✅اولا لغة الدراسة هناك روسية ، انجليزية و فرنسية على حسب شا راك باغي نت و على حساب دراهمك تاني
واذا درست باللغة الروسية لازم تقرا سنة تحضيرية قبل دراسة التخصص
انا عن نفسي راني نقرا بالانجليزية .
✅ثانيا الدراسة هنا مختلفة شوي على الجزائر مشي في المعلومات ولكن طريقة الدراسة و الامتحانات .
كمية المعلومات ليست اكثر من الجزائر وحتى المواد اقل ولكن الامتحانات 80% من المواد شفوي ( oral exam) وليس qcm

على حسب كل جامعة وكل مدينة التكاليف تختلف تقدر تكون 80 مليون كيما تقدر تلحق 300 مليون واذا نت تقرا طب هنا و باغي تخرج من دزاير باينة تخير جامعة مليحة مشي تروح الرخيصة ومبعد تلقا ديبلوم ناقص غير قعد في بلادك وديبلوم مليح باينة تكون جامعة غالية.

مشي شرط كاين لي جايبين 11 ويقرو طب في روسيا ولكن على حساب الجامعة
وعلى حساب دراهمك تاني .
انا جامعتي تقبل فوق 14 في الباك بش تقرا ميدسين .

اللغة اذا قصدك روسية تجيك صعيبة العام الاول برك اصلا رايح تقرا سنة تحضيرية اما بعد غادي تتعلمها وتوالف وتولي تجيك ساهلة بزاف نعرفهم يقرو بالروسية وراهم يقرو عادي .
انا ننصحك اذا راك سنة اولى او ثانية تروح لأنو اغلب الجامعات تعاود من لول متقدرش تكمل
اذا باغي تقرا تخصص تاني مليح ( التخصص عندهم عامين فقط ) و عن نفسي انا منقراش تخصص في روسيا .

✅اذا قصدك بالدراهم الاوراق المطلوبة هي الباك تاعك و cv (سيفي ميهمش بزاف كي تكون بالدراهم) وباينك مبعد دير تحاليل و صوالح تع فيزا وقاع اما المنحة تطلب شهادات تطوع cv مليح و باك مليح الخ..
✅نقلك الصح في الجزائر البروقرام شارجي على في الخارج مهما يكون غادي تقدر عليها ومتجيكش صعيبة فقط في موضوع الامتحانات شفوي وحنا موالفين qcm شوي واعرة مهم تبدا من اولى ولا تكمل مراحش تلقا صعوبة بالعكس تلقا روحك قاري صوالح كتر منهم .

مشي لازم من اولى تبغي تكمل طب عام في بلادك و تقرا تخصص في روسيا عادي
معنديش معلومة على افضل طريقة بصح اذا قريت من لول في روسيا وبغيت ترجع للجزائر لازم تزيد عام انترنا لأنو في روسيا دراسة طب 6 سنوات مشي سبعة

أنا ربحت منحة
كش نهار نشرحلكم كلش عليها

تقدر تروح بصح منقلكش متعاودش من لول
صراحة انا جامعتي مع لول قبلت اني نكمل سنة ثالثة ولكن وصلت متأخرة جدا وما قدروش يديرو معادلة لاوراقي حتى اني رسلتلهم كل المنهج تعنا وكفاش قرينا كان لازم عليا نترجم كلش بصح اكتر من 200 ورقة مستحيل نترجمها ولكن دارو معايا مزية و قالولي المواد لي طلعتهم في دزاير منعاودش نقراهم و تاني كاين حاجة اخرى بعض المواد في سنة اولى مقريناهمش في الجزائر سما مقدروش يطلعوني غي هاك بلا ما نقراهم ممكن اذا قريت بالفرنسية في روسيا ممكن تكون المعادلة اسهل والله اعلم تبقى على حسب الجامعة لازم نت ترسلهم وتسقسيهم .

جنسية روسية؟ الله اعلم مي حتى الجزائريين وراهم يقرو مع رواسا
اذا قصدك جنسية اخرى مثلا غير الجزائر مكاين حتى فرق راني نقرا مع مختلف الاجناس

نعم عندك فرصة تدي منحة ابقا معانا وان شاء الله في الايام القادمة نشرح تفاصيلها

﴿وَقُلْ رَبِّي ارْحَمْهُمَا كَمَا رَبَّيَانِي صَغِيرًا ﴾..

اقامة مختلطة ( اقامتي لي راني فيها متحسيش بالاختلاط لأنو المطبخ والحمام جايين لداخل مع غرفتك مشي مع ناس قاع ) قريبة 2 دقايق a pied نوصل .

نن منيش معولة نخدم في روسيا
تقدر تخدم بيه في الجزائر بشرط تزيد سنة سابعة
اما اذا قريت التخصص وبغيت ترجع للجزائر ( بما أنو كل التخصصات هنا عامين الجزائر مراهيش تقبل هاد الشي سما تعاود تخصص من جديد ) في رأيي اي واحد يخرج من دزاير بش يخدم برا مشي بش يرجع يلا هاك كمل قرايتك في دزاير علاه تخرج

اولا هادي تبقا عند كل واحد وشا يبغي انا منبغيش فرنسا
ثانيا انا بغيت لغة انجليزية منبغيش فرنسية وروسيا اسهل دولة تقرا فيها بالانجليزية بلا ietls
ثالثا روسيا ضد العنصرية تجاه الاسلام والحجاب تحس روحك في بلادك مكاش لي يخرب فيك عكس فرنسا ومعظم دول الغرب

نن اذا والديك يقدرو يتكفلو بيك علاه تخدم
نعرف وحدين هنا ما يخدموش يقرو برك و والديهم يرسلولهم بصح اذا بغيت تخدم مشي حاجة هنا المعيشة رخيصة تخدم نهار تعيش سمانة وهادي افضل حاجة في روسيا❤️🇷🇺