“Otam har doim dars tugaganda meni maktabdan olib ketgani kelardi. O‘sha payt ham tashqarida edi. Otam o‘sha ovozni eshitgach, onamni qutqarish uchun borishini aytdi. U yuqoriga chiqdi, keyin yana portlash yuz berdi va otam ham halok bo‘ldi.

Biz maktabda edik, kuchli shamolga o‘xshash ovoz eshitildi. Barcha o‘qituvchilar baqirib yubordi va yugurib qochdi. Men ham qo‘rqib ketdim va o‘qituvchim ortidan sinf xonasiga yugurdim, keyin hushimdan ketib qolibman.

Orqamga katta tosh bo‘lagi tushgan ekan. Hushimga kelganimda bir kishi uni ko‘tarishga urindi, lekin uddalay olmadi. Yana bir necha kishi kelib ham ko‘tara olmadi. Ular toshning bir burchagini biroz ko‘tardi, men esa o‘zim chiqib oldim.

Men ularni juda sog‘indim. Ular shahid bo‘lganidan xursandman va ularning yo‘lidan borishni istayman. Alloh Amerika va Isroilni jazolasin.”

Pilla yetishtiruvchilarga subsidiya ajratiladi

🔰 Qarorga ko'ra, 2026-yil 1-apreldan:

💸 pilla yetishtiruvchilarga (ipak qurti boquvchi va kasanachilarga) “mahalla yettiligi”ning kollegial qarori asosida pillachilik klasteri haqiqatda pilla uchun to'lab bergan mablag'larning 35 foizi miqdorida subsidiya ajratiladi;

💰 O'rmon va yashil hududlarni ko'paytirish, cho'llanishga qarshi kurashish agentligi (O'rmon agentligi) balansidagi yer maydonlarida tashkil etiladigan tutzorlarda pilla kooperativi tuzish maqsadlari uchun ushbu kooperativ a'zosi hisoblanadigan kambag'al oilalarga (1 ta oilaning 1 nafar a'zosiga faqat 1 marta) 4 mln so'mdan subsidiya ajratiladi;

🗒 ipak qurtini parvarishlashda zarur bo'ladigan asbob-uskuna va jihozlarni xarid qilish uchun kasanachilarga 3 yil muddatga BHMning 50 baravarigacha miqdorda foizsiz ssuda ajratiladi;

✅ urug'chilik korxonalariga ipak qurti urug'larini tayyorlash faoliyatiga jalb etiladigan har bir mavsumiy ishchi oylik ish haqining 50 foizi, biroq mehnatga haq to'lashning eng kam miqdorining 2 baravaridan oshmagan qismi kompensatsiya qilib beriladi.