كُل شيء والله

‏الحمد لله وصلنا لنسمة الهوا بتاعت أكتوبر كدا ناقصنا الـ falling in love

‏الحياة في الشغل صعبة
الحياة من غير شغل صعبة
الحياة عموما صعبة
نسأل الله الجنة

‏المقاومة هي أصدق صور الحياة، مجاهدتك لنفسك ومحاولاتك المستمرة بتعبر عن إن قلبك حي وبتحاول تعيش كما ينبغي، الاستسلام للواقع وأهواء نفسك هي الموت الحقيقي مهما كنت فاكر إنك عايش حياتك .

﴿إِنَّ اللَّهَ وَمَلائِكَتَهُ يُصَلّونَ عَلَى النَّبِيِّ يا أَيُّهَا الَّذينَ آمَنوا صَلّوا عَلَيهِ وَسَلِّموا تَسليمًا﴾ .🤎

‏الحياة بتبقي أهدي وأسهل لما تبطل تستني من الناس يكونوا غير اللي ورّوهولك، وتصدق أفعالهم زي ما هي من غير ما تبرر لهم، أو تتمني نسخة تانية منهم.

‏إنك مأجورٌ على أحزان قلبك، على دموعك في خلوتك، حتى على ابتسامتك المزيفة التي ترسمها لأهلك كي لا يحزنوا لحزنك
أتحسب أن الأجور كلها في ركعة تصليها أو صدقة تعطيها؟ كلا

بل قد يكون أجرك في طول الانتظار، أو مرارة الفقد، أو قسوة الفراق، أو مشقة الحياة، أو شدة الكرب، أو سَريرِ المَرض

كيف فعلاً ؟

‏وتتَركُ حُزنكَ بينَ المقاعدِ..
تَرجوهُ يُسرَق.

- مُظفّر النوّاب

‏أنا بسقي الزرع بتاعي لحد ما يموت
دي الطريقة الوحيدة اللي بعرف أحب بيها

‏مشاعر عدم الإنتماء لأشخاص كانوا في حياتك عادي ودلوقتي بقيت بتحس بغربة وسطهم عجيب جدًا.
عجيب ومخيف لتقلب الحال، وتغير الأشخاص، الحياة بتتغير بشكل سريع جدًا.
هل ده حزين ؟ أنا مش عندي فكرة..
بس الأكيد ان مفيش حاجة ثابتة للأسف.

يارب ونس هيّن .

‏الدش الساقع ابتدى يبقى ساقع بجد
يا ليلة العيد

‏من الحاجات الي بتضايقني في التعامل مع بعض الناس، إني مش ببقى عارف ما يضمروه ليا في قلوبهم.
في منطقة رمادية كدا في النص بتخليني مش متأكد من صدق مشاعرهم
على الجانب الآخر بلاقي راحة تامة في الكلام مع الي ببقى متأكد من مكانتي عندهم، ومهما اتكلم مش بحس أبدًا بضيق معاهم.

♡

‏سنين بننضف المريات
أتاري البقعة ملامحنا

- مصطفى عابدين

‏معرفش هل السفر وبطبيعة حال الغربة بتخلي الإنسان كتير من وقته قاعد لوحده فده خلاني برهق نفسيًا وجسديًا جدًا من الاجتماعيات وبحس إني خلاص في وقت معجمي من الكلمات وقف وعقلي مش قادر يفكر اكتر من كدا ولا كل ما الواحد بيكبر بيقل شغفه تجاه الناس ولا إيه مش فاهمة!

كيف بجد؟

‏يمكن للإنسان أن يخسر أشياء كثيرة، ويتوه بين أسئلة لا يجد لها إجابة، ويقف عاجزًا أمام ما لا يستطيع تغييره.. لكن يكفيه أن يعرف أن له ربًا يعلم ما بداخله قبل أن ينطق، ويرى ضعفه قبل أن يشكو، وقادر أن يبدّل حاله في لحظة.

‏يا تقعد تدبدب في الأرض وتعيط ومحدش هيطبطب عليك حتي ، يا تكمل اللي بتعمله والدموع في عينيك وتلملم شتات نفسك عشان مفيش حل تاني ، مفيش حل تاني ..