_

حاجات كتيره بحلم بيها ومش بحارب ليها

‏أنا بقيت سايبها على ربنا وسلمت مشاكلي وأحلامي وحاضري ومُستقبلي لربنا سبحانه وتعالى، هو سبحانه الرحيم وأكيد مش هيرضى لعباده غير بالرحمة، هو سبحانه العدل وكُل ما يحكم به على عباده قمة العدل، ومن ساعة ما سبتها على ربنا وأنا راضي ومرتاح ولو ليا نصيب في حاجة هشوفها سواء خير كانت أو شر، وفي كل الأحوال أول حاجة هقولها (الحمد لله).

﴿وَهُوَ الَّذِي يَقْبَلُ التَّوْبَةَ عَنْ عِبَادِهِ وَيَعْفُو عَنِ السَّيِّئَاتِ وَيَعْلَمُ مَا تَفْعَلُونَ﴾

‏الحرية جميلة، لكن مش معناها إننا نكسر قلوب الناس وإحنا بندور على راحتنا، أوقات كتير بنفتكر إن التخلص من كل القيود هيخلينا أسعد لكن الفراغ اللي بيسيبوهُ وراهم بعض الأشخاص مش بيتعوض بسهولة.
الحكمة إنك توازن بين حقك في تعيش بطريقتك، وبين مسؤوليتك إنك تراعي مشاعر ناس جزء من حياتك.

_

‏مبثقش في الفرص التانية ، لو آذيتني هتخلى عنك ، سيدنا عمر قال "اعتزل ما يؤذيك" ومقالش استحمل ، وسيدنا يوسف سامح وأكرم إخواته اه ، بس مداهمش فرصة تانية يعيشوا معاه في نفس القصر ، البعد ساعات حماية للمودة ، انت تعز عليا بس مبقيناش صحاب ، وأتمنالك تاكل وتشرب، بس مش على ترابيزتي تاني

‏من أعظم أنواع الكفاح إنك تفضل مُحتفظ بروحك الحلوة وسط ناس بتنشر السلبية وبتسحب إي طاقة حلوة حواليها، إنك متسمحش لطباع غيرك تغيّرك، ولا لكلامهم يعكّر صفوك.
القوة الحقيقية مش إنك ترد، القوة إنك تفضل زي ما أنت، هادي، راقي، ومتصالح مع نفسك مهما كان اللي حواليك.

‏لما تبعد عن الحاجات اللي كانت لهياك ومخدراك عن الحقيقة، هتكتشف إن فيه ناس كتير حواليك كان اللي رابطك بيهم مجرد وقت أو عادة مش توافق حقيقي.
مش عشان إنت أحسن من حـد لكن عشان بقيت شايف الأمور أوضح، ساعتها هتعرف مين وجودة في حياتك نابع من قيمة ومودة حقيقية ومين كان مجرد جزء من مرحلة.

‏للأسف معني حياة الإنسان في الدنيا العبيطه دي مش بيكتمل غير بوجود شاهد عليها يشوف مشاعره، فشله، انتصاراته، ضعفه وقيمته حد يحكي القصه من بعده ويفتكرها ويكملها وان المعاناه بدون شاهد عليها هي مجرد عبث والانجازات من غير ما حد يسقفلك باهته وممله

‏﴿ إنّ اللّٰهَ ومَلائكتَهُ يُصَلُّونَ على النبي يا أيُها الذينَ آمنوا صَلُّوا عليهِ وسلِّمُوا تسليمًا ﴾

قالَ رسولُ اللَّه ﷺ: إنَّ مِن أَفْضلِ أيَّامِكُمْ يَوْمَ الجُمُعةِ، فَأَكْثِرُوا عليَّ مِنَ الصلاةِ فِيهِ، فإنَّ صَلاتَكُمْ معْرُوضَةٌ علَيَّ

‏هو ليه الحزن مستمر على عكس السعادة؟
يعني مثلاً مفيش حاجه حصلت وخلتني مبسوط لمدة أسبوع مثلا
بس فيه حاجات حصلت وخلتني حزين لمدة سنة عادي !

‏أنا بحب أحافظ على علاقات كويسة مع الناس، وأتعامل بصدق وإحترام، لكن لما يدخل الكذب أو التلاعب أو سوء التقدير، حاجة جوايا بتتغير.
مش غضب قد ما هو وضوح، لأن لما الثقة تروح، الإحساس ما بيرجعش زي الأول، بالنسبة لي العلاقات الحقيقية أساسها الصدق، مش مجرد وجود وخلاص.

‏فيهِ دروس الحياة بتحس إنها بتتكرّر، نفس المعني ولكن بوشوش ومواقف مُختلفة، الفرق إنك المرّة دي مش نفس الشخص اللي قابلها زمان، خبرتك زادت، ونظرتك إتغيرت، ورد فعلك بقى أهدي وأوعي وحكيم.
ولما تلاقي نفسك بتتعامل مع نفس الدرس بشكل أفضل، إعرف إنك نضجت وبقيت أذكي وكبرت من جواك.

❤️.

.

‏الغريب إن أغلب الناس المؤذية اللي قابلناها كانوا دايمًا بيقدموا نفسهم على إنهم ملايكة بجناحات، والشخصيات اللي مفيش منها اتنين. عندهم قدرة عالية على التمثيل، لدرجة إنك ممكن تصدّق صورتهم المزيّفة سنين. ولما الحقيقة بتبان، بتتصدم إنهم كانوا بالشكل دا!

فحقيقي ربنا يبعد عننا النوع دا من البشر، ويعوّض كل واحد عاشرهم خير، ويحميه من شر قلوبهم.