‏من أعظم أنواع الكفاح إنك تفضل مُحتفظ بروحك الحلوة وسط ناس بتنشر السلبية وبتسحب إي طاقة حلوة حواليها، إنك متسمحش لطباع غيرك تغيّرك، ولا لكلامهم يعكّر صفوك.
القوة الحقيقية مش إنك ترد، القوة إنك تفضل زي ما أنت، هادي، راقي، ومتصالح مع نفسك مهما كان اللي حواليك.

‏لما تبعد عن الحاجات اللي كانت لهياك ومخدراك عن الحقيقة، هتكتشف إن فيه ناس كتير حواليك كان اللي رابطك بيهم مجرد وقت أو عادة مش توافق حقيقي.
مش عشان إنت أحسن من حـد لكن عشان بقيت شايف الأمور أوضح، ساعتها هتعرف مين وجودة في حياتك نابع من قيمة ومودة حقيقية ومين كان مجرد جزء من مرحلة.

‏للأسف معني حياة الإنسان في الدنيا العبيطه دي مش بيكتمل غير بوجود شاهد عليها يشوف مشاعره، فشله، انتصاراته، ضعفه وقيمته حد يحكي القصه من بعده ويفتكرها ويكملها وان المعاناه بدون شاهد عليها هي مجرد عبث والانجازات من غير ما حد يسقفلك باهته وممله

‏﴿ إنّ اللّٰهَ ومَلائكتَهُ يُصَلُّونَ على النبي يا أيُها الذينَ آمنوا صَلُّوا عليهِ وسلِّمُوا تسليمًا ﴾

قالَ رسولُ اللَّه ﷺ: إنَّ مِن أَفْضلِ أيَّامِكُمْ يَوْمَ الجُمُعةِ، فَأَكْثِرُوا عليَّ مِنَ الصلاةِ فِيهِ، فإنَّ صَلاتَكُمْ معْرُوضَةٌ علَيَّ

‏هو ليه الحزن مستمر على عكس السعادة؟
يعني مثلاً مفيش حاجه حصلت وخلتني مبسوط لمدة أسبوع مثلا
بس فيه حاجات حصلت وخلتني حزين لمدة سنة عادي !

‏أنا بحب أحافظ على علاقات كويسة مع الناس، وأتعامل بصدق وإحترام، لكن لما يدخل الكذب أو التلاعب أو سوء التقدير، حاجة جوايا بتتغير.
مش غضب قد ما هو وضوح، لأن لما الثقة تروح، الإحساس ما بيرجعش زي الأول، بالنسبة لي العلاقات الحقيقية أساسها الصدق، مش مجرد وجود وخلاص.

‏فيهِ دروس الحياة بتحس إنها بتتكرّر، نفس المعني ولكن بوشوش ومواقف مُختلفة، الفرق إنك المرّة دي مش نفس الشخص اللي قابلها زمان، خبرتك زادت، ونظرتك إتغيرت، ورد فعلك بقى أهدي وأوعي وحكيم.
ولما تلاقي نفسك بتتعامل مع نفس الدرس بشكل أفضل، إعرف إنك نضجت وبقيت أذكي وكبرت من جواك.

❤️.

.

‏الغريب إن أغلب الناس المؤذية اللي قابلناها كانوا دايمًا بيقدموا نفسهم على إنهم ملايكة بجناحات، والشخصيات اللي مفيش منها اتنين. عندهم قدرة عالية على التمثيل، لدرجة إنك ممكن تصدّق صورتهم المزيّفة سنين. ولما الحقيقة بتبان، بتتصدم إنهم كانوا بالشكل دا!

فحقيقي ربنا يبعد عننا النوع دا من البشر، ويعوّض كل واحد عاشرهم خير، ويحميه من شر قلوبهم.

♡

‏في حاجات حرام مبنعملهاش علشان مجاتلناش الفرصة إننا نعملها مش أكتر، ولا اتحطينا في اختبار الإختيار ما بين اللذة والثواب، وساعات بننسي دا فيبدأ عقلنا يصورلنا اننا ملتزمين ونبدأ نتغر ونتعالي علي غير الملتزمين، بلاش تراهن علي مبادئك لو لسه مختُبرتش وإن اختُبرت فلا تُراهن على الثبات

‏أوقات الإنسان بيستعجل على إيّ باب يتفتح قدامهُ بعد الرفض، ويمسك فيهِ حتى لو مش مُريح أو مؤذي بس لأنهُ عطشان للقبول.
ينسى إن مش كل اللي يقبلهُ هو الصح، وإن التسرّع ممكن يضيّع فرص أحسن، ولو كان هادي شوية، كان عرف إن اللي جاي ممكن يكون أهدى وأبقي وأصدق.

‏﴿ إنّ اللّٰهَ ومَلائكتَهُ يُصَلُّونَ على النبي يا أيُها الذينَ آمنوا صَلُّوا عليهِ وسلِّمُوا تسليمًا ﴾
قالَ رسولُ اللَّه ﷺ: إنَّ مِن أَفْضلِ أيَّامِكُمْ يَوْمَ الجُمُعةِ، فَأَكْثِرُوا عليَّ مِنَ الصلاةِ فِيهِ، فإنَّ صَلاتَكُمْ معْرُوضَةٌ علَيَّ

‏خايف أحارب في الأوقات اللي لازم أمشي و انسحب فيها
و خايف أنسحب في الأوقات اللي لازم احارب فيها فاهمني؟

‏الإنسان اللي قلبهُ مليان رضا عمرهُ ما يشغل نفسهُ برزق غيرة، عارف إن لكل واحد نصيبهُ وقسمتهُ، فبيركز في طريقة ويشكر ربنا على اللي عندة.
الرضا راحة، والمقارنة تعب مالوش آخر.

‏أكبر إنجاز في زمننا إنك تفضل إنسان نضيف من جوّاك، بتخاف ربّنا وبتعرف الصح من الغلط، تمسك نفسك كويس عن الغلط، وكرامتك تبقى خط أحمر عند الكل، ومحدش يقدر يوجّهك أو يتحكم فيك.
تعيش بطريقتك ودماغك حتى لو لوحدك، وتكمل مُستقيم مهما الدنيا لفّت ولا الناس إتغيّرت حواليك.