Yangi siyosiy madaniyat shakllanishi O‘zbekiston islohotlarining asosiy yo‘nalishiga aylanmoqda

2025-yil 10-aprel kuni Bryussel shahrida Yevropa parlamenti uchrashuvi bo‘lib o‘tdi. Unda Progressiv islohotlar markazi direktori Mirshohid Aslanov nutq so‘zladi. Tadbir davomida O‘zbekistonda amalga oshirilayotgan islohotlar mazmuni va Yevropa Ittifoqi bilan Markaziy Osiyo o‘rtasidagi hamkorlikni mustahkamlash istiqbollari haqida batafsil ma’lumot berildi.

So‘nggi yillarda Yevropa Ittifoqi va Markaziy Osiyo o‘rtasidagi sammitlarda erishilgan kelishuvlar asosida yuzaga kelayotgan yangi imkoniyatlar va strategik yo‘nalishlarga alohida e’tibor qaratildi.

“O‘zbekistonning demokratiyaga o‘tish jarayoni jamoatchilik oldida rivojlanmoqda, fuqarolik muhokamalari va siyosiy xilma-xillik orqali yangi siyosiy madaniyat shakllanmoqda. Bularning barchasi O‘zbekistonning barqaror rivojlanishiga asos yaratadi." — deya ta'kidladi Mirshohid Aslanov.

Batafsil saytimizda o'qing

@cpr_uz

LinkedIn | Twitter | Instagram | Youtube

#statistika

O‘zbekiston raqamli hukumat rivojlanish indeksi (EGDI) bo‘yicha 63-o‘rinda

BMT tomonidan har ikki yilda e’lon qilinadigan E-Government Development Index (EGDI) 2024-yilgi natijalariga ko‘ra, O‘zbekiston 63-o‘rinni egalladi. Bu 2020-yilga nisbatan 24 pog‘onaga yuqorilab, Markaziy Osiyo davlatlari orasida eng katta o‘sishni qayd etdi.

📌 2024-yil holatiga ko‘ra Markaziy Osiyodagi davlatlar reytingi (2020 yilga nisbatan o'zgarishi) :

🔹 Qozog‘iston – 24-o‘rin (+5)
🔹 O‘zbekiston – 63-o‘rin (+24)
🔹 Qirg‘iziston – 78-o‘rin (+5)
🔹 Tojikiston – 123-o‘rin (+10)
🔹 Turkmaniston – 145-o‘rin (+13)

Ushbu ko‘rsatkichlar Markaziy Osiyo davlatlarida raqamli hukumatga o‘tish jarayonining faollashganini, davlat xizmatlari va internet infratuzilmasining rivojlanayotganini ko‘rsatadi.

📊 EGDI qanday hisoblanadi?

EGDI quyidagi uch asosiy komponent asosida shakllantiriladi:

🔹 Onlayn davlat xizmatlari (Online Services Index – OSI)
🔹 Telekommunikatsion infratuzilma (Telecommunication Infrastructure Index – TII)
🔹 Inson kapitali (Human Capital Index – HCI)

Mazkur indeks davlatlarning raqamli xizmatlar ko‘lami va sifati, internetga ulanish imkoniyatlari hamda fuqarolarning raqamli savodxonligi asosida baholanadi.

@cpr_uz

LinkedIn | Twitter | Instagram | Youtube

#statistika

O‘zbekiston Global Ochlik Indeksi bo‘yicha mintaqada yetakchi

Global Hunger Index (GHI) 2024-yilgi ma’lumotlariga ko‘ra, O‘zbekiston 2021–2023 yillarda 21 ball bilan eng yaxshi natijalarni qayd etib, Markaziy Osiyoda oziq-ovqat xavfsizligi borasida yetakchilik qilmoqda. Bu ko‘rsatkich O‘zbekistonning oziq-ovqat xavfsizligini ta’minlashdagi siyosiy va institutsional yondashuvlarining samaradorligini ko‘rsatadi.

📌 2024-yil holatiga ko‘ra Markaziy Osiyodagi boshqa davlatlar reytingi:

🔹 Qozog‘iston – 25 ball
🔹 Qirg‘iziston – 36 ball
🔹 Tojikiston – 65 ball
🔹 Turkmaniston – 50 ball

2020-yilga nisbatan GHI dinamikasini tahlil qiladigan bo‘lsak:

📉 Tojikiston – eng og‘ir holatda, oxirgi uch yil ichida indeks 62–67 ball oralig‘ida bo‘lib, oziq-ovqat xavfsizligi sohasida jiddiy muammolar mavjud.

📊 Qozog‘iston – 2020-yilda 21 ball bilan boshlagan, biroq 2021-yilda indeks 28 ballgacha ko‘tarilgan, hozirda esa 24–25 atrofida barqarorlashgan. Bu oziq-ovqat xavfsizligida muayyan tahdidlar borligini anglatadi.

🔍 Qirg‘iziston – asta-sekin ijobiy o‘zgarishlar mavjud: indeks 42 dan 36 gacha pasaygan.

🟠 Turkmaniston – 2020-yildan buyon 48–52 ball oralig‘ida saqlanib qolmoqda, bu esa barqaror, biroq muammoli vaziyatni bildiradi.

📊 Global Hunger Index qanday hisoblanadi?

GHI har yili xalqaro nodavlat tashkilotlar tomonidan e’lon qilinadi va bolalar o‘limi, o‘sishdan qolish, kam vaznlik va aholi orasida yetarli ovqatlanmaslik kabi ko‘rsatkichlar asosida shakllantiriladi.

U oziq-ovqat xavfsizligini quyidagi yo‘nalishlar bo‘yicha baholaydi:

🔹 Ovqatlanish sifati va yetarli darajadagi iste’mol
🔹 Bolalar salomatligi va o‘sish sur’atlari
🔹 Umumiy sog‘liq va ijtimoiy infratuzilma holati

@cpr_uz

LinkedIn | Twitter | Instagram | Youtube

Progressiv islohotlar markazi Markaziy Osiyo bo‘yicha CNN vakilini qabul qildi.

Progressiv Islohotlar Markazi (PIM) direktori o‘rinbosari Qadambay Sultanov CNN'ning Markaziy Osiyo bo‘yicha vakili Imron Ahmadni qabul qildi. Bu uning PIM'ga ilk tashrifi bo‘lib, tomonlar o‘zaro hamkorlik va tajriba almashish istiqbollarini muhokama qildilar.

Uchrashuv davomida CNN vakiliga PIM'ning asosiy tashabbuslari, yaqin kelajakdagi loyihalari va uzoq muddatli maqsadlari taqdim etildi. Markaz o‘zining analitik salohiyati, innovatsion yondashuvi va xalqaro hamkorlikka ochiqligi bilan CNN vakilida katta qiziqish uyg‘otdi.

Xususan, PIM tomonidan ilgari surilayotgan bir qator loyihalar, jumladan, global ommaviy axborot vositalari bilan aloqalarni kengaytirish bo‘yicha olib borilayotgan ishlarga alohida e'tibor qaratildi.

Muloqot davomida O‘zbekistonning investitsiya va turizm salohiyatini xalqaro maydonda targ‘ib qilish, madaniy merosni global auditoriyaga yetkazish, shuningdek, yoshlar va innovatsiyalar sohasida hamkorlik imkoniyatlari muhokama qilindi.

@cpr_uz

LinkedIn | Twitter | Instagram | Youtube

Raqobat siyosati va iste'molchilar huquqlari tadqiqotlari markazi bilan memorandum imzolandi.

30-aprel kuni Progressiv islohotlar markazi va Raqobat siyosati va iste’molchilar huquqlari tadqiqotlari markazi oʻrtasida hamkorlik toʻgʻrisida memorandum imzolandi.

Mazkur memorandum ikki markaz oʻrtasidagi hamkorlik doirasida olib borilayotgan islohotlarni chuqur tahlil qilish, ularning samaradorligini baholash hamda jamoatchilikka xolis ma’lumot yetkazishga xizmat qiladi.

👉🏼Batafsil saytimizda o‘qing

@cpr_uz

LinkedIn | Twitter | Instagram | Youtube

#statistika

Markaziy Osiyoda kim yetakchi: O‘zbekiston SDG indeksida nechanchi o‘rinda?

Sustainable Development Goals Index (SDG Index) — bu davlatlarning BMT tomonidan belgilangan 17 ta barqaror rivojlanish maqsadlariga (ta’lim, sog‘liqni saqlash, iqlim o‘zgarishi, iqtisodiy o‘sish va boshqalar) erishish darajasini baholovchi yillik reyting tizimi bo‘lib, 2024-yilgi natijalarga ko‘ra O‘zbekiston Markaziy Osiyoda eng yaxshi ko‘rsatkichni qayd etdi.

📌 2024-yil holatiga ko‘ra Markaziy Osiyodagi davlatlar reytingi (kam ball — yaxshi natija):

🔹 O‘zbekiston – 81 ball
🔹 Tojikiston – 89 ball
🔹 Qozog‘iston – 66 ball
🔹 Turkmaniston – 94 ball
🔹 Qirg‘iziston – 48 ball

📈 SDG indeksida ball qancha kam bo‘lsa, davlat barqaror rivojlanish maqsadlariga shuncha yaqin hisoblanadi. Shunga ko‘ra:

🏆 Eng yaxshi ko‘rsatkich — Qirg‘izistonda, 48 ball bilan.
🔻 Eng past ko‘rsatkich — Turkmanistonda, 94 ball bilan.

🌍 Umumiy global reytingda:

✅ Eng yaxshi natijalar — Skandinaviya davlatlariga tegishli:
1️⃣ Finlandiya
2️⃣ Shvetsiya
3️⃣ Daniya

Eng past natijalar — iqtisodiy va ijtimoiy inqirozlar bilan kurashayotgan Afrika davlatlarida kuzatilgan:
🔻 Chad – 165-o‘rin
🔻 Markaziy Afrika Respublikasi – 166-o‘rin
🔻 Janubiy Sudan – 167-o‘rin

📊 SDG Index turli xalqaro manbalar — BMT agentliklari, Jahon Banki va boshqa tashkilotlar ma’lumotlari asosida shakllantiriladi. Har bir davlatga har bir maqsad bo‘yicha alohida baho beriladi, yakunda esa umumiy indeks aniqlanadi.

@cpr_uz

LinkedIn | Twitter | Instagram | Youtube

⚡️DIQQAT E'LON!

Oliy Majlis huzuridagi Jamoat fondi hududlar bo‘yicha quyidagi yo‘nalishlarda davlat granti tanlovini e’lon qiladi: bandlik, ijtimoiy himoya, sog‘liqni saqlash, atrof-muhit, ta’lim, madaniyat, sport va sog‘lom turmush tarzini targ‘ib qilish.

🗓 Arizalar 2025-yil 30-may, soat 18:00 gacha qabul qilinadi.

❗️Tanlovda NNTlar, mahallalar va OAV ishtirok etishi mumkin! Bu – hududiy tashabbuslaringizni amalga oshirish uchun keng imkoniyat yaratadi.

👉🏼 Batafsil shu yerda

@cpr_uz

LinkedIn | Twitter | Instagram | Youtube