Dang‘ara tumanida muqaddas Haj ziyoratidan qaytgan hojilar tantanali kutib olindi

🔷Davlatimiz rahbarining doimiy e’tibori hamda diniy-ma’rifiy sohada amalga oshirilayotgan keng ko‘lamli islohotlar natijasida har yili minglab yurtdoshlarimiz muqaddas Haj safariga borib, o‘z diniy amallarini munosib ado etish imkoniyatiga ega bo‘lmoqda.

🔷Ana shunday baxtga muyassar bo‘lgan dang‘aralik hojilar muqaddas zaminlarda Haj ibodatlarini ado etib, Vatanimizga qaytdilar.

🔷Dang‘ara tumanidagi «Said Ahmadxon hoji» jome masjidida tuman hokimi boshchiligidagi rahbarlar, nuroniylar va keng jamoatchilik vakillari hojilarni kutib olishib, ularni samimiy qutladilar.

🔷Hojilar ham o‘z navbatida davlatimiz tomonidan Haj ziyoratini ado etish uchun yaratilgan keng imkoniyatlar va qulay shart-sharoitlardan mamnun ekanliklarini bildirdilar.

🔷Muqaddas safarni yuqori darajada tashkil etish borasida amalga oshirilayotgan ishlar uchun minnatdorlik izhor etib, vatanimiz tinchligi, xalqimiz farovonligi, yurtimizning yanada taraqqiy etishi, osoyishtalik va barqarorlikning mustahkam bo‘lishi uchun duolar qilindi.

👉 Данғара хабарларига аъзо бўлинг👉 https://t.me/+g0VietWG7eQ2Y2Ri

Dang‘ara tumani hokimligida kiberjinoyatlarning oldini olish, aholi va tashkilotlarda axborot xavfsizligi madaniyatini oshirishga qaratilgan targ‘ibot yig‘ilishi bo‘lib o‘tdi.

🔷Yig‘ilishda Dang‘ara tumani hokimi, Farg‘ona viloyati kiberjinoyatlarga qarshi kurashish boshqarmasining tumanlararo bo‘limi boshlig‘i, tuman IIB boshlig‘i, korxona va tashkilotlar rahbarlari ishtirok etdilar.

🔷Tadbir davomida internet tarmoqlari orqali sodir etilayotgan firibgarlik holatlari, bank kartalari bilan bog‘liq jinoyatlar, shaxsiy ma’lumotlarni muhofaza qilish, fuqarolarni turli aldov sxemalaridan ogoh etish hamda kiberxavfsizlikni ta’minlash masalalari muhokama qilindi.

🔷Mutasaddilar tomonidan kiberjinoyatlarning yangi turlari va ulardan himoyalanish choralari yuzasidan tushuntirishlar berilib, tashkilot rahbarlariga xodimlar o‘rtasida targ‘ibot ishlarini kuchaytirish bo‘yicha tegishli tavsiyalar berildi.

🔷Ta’kidlanganidek, kiberjinoyatlarga qarshi kurashishda har bir fuqaroning ogohligi va shaxsiy ma’lumotlar xavfsizligiga mas’uliyat bilan yondashishi muhim ahamiyat kasb etadi. Yig‘ilish yakunida ishtirokchilarning savollariga javob berilib, bu boradagi hamkorlikni yanada mustahkamlash yuzasidan vazifalar belgilab olindi.

Xalq deputatlari Dang‘ara tuman Kengashi deputatlari tomonidan saylov okruglarida aholi bilan muloqotlar davom ettirilmoqda.

🔷Xalq deputatlari Dang‘ara tuman Kengashi raisi, 12-Yangi zamon saylov okrugi deputati K.Dadaboyev o‘z saylov okrugida mahalla faollari bilan uchrashuv o‘tkazdi. Uchrashuvda hududni ijtimoiy-iqtisodiy rivojlantirish, aholi muammolarini hal etish, obodonlashtirish ishlarini jadallashtirish hamda fuqarolar murojaatlari bilan ishlash masalalari muhokama qilindi.

🔷Shuningdek, Kengash kotibiyati mudiri, 25-G‘umoyli saylov okrugi deputati I.Ergashev G‘umoyli mahalla fuqarolar yig‘ini hududida istiqomat qiluvchi fuqarolar bilan uchrashib, ular tomonidan bildirilgan murojaatlar va takliflarni o‘rgandi.

🔷Tuman Kengashi deputati Ahadjon Djumayev «Sanam» mahalla fuqarolar yig‘inida bo‘lib, mahalladagi ijtimoiy muhit, tadbirkorlikni rivojlantirish va kambag‘allikni qisqartirish yo‘nalishida faoliyat olib borayotgan «Mahalla yettiligi» ishi bilan yaqindan tanishdi.

🔷Dang‘ara tuman Kengashi deputati Z.Abduvaliyev esa Oqtepa mahallasida aholi va mahalla faollari bilan uchrashuv o‘tkazdi. Muloqotlar davomida aholi murojaatlari bilan ishlash, ijtimoiy muammolarni hal etish, yoshlar bandligini ta’minlash, xotin-qizlarni qo‘llab-quvvatlash hamda huquqbuzarliklarning oldini olish bo‘yicha amalga oshirilayotgan ishlar muhokama qilindi.

🔷Deputatlarning joylarda aholi bilan ochiq muloqotlari hududlardagi muammolarni aniqlash va ularni hal etish, fuqarolarning taklif hamda tashabbuslarini qo‘llab-quvvatlashda muhim ahamiyat kasb etmoqda.
👉 Данғара хабарларига аъзо бўлинг👉 https://t.me/+g0VietWG7eQ2Y2Ri