Sözümün dördüncü hissəsi son günlərdə müxtəlif şəkildə zərər görmüş, əzizlərinin şəhadət acısını yaşayanlara, istər yaralılara, istərsə də evinə, ocağına və ya iş yerinə ziyan dəymiş şəxslərə ünvanlanır. Bu hissədə ilk olaraq uca məqamlı döyüşçü şəhidlərin ailələri ilə dərindən həmdərd olduğumu bildirirəm. Bu, mənim həmin böyük insanlarla ortaq yaşadığım təcrübəyə əsaslanır. Şəhadəti artıq ümumi bir matəmə çevrilmiş atamdan əlavə həm ümid bəslədiyim əziz və vəfalı həyat yoldaşımı, həm valideynlərinə xidmətə həsr olunmuş fədakar bacımı və onun kiçik övladını, həm də digər bacımın alim həyat yoldaşını şəhidlər karvanına təhvil vermişəm. Lakin müsibətlərə səbr etməyi mümkün, hətta asan edən şey Allah‑Təalanın səbr edənlər üçün vəd etdiyi qəti və böyük mükafatı xatırlamaqdır. Buna görə də səbr etmək və Uca Allahın lütfünə, köməyinə ümid və etimad göstərmək lazımdır. İkincisi, hamınıza əminliklə bildirirəm ki, şəhidlərinizin qanının intiqamını almaqdan boyun qaçırmayacağıq. Bizim nəzərdə tutduğumuz intiqam yalnız böyük inqilab rəhbərinin şəhadətinə aid deyil, düşmən tərəfindən şəhid edilən xalqın hər bir üzvü ayrıca intiqam mövzusudur. Əlbəttə, bu intiqamın kiçik bir hissəsi indiyədək əməli şəkildə həyata keçib, lakin tam nəticə əldə olunmayınca bu məsələ digər bütün işlərin üstündə qalacaq və xüsusilə uşaqlarımızın qanı məsələsində daha həssas davranacağıq. Buna görə də düşmənin Minab şəhərindəki "Şəcərə‑yi Təyyibə" məktəbinə və oxşar hallara qarşı qəsdən törətdiyi cinayətlər bu araşdırmada xüsusi yerə malikdir.
Üçüncüsü, bu hücumlarda yaralananlar mütləq şəkildə pulsuz və uyğun tibbi xidmət almalı və bəzi digər imtiyazlardan da faydalanmalıdırlar. Dördüncüsü, mövcud şərait imkan verdiyi qədər şəxsi əmlaka və yaşayış yerlərinə dəyən maddi zərərlərin təzminatı üçün kifayət qədər, aydın şəkildə müəyyən edilmiş və icra olunan tədbirlər görülməlidir. Bu iki son məsələ hörmətli məsul şəxslər üçün mütləq yerinə yetirilməli bir vəzifədir və onlar bunu icra edib mənə hesabat verməlidirlər. Qeyd etməliyəm ki, biz hər halda düşməndən təzminat alacağıq və əgər o bundan imtina etsə, lazım bildiyimiz qədər onun əmlakından götürəcəyik, bu da mümkün olmazsa, həmin miqdarda malını məhv edəcəyik.

Beşinci hissə bölgənin bəzi ölkələrinin rəhbərlərinə və təsirli siyasi orqanlarına xitabdır. Bizim 15 ölkə ilə quru və ya dəniz sərhədimiz var və həmişə bütün bu ölkələrlə isti və qurucu münasibətlərə malik olmaq istəmişik və indi də istəyirik. Lakin düşmən illərdir ki, bu ölkələrin bəzilərində hərbi və maliyyə xarakterli müxtəlif bazalar quraraq bölgəyə nəzarətini təmin etməyə çalışmışdır. Son hücumda həmin hərbi bazaların bəzilərindən istifadə olundu və biz də əvvəlcədən açıq şəkildə xəbərdarlıq etdiyimiz kimi, heç bir halda həmin ölkələrin özünə zərər vermədən yalnız həmin bazaları hədəf aldıq. Bundan sonra da məcburən bu işi davam etdirəcəyik, baxmayaraq ki, biz hələ də bu qonşularımızla dostluğun zəruri olduğuna inanırıq. Bu ölkələr öz mövqelərini vətənimizə təcavüz edənlər və xalqımızın qatilinə çevrilənlərlə bağlı aydınlaşdırmalıdırlar. Mən tövsiyə edirəm ki, bu bazaları tez bir zamanda bağlasın, çünki yəqin ki, indiyə qədər ABŞ‑ın “təhlükəsizlik və sülh yaratmaq” iddiasının sadəcə bir yalan olduğunu anlamış olmalıdırlar. Bu addım onların öz xalqları ilə (hansı ki, küfr cəbhəsi ilə əməkdaşlıqdan və onların təhqiramiz davranışlarından narazıdırlar) daha yaxın bağlar qurmasına və öz sərvət və güclərini artırmasına səbəb olacaq. Bir daha vurğulayıram ki, İran İslam Respublikası bölgədə heç bir hegemonluq və ya müstəmləkəçilik yaratmadan bütün qonşularla qarşılıqlı, isti və səmimi münasibətlər qurmağa tam hazırdır.

Altıncı hissədə sözüm şəhid rəhbərimizədir. Ey rəhbər! Sizin gedişiniz hamının qəlbinə ağır bir yara vurdu. Siz həmişə belə bir aqibətə can atırdınız və nəhayət, Allah‑Təala bunu Ramazan ayının onuncu gününün sübhündə Qurani‑Kərim tilavəti halında sizə nəsib etdi. Siz çoxlu zülmlərə qüdrətlə və səbr ilə dözdünüz və heç vaxt əyilmədiniz. Bir çoxları sizin həqiqi dəyərinizi tanımadılar və bəlkə də uzun zaman keçəcək ki, müxtəlif pərdələr və maneələr aradan qalxsın və şəxsiyyətinizin bəzi yönləri aydın olsun. Ümid edirik ki, pak nur sahibləri, siddiqlər, şəhidlər və övliyalarla birgə əldə etdiyiniz yaxınlıq məqamından bu xalqın və müqavimət cəbhəsinin bütün xalqlarının tərəqqisi üçün yenə də düşünəcək və onlar üçün şəfaət edəcəksiniz, necə ki, dünya həyatınızda da belə idiniz. Biz sizinlə əhd bağlayırıq ki, haqq cəbhəsinin əsas bayrağı olan bu bayrağın ucalması və sizin müqəddəs məqsədlərinizə çatmaq üçün bütün varlığımızla çalışacağıq.

Yeddinci hissədə isə mənə dəstək göstərən bütün böyük şəxsiyyətlərə, o cümlədən böyük mərcəyi‑təqlidlərə, müxtəlif mədəni, siyasi və ictimai simalara, həmçinin möhtəşəm nümayişlərdə sistemə yenidən beyət etmək üçün iştirak edən xalqın bütün təbəqələrinə və hakimiyyət qolunun məsullarına və müvəqqəti rəhbərlik şurasına gördükləri düzgün tədbirlər və addımlar üçün təşəkkür edirəm.
Ümid edirəm ki, bu bərəkətli saatlarda və feyzli günlərdə Allah‑Təalanın xüsusi lütfləri bütün İran xalqını, eləcə də bütün müsəlmanları və dünyanın məzlumlarını əhatə etsin.
Sonda mövlamızdan (Allah zühurunu təcil etsin) istəyirəm ki, Qədr gecələrinin və mübarək Ramazan ayının qalan günlərində Allah‑Təalanın dərgahından xalqımız üçün düşmənə qarşı qəti qələbə, izzət, dayanıqlıq, salamatlıq, dünyasını dəyişənlər üçün isə uca məqamlar və axirət səadəti diləsin.
Vəssəlamu aleykum və rəhmətullahi və bərəkətuhu və təhiyyatuh.

Seyyid Müctəba Hüseyni Xamenei

21 Esfənd 1404 
22 Ramazan 1447

(12 Mart 2026)

Zəhmət olmasa İlkin qardaşın kanalına dəstək olaq

https://youtu.be/mCl0LbjpRG4?is=EmYC067t-iherGVV

Tezliklə...

Misir Fitr bayramını qeyd edib. Bayram tədbirində Misirin prezidenti Sisi və digər məsul şəxslər iştirak ediblər. Tarixdəki Misirdə qurulan Fatimilər şiə dövlətindən bu tərəfə ilk dəfədir ki, xətib xütbənin əvvəlində və sonunda Allahı Hz.Fatimənin haqqına, atasının, ərinin və övladlarının haqqına and verərək xütbə edib.

Bu, Misirdən İrana mesaj kimi qiymətləndirilir.

Çox dəhşətli səslərdir...

Təbrizli ananın türk dünyasına müraciəti

İnqilab rəhbərinin ilk bəyanatı belə oldu; Hər şəhid edilən şəxsə görə (onların bir nəfəri öldürülməklə) intiqam alınacaq!

Amerika Xarq adasına hücum edərsə...

Türkiyə mediasında İran raketləri

Sona qədər izləyin. Tarix belə hazırcavablıq görməyib

Aparıcı sual verir ki, niyə Epşteyn məsələsini bu qədər qabardırsız?

Cavab möhtəşəmdir

Hörmüz Boğazı

Türkiyədə bir küçədə yazı

Alparslan Kuytul iki sivilizasiyanın fərqini izah edir

Möhtəşəm...