✅اذا قصدك بالدراهم الاوراق المطلوبة هي الباك تاعك و cv (سيفي ميهمش بزاف كي تكون بالدراهم) وباينك مبعد دير تحاليل و صوالح تع فيزا وقاع اما المنحة تطلب شهادات تطوع cv مليح و باك مليح الخ..
✅نقلك الصح في الجزائر البروقرام شارجي على في الخارج مهما يكون غادي تقدر عليها ومتجيكش صعيبة فقط في موضوع الامتحانات شفوي وحنا موالفين qcm شوي واعرة مهم تبدا من اولى ولا تكمل مراحش تلقا صعوبة بالعكس تلقا روحك قاري صوالح كتر منهم .

مشي لازم من اولى تبغي تكمل طب عام في بلادك و تقرا تخصص في روسيا عادي
معنديش معلومة على افضل طريقة بصح اذا قريت من لول في روسيا وبغيت ترجع للجزائر لازم تزيد عام انترنا لأنو في روسيا دراسة طب 6 سنوات مشي سبعة

أنا ربحت منحة
كش نهار نشرحلكم كلش عليها

تقدر تروح بصح منقلكش متعاودش من لول
صراحة انا جامعتي مع لول قبلت اني نكمل سنة ثالثة ولكن وصلت متأخرة جدا وما قدروش يديرو معادلة لاوراقي حتى اني رسلتلهم كل المنهج تعنا وكفاش قرينا كان لازم عليا نترجم كلش بصح اكتر من 200 ورقة مستحيل نترجمها ولكن دارو معايا مزية و قالولي المواد لي طلعتهم في دزاير منعاودش نقراهم و تاني كاين حاجة اخرى بعض المواد في سنة اولى مقريناهمش في الجزائر سما مقدروش يطلعوني غي هاك بلا ما نقراهم ممكن اذا قريت بالفرنسية في روسيا ممكن تكون المعادلة اسهل والله اعلم تبقى على حسب الجامعة لازم نت ترسلهم وتسقسيهم .

جنسية روسية؟ الله اعلم مي حتى الجزائريين وراهم يقرو مع رواسا
اذا قصدك جنسية اخرى مثلا غير الجزائر مكاين حتى فرق راني نقرا مع مختلف الاجناس

نعم عندك فرصة تدي منحة ابقا معانا وان شاء الله في الايام القادمة نشرح تفاصيلها

﴿وَقُلْ رَبِّي ارْحَمْهُمَا كَمَا رَبَّيَانِي صَغِيرًا ﴾..

اقامة مختلطة ( اقامتي لي راني فيها متحسيش بالاختلاط لأنو المطبخ والحمام جايين لداخل مع غرفتك مشي مع ناس قاع ) قريبة 2 دقايق a pied نوصل .

نن منيش معولة نخدم في روسيا
تقدر تخدم بيه في الجزائر بشرط تزيد سنة سابعة
اما اذا قريت التخصص وبغيت ترجع للجزائر ( بما أنو كل التخصصات هنا عامين الجزائر مراهيش تقبل هاد الشي سما تعاود تخصص من جديد ) في رأيي اي واحد يخرج من دزاير بش يخدم برا مشي بش يرجع يلا هاك كمل قرايتك في دزاير علاه تخرج

اولا هادي تبقا عند كل واحد وشا يبغي انا منبغيش فرنسا
ثانيا انا بغيت لغة انجليزية منبغيش فرنسية وروسيا اسهل دولة تقرا فيها بالانجليزية بلا ietls
ثالثا روسيا ضد العنصرية تجاه الاسلام والحجاب تحس روحك في بلادك مكاش لي يخرب فيك عكس فرنسا ومعظم دول الغرب

نن اذا والديك يقدرو يتكفلو بيك علاه تخدم
نعرف وحدين هنا ما يخدموش يقرو برك و والديهم يرسلولهم بصح اذا بغيت تخدم مشي حاجة هنا المعيشة رخيصة تخدم نهار تعيش سمانة وهادي افضل حاجة في روسيا❤️🇷🇺

قصة طويييلة 2ans وانا نسيي ونعاود ونتعلم هاد صوالح و نفهمهم و كفاش نكتب وحدة مليحة 😂 مهم قاع هاد الصوالح غادي نفهمكم فيهم ان شاء الله
ورسالة التوصية كتبتها لوحدي ومديت اساتذة في الليسي يسينيوهالي و وحدة سنياتهالي بروفيسورة ouslim ربي يجازيها❤️

انا كي بغيت نروح كنت نسمع دي الهدرة بصح مكنتش نأمن كنت ندخل في الجامعات الروسية تع الطب ونشوفهم دايرين شراكات مع مختلف الجامعات في دول اروبا تما عرفت بلي مكاش منها هاد الهدرة✅ الجامعة مديرش شراكة حتى يكونو لزوج معترفين بالديبلوم تعهم
وزدت سقسيت اطباء جزائريين تخرجو من روسيا وقالولي مكاش منها ديبلوم معترف بيه عادي .
وي صح ميغطوش السكن ينقصولك شوي انا ربحت اوبن دورز

كل دولة وشعال يقرو ومعظمهم ستة مثلا كيما ايطاليا - هولندا -بلجيك -المانيا هادو قاع ستة وكيما امريكا 4 ( مي خصك تقرا بكالوريوس قبل الطب )
والسنة السابعة في الجزائر هي اصلا عبارة عن سطاج وصاي مشي تقرو حاجة في الجامعة
لا شارج انا قالولي قل وي بصح مزال ما نعرف هدوين بديت وهنا تقرا الحاجة المهمة مشي كيف دزاير يقتلك بالمعلومات الزايدة ونت تقرا نص كور ونص موديل علجال لاشارج
وي معترف بيها.

صراحة انا دارنا من لي زدت وانا نقلهم نخرج من بلاد حتى لصقتلهم في عقلهم يعني علبالهم كون مخرجتش ولا ميخلونيش نهبل😂✅
بالنسبة للعوائق واه صح شوي بصح غي البدية مبعد توالفي