Twitter | Instagram | Youtube

Yevroparlament hisobotida Markaziy Osiyo strategiyasini qayta koʻrib chiqishga chaqirib, ushbu dinamik va strategik ahamiyatga ega mintaqa bilan hamkorlikni kuchaytirish kerakligini taʼkidladi.

2024-yil 17-yanvarda Yevroparlament Yevropa Ittifoqining Markaziy Osiyo boʻyicha strategiyasi haqidagi yangi hisobotni maʼqulladi. Mazkur hisobotda mintaqaviy hamkorlik, barqaror rivojlanish va inson huquqlari Yevropa Ittifoqi tashqi siyosatining asosiy ustunlari sifatida taʼkidlangan.

Afgʻonistonda “Tolibon” harakatining hokimiyatga kelishi va Rossiya — Ukraina mojarosi kabi mintaqadagi muammolarga eʼtibor qaratgan holda, hisobotda geosiyosiy landshaftlardagi dinamik oʻzgarishlarga moslashish uchun Yevropa Ittifoqi strategiyasini yangilashi talab etilishi koʻrsatilgan.

Batafsil saytimizda oʻqing

@cpr_uz

LinkedIn | Twitter | Instagram | Youtube

Iqtisodiyot va moliya vazirligi tomonidan BMT taraqqiyot dasturi va Fransiya taraqqiyot agentligi koʻmagida iqlim oʻzgarishi sohasida davlat xarajatlari tahlili va institutsional baholash (CPEIR) amalga oshirildi.

Ushbu tahlil iqlim masalalarini byudjet jarayonlari bilan integratsiyalashuvini ragʻbatlantirishga qaratilgan. Hisobotga koʻra:

🔹2022-yilda davlat byudjetining 12,3 foizi iqlimga ijobiy taʼsir etuvchi xarajatlar deb eʼtirof etilgan boʻlsa, 2024-yilda bu koʻrsatkich 10,9 foizni tashkil etishi rejalashtirilgan.

🔹Ikkala davrda ham iqlim oʻzgarishiga ijobiy taʼsir xususiyatiga ega boʻlgan xarajatlarning deyarli 74 foizi qishloq va suv xoʻjaligi hamda transport sohalari hissasiga toʻgʻri keladi.

Batafsil saytimizda oʻqing

@cpr_uz

LinkedIn | Twitter | Instagram | Youtube

“Futbol diplomatiyasi” Markaziy Osiyoda mintaqaviy oʻziga xoslikni ilgari surishga yordam bermoqda

Osiyo chempionatida tojikistonlik futbolchilar maydonda Oʻzbekiston bayrogʻini koʻtarib, oʻzbekistonlik muxlislariga oʻz minnatdorligini bildirishdi. Tojikistonni chorak finalga chiqishi nafaqat jamoaning jasoratini, balki sport qanday qilib siyosiy murakkabliklarni yengib, mintaqaviy birlikka hissa qoʻshishi mumkinligini namoyish etdi.

Futbol qudratli birlashtiruvchi kuch sifatida umumiy bayramlar va doʻstlik butun mintaqaga qanday ijobiy taʼsir koʻrsatishi mumkinligini yorqin tasvirlab berdi. Ushbu saboqni kengroq kontekstlarda qoʻllash orqali Oʻzbekiston ham, Tojikiston ham totuvlik va hamkorlik muhitini mustahkamlashi va boshqa xalqlarga oʻrnak boʻlishi mumkin.

Farqlarni emas, balki umumiylikni taʼkidlash orqali, ular umumiy maqsadlarga erishish va mintaqaviy integratsiyani ragʻbatlantirish yoʻlida harakat qilishlari mumkin.

Batafsil saytimizda oʻqing

@cpr_uz

LinkedIn | Twitter | Instagram | Youtube