ထားဝယ်ရေကြီး၊ တောင်ပြိုကပ်ဘေးကို ကူညီမည့် ပန်းချီပြပွဲ

Dawei Watch | ဓာတ်ပုံသတင်း

ထားဝယ်မြို့၊ ကမ်းနားလမ်း၊ ယဉ်ကျေးမှုပြတိုက် နောက်ကျောဘက်ရှိ လှိုင်းခတ်သံ ပန်းချီပြခန်းတွင် အောက်တိုဘာလ ၂၄ ရက်မှစ၍ အောက်တိုဘာလ ၃၀ ရက်အထိ ရန်ပုံငွေပန်းချီပြပွဲတစ်ခု ပြုလုပ်နေသည်။

ထားဝယ်ခရိုင် ပန်းချီ၊ ပန်းပု (ပန်းပညာရှင်) အစည်းအရုံးဝင် ပန်းချီဆရာ၊ ဆရာမနှင့် ဝါသနာရှင် စုစုပေါင်း ၂၇ ဦး၏ အမျိုးအစားစုံ ပန်းချီကား ၁၂၄ ကား ပြသထားသည်။ ပန်းချီကားတန်ဖိုး အနိမ့်ဆုံးဈေး ကျပ်ငါးသောင်းမှ အမြင့်ဆုံးဈေး ငါးဆယ့်ငါးသိန်းကျပ်အထိ ပါဝင်သည်။

ပန်းချီကားရောင်းရငွေများကို ပန်းချီဆရာများ၏ ဆန္ဒအရ ၅၀ ရာခိုင်နှုန်းမှ ရာနှုန်းပြည့်အထိ ရေကြီး၊ တောင်ပြိုကပ်ဘေးသင့်ဒေသကို ကူညီမည်ဟု သိရသည်။

ထားဝယ်ဒေသထွက် အိုး၊ ဆီမီးခွက်နှင့် သပိတ်အိုးများကို ဆေးရောင်ဖြင့် အလှဆင်ရောင်းချခြင်းနှင့် လက်ရေးပန်းချီ (ဒန်းဆိုးခြင်း) ရေးဆွဲခြင်းတို့ဖြင့် လူငယ်စေတနာဝန်ထမ်းများက ရန်ပုံငွေရှာဖွေနေကြသည်။