‏الفراق مش دايمًا موت أوقات بيبقى إنك تشوف نفس الشخص بس تحس إنه بقى غريب الفراق إنك تبطل تعاتب وتبطل تزعل وتبطل حتى تسأل .. أصعب فراق لما تمشي من غير ما تمشي ولما يسكت قلبك بدل ما يزعق

مفيش أغبى من اللي بيفتكر إن مساعدته لغيره هتقلل من رزقه هو الشخصي التخبية والخبث والمدارية وبُخل النصيحة حاجات بتثبت خيابة عقل وقلة إيمان البني أدام الي بيعملها الرافعي بيقول إنَّ ما في يدِ الله لا يوزَّع بقوانين الناس.

محدش هيزاحم حد في خير مكتوب له ولا حد هيقدر يمنع رزق حد الأرزاق مقسمها الخلاق واللي بيفتح باب لغيره بيفتح له ربه أبواب ﴿قُلْ إِنَّ رَبِّي يَبْسُطُ الرِّزْقَ لِمَنْ يَشَاءُ وَيَقْدِرُ وَلَكِنَّ أَكْثَرَ النَّاسِ لَا يَعْلَمُونَ﴾.

‏مش معني إنك عايش فصل صعب إن الحكاية كلها وحشة، السر إنك تعرف تعدّي الوجع من غير ما تفقد إيمانك باللي جاي، حتي لو مش شايف إيّ علامة إن الأمور هتتحسن، خليك متمسك بالأمل وبالصورة اللي نفسك توصلها، ساعات لازم تكمل وإنت مش شايف غير خطوة واحدة قدامك.

‏حاوط نفسك بناس أحسن منك في حاجات كتير، ناس عندها خبرة ورؤية أوسع منك، وجودك وسط ناس مُتقدمة عنك هيخليك تطمح أكتر، وتتعلم أكتر، وتوصل لمستويات مكنتش متخيلها.

‏عيش بالطريقة اللي تريح روحك مش بالطريقة اللي ترضي المجتمع، الناس هتفضل تقيّم سنك وفلوسك وعلاقاتك وإنجازاتك، ومهما وصلت هتلاقي توقعات تانية، فبدل ما تقضي عُمرك تبرر إختياراتك، عيش حياة تحبها وتكون راضي عنها.

تتبروز

؟

كل السنين اللي فاتت خلّوني أفهم إن الناس مش هتفتكر كل اللي عملتهُ عشانها، لكن إنت هتفضل فاكر كل حاجة خسرتها وإنت بتحاول ترضيهم.