Dang‘ara tumanida rahbarlar va yoshlar uchrashuvi bo‘lib o‘tdi

🔷Dang‘ara tumanida yoshlarning muammo va takliflarini o‘rganish, ularni har tomonlama qo‘llab-quvvatlash hamda davlat tomonidan yaratilayotgan imkoniyatlar mazmun-mohiyatini keng tushuntirish maqsadida tuman hokimi hamda tuman rahbarlari ishtirokida ochiq muloqot o‘tkazildi.

🔷Uchrashuvda yoshlar tomonidan ta’lim, bandlik, tadbirkorlik, kasb-hunar o‘rganish, sport va ijtimoiy sohalarga oid murojaat va takliflar tinglandi. Har bir masala yuzasidan mutasaddi rahbarlar tomonidan atroflicha tushuntirishlar berilib, tegishli murojaatlarni ijobiy hal etish bo‘yicha aniq vazifalar belgilab olindi.

🔷Shuningdek, muloqot davomida yoshlar uchun yaratilayotgan imkoniyatlar, davlat dasturlari doirasida amalga oshirilayotgan loyihalar, imtiyozli kreditlar, subsidiyalar, grantlar, bandlikni ta’minlash, zamonaviy kasb-hunar va xorijiy tillarni o‘rganish bo‘yicha yaratilgan shart-sharoitlar haqida batafsil ma’lumotlar berildi.

Dang‘ara tumanidagi yoshlar yetakchilari ishtirokida “Oltiqo‘sh zamini” fermer xo‘jaligida amaliy dala seminari o‘tkazildi.

🔷Seminarda tuman hokimining qishloq va suv xo‘jaligi masalalari bo‘yicha o‘rinbosari Sh. Shokirov ishtirok etib, global iqlim o‘zgarishi sharoitida yer va suv resurslaridan samarali va oqilona foydalanish, takroriy ekinlardan yuqori hosil yetishtirish, zararkunanda va kasalliklarga qarshi kurash usullarini qo‘llash hamda zamonaviy agrotexnik tadbirlarni to‘g‘ri tashkil etish bo‘yicha amaliy tavsiya va maslahatlar berildi.

🔷Shuningdek, seminar davomida yoshlarga ajratilgan yer maydonlaridan unumli foydalanish, mavjud muammolarni joyida o‘rganish va ularning yechimlarini topish masalalari muhokama qilinib, tegishli taklif va tavsiyalar ishlab chiqildi.

🔷Bunday amaliy dala seminarlari yoshlarning qishloq xo‘jaligi sohasidagi bilim va ko‘nikmalarini mustahkamlash hamda yuqori hosildorlikka erishishda muhim ahamiyat kasb etishi ta’kidlandi.

👉 Данғара хабарларига аъзо бўлинг👉 https://t.me/+g0VietWG7eQ2Y2Ri

Dang‘ara tumanida “Mahallada obodlik va mehr-saxovat oyligi” doirasida obodonlashtirish ishlari izchil davom etmoqda

🔷Vatanimiz mustaqilligining 35 yilligini munosib kutib olish arafasida Dang‘ara tumanida mahallalarda obodlik, ozodalik va mehr-saxovat muhitini yanada mustahkamlash maqsadida “Mahallada obodlik va mehr-saxovat oyligi” doirasida keng ko‘lamli obodonlashtirish ishlari amalga oshirilmoqda.

🔷Mazkur oylik doirasida tumanning barcha mahallalarida keng ko‘lamli hasharlar tashkil etilib, aholi yashash muhitini yanada obod va fayzli qilishga qaratilgan amaliy ishlar izchil olib borilmoqda.

🔷Hashar tadbirlari davomida ziyoratgohlar va qabristonlar, mahalla ko‘chalari, ichki yo‘llar, ariq va zovurlar, jamoat maskanlari hamda ijtimoiy obyektlar atrofi tartibga keltirilib, maishiy chiqindilardan tozalanmoqda.

🔷 Shuningdek, daraxt va manzarali butalarni parvarishlash, yo‘l chetlari hamda yashil hududlarni obodonlashtirish, sanitariya holatini yaxshilash bo‘yicha keng ko‘lamli ishlar amalga oshirilmoqda.