🇺🇿 “Cyber-Bro” MChJ 2022 yilning 20 iyulida tashkil etilgan bo‘lib, ushbu kompaniyaning asosiy faoliyati davlat, nodavlat, xo‘jalik tashkilotlari, biznes sektori, shuningdek yuridik va jismoniy shaxslarga tijoriy shartnomalar asosida kiberxavfsizlik sohasi bo‘yicha konsalting xizmatlarini taqdim etishdan iborat. Kompaniya O‘zbekiston Respublikasi qonunlariga qatʼiy amal qilgan holda o‘z faoliyatini olib boradi va xizmat ko‘rsatadi.
📁 Hamkorlik uchun: info@cyber-bro.uz

🇷🇺 ООО «Cyber Bro» создано 20 июля 2022 года, и основным видом деятельности данной компании является оказание консультационных услуг в области кибербезопасности государственным, негосударственным, хозяйственным организациям, бизнес-сектору, а также юридическим и физическим лицам на основе коммерческих контрактов. Компания ведет свою деятельность и оказывает услуги в строгом соответствии с Законами Республики Узбекистан.
📁 Для сотрудничества: info@cyber-bro.uz

🌐 cyber-bro.uz | 💬 Telegram

🇺🇿 FAKT. 2021 yilda kiberxavfsizlik uchun global xarajatlar taxminan 170 milliard AQSh dollaridan oshgan. Hisob-kitoblarga ko‘ra, 2024 yilga kelib kiberxavfsizlikka sarflanadigan xarajatlar miqdori 200 milliard AQSh dollaridan oshadi va keyingi yillarda ham bu o‘sish saqlanib qoladi.

🇷🇺 ФАКТ. В 2021 году глобальные расходы на кибербезопасность превысили примерно 170 миллиардов долларов США. По оценкам, к 2024 году расходы на кибербезопасность превысят 200 миллиардов долларов и будут продолжать расти в ближайшие годы.

🌐 cyber-bro.uz | 💬 Telegram

🫧 Пуфак ичидаги ахборот тизимлари

Биздаги кўплаб ахборот тизимлари айнан пуфак ичида жойлашган тизимга ўхшайди. Сабаби тизимни қуриш учун миллиардлаб сўм, миллионлар доллар пул сарфланган. Лекин ҳимоя ўта заиф, баъзи заифликлар эса ўта критик даражада хавфли. Жуда кўплаб молиявий операциялар, биллинг тизимлари, конфиденциал маълумотлар, мижозларнинг (клиентлар) базаси, шахсий маълумотлар айнан мана шу пуфак ичида жойлашган ахборот тизимларининг таркибида мавжуд. Ушбу тизимларнинг баъзилари эса бир неча йиллардан бери хорижий давлатлар томонидан кузатиб келинмоқда. Ва айнан шу каби тизимларнинг хавфсизлиги учун йилига 1 сўм ҳам сарфланмайди ёки шу пайтгача умуман сарфланмаган. Биргина click ёрдамида бутун тизимни ишдан чиқариш ёки бутунлай йўқ қилиб юбориш мумкин. Кейин яна миллионлаб долларларга шу тизимлар яна қайтадан қурилади ва бу жараён давом этаверади, этаверади, этаверади ...

Биз юқорида санаб ўтган заифликларга эга тизимлар турли даражадаги вазирлик даражасидан тортиб, Республика иқтисодиётини муҳим коммуникация тармоқларигача, ҳуқуқ-тартибот тизимларидан, муҳим иқтисодий нуқталарида ҳам мавжуд. Бу Республикани таҳликали вазиятларда жуда ноқулай ҳолатда қолдириши мумкин.

Бу заифликлар ҳақида масъул ташкилотларнинг расмий электрон почталарига ёзилган хатларга бир инсон жавоб қайтармайди ёки очиб кўрмайди. Бу каби ҳолатлар одамни ўйлантиради - "Давлатнинг келажаги, соҳа хавфсизлигига масъул раҳбарлар шунчалар лоқайдми ёки асл вазиятни билишмайдими?"

Барчамиз пуфак ичидаги ахборот тизимларига маҳлиё бўлиб ўтираверамиз. Вақти келиб пуфак ёрилса, барчаси саробга айланишидан одам қўрқади

Ҳозирги кунда жаҳон ҳамжамиятида, жумладан яқин ва узоқ қўшниларимиз ўртасида бўлаётган кибер курашлардан хулоса қилишимиз ва бундай ҳолатларга олдиндан тайёргарлик кўришимиз зарурдир. "Бу каби ҳолатлар биз учун эмас, бизга таъсир қилмайди" - дейиш катта хато.

🌐 cyber-bro.uz | 💬 Telegram

🇮🇱 Isroil maxsus xizmatlariga tegishli “QuaDream” Ltd kompaniyasi - ilg‘or raqamli hujum texnologiyasini ishlab chiqish va sotish bilan shug‘ullanadi. Kompaniya o‘zining “Reign” nomi ostida sotiladigan josuslik dasturlari bilan mashhur bo‘lib, u “NSO” Group ning “Pegasus” josuslik dasturi kabi maqsadli qurilmalarni buzish uchun 0day exploitlaridan foydalanadi. Ya’ni yangi “Reign” dasturi 0 click hujumidan foydalanadi.

Microsoft Threat Intelligence va Citizenlab tahliliga ko‘ra , Shimoliy Amerika, Markaziy Osiyo, Janubi-Sharqiy Osiyo, Yevropa va Yaqin Sharqda “QuaDream” josuslik dasturi aniqlangan. Qurbonlar orasida jurnalistlar, siyosiy muxolifat vakillari va nodavlat tashkilot xodimlarii bor.

“QuaDream” josuslik dasturini masofadan yuqtirishda iOS 14 qurilmalari uchun 0day exploitlar ishlatilgan.

O‘rganishlar natijasida “QuaDream” operatorlari serverlari quyidagi davlatlarda aniqlangan: Bolgariya, Chexiya, Vengriya, Gana, Isroil, Meksika, Ruminiya, Singapur, Birlashgan Arab Amirliklari (BAA) va O‘zbekiston!


Biz ochiq olib borgan izlanishlarimiz natijasida esa, 10 dan oshiq yirik kiber guruhlar izlari, davlatning muhim obyektlari, serverlarida aniqlangan. Bu O‘zbekistonda aslida axborot xavfsizligi qay holatda ekanini yanada aniq ko‘rsatib beradi.

Tez orada bu haqida batafsil suhbatlashamiz!

🌐 cyber-bro.uz | 💬 Telegram

O‘zbekiston Respublikasida axborot xavfsizligi qanchalik darajada taʼminlangan?

Axborot xavfsizligi bo‘yicha qonunchilik tizimi va uning ijrosi o‘ta abgor holatda. Jumladan, 2022 yilda qabul qilingan "KIBERXAVFSIZLIK TO‘G‘RISIDA"gi qonun ijrosi ko‘zga tashlanmayapti.

Ko‘plab davlat tashkilotlarining Kiberxavfsizlik markazi tomonidan berilgan ijobiy auditorlik tekshiruvining holati real holatga umuman mos emas. Kiberxavfsizlik markazi tomonidan ijobiy auditorlik xulosalari berilgan ko‘pgina bank-moliya sektori, sud huquq tizimi, axborot-kommunikatsiya, muhim transport-logistika sohasidagi axborot tizimlarining ko‘pchiligi «Cyber-BRO» kompaniyasining mutaxassislari tomonidan mustaqil ravishda tashqi tomondan tekshirilganida ahvol o‘ta achinarli ekanligi ko‘zga tashlanmoqda. Achinarli ham emas, aslida oqibati o‘ta DAHSHATLI.

❗️ Davlatning baʼzi muhim axborot tizimlaridagi zaiflikdan foydalanilgan holatda o‘rnatilgan (balki bir necha yil oldin) zararli dasturlar orqali tizimga boshqalar tomonidan to‘liq nazoratga olingani ham ko‘zga tashlanmoqda. Balki bu turdagi «kiberjosuslik» amallari ancha yillardan buyon boshqa davlatlar tomonidan amalga oshirilayotgan bo‘lishi ham mumkin.

Tizimdagi jiddiy zaifliklar haqida yozilgan xatlarga esa masʼul rahbarlardan tomonidan javob berilmaslik holatlari juda ko‘p. Bu esa birinchi navbatda qonun ijrosining ishlamasligi va nazorat qilinmasligi, masʼul rahbarlarning ishiga o‘ta sovuqqon munosabatda bo‘lishi va eng katta ehtimollikka ega sabablardan biri bu kabi “teshik” axborot tizimlarni qurishda "yeb yuborilgan" juda katta summalar.

Biz izlanishda davom etamiz ...


🌐 cyber-bro.uz | 💬 Telegram

⁉️ CYBER-BRO LLC Қандай турдаги Киберхавфсизлик хизматларини кўрсатади?

Қуйида бизнинг компания томонидан кўрсатиладиган хизматлар ҳақида бир нечта постларда қисқача маълумот берамиз, батафсил маълумот олиш учун биз билан электрон почта орқали боғланинг.

🔴 RED-TEAMING: Ходимларимиз томонидан сизнинг ахборот инфратузилмангиз (сайт, дастур, мобил илова,сервер ва ички тармоқ) ташқи ва ички тармоқлардан туриб, ҳеч қандай тақдим этилмаган имкониятларсиз хавфсизлик талабига жавоб бериши текширилади.

Дунё киберхавфсизлик бозорида бу хизматга талаб жуда тез ошмоқда , сабаби турли ransomware вируслари , ҳакерлик ҳужумлари йирик ва кичик бизнес эгаларига жуда катта молиявий зарар етказмоқда. Хизмат орқали буюртмачи ўз бизнесини бундай кибер ҳужумларга бардошлилигини текширади, аниқлайди ва камчиликларни тузатади. Шу орқали олдиндан барча объектларни ҳимоялайди.

Охирги вақтда кибер ҳужумлар натижасида катта , йирик компанияларнинг шахсий маълумотлар, бизнесга оид ички маълумотларнинг тарқатилиши , обрўсизлантириш, моддий зарар, ҳамкорлар ҳақидаги маълумотлар ва бозорда мавқесизлантирилиши каби қатор кибер инцидентларни кузатмоқдамиз. Бу ҳолатлардан энг ачинарлиси эса компания мижозларига оид маълумотларнинг оммавий тарқатиб юборилишидир. Бу эса ташкилотга нисбатан фойдаланувчиларда ишончнинг йўқотилиши ва ўз навбатида ташкилот даромади ва ўз нуфузининг тушиши, профессионал ходимларнинг йўқотилишига сабаб бўлади.

Биз томонимиздан кўрсатилаётган ушбу RED TEAMING хизмати сизга аниқ ечим ва натижани тақдим қилади, яъни сиз ўз ташкилотингиз ҳолати ва статуси ҳақида қўрқмасдан рақобатчилар билан баҳслаша оласиз ва фойдаланувчиларингизга ушбу устунлик томонингизни реклама қилиб кўрсатишингиз ҳам мумкин бўлади !

Давлат ташкилотлари ва вазирликлар бу хизматни ўзларида ўтказишлари, ташкилотнинг мавқеини оширишлари ва критик кибер ҳужумларни олдини олишига сабаб бўлади. Ҳар бир ташкилот ўзининг ахборот тизимларида бундай аудитларни ўтказиши орқали Ўзбекистон Республикасининг киберхавфсизлик статусини тезлик билан ошишига эришиш мумкин. Ҳозирги кунда киберхавфсизлик соҳаси бўйича дунё рейтингида 71-ўринда турамиз. Бу эса ушбу соҳада бошқалар билан солиштирилганда айнан соҳанинг жуда суст ва кам эътибор берилганини кўрсатади.

‼️ Биз томонимиздан кўрсатиладиган барча хизматлар Ўзбекистон Республикаси қонунчилиги ва ўзаро келишилган шартнома асосида олиб борилади.

📩 Биз билан боғланиш учун : info@cyber-bro.uz

🌐 Cyber-Bro.uz | 💬 Telegram

🔵 Security audit & Blue Teaming: RED TEAMING хизмати орқали барча ресурсларингиз ташқаридан ҳеч қандай тақдим қилинмаган имкониятларсиз амалга оширилса, BLUE TEAM орқали буюртмачи ўз ресурсларига ичкаридан кириш имкониятини тақдим қилади ва бу орқали биз бутун тизимни қайтадан ички томондан текширамиз. Одатда ташқаридан яхши ҳимояланган объектларда ичкаридан туриб ходимларни ёллаш (сотиб олиш), Ижтимоий муҳандислик, сохта scamm ва сохта мижоз кўринишидаги турли мақсадли ҳужумлар амалга оширилади, молиявий амалларда ва критик объектларда доим шу каби усуллар қўлланилади. Буни олдини олиш учун биз замонавий ечимларни тақдим қиламиз. Биз айнан соҳанинг барча тактик техник турларини профессионал даражада амалга ошириб келамиз ва бундай ҳужумларни қандай симуляция қилиш ва ундан ҳимоялашни жуда яхши биламиз.

- Заифликлар аниқланиб бартараф қилингач, биз шу статусни доимий назоратда ушлаб туриш учун зарур имкониятларни яратиб берамиз. Бунда ходимларингиз ушбу кибер гигиеник ҳолатни назорат қилиш, аудитдан ўтказиш, мониторинг қилиш ва ҳисоботларни шакллантириш каби автоматлаштирилган амалларни бажаришни ўрганишади.

- Security Audit - хизмати орқали ташкилотингиз ички кибер хавфсизлик қоидаларини ва услубларини ишлаб чиқамиз, ходимларингизни тайёрлаймиз, ўргатамиз. Доимий малака ошириш курсларини шакллантирамиз.

Келажакдаги кибер инцидентларга қарши жавоб бера олувчи махсус кадрларни ташкилот ичида тайёрлаймиз.

- Blue Team - бу махсус гуруҳ юқоридаги барча ишларни комплект амалга оширади, кунлик, ҳафталик ва умумий натижалар ҳақида ҳужжатлар расмийлаштиради, ташкилот раҳбарига тақдим этади ва ҳисобот беради. Гуруҳ веб сайт, сервер, ишчилар компьютерлари ва тармоқнинг умумий ҳолатини 24/7 мониторинглаб назорат қилишади. Энг асосийси бундай ходимлар ўз ташкилотингиз ичида ташкиллаштирилади.

📩 Биз билан боғланиш учун : info@cyber-bro.uz

🌐 Cyber-Bro.uz | 💬 Telegram

📚 Cyber Academy: Замонавий таҳдид турлари шу даражада ривожландики, ҳатто киберхавфсизлик билан шуғулланувчи халқаро йирик ташкилотлар ҳам кибер ҳужумларга учрамоқда. Бу албатта ачинарли ва барчани сергак бўлишга ундайди. Киберхавфсизлик соҳасини биз сизга турли йўналишларда мақсадли, режали ва мавсумий тарзда ўргатамиз.

Халқаро инструктор даражасидаги ходимларимиз профессионал тарзда амалиётга асосланган ҳолда дарслар ўтишади. Ходимларингизни иш жойида ва масофадан онлайн ўқитиш имкониятини ҳам тақдим қиламиз. Барча ўқув машғулотлари ўзбек тилида ва амалиётга асосланиб ўтилади.

Замонавий таҳдид ва кибер ҳужумлар, уларни олдини олиш, ҳужумдан кейинги кибер криминалистик изланишлар, ижтимоий муҳандислик ва ундан ҳимояланиш, психологик ва кибер гигиеник муҳитни ўргатамиз, шакллантирамиз!

Хизматларимиздан фойдалангач сиз доимий аъзолик картасига эга бўласиз ва мавсумий тадбирларимизда бепул қатнашишингиз, малака оширишингиз мумкин бўлади.

Хавфсиз дастурий таъминотлар, сайт ва сервер созлаш, SOC - Security Operations Centre, RED/BLUE TEAM лар ишини ҳам айнан академиямизда ўрганасиз. Академиямизда офлайн ўқиш натижасида сиз кейинчалик CYBER-BRO SECURITY да иш ўрганасиз, натижаларингиз ва қизиқишингиз ҳолатига қараб биз ўзимизда ишлашни ҳам таклиф қиламиз ва албатта бу сизни хурсанд қилишига ишонамиз 🥳

Батафсил маълумотлар билан сайтимизда танишинг ёки бизга электрон почта орқали хабар қолдиринг.

📧 Биз билан боғланиш учун: info@cyber-bro.uz

🌐 cyber-bro.uz | 💬 Телеграм

⚡️⚡️⚡️ 2023 йилнинг 31 май куни "Ўзбекистон Республикасининг муҳим ахборот инфратузилмаси объектлари киберхавфсизлигини таъминлаш тизимини такомиллаштириш бўйича қўшимча чора-тадбирлар тўғрисида" Ўзбекистон Республикаси Президентининг ПҚ-167 сонли Қарори қабул қилинди. Ушбу қарорга мувофиқ Ўзбекистон Республикаси Давлат Хавфсизлиги Хизматига янги ваколатлар берилди.

✅ Президент қарорига кўра, эндиликда Давлат хавфсизлик хизмати муҳим ахборот инфратузилмаси (МАИ) объектларида киберхавфсизликнинг таъминланганлик даражасини кузатади, баҳолаш ва мониторинг қилиш тартибини ишлаб чиқади.
Шунингдек, Ахборотлаштириш ва телекоммуникациялар соҳасида назорат инспекцияси билан биргаликда муҳим ахборот инфратузилмасида киберхавфсизликни таъминлаш ҳамда ривожлантириш устидан назорат ва мониторинг олиб боради.

‼️Қарорга кўра, муҳим ахборот инфратузилмаси субъектларига қуйидаги ҳуқуқлар берилмоқда:
➖ бундай объектларда фойдаланилаётган дастурий таъминотлар, қурилмалар ва технологияларидаги заифликлар ҳақида маълумотларни ваколатли давлат органидан олиш;
➖ ўзининг киберхавфсизлик бўлинмаларини ташкил этиш ҳамда чора-тадбирларни ишлаб чиқиш.

ℹ️ Қарор билан тасдиқланган низомда киберҳимоя, муҳим ахборот инфратузилмаси, муҳим ахборот инфратузилмасига киберҳужум, муҳим ахборот инфратузилмаси киберхавфсизлиги терминларига таъриф берилди.

‼️ Муҳим ахборот инфратузилмаси объектларига қуйидаги соҳаларда қўлланиладиган ахборотлаштириш тизимлари киради:
☑️ давлат бошқаруви ва давлат хизматлари кўрсатиш;
мудофаа;
☑️ давлат хавфсизлигини, ҳуқуқ-тартиботни таъминлаш;
☑️ ёқилғи-энергетика мажмуи (атом энергетикаси);
☑️ кимё, нефть-кимё тармоқлари, металлургия;
☑️ сувдан фойдаланиш ва сув таъминоти,
қишлоқ хўжалиги;
☑️ соғлиқни сақлаш;
☑️ уй-жой коммунал хизматлар кўрсатиш;
☑️ банк-молия тизими;
☑️ транспорт;
☑️ ахборот-коммуникация технологиялари;
☑️ экология ва атроф-муҳитни муҳофаза қилиш;
☑️ стратегик аҳамиятига эга бўлган фойдали қазилмаларни қазиб олиш ва қайта ишлаш;
☑️ ишлаб чиқариш иқтисодиётнинг бошқа тармоқларида ва ижтимоий соҳада қўлланиладиган ахборотлаштириш тизимлари.

Постга қўшимча изоҳ: Киберхавфсизлик соҳасида ўз хизматларини кўрсатувчи Cyber-Bro жамоаси ушбу қарорнинг барча бандлари бўйича кенгроқ тушунча ва изоҳлар бериб боришга ҳаракат қилади. Ушбу қарорга асосланиб жамоанинг ўз қарашлари, тавсия ва таклифлари бериб борилади. Бизни кузатишда давом этинг.

📧 Биз билан боғланиш учун: info@cyber-bro.uz

🌐 cyber-bro.uz | 💬 Телеграм

2022 йилда ташкил этилган CYBER-BRO компанияси қисқа вақт ичида давлат ва хусусий сектор ичидаги жуда кўплаб ахборот тизимларини киберхавфсизлик соҳасида таҳлил қилиб чиқди. Ва бу жараён давом этмоқда. Ва бу таҳлил натижалари ҳақида бугундан бошлаб каналимизда маълумот бериб борамиз.

Турли вазирлик ва ташкилотларда давлат хавфсизлигига оид муҳим ахборотларнинг хавфсизлигига совуққон муносабатда бўлаётган, ахборот тизимлари хавфсизлиги бўйича мурожаатларга лоқайд, умуман беписанд раҳбарлар учун ҳам «илиқ» гапларимиз бор.

Биз назарда тутган ахборот объектлари шу даражада муҳимки, давлатнинг қон-томири бўлган ҳарбий-ҳуқуқий, банк-молия, муҳим иқтисодий нуқталарга бориб тақалади. Баъзи ахборот тизимларида киберхавфсизлик бўйича вазият критик ҳолатда, ваҳоланки мана шу ташкилотлар баъзи ташкилотларнинг турли псевдо рейтингларида юқори ўринда туради. Ва айнан мана шу ташкилот раҳбарлари ҳукумат ва давлат раҳбариятига киберхавфсизлик соҳаси бўйича ёлғон ҳисоботлар бериш билан овора. Вазият эса анча жиддий.

Бизни кузатишда давом этинг.

📧 Биз билан боғланиш учун: info@cyber-bro.uz

🌐 cyber-bro.uz | 💬 Телеграм