السلام عليكم و مساكم الله بالخير

والدة زميلة معنا فالكلية مقبلة على عملية جراحية استعجالية . ضموها في دعائكم ان يسلمها الله و يرفع عنها البأس و يشفيها و يردها لأهلها سالمة . بارك الله فيكم

#نبلاء_الطب@Noble_Doctors

السلام عليكم طلبة السنة الثانية طب

🔴اليوم بغيت نمدلكم شوي نصائح على كيفية الدراسة في هاد السنة من تجربتي الشخصية ولي عاونتني بش ندي نقاط عالية مهما كانو ليكور بزاف ، انا ما كنت معتمدة على حتى source لا يوتيوب لا بروف ( ماكنتش نأسيستي وما نسمعش فوكال ) ني عاقلة سمعت واحد برك في حياتي و لي كان تع بيوفيزيك مي نسيت اصلا وش من وحدة كنت خطرات كي منفهمش كش آلية عمل عضو ولا عفسة نتفرج فيديوات قصار هكا يكونو 5 دقائق ولا مهم مشديتش في سورس وحدة ونقرا معاها كنت نجبد الكور تاعي شات جبت على جهة ( مستحيل نستغني عليه🙂) ايا كنت نقرا الكور بالتفصيل يعني اي جملة كاينة في الكور نديرلها كوبي كولي ونحطها في شات جبت نقله شرحهالي وهو يشرحها مهما كانت سامبل بصح انا ولات فيا عادة اي فقرة نحطها ونقراها من شات جبت ونعاود نقراها في الكور نلقا روحي فهمتها نزيد نكمل حتى يكمل الكور ( ننصحكم قرو الكور ضربة وحدة متقروش نص وتخلو نص غدوا من داك بسك تنسو معلومات وما تقدروش تركزو فيه كيما في اللول) انا منشريش لي الكور في وراقي يعني نقرا غير من بيسي مع اللول كنت نقرا بالوراقي لقيت بلي ما تساعدنيش وخسارة دراهم خطرات نبغي نقرا بليكولار وقاع ايا جربت نقرا بالبيسي وعجبتني بزااف خاصة كي قتلكم ندير كوبي كولي ما نعجزش كلش قدامي ( نفس الشيء مع صحبتي ) دونك جربوها نتوما تاني بلاك تساعدكم ايا قتلكم نقرا الكور نكمله وما نكتب حتى حاجة في ورقة ولا نقرا برك ونفهم هادي الكوش اللولة
الكوش الزاوجة ( دك شري نقلكم بروقرام كفاش ) كنت نعاود نقرا الكور و اي عفسة نلقا روحي ننساها ولا صعيبة بش نحكمها نكتبها في كناش كنت دايرة كناش صغير نكتب فيه ديتاي لي منعقلش عليه ( مشي تكتبو نص الكور🙂 ) هكا كش قيمة عددية ولا كلمة تتنسا بلخف ولا هكا عفسة نتوما تعرفو كي تقراو الكور مهم تكون فيها كلمة ولا زوج من كل عنوان ، هادي علاه قتلكم ديروها بش في ليلة الرعد تعاودو تقروهم تلقوهم واجدين بسك مستحيل تراجعو قاع لي كور غادي تفوتو 4 موديل في نهار فيهم 30 كور ولا اكتر غادي تراجعو شوي ويبقاولكم بزاف متقدروش سما تلقاو كناش هاداك واجد فيه صوالح لي تنساوهم وميكونوش بزاف تكلمو معاهم بلخف وفي صباح تاني تراجعوهم وتحلو كسيام .
صح دوك نهدرلكم على كفاش كنت نقرا لي كور تاوعي يعني بروقرام وقاع كفاش كان ،
نتوما في دوزيام غادي تولو ديرو 2 كور في نهار ( نت سي محمد لازم تقرا 2 كور في هاداك نهار مشي شرط هادوك لي كور لي درتوهم نت تقراهم هوما بسك راكم عارفين بروق ما يرسلش بكري ومنا ) تقرا 2 كور وصاي حط في راسك لازملك 2 كور في نهار جدد وما صعيبة ما والو والله تكملهم وتفهمهم ويبقالك الوقت في نهارك بش دير صوالح وحدخرين ( لي غادي نهدر عليهم دروك🙂 داخلين في قراية تاني) المهم انا مكنتش نأسيستي كيما قتلكم كنت صباح ندير 2 كور جدد ( ميهمش تنوض بكري ولا روطار هي من الاحسن بزاااف تنوض بكري تكملهم قبل 12 بصح يلا منضتش عادي تكملهم تاني) غادي تكمل 2 كور تاعك تريح تڤيل ولا جسب ترقد ولا تتفرج الله يسهل على واحد شا يدير تبقالك عشية ولا فليل كيما تبغي تراجع 2 كور لي قريتهم البارح( واه واه هادي هي الكوش الزاوجة🙂 ) علبالكم لوكان تخلو كوش زاوجة مور سمانة ولا ما تعقلو والو؟ تلقو رواحكم تعاودو في الكور من جديد الكوش الزاوجة لازم تكون قبل 24 ساعة من لي قريت الكور اول مرة ، المهم تقراهم وتحل كسيام
درووووك نهدرلكم على منقذي لي كان مريحني فلي كسيام 😁 كاين وحد سيت دك نحطولكم شباب بزاف يديرلكم كسيام على حساب الكور تاعك وتلقاه كي تاست يعني يعطيك سؤال ونت تجاوب ويقلك يلا صح ولا خطأ ويعطيك الصح يلا غلطت ويزيد يفهمك علاه هاداك الجواب هو الصح وفيه مزايا وحدخرين يلخصولك الكور ويديرولك فلاش كارد للحفيظة

( حرفيا احسن موقع للقرايا لي يجربوه وينفعهم دعولي بليز😔✨)

📍انتظروني في الجزء الثاني ...
#Savannah

.....🟥 الجزء الثاني :
المهم هاد سيت مدابيكم تخدمو بيه قبل ما تبدو الكوش الزاوجة بش تشوفو شا راكم عاقلين وشا راكم ناسيين تعاودو تبادو عليهم غاية في الكوش الزاوجة ومور ما تكملو كوش زاوجة روحو لامتحانات العوام لي فاتو وحلوهم (مهم ما تنخلعو ما والو علبالي غادي تقولولي كفاش نديرو قاع هاد الصوالح في نهار واه ديروها نورمال🙂 انا بنادم مشي روبو ودرتها وبقالي الوقت في نهاري وريحت ونورمال مهم ما تقعدوش تتجرجرو مع راطراباج في اخر السنة اذا بلعتو لوالا مليح معليش طلقو رواحكم في التالي ) ولي ساعدتني بش ندير هادو وما نديش الوقت بزاف هي بومودورو خدمو بيها نيشان ومتقعدوش كل دقيقة تشدو تيليفون حتى تكملو صوالحكم هكا تكملوهم بلخف ويبقالكم الوقت وبدون تأنيب الضمير ، مهم اذا تبعتو هاد البروقرام نوعدكم والله ماغادي تحسو رواحكم روطار وغادي تقرو ونتوما مريحين من داخل بسك مكاش ضغط ( معلباليش سنة كي غادي تجيكم قراية حنا مع ااغراف كان كاين ضغط كبير ولي موديل داخلين في الوحدات وشكيل كون مديرش هاك ما تجيبش وتلقا كلش طايح على راسك ) ، كاين عفسة بغيت نهدر عليها تاني هي سومان بلوكي يعني اسبوع تالي لي يمدوهلكم بش تراجعو فيه هاداك الاسبوع مرحش تلقو كور جدد يقارعولكم يعني اذا لقيتو كش واحد ولا زوج تكملوه في الويكاند و سيمانة هاديك تدوها غير مراجعة وكسيام و الطريقة لي كنت نديرها هي ندير موديل في يومين مع لي كسيام تاوعه وكل يوم في الليل نحل قاع لي كسيام تع كش موديل يعني الاحد نحل تع اناطو، الاثنين نحل فيزيو وهي رايحة حتى نكملهم وهكا تلقو رواحكم درتو 3 كوش في لي كور و 3 كوش كسيام و ليلة الرعد كوش رابعة تع كسيام
في ما يخص التيبي والتيدي انا كنت نخليهم ليلة الرعد نقراهم صباح نعاودهم في اليل وصباح تع امتحان نعاودهم تاني ( ساهلين مشي حاجة اصلا اناطو تكونو شايفين نص شيما في ليكور)
المهم كاين موقع وحداخر كنت نخدم بيع مع شات جبت وهو احسن منه على كل حال نصحني بيه زميل الله يحفظه يشرحلك بالتفصيل و ما يغلطش بنسبة 90% يعني يلا لقيتو كش كسيام وشكيتو غالطين في التصحيح شوفو في هاد الموقع شا يجاوبلكم وتاني ترسلو تصاور كيما تبغو مفيهش ليميت

https://aistudio.google.com/prompts/new_chat
هاد موقع الكسيام لي قتلكم عليه واذا معرفتوش تخدمو بيه قولولي نديرلكم فيديو توضيحي نوريلكم كفاش تخدمو بيه
https://www.thea.study/login
#Savannah

براعم السنة اولى طب هاذو قائمة دروس الفصل الاول💕
#دكاترة #ashy
#doc@dctr34651

🔴 أغلب الظن رح تولي 3000 دينار و الله أعلم

Fiche TP unité cardio-vasculaire et respiratoire🫀
#دكاترة #DOCTORS #ashy@dctr34651