नवरात्रोत्सव 2025🌺

देवीची 9 रूपे: नव दुर्गा !!

1. शैलपुत्री:

शैलपुत्री ही नवरात्रीतील पहिली देवी आहे. शैल म्हणजे पर्वत आणि पुत्री म्हणजे कन्या, मुलगी. देवीच्या या रुपाची आराधना केल्याने आपल्यामध्ये पाषाणाप्रमाणे अढळ प्रतिबद्धता येते. ती पर्वतराज हिमालयाची कन्या असून तिचे वाहन वृषभ आहे. शैलपुत्री देवीची पूजा शांती, स्थैर्य, आणि पवित्रता प्राप्त करण्यासाठी केली जाते.

वन्दे वाञ्छितलाभाय चन्द्रार्धकृतशेखराम् ।
वृषारूढां शूलधरां शैलपुत्रीं यशस्विनीम् ॥

अर्थ: चंद्रकलाधारी, वृषभावर आरूढ झालेल्या शैलपुत्री देवीस मी वंदन करतो.

नवरात्रोत्सव 2025🌺

देवीची 9 रूपे: नव दुर्गा !!

2. ब्रह्मचारिणी:
ब्रह्मचारिणी ही नवरात्रीतील दुसरी देवी आहे. ती तपश्चर्या आणि संयमाचे प्रतीक आहे. ब्रह्मचारिणी देवीने अनेक वर्षे तपस्या करून भगवान शिवास पती म्हणून प्राप्त केले. ब्रह्मचारिणी देवीची पूजा केल्याने संयम, धैर्य, आणि साधनेत प्रगती मिळते. तिच्या आशीर्वादाने मानसिक शांती आणि दृढता प्राप्त होते.

दधाना करपद्माभ्यामक्षमालाकमण्डलू ।
देवी प्रसीदतु मयि ब्रह्मचारिण्यनुत्तमा ॥
अर्थ: हातात जपमाळ व कमंडलू धारण केलेल्या तपस्विनी ब्रह्मचारिणी देवी माझ्यावर प्रसन्न होवो.

नवरात्रोत्सव 2025🌺

देवीची 9 रूपे: नव दुर्गा !!

3. चन्द्रघंटा:
नवरात्रीच्या तिसऱ्या दिवशी देवीच्या “चंद्रघंटा” या रुपाची आराधना केली जाते. तिच्या कपाळावर अर्धचंद्र असल्याने तिला "चन्द्रघंटा" असे नाव आहे. तिच्या दहा हातांमध्ये विविध शस्त्रे असतात, जी तिच्या पराक्रमी आणि युद्ध कौशल्याचे प्रतीक आहेत. चन्द्रघंटा देवीची पूजा केल्याने साधकाला शौर्य, धैर्य, आणि निर्भयता प्राप्त होते.

पिण्डजप्रवरारूढा चण्डकोपास्त्रकेर्युता ।
प्रसादं तनुते मह्यं चन्द्रघण्टा यशस्विनी ॥

अर्थ: सिंहावर आरूढ झालेल्या व कपाळावर अर्धचंद्र धारण केलेल्या चंद्रघंटा देवी कृपा करो.

नवरात्रोत्सव 2025🌺

देवीची 9 रूपे: नव दुर्गा !!
5. स्कंदमाता:
स्कंदमाता ही नवरात्रीतील पाचवी देवी आहे. ती भगवान स्कंद (कुमार कार्तिकेय) यांची माता आहे, म्हणूनच तिला स्कंदमाता म्हणतात. ती सिंहावर बसलेली असून तिच्या चार हातांमध्ये दोन कमळ, एक हातात स्कंद, आणि एक हात वरद मुद्रा धारण केलेला आहे. तिची पूजा केल्याने भक्तांना शांती, समृद्धी आणि मोक्ष प्राप्त होतो.
सिंहासनगता नित्यं पद्माश्रितकरद्वया ।
शुभदास्तु सदा देवी स्कन्दमाता यशस्विनी ॥
अर्थ: सिंहासनावर आरूढ, हातात कमळ धारण केलेली स्कंदमाता देवी मला सदैव शुभ लाभ देवो.

नवरात्रोत्सव 2025🌺

देवीची 9 रूपे: नव दुर्गा !!
6. कात्यायनी:
कात्यायनी देवी नवरात्रीतील सहावी देवी आहे. देवीचे मातृत्वाचे वैशिष्ट्य दर्शवणारे हे रूप आहे जिच्यामध्ये संगोपनाचे आणि निगा राखण्याचे गुण आहेत.कुमारिका चांगल्या वर प्राप्तीसाठी हिची आराधना करतात. विवाह म्हणजे संरक्षण,वचनबद्धता, सहजीवन आणि आपलेपणा. हि देवी नातेसंबंधामध्ये गरजेच्या या उच्च गुणांची प्रतिक आहे.
चन्द्रहासोज्ज्वलकरा शार्दूलवरवाहना ।
कात्यायनी शुभं दद्याद्देवी दानवघातिनी ॥
अर्थ: दैत्यांचा संहार करणारी सिंहवाहिनी कात्यायनी देवी मला शुभ फल देवो.

नवरात्रोत्सव 2025🌺

देवीची 9 रूपे: नव दुर्गा !!
7. कालरात्रि:
कालरात्रि देवी ही नवरात्रीतील सातवी देवी आहे. ती भय, अज्ञान, आणि नकारात्मक शक्तींना नष्ट करणारी आहे. तिचे रूप अत्यंत उग्र असून, ती अंधकारमय शक्तींचा नाश करते. कालरात्रि देवीची पूजा केल्याने भक्तांचे सर्व प्रकारचे भय नष्ट होतात, आणि साधक निर्भय होतो. ही देवी भक्तांना संकटांपासून संरक्षण देते आणि त्यांना विजयाचे आशीर्वाद देते.
एकवेणी जपाकर्णपूरा नग्ना खरास्थिता ।
लम्बोष्ठी कर्णिकाकर्णी तैलाभ्यक्तशरीरिणी ॥
अर्थ: उग्र स्वरूप धारण करून दुष्टांचा नाश करणारी कालरात्रि देवी रक्षण करो.

नवरात्रोत्सव 2025🌺

देवीची 9 रूपे: नव दुर्गा !!
8. महागौरी:
महागौरी ही नवरात्रीतील आठवी देवी आहे. ती शुद्धता, शांती आणि करुणेचे प्रतीक मानली जाते. महागौरी देवीचे रूप अत्यंत तेजस्वी आणि शुभ्र आहे, म्हणूनच तिला "गौरी" असे नाव आहे. ती वृषभावर आरूढ असते आणि तिच्या हातात त्रिशूल आणि डमरू असतो. तिची पूजा केल्याने पापांचा नाश होतो आणि साधकाला मोक्ष प्राप्त होतो.
श्वेते वृषे समारूढा श्वेताम्बरधरा शुचिः ।
महागौरी शुभं दद्यान्महादेवप्रमोददा ॥
अर्थ: पांढऱ्या वस्त्रांनी भूषित, पांढऱ्या वृषभावर आरूढ झालेली महागौरी देवी सदैव मंगल देणारी आहे.

नवरात्रोत्सव 2025🌺

देवीची 9 रूपे: नव दुर्गा !!
9. सिद्धिदात्री:
सिद्धिदात्री देवी ही नवरात्रीतील नववी देवी आहे. ती सर्व सिद्धींची दाता मानली जाते, म्हणूनच तिला सिद्धिदात्री असे म्हणतात. सिद्धिदात्री देवीचे रूप अतिशय शांत, कृपाळू आणि दिव्य आहे. ती कमळावर बसलेली असते. तिची पूजा केल्याने भक्तांना सर्व प्रकारचे ज्ञान, शांती, आणि मोक्ष प्राप्त होतो. तिच्या आशीर्वादाने जीवनातील सर्व संकटे दूर होतात आणि मनःशांती प्राप्त होते.
सिद्धगन्धर्वयक्षाद्यैरसुरैरमरैरपि ।
सेव्यमाना सदा भूयात्सिद्धिदा सिद्धिदायिनी ॥
अर्थ: सिद्धी, संपत्ती, व आनंद देणारी सिद्धिदात्री देवी माझ्यावर कृपा करो.

विजयादशमीच्या हार्दिक शुभेच्छा!
जय श्री राम🙏