Ma’lumki, kompozit materialning polimerizatsiya jarayonidagi usadkasi restavratsiyaning barqarorligiga bevosita ta’sir ko‘rsatadi.* Monomer molekulalarning polimer tarmog‘iga aylanishi ularning zichlashuvi bilan kechadi va aynan shu jarayon usadkaga sabab bo‘ladi.
Natijada, kompozit massasi tish bo‘shlig‘ining ikki devori orasida polimerizatsiyalanganda, devorlarga yopishib qolishi materialning erkin qisqarishiga imkon bermaydi. Bu esa karioz bo‘shliq devorlariga tushadigan yuklamaning ortishiga, ularning deformatsiyasiga yoki restavratsiya bilan tish o‘rtasida bo‘shliq (yoriq) paydo bo‘lishiga olib kelishi mumkin.
Agar adgeziv fiksatsiya yetarlicha mustahkam bo‘lsa va karioz bo‘shliq devorlari usadkaga to‘sqinlik qilsa, hosil bo‘lgan kuchlanish tishning atrofdagi to‘qimalariga uzatiladi.