👾 Markaz mutaxassislari tomonidan @Cyberqalqonbot ga kelib tushgan 6500 ga yaqin havola va ilovalar tekshirildi.

Eng ko'p tarqalgan virusli ilovalar quyidagicha:

🔴MyGov.apk
🔴Rasmlar (9).apk
🔴DavlatҚарзМаълумот.apk
🔴Мулк Тақиқлари.apk
🔴МайГовҚарзМаълумот.apk

Yuqorida keltirilgan shubhali ilovalarning barchasi hozirda bloklangan.

✅@Cyberqalqonbot orqali kelgusidagi jabr va zararlarning oldini oling!

🌐Website | 📝Telegram | 🌐Facebook | 📹Youtube | 📱Instagram

🚫Zararli virus “.apk” ilovalarni o‘chirish bo‘yicha videoqo‘llanma

Shubhali ilovalar qurilmaga yuklab olinsa, undan qutilishning imkoniyati juda ham kam.

Lekin, siz qurilmangizdan virusli ilovani butkul o'chirib yuborish bo'yicha ketma-ketlikda ko’rsatilgan videoqo'llanmadan foydalanishingiz mumkin:
 
✅Mobil qurilmani “Xavfsiz rejim” (“Safe mod”) da ishga tushirish.

Buning uchun:
🔴 Mobil qurilma o‘chirib qayta yoqiladi;
🔴 Mobil qurilma qayta ishga tushirilayotganda ushbu qurilma brendi yozuvi chiqishi bilan (misol uchun “Samsung” yoki “Redmi”) ovoz pastlatish tugmasi qurilma to‘liq ishga tushguncha bosib turiladi;
🔴So‘ngra, mobil qurilmaning chap taraf pastida “Xavfsiz rejim” (“Safe mod”) yozuvi chiqadi.

✅ Mobil qurilma qayta ishga tushirilgandan so‘ng, “Sozlamalar”bo‘limiga kirib “Ilovalar” ro‘yxatidan mobil qurilmaga yuklangan va o‘chirib yuborishning ilojisi bo‘lmagan ochiq hamda ko‘rinmaydigan zararli virus “.apk” ilovalar o‘chirib tashlanadi.

✅ “Xavfsiz rejim” (“Safe mod”) dan avvalgi holatga qaytarish uchun mobil qurilmani qaytadan o‘chirib yoqiladi.

🌐Website | 📝Telegram | 🌐Facebook | 📹Youtube | 📱Instagram

⚡️Shu kunlarda ijtimoiy tarmoqlar orqali ayrim davlat axborot tizimlaridan O‘zbekiston fuqarolarining shaxsiy ma’lumotlari tarqalgani haqida xabarlar kuzatilmoqda

🏪Hozirda mazkur holat bo'yicha o‘rganishlar olib borilmoqda va holat yuzasidan qo‘shimcha ma’lumotlar taqdim etiladi.

Hurmatli fuqarolar!

➡️Shaxsiy ma’lumotlaringizni boshqa shaxslarga oshkor etmang. Davlat va boshqa elektron axborot tizimlariga kirishda murakkab login va parollardan foydalaning. Shuningdek, shubhali havolalar orqali o'z ma’lumotlaringizni kiritishdan saqlanishingizni so‘raymiz.

Kiberxavfsizlik markazi axborot xizmati

🌐Website | 📝Telegram | 🌐Facebook | 📹Youtube | 📱Instagram

▶️2026-yil uchun malaka oshirish kurslariga qabul davom etmoqda

Kiberxavfsizlik sohasiga qiziqasiz, ammo o‘qishni nimadan boshlashni bilmayapsizmi?

Unda sizni Markaz mutaxasislari tomonidan o'tkaziladigan malaka oshirish kurslariga taklif qilamiz!

O‘quv kurslari quyidagi yo'nalishlarni o‘z ichiga oladi:

🔴Davlat tashkilotlarida kiberxavfsizlikni ta’minlash masalalari
🔴Tarmoq texnologiyalari
🔴Axloqiy xakerlik
🔴“Blue team” jamoasini shakllantirish
🔴”Windows, Linux” server boshqaruvi
🔴”O'zMST 27001” Axborot texnologiyalari. Xavfsizlikni ta'minlash usullari. Axborot xavfsizligini boshqarish tizimlari

✅O‘quv kurslari davlat organlari va tashkilotlari xodimlari hamda sohaga qiziquvchi yoshlar uchun mo‘ljallangan.

Batafsil ma’lumot: +99871-203-01-54

🌐Website | 📝Telegram | 🌐Facebook | 📹Youtube | 📱Instagram

✔️Kiberxavfsizlik sohasidagi mutaxassislar yetishmovchiligi rekord darajaga yetib, 4️⃣ million kishiga ehtiyoj borligi aniqlangan

Ma’lumotlarga ko‘ra, kiberxavfsizlik sohasida ishlayotgan mutaxassislar soni 5,5 million nafarga yetgani taxmin qilinmoqda. Ammo, bo‘sh ish o‘rni ko‘pligi va talab oshishi natijasida 4 million malakali mutaxassisga ehtiyoj bor.

📶Asosiy mutaxassis yetkazib berayotgan mintaqalar quyidagicha:

Shimoliy Amerika: 1.8–2 million
Yevropa: 1.2 million atrofida
Osiyo-Tinch okeani mintaqasi: 1.7 million (Mintaqada soha juda tez rivojlanmoqda)
Lotin Amerikasi va Afrika: 500 mingga yaqin

✔️ Manba

🌐Website | 📝Telegram | 🌐Facebook | 📹Youtube | 📱Instagram

🔴Shubhali ilovalardan o’zingizni himoya qiling!

✅Zararli fayllarni o‘chirish uchun qo‘llanma.

🌐Website | 📝Telegram | 🌐Facebook | 📹Youtube | 📱Instagram

🔴🔴🔴

⚡️Soxta tanlovlar va onlayn ovoz berishlar orqali firibgarlar tuzog‘iga tushib qolmang!

So‘nggi kunlarda firibgarlar tomonidan foydalanuvchilarga “Eng yaxshi bobo”, “Eng yaxshi buvi”, “Eng yaxshi dada” yoki “Eng yaxshi ona” kabi nomlar ostida soxta ovoz berish havolalari tarqatilib, “Telegram” akkauntlarga ruxsatsiz kirish holatlari kuzatilmoqda. So’ngra firibgarlar jabrlangan foydalanuvchining yaqinlariga pul so‘rab xabar yubormoqda.

➡️Umuman olganda ushbu holat odatiy firibgarlik sxemasi bo‘lib, «ovoz berish», «tanlov» va «yutuqli o‘yinlar» kabi havolalar orqali profil ustidan nazoratni qo‘lga olish maqsad qilingan.

🌐Website | 📝Telegram | 🌐Facebook | 📹Youtube | 📱Instagram

📈 O‘zbekiston “Network Readiness Index–2025” reytingida 9️⃣ pog‘onaga yuqoriladi

➡️Portulans instituti (AQSh) tomonidan har yili e’lon qilib boriladigan “Network Readiness Index”ning 2025-yilgi navbatdagi hisobot natijalariga ko‘ra, O‘zbekiston o‘z o‘rnini 9 pog‘onaga yaxshilab, 72-o‘rinni egalladi.

Hisobotda O‘zbekistonning internetdan foydalanish imkoniyatlari va raqamli texnologiyalarni joriy etish borasida ilgarilashi kuzatilgani ta’kidlangan.

✔️Bu esa mamlakatda raqamli rivojlanish izchil davom etayotgani va sohada olib borilayotgan islohotlar o‘z samarasini berayotganini ko‘rsatadi.

Ma'lumot uchun, reytingning jahon miqyosidagi yetakchi mamlakatlari sifatida AQSh, Finlyandiya, Singapur, Daniya va Shvesiya qayd etilgan.

🌐Website | 📝Telegram | 🌐Facebook | 📹Youtube | 📱Instagram

“Markaziy Osiyo uchun FIRST mintaqaviy simpoziumi – 2026” bo‘lib o‘tadi

✔️ 2026-yil 26–27 fevral kunlari Kiberxavfsizlik markazi ko‘magida mintaqada ilk bor “First Regional Symposium for Central Asia – 2026” tashkil etiladi.

Tadbir Toshkentdagi Inha universitetida bo‘lib o‘tadi va unda kiberxavfsizlik bo‘yicha dunyoning yetakchi ekspertlari hamda nufuzli tashkilotlar vakillari ishtirok etadi.

Xalqaro simpoziumdan kutilayotgan natijalar:

➡️Samarali hamkorlikni yo‘lga qo‘yish

➡️Bilim va amaliy tajriba almashish

➡️Kiberxavfsizlik va hodisalarga javob berish salohiyatini mustahkamlash

Ma’lumot uchun, FIRSTning asosiy vazifasi – global kiberxavfsizlik tahdidlariga qarshi kurashishda o‘zaro hamkorlikni kuchaytirish va xalqaro hamjamiyatning imkoniyatlarini boyitishdir. Bugungi kunda ushbu tashkilot tarkibida 800 dan ortiq a’zo mavjud.

📴 Ro‘yxatdan o‘tish bu yerda
https://events.first.org/profile/form/index.cfm?PKformID=0x18602abcd

🌐Website | 📝Telegram | 🌐Facebook | 📹Youtube | 📱Instagram

👾 Markaz mutaxassislari tomonidan @Cyberqalqonbot ga kelib tushgan 6600 dan ortiq havola va ilovalar tekshirildi.

Eng ko'p tarqalgan virusli ilovalar quyidagicha:

🔴Vip_panel.apk
🔴МаълумотКўриниш.apk
🔴fotolar (20)📸.apk
🔴ЖаримаСабабТекшир.apk
🔴Видео (7 шт).apk

Yuqorida keltirilgan shubhali ilovalarning barchasi hozirda bloklangan.

✅@Cyberqalqonbot orqali kelgusidagi jabr va zararlarning oldini oling!

🌐Website | 📝Telegram | 🌐Facebook | 📹Youtube | 📱Instagram

#navoiy_tavalludining_585_yilligi

⚡️So'zda har qanday yaxshilikning imkoni bor, shuning uchun ham aytadilarki: “Nafasning joni bor...”

📅1441-yil 9-fevralda Buyuk shoir, mutafakkir, davlat va jamoat arbobi Alisher Navoiy tavallud topgan kun.

🌐Website | 📝Telegram | 🌐Facebook | 📹Youtube | 📱Instagram

⚡️Moliya sohasida faoliyat yuritadiganlar diqqatiga!

Internet-banking tizimlarida firibgarlikning yangi turi tarqalmoqda.

🔗 Xavfsizlink.uz orqali shubhali havolalarni tekshirishingiz mumkin.

🌐Website | 📝Telegram | 🌐Facebook | 📹Youtube | 📱Instagram

🟦🟦🟦🟦

❗Internetda firibgar resurslarni aniqlash mumkinligini bilarmidingiz?

✅ @CyberQalqonbot orqali shaxsiy akkauntingizga kelib tushgan fayllarning xavflilik darajasini bilib olishingiz mumkin.

🔗 Xavfsizlink.uz orqali shubhali havolalarni tekshirishingiz mumkin.

✅ @uzcert - kiberxavfsizlik sohasiga oid mavzular muhokamasi, shuningdek, Kiberxavfsizlik markazi “UZCERT” xizmati mutaxassislari yoki boshqa mustaqil ekspertlar bilan fikr almashgan holda bilim va ko'nikmalaringizni mustahkamlab borishingiz mumkin.

🔗 Check Permission ilovasi — har 15 daqiqada o‘rnatilgan ilovalar avtomatik tarzda tekshiriladi va xavfli ruxsatga ega ilovalar haqida foydalanuvchiga bildirishnoma (notification) yuboriladi. Aniqrog‘i, doimiy ravishda ilovaga kirib, qurilmada virus bor yoki yo'qligini tekshirish shart emas.

✅ Axborot tizimlari va resurslariga nisbatan kiberhujum yoki kiberxavfsizlik hodisasi aniqlansa, “https://uzcert.uz/hodisa-hisoboti” havolasidagi shaklni to‘ldirishingizni hamda uni incident@uzcert.uz elektron pochta manziliga yuborishingiz mumkin.

🌐Website | 📝Telegram | 🌐Facebook | 📹Youtube | 📱Instagram

⌛CYBERFACT

Tarixdagi birinchi “DoS” (Denial of Service) hujumi va ilk “DDoS”(Distributed Denial of Service) hujumlari

👾 Ilk kiberhujum 1974-yilda Illinoys universitetida sodir bo‘lgan. Universitet talabasi oddiy skript yordamida 31 plato-terminalni (kompyuter terminalini) tarmoqdan uzib, tarmoqning ishlashini to‘xtatishga muvaffaq bo‘lgan. Shunday qilib, mazkur voqea "DoS" hujumi deb ataladigan birinchi holat sifatida tarixda qolgan.

"DoS" hujumining ommalashishi 1988-yilda Morris Vorm nomi bilan bog'liq. Ushbu voqelik Internetning qariyb 10 foiziga ta'sir ko'rsatgan birinchi kiberhujumlardan biri sifatida esda qoldi.

✅1994-yilda nisbatan mukammalroq DoS (Denial of Service) hujumi Kevin Mitnik tomonidan amalga oshirilgan. U o'z raqibining kompyuteriga “SYN Flood” hujumini uyushtirdi. Bu esa tizimni band qilib qo'ydi. Ammo mazkur hujum ham faqat bitta qurilmadan amalga oshirilgan.

📈Keyinchalik, xakerlar bir nechta kompyuterlardan foydalanib, aynan shu hujumni amalga oshira boshladilar. Shu tarzda, XX asr oxirida DDoS (Distributed Denial of Service) hujumlari paydo bo'ldi.

⚡️Bunday hujumlarda tarmoqni quvib chiqarish uchun bir nechta kompyuterlardan yoki qurilmalardan bir vaqtning o'zida tarmoqqa yo'llanadigan katta miqdorda trafik yuboriladi. Bu esa hujumni yanada kuchaytirib, tizimni bloklashni osonlashtiradi.

🌐Website | 📝Telegram | 🌐Facebook | 📹Youtube | 📱Instagram