Dang‘ara tumani Qashqar mahallasida tadbirkor Sharipova Dilnozaxon tomonidan davlat-xususiy sherikchilik asosida barpo etilgan 100 o‘ringa mo‘ljallangan zamonaviy maktabgacha ta’lim muassasasi foydalanishga topshirildi.

🔷Tadbirda tuman hokimi, mahalla nuroniylari, keng jamoatchilik hamda mas’ul tashkilotlar vakillari ishtirok etdi.

🔷Tuman hokimi so‘zga chiqib, mamlakatimizda davlat-xususiy sherikchilik asosida amalga oshirilayotgan loyihalar, xususiy tadbirkorlikni qo‘llab-quvvatlash hamda maktabgacha ta’lim qamrovini kengaytirish borasida amalga oshirilayotgan islohotlar haqida so‘z yuritdi.

🔷Ishtirokchilar muassasada bolajonlarning sifatli ta’lim-tarbiya olishi uchun yaratilgan zamonaviy shart-sharoitlar, guruh xonalari, o‘yin va dam olish maydonchalari, oshxona hamda boshqa infratuzilma obyektlari bilan yaqindan tanishdilar.

🔷Loyihani amalga oshirish uchun 1 milliard so‘mdan ortiq investitsiya mablag‘i jalb qilinib, zamonaviy talablar asosida barcha qulayliklarga ega maktabgacha ta’lim muassasasi barpo etildi. Muassasa 100 nafar bolani maktabgacha ta’lim bilan qamrab olish imkoniyatiga ega bo‘lib, uning faoliyatga kirishishi natijasida 15 ta yangi ish o‘rni yaratildi.

Xalq deputatlari Dang‘ara tuman Kengashining VII chaqiriq 26-sessiyasi bo‘lib o‘tdi

🔷Sessiya ishida tuman Kengashi deputatlari, tuman hokimining tegishli o‘rinbosarlari, kun tartibiga kiritilgan masalalarga daxldor tashkilotlar rahbarlari hamda ommaviy axborot vositalari vakillari ishtirok etdilar.

🔷Sessiyani  Xalq deputatlari Dang‘ara tumani Kengashi raisi Dadaboyev Qayumjon Qodirovich ochdi va olib bordi.

🔷Sessiya davomida kun tartibiga kiritilgan muhim masalalar atroflicha muhokama qilinib, sohalar kesimida amalga oshirilayotgan ishlar tahlil etildi.

🔷Muhokamalar jarayonida deputatlar tomonidan ayrim masalalar bo‘yicha taklif va mulohazalar bildirilib, mavjud muammolarni bartaraf etish yuzasidan tegishli vazifalar belgilab olindi.

🔷Sessiya yakunida kun tartibidagi masalalar bo‘yicha tegishli qarorlar qabul qilinib, ularning ijrosini ta’minlash yuzasidan mas’ullarga topshiriqlar berildi.

Dang‘ara tumanida "Xavfsiz va sog‘lom yurt" keng qamrovli profilaktik tadbiri doirasida xorijiy fuqarolarning migratsiya qonunchiligi talablariga rioya etishini ta’minlashga qaratilgan profilaktik tadbirlar izchil amalga oshirilmoqda.

🔷Mazkur tadbirlar tumanning Tojikiston Respublikasi bilan chegaradosh hududlarida joylashgan Abdusamad, Kapasaroy, Taptiqsaroy, Kichik Turk va Oqjar mahalla fuqarolar yig‘inlarida tashkil etilmoqda.

🔷Profilaktik tadbirlar davomida O‘zbekiston Respublikasi hududida vaqtincha bo‘lib turgan MDH davlatlari hamda boshqa xorijiy mamlakatlar fuqarolarining yashash joyi bo‘yicha vaqtincha ro‘yxatdan o‘tganligi, pasport-viza hujjatlarining qonuniyligi va migratsiya qonunchiligi talablariga rioya etishi holati o‘rganilmoqda.

🔷Shuningdek, xorijiy fuqarolar bilan profilaktik suhbatlar o‘tkazilib, ularga amaldagi migratsiya qonunchiligi talablari yuzasidan huquqiy tushuntirishlar berilmoqda.

Suyultirilgan gaz ballonlari aholiga grafik asosida yetkazib berilmoqda

🔷Dang‘ara tuman gaz ta’minoti bo‘limi tomonidan aholini suyultirilgan gaz bilan uzluksiz ta’minlash maqsadida tasdiqlangan grafik asosida mahallalarga suyultirilgan gaz ballonlarini yetkazib berish ishlari tizimli ravishda amalga oshirilmoqda.

🔷Gaz ballonlari belgilangan jadval asosida iste’molchilarga yetkazib berilib, aholining mazkur xizmatdan o‘z vaqtida va to‘liq foydalanishi ta’minlanmoqda.

🔷Shu bilan birga, yetkazib berish jarayonlari doimiy nazorat qilinib, aholiga sifatli xizmat ko‘rsatishga alohida e’tibor qaratilmoqda.