اذا رحت والاجواء مميزة وهيج اسويلكم جولة حتى يصيرلكم واهس تروحون 🌚🤍

احم لان هواي طلبتوا هلشي 🌚

اليوم حشارككم منصة عربية لتعليم البرمجة مجانية ويطون شهادات معتمدة
اني شخصيا اخذت منهم مسار كامل مكون من ٥ دورات ولذلك حبيت اشارككم ياه

صدك شوفوا الترتيب الجديد بعد كل الروابط حنشرها ع شكل مقال مثل هيج حتى تشوفون كل التفاصيل ومتضيع منكم 🌚🤍🤍
كلولي رايكم 🥸✨️

هلو حبايب شلونكم 🥹🩷
بما انو اليوم جمعة وكاعدين خلي نتناقش بشغلة مهمة

تشوفون انو ديصير عدنا الشباب عدم رضا عن نفسنا مهما نسوي؟
ونضل رغم كل انجاز وتقدم نسوي نفتح الميديا ونشوف فلان سوة الاكبر من عده وننحبط؟
عدكم تجربة بهلشي كتبولنا خلي نستفاد من بعض

تدرون اني متاكده لو نركز ع حياتنا وظروفنا ونشتغل على تحسينها شوية شوية كلش راح نتقدم وبالطريقة الصحيحة فعلا
كلما تركز بتقدمات الناس وتعوف جوهرك الحقيقي حتى اذا تتقدم فعلا بنص الطريق حتدرك وتكول ترة اني ماشي غلط لازم ارجع ...

شوفوا اغلبكم كال نعوف السوشال ميديا هو الحل بس هذا حل مو دائمي لان الميديا نحتاجها واكو ناس شغلها بيها اصلا

بصراحه مواقع التواصل انت شنو تضل تشوف حتضل تطلعلك نفس هلمحتوى

ف انت تختار شنو تشوف ومنو تتابع

الحل نستفاد من تجارب الناس بس ننطي نفسنا وقت نكتشفها ونكتشف مهاراتنا والشغلات التميزنا ونبدي خطوة خطوة

والاهم انو فعلا نكون ممتنين لهذا التقدم ومنفكر بس بالنتيجة وانما نعيش الخطوات نفسها

لو تفكرون بيها احنا هواي نسوي انجازات بس منكافئ نفسنا ف ننحبط🥲

يعني مرات ناخذ درجات زينه بالكلية
مرات نتجاوز فترات صعبة
مرات ناخذ كورس او دورة
مرات نشوف فديوات مفيدة تغير تفكيرنا

هاي كلها شغلات لازم نكون سعيدين بيها 🥲🩷

حرفيا ك طبيب اكلكم دماغنا يعمل بهلطريقه بيه دوائر كهربائيه عصبيه تعمل بنظام انجز اكافئك .. والمكافات تكون عباره عن هرمونات سعاده .. فمثلا بالنسبة للدماغ النوم المظبوط يعتبر انجاز فمن تكعد وانت نايم من وكت تلكا الصبح نفسك نشط وفرحان ومليان ظاقه ..لان الدائره اشتغلت وانطت هرمونات الدوبامين وهرمون الكورتيزون ... زين جرب تقرا وتخلص واجبك ك طالب جامعي ...شوف كمية السعاده باقي اليوم .. فاذا فعلا تريد تحقق هلشئ بحياتك اليوميه ..اي شئ تريد تنجزه ولنفرض كورس برمجي معين او لغه ..او اي هدف قسمه لاهداف اسبوعيه أصغر ..ومن ثم اهجاف يوميه فلمن تلاحط نفسك خلصت اهدافك اليوميه كافئ نفسك بفلم أو هوايه تحبها أو اكضي وقتك فري ... حتحس انه انت منظم ودماغك لمن يشوفك سويت انجازك اليومي هو يتكفل باعطائك هرمون الدوبامين .. الي حرفيا اهل المخدرات يذبحون روحهم حته ينفرز عندهم ويوصلون مراحل الانتشاء .. وكل التوفيق

هاي بعد حتى تتحفزون لموضوع المكافأة اكثر 😍😍😍

https://creators.nafezly.com/u/daniah-reaah/the-best-sites-for-writing-university-reports-professionally


مواقع تفيدكم بانشاء التقارير الجامعية
تلكوها هنا بتفاصيل كاملة 🤝🤍

بارحه تاخروا بانشاء المقال وجنت لازم انشر الفديو 😀

هلو شلونكم 😍❤️ مشتاقين ولله 🤍🤍

اليوم حشارككم موقع بي دورات مجانية من شركة عالمية 😎😎
وموهواي يعرفون الموقع 😎😝

ماوصيكم من انشره خنسوي هجمة عراقية اصيلة 😂😂🌝❤️❤️

https://skillsforall.com/catalog?category=course

كورسات مجانية من شركة سيسكو العالمية ويا الشهادة مالتها 🤩 بمجالات التكنلوجية المختلفة
✨️ شبكات
✨️ امن سيبراني
✨️ برمجة
✨️ علوم البيانات

من تكملون الدورة و تاخذون الشهادة سوولي منشن ع الانستا حتى انشره يمي ونحفز بعض يلا 😍😍💪