🏛 O‘zbekistonda barqaror taraqqiyot va samarali boshqaruvni qo‘llab-quvvatlashga qaratilgan mustaqil “Aql markazi” - Progressiv islohotlar markazi ish boshladi.

Ushbu markaz quyidagi vazifalarni amalga oshiradi:

📊 Ijtimoiy-siyosiy va iqtisodiy jarayonlar bo'yicha chuqur tahlil va izlanishlarni olib borish;

📚 Mamlakat rivojiga qaratilgan yangi tashabbus va g’oyalarni ishlab chiqish;

💼 Ushbu izlanish va tahlillar orqali davlat idoralariga, tadbirkorlaga, xalqaro tashkilotlarga puxta qarorlar qabul qilishlariga ko’mak berish;

👥 Jamoatchilikni muhim jarayonlardan xabardor qilish orqali huquqiy va siyosiy madaniyatini oshirishga ko’maklashish;

📚 Turli seminarlar, davra suhbatlari, press brifinglar va xalqaro konferensiyalar tashkil etish orqali intellektual munozaralar va progressiv siyosatni qo‘llab-quvvatlash;

🌐 Mahalliy va xalqaro tashkilotlar bilan qo‘shma tadqiqot loyihalar va dasturlar tashkil etish;

Biz birgalikda yorqin kelajak yaratishimizga ishonamiz!

LinkedIn | Twitter | Instagram

Barcha yurtdoshlarimizni O'zbekiston mustaqilligining 32 yillik bayrami bilan tabriklaymiz!

Sizlarga mustahkam sogʻlik, uzoq umr, xonadoningizga toʻkin-sochinlik tilab qolamiz.

Hurmat ila,
Progressiv islohotlar markazi jamoasi

LinkedIn | Twitter | Instagram

AQSh Kongressining davlat siyosati tadqiqot institutining “Markaziy Osiyo: Rossiyaning Ukrainadagi urushi oqibatlari” hisobotiga sharh

Hisobotga ko'ra, Yevropaga muqobil tabiiy gaz yetkazib berish salohiyatiga ega Markaziy Osiyo davlatlari ichki energetika inqirozlari va eskirgan infratuzilma tufayli to‘g‘ridan-to‘g‘ri gaz savdosini yo‘lga qo‘yishda qiyinchiliklarga duch kelmoqda.

Batafsil: https://proreforms.uz/2023/08/26/kongres-tadqiqot-xizmatining-markaziy-osiyo-rossiyaning-ukrainadagi-urushining-oqibatlari-hisobotiga-sharh/

LinkedIn | Twitter | Instagram

Hisob-kitoblarga ko'ra, maktabgacha ta’limni qamrab olish va ayollarning ishsizligi o’rtasida salbiy ko‘rsatkich mavjud.

Rivojlanayotgan mamlakatlarda maktabgacha ta’lim qamrovining har bir ortib borayotgan foiz o’sishi ayollar ishsizligiga mos ravishda 0,1 foizga qisqarishiga olib keladi (taqqoslash uchun rivojlangan mamlakatlarda ushbu ko‘rsatkich 0,03 foziga teng).

Batafsil: https://proreforms.uz/uz/publications/maktabgacha-talim-qamrovini-oshirish-inson-jamiyat-va-davlat-rivojining-garovi-13

LinkedIn | Twitter | Instagram

2023-yil 1-mavsum yakunlariga ko‘ra 1666 ta loyiha g‘olib deb topildi va ularni moliyalashtirish uchun 1,5 trln. so‘m mablag‘ ajratildi. Prezidentning tegishli Qaroriga asosan 2 mingdan ortiq ovoz to‘plagan, lekin g‘olib deb topilmagan 1309 ta loyihani amalga oshirish uchun qo‘shimcha tarzda 1,3 trln. so‘m ajratildi.

Bu yil Tashabbusli budjet loyihalari uchun deyarli 7,2 trln. so‘m mablag‘ ajratish ko‘zda tutilgan bo‘lib, shundan 4 trln. so‘mi “Obod qishloq” va “Obod mahalla” dasturlariga tegishlidir.

Batafsil: https://proreforms.uz/uz/publications/xalq-ishtirokini-ragbatlantirish-ozbekistonning-2030-yilgacha-bolgan-strategiyasida-tashabbusli-budjet-17

LinkedIn | Twitter | Instagram

Jahon bankining 2023-yilgi maʼlumotiga ko‘ra, O‘zbekiston xalqaro logistika samaradorligi reytingida 88-o‘rindan joy oldi.

Markaziy Osiyo davlatlari bilan solishtirganda mamlakatimizda temir yo‘llar nisbatan zich bo‘lsa ham, tizimning samaradorligi nisbatan ancha past. Iqtisodiy hamkorlik va taraqqiyot tashkilotining hisobotiga ko‘ra, O‘zbekiston temir yo‘llar tizimining mehnat unumdorligi, samaradorligi qo‘shni Turkmanistondan 20 foizga past baholangan.

Batafsil: https://proreforms.uz/uz/2023/09/11/ozbekiston-temir-yollari-mavjud-muammolar-va-takliflar/

LinkedIn | Twitter | Instagram

Joriy yilning 18-sentabr kuni Progressiv Islohotlar Markazi hamda The Global Green Growth Institute (GGGI) o'rtasida hamkorlik uchrashuvi bo'lib o'tdi.

Uchrashuvda har ikki tashkilot vakillari umumiy maqsadlar va tomonlarni qiziqtirgan sohalarni aniqlash uchun samarali munozaralar olib borishdi.

Muhokama mavzulari qayta tiklanadigan energiya yechimlari, iqlim harakati, barqaror shahar rivojlanishi, aylanma iqtisodiyot amaliyotlari va biologik xilma-xillikni saqlashni o'z ichiga oldi.

LinkedIn | Twitter | Instagram

Budjet taqchilligi iqtisodiyotga foydami yoki zarar?

O‘zbekistonda budjet taqchilligi kelib chiqishining asosiy sabablaridan biri ijtimoiy sohaga ajratilayotgan mablag‘larning juda ko‘pligi bo‘lishi mumkin. Masalan, 2019-yildan 2023-yilgacha bo‘lgan davlat budjeti xarajatlarining dinamikasiga nazar solinsa, har yili ijtimoiy sohaga barcha xarajatlarning deyarli 50 foizi sarflanib kelinayotganini ko‘rishimiz mumkin.

O'zbekistonda budjet taqchilligi nima sababdan yuzaga kelmoqda va boshqa davlatlar bunga qanday yechim topishgan?

Batafsil maqolada o'qing: https://proreforms.uz/uz/publications/budjet-taqchilligi-iqtisodiyotga-foydami-yoki-zarar-ozbekiston-budjeti-taqchilligining-sabab-va-yechimlari-15

O’zbekiston Temir Yo’llari aksionerlik jamiyatini holdingga aylanishi qanday o’zgarishlarga olib keladi?

25-sentabr kuni prezident Shavkat Mirziyoyev temir yo’l sohasini isloh qilish bo’yicha yig’ilish o’tkazdi. Yig’ilish doirasida ma’sul vakillarga “O’zbeksiton Temir Yo’llari AJ” ni holdingga aylantirish vazifasi topshirildi.

Unga ko’ra, temir yo’l tizimida infratuzilma, yuk vagonlari va logistika, yo’lovchi tashish xizmatlari va vokzallar boshqaruvi kabi bir-biridan ajratilgan, alohida korxonalar tashkil etiladi.

Progressiv Islohotlar Markazi ekspertlarining fikricha, bu islohot sohaga qator ijobiy o’zgarishlar olib kelishi mumkin:

Birinchidan, tizim faoliyatida markazga bog’liqlik kamayib, qaror qabul qilishda mobillik oshadi, pirovardida ular avtonom o’zini-o’zi boshqaruvchi korxonalarga aylanishi mumkin.

Ikkinchidan, islohot korxonalarga resurslar taqsimotida erkinlik bergan holda korxonalar boshqaruvida innovatsion yondashuvni jalb etishga zamin yaratib, korxonalarning raqobatbardoshlik qobiliyatini oshirishi mumkin.

Uchinchidan, tizimda rentabelligi yuqori bo’lgan sohalarning samarasiz tarmoqlar aybini yopib kelishiga barxam berilib, markazga “boqimandalik”ka chek qo’yishi hamda korxonalarni “hamma o’zi uchun o’zi” tamoyilida faoliyat yuritishga undashi mumkin.

@cpr_uz

LinkedIn | Twitter | Instagram

Eron va Turkmaniston pandemiyadan oldingi sxema bo'yicha tranzitni tiklaydi

2023-yil 1-noyabrdan boshlab Eron va Turkmaniston pandemiyadan oldin ishlagan tranzit tizimini tiklaydi. Bu haqda IRNA axborot agentligi va Eronning boshqa OAVlari Xuroson Razaviy viloyati tranzit va xalqaro tashish boshqarmasi boshlig‘i Nosir Baradaronga asoslanib xabar bermoqda.

Pandemiya davrida Turkmaniston hududi orqali tranzit tashish uchun Eron avtomashinalaridan tovarlar va konteynerlar tushurilib, keyin Turkmaniston avtomashinalariga qayta yuklanib kelingan.

Ma’lumotga ko’ra, Eron tranzit kompaniyalari oktyabr oyining oxiridan boshlab hech qanday yukni bir davlat avtomashinasidan ikkinchi davlat avtomashinalariga qayta yuklash zaruratisiz Turkmanistonga jo'natishlari mumkin bo’ladi.

Shuningdek, Nosir Baradaranning ta’kidlashicha, Turkmanistondan Eronga ketayotgan xorijiy tranzit yuklar ham endilikda qayta yuklash zaruratisiz tashilishi mumkin bo’ladi.

Eslatib o’tish joizki, Markaziy Osiyo davlatlaridan Eronga kelayotgan yuklar, keyinroq, asosan Turkiyaga yo’l oladi.

Ushbu tranzitni tiklanishi O’zbekistonning xalqaro savdosiga ham ijobiy ta’sir qilish mumkin, sababi shu yilning yozida O’zbekiston Eronning Bandar-Abbos portidan Xitoy tovarlarini olib kelish uchun foydalanishni boshlagan edi.

Eronga kelib tushgan yuk poyezdda Turkmaniston orqali O’zbekistonga yetib keladi. Turkmaniston-Eron o’rtasidagi tiklangan avtomobil tranziti O’zbekiston tashqi savdosi uchun ham yangi imkoniyatlar ochishi mumkin.

@cpr_uz

LinkedIn | Twitter | Instagram

1-oktyabrdan Rossiya O’zbekistonga gaz yetkazishni boshlaydi. Bu iqtisodiyotimizga qanday ta’sir qiladi?

Joriy yilning 1-oktabridan boshlab Rossiyadan O‘zbekistonga tabiiy gaz yetkazib berilishi boshlanadi. Bu haqida O‘zbekiston Respublikasi Energetika vazirligi xabar bermoqda.

Ushbu 2-yillik shartnoma 2023 yil 16-iyunda “Gazprom” va O‘zbekiston hukumati tomonidan Sankt-Peterburg xalqaro iqtisodiy forumida imzolangan. Shartnomaga asoslangan holda yiliga 2,8 milliard kub metr gaz yetkazib berilishi kutilmoqda.

Iqtisodiy jihatdan ushbu kelishuv bir-nechta oqibatlarga olib kelishi mumkin:

Birinchidan, O‘zbekistonning energetika xavfsizligiga ijobiy ta’sir qiladi. O‘zbekistonda energetika sohasida uzulishlar kuzatilib kelinmoqda. Buning asosiy sabalaridan biri bu gaz yetishmasligi va Rossiyadan import ushbu tanqislikni qisqartirishi ko‘zda tutilmoqda.

Ikkinchidan, uzulishlar tufayli tadbirkorlar zarar ko‘rmoqda. Import o‘sishi tadbirkorlarning zimmasida turgan xatarlarni qisqartirishga olib keladi.

Uchinchidan, umumiy iqtisodiyotga ta’siri. Agar gaz improti narxlarida budjetga bosim kuchayishi va subsidiyalar oshishiga olib kelmasa bu iqtisodiyotga ijobiy ta’sir ko’rsatishi mumkin.

To’rtinchidan, O’zbekistonning Xitoyga gaz yetkazib berish shartnomaviy majburiyatlarni Rossiya gazi bilan qoplashga imkon yaratishi mumkin.

Shunday qilib, O'zbekistonning Rossiya tabiiy gazini import qilishi energiya xavfsizligini yaxshilash, infratuzilmaga sarmoya kiritish va tabiiy gazga bo‘lgan talabni qondirishga qaratilgan sa’y-harakatlarni aks ettiradi. Biroq, iqtisodiy ta'sir shartnoma shartlariga, energiya narxiga va mintaqadagi kengroq geosiyosiy kontekstga bog'liq bo'ladi.

@cpr_uz

LinkedIn | Twitter | Instagram