Դետք | Detq
1.35K subscribers
9.95K photos
1.86K videos
9.02K links
«Դետք» տեղեկատվական-վերլուծական կենտրոնը վերլուծում,ներկայացնում է անվտանգային,ռազմական ոլորտին վերաբերող տեղեկատվություն։
Հետևե՛ք մեզ՝
https://www.youtube.com/@DetqMission
https://www.facebook.com/Detq.Analytics
https://www.instagram.com/detq_analytics/
Download Telegram
🚩Ոչ մի շարքային ադրբեջանցի ՀՀ չի գալու, գալու են հատուկ պատրաստված խմբեր. ադրբեջանագետ

Տաթևիկ Հայրապետյանի ֆեյսբուքյան էջի գրառումը.

Օրերս Գերմանիայում իր հանդիպումների ժամանակ Նիկոլ Փաշինյանը հերթական անգամ շատ վտանգավոր հայտարարություն էր արել՝ ասելով, որ առաջարկում է Ադրբեջանին ընդունել համատեղ ճանապարհային քարտեզ՝ փակելով «Արևմտյան Ադրբեջան» և «Ղարաբաղի հայերի վերադարձ» թեմաները։ Նա նաև նշել էր, որ պետք է հասկանալ այս թեմաների պատճառահետևանքային կապը։ Կուզեմ մի քանի կետով անդրադառնալ այս հայտարարությանը ու դրանից բխող վտանգներին։

📍 Պատճառահետևանքային կապի մասով կամ թե ինչպես ի հայտ եկավ այս թեման՝

Դրա պատասխանը լավագույնս տվել է Իլհամ Ալիևը 2022 թվականի դեկտեմբերի 24-ի իր ելույթով՝ բառացի ասելով.
«Այս տարածքում Հայաստան երբեք չի եղել։ Այսօրվա Հայաստանը մեր հողն է… Այժմ, երբ Ղարաբաղյան հակամարտությունը լուծվել է, սա է մեր օրակարգում եղած խնդիրը։ Իհարկե, վաղաժամ էր խոսել դրա մասին նախքան Ղարաբաղյան հակամարտության լուծումը։ Բայց մենք չպետք է ժամանակ վատնենք։ Պետք է մշակվի վերադարձի հայեցակարգ…»։
👏1
Դետք | Detq
🚩Ոչ մի շարքային ադրբեջանցի ՀՀ չի գալու, գալու են հատուկ պատրաստված խմբեր. ադրբեջանագետ Տաթևիկ Հայրապետյանի ֆեյսբուքյան էջի գրառումը. Օրերս Գերմանիայում իր հանդիպումների ժամանակ Նիկոլ Փաշինյանը հերթական անգամ շատ վտանգավոր հայտարարություն էր արել՝ ասելով…
Այս հարցը շրջանառության մեջ է մտել Փաշինյանի կողմից Արցախն Ադրբեջանի մաս ճանաչելուց երկու ամիս անց։ Ադրբեջանցի բազմաթիվ պաշտոնյաներ շատ ուղիղ տեքստով ասել են, որ չէին կարող նման հարցեր բարձրաձայնել, քանի դեռ կար ԼՂ հիմնահարցը։ Կարծում եմ՝ ուղիղ խոսքը պետք է, որ բարդ չլիներ հասկանալ։ Այս զավթողական հայեցակարգը ԼՂ հարցում Փաշինյանի վարած «ֆանտաստիկ» քաղաքականության հետևանք է։

📍«Փախստականների իրավունքի» մասով՝

Արդեն տևական ժամանակ հստակ փաստերով ներկայացնում եմ, որ սա զավթողական հայեցակարգ է, չկա այստեղ իրավունքի թեմա։ Խոսույթը հետևյալն է. «հայկական պետությունը ձևավորվել է պատմական ադրբեջանական հողերի վրա, որոնք խլել են ադրբեջանցիներից»։ Այս խոսույթով կրթվում է մի ողջ սերունդ՝ դպրոցում, համալսարաններում, կազմակերպվում են շարադրության մրցույթներ։ Այս ամենը թափ է առել վերջին երեք տարվա ընթացքում։ Սա կարելի էր ու դեռ կարելի է համառ, կազմակերպված ու շատ խելացի աշխատանքով դարձնել Ադրբեջանի մեծագույն գլխացավանքը։

📍Այն ինչ կարող է դառնալ գլխացավանք Ադրբեջանի համար, Փաշինյանի ձեռամբ դառնում է գլխացավանք մեզ համար՝

Փաստացի, Փաշինյանը հերթական անգամ այն, ինչ կարելի է ուղղել Ադրբեջանի դեմ, ուղղում է մեր դեմ։ Անգամ միջազգային դատարաններն են մերժել Ադրբեջանի բարձրացրած «իրավունքի» թեման, ուստի դա նույն հարթության մեջ դնելով՝ ամրագրված ու միջազգայնորեն հաստատված Արցախի հայերի իրավունքների հետ, որոնք ենթարկվել են ագրեսիվ պատերազմի, էթնիկ զտման ու բռնի տեղահանման, նշանակում է հերթական անգամ «արջի ծառայություն մատուցել» Ալիևին։ Այս առաջարկով, որն, ասեմ, ադրբեջանական մեդիայում արդեն մերժվել է, միմիայն կոծկվում են Ադրբեջանի իրական զավթողական նպատակները, ավելին՝ դրանց տրվում է վտանգավոր «լեգիտիմություն»։

📍Փաշինյանի փորձարկումների համար չափազանց թանկ գին ենք վճարում․

Հարցեր լուծելու բացառիկ անկարողությունը Փաշինյանին մղում է հերթական փորձարկումների։ Նման փորձարկումների համար մենք շատ թանկ գին վճարեցինք Արցախի հարցում։ Հիմա, եթե այս մարդը շարունակի ղեկավարել, նա իրոք այս հարցը դարձնելու է օրակարգային մեզ համար։ Ասել եմ՝ ոչ մի շարքային ադրբեջանցի ՀՀ չի գալու, ՀՀ գալու են հատուկ պատրաստված խմբեր՝ հստակ զավթողական ծրագրերով։ Սա չափազանցություն չէ։ Սա իրենց բաց աղբյուրների վերլուծության հիման վրա արված եզրակացություն է։ Այս ամենը կարելի է կանխել ժամանակին, խելքով ու աշխատանքով։ Ներկայիս իշխանությունը դա չի անելու։ Բայց պետականամետ իշխանության ձևավորման պարագայում այս հարցը միանգամայն լուծելի է․ իրավունքն ու փաստերը մեր ձեռքին են։
Media is too big
VIEW IN TELEGRAM
🔺Այսօր Բաքվում կայացել է հայ գերիների «դատավարության» եզրափակիչ փուլի առաջին մասը

Ադրբեջանական լրատվամիջոցները չեն հրապարակել հայ գերիների ելույթները, միայն ներկայացրել են փաստաբանների ասածը. նրանք «խնդրել են» արդարացնել «մեղադրյալներին»։

Նշվում է, որ վերջին խոսքով հանդես են եկել գերիներից մի քանիսը։ Դավիթ Մանուկյանը, Լևոն Բալայանը, Մադաթ Բաբայանը, Գարիկ Մարտիրոսյանը, Մելիքսեթ Փաշայանը, Դավիթ Ալավերդյանը, Գուրգեն Ստեփանյանը, Էրիկ Ղազարյանը և Վասիլի Բեգլարյանը հայտարարել են, որ որևէ հանցագործություն չեն կատարել:

Ընդմիջված «նիստը» կշարունակվի դեկտեմբերի 19-ին:
Media is too big
VIEW IN TELEGRAM
🔺Զելենսկին ժամանել է Կուպյանսկ, նույն քաղաքը, որը Պուտինի պնդմամբ գտնվում է Ռուսաստանի վերահսկողության տակ
💯2🤬1
Media is too big
VIEW IN TELEGRAM
🇦🇲🪖Հավերժի ճամփորդ. Մխիթար Ասրյան

(դեկտեմբերի 1,1983, Ստեփանակերտ-նոյեմբերի 9, 2020, Շուշի)

Պարտադիր ժամկետային զինծառայության է անցել 2001 թ. Թալիշում, եղել է կապավոր, ստացել սերժանտի կոչում։

Ծառայել է ԱՀ ՊԲ հատուկ նշանակության ստորաբաժանումում որպես հետախույզ և սակրավոր։ Տարիներ շարունակ ծառայել է ՌՈ-ում։

Պատերազմել է ամենաթեժ վայրերում՝ Թալիշից մինչև Շուշի:
Մխիթարը փրկել է տասնյակ զինվորների կյանքեր` Հադրութում շրջափակումից վիրավորներին դուրս բերելով։

Նոյեմբերի 6-ին Շուշիում ստացել է հրազենային վիրավորում մեջքի շրջանում, անմահացել է նոյեմբերի 9-ին թշնամու գնդակից:

Հուղարկավորվել է նոյեմբերի 15-ին Ստեփանակերտի Եղբայրական գերեզմանատանը։

Հետմահու պարգևատրվել է «Մարտական խաչ 2» և «Մարտական ծառայություն» մեդալներով։
❤1👏1🫡1
🚩Իսրայելի բարձրաստիճան զինվորական պատվիրակության գաղտնի այցը Բաքու

Իսրայելի պաշտպանության նախարարության բարձրաստիճան զինվորական պատվիրակության այցը Բաքու և «Ռաֆայել» հրթիռային համակարգերի բաց ցուցադրությունը Իսրայելա-ադրբեջանական անվտանգության համագործակցությունը գաղտնի փոխազդեցության փուլից բարձրացրել են հանրային զսպման մակարդակի։

«Մաարիվ» թերթի միջազգային բաժինը, հղում անելով ադրբեջանական լրատվամիջոցներին, հաղորդել է Իսրայելի պաշտպանության նախարարության բարձրաստիճան պաշտոնյաների Բաքու գաղտնի այցի մասին։ Թերթի տվյալներով՝ այցի նպատակն էր ամրապնդել երկկողմ ռազմական և անվտանգության համագործակցությունը և ուղիղ ուղերձ հղել Իրանին։

Սիոնիստական փորձագետները նշում են, որ նախկինում սահմանափակ և գաղտնի համագործակցությունը այժմ մտել է բաց ցուցադրման և ուղիղ զսպման փուլ, որի հիմնական նպատակը Իրանի Իսլամական Հանրապետության վրա ճնշում գործադրելն ու վախեցնելն է։

Իրենց հերթին, իրանցի պաշտոնյաները նախկինում զգուշացրել էին, որ երկրի հյուսիսային սահմաններում իրավիճակը անկայունացնելու ցանկացած փորձ կհանդիպի կոշտ արձագանքի
🚩Աբբաս Արաղչին առաջիկա օրերին կայցելի Ռուսաստան և Բելառուս

Իրանի արտաքին գործերի նախարար Աբբաս Արաղչին մոտ ժամանակներս կայցելի Մոսկվա և Մինսկ, որտեղ նախատեսում է բանակցություններ վարել ՌԴ և Բելառուսի իշխանությունների հետ:

Այս մասին հայտնել է Իսլամական Հանրապետության ԱԳՆ ներկայացուցիչ Էսմայիլ Բաղաին։

«Արտաքին գործերի նախարարության մակարդակով հաջորդ շաբաթ բարձր մակարդակի հանդիպումներ կլինեն Բելառուսում և Ռուսաստանում:

Արաղչին այդ երկու երկրներ կայցելի մշտական խորհրդակցությունների շրջանակում,-նշել է նա ամենշաբաթյա մամուլի ասուլիսի ժամանակ։

Բաղաիի խոսքով՝ Իրանի նախագահ Մասուդ Փեզեշքիանն իր հերթին առաջիկա օրերին կայցելի Ղազախստան և Թուրքմենստան։
This media is not supported in your browser
VIEW IN TELEGRAM
🚩Քաղաքակրթական Հայաստանն մշակութային ժառանգականության անընդմեջ ավանդույթով հայկական սրբազան տարածք է։

Հենց այդ ժառանգականության արդյունքում է, որ ավելի հինավուրց վիշապաքարերը, միջնադարում ենթարկվելով վերաիմաստավորման, դարձել են վայելչագեղ խաչքարեր, որոնց՝ Վայոց ձորի Թառաթումբ գյուղի նմուշները հիացնում են։

Քաղաքակրթական Հայաստանի որևէ մասնիկ երբեք և ոչ մի պարագայում չի կարելի ուրանալ և զիջել բարբարոսներին, քանզի այդ դեպքում ուրացվում և զիջվում է հենց մեր՝ հայկական, մինչքրիստոնեական և հետքրիստոնեական մշակութային աշխարհի մի մասը՝ դատապարտելով այն ոչնչացման։

Վարդան Ոսկանյան
❤1
🚩Դուք, այոˊ, չունեք մանդատ խոսելու ԼՂ-ի ինքնորոշված ժողովրդի անունից։ Չունեք իրավունք փակելու նրա հարցը ինչ-որ մեկի քաղաքական քիմքի հարմարությամբ։

Լեռնային Ղարաբաղի հարցի վերաբերյալ Նիկոլ Փաշինյանի մոտեցումները վաղուց հանրահայտ են։ Սակայն Գերմանիայում հնչեցրած վերջին հայտարարությամբ նա անցավ հերթական վտանգավոր գիծը՝ ասելով, թե ԼՂ-ի հարցի չլուծված լինելու մասին խոսողները նոր պատերազմ են ուզում։

Ավելին՝ նա նույնականացրեց
ԼՂ-ից բռնի տեղահանված ժողովրդի վերադարձի իրավունքը Ղարաբաղյան շարժման հետ՝ մանիպուլացնելով հանրային գիտակցությունը։

Ուրեմն՝ երբ հայտարարում եք, թե ԼՂ-ի հարցի մասին խոսողները նոր պատերազմ են ուզում, դուք ոչ թե սխալվում եք, այլ գիտակցաբար խեղաթյուրում եք իրականությունը․
ԼՂ ժողովրդի հարցը լուծված չէ։

Սա փաˊստ է, ոˊչ կարգախոս։
Սա պատերազմ չէ, սա իրականություˊն է։
Պատերազմ չեն ուզում նրանք, ովքեր բարձրաձայնում են չլուծված խնդիրների մասին։
💯2
Դետք | Detq
🚩Դուք, այոˊ, չունեք մանդատ խոսելու ԼՂ-ի ինքնորոշված ժողովրդի անունից։ Չունեք իրավունք փակելու նրա հարցը ինչ-որ մեկի քաղաքական քիմքի հարմարությամբ։ Լեռնային Ղարաբաղի հարցի վերաբերյալ Նիկոլ Փաշինյանի մոտեցումները վաղուց հանրահայտ են։ Սակայն Գերմանիայում հնչեցրած…
Պատերազմը ծնվում է շրջանցված խնդիրներից։ Իսկ շրջանցված խնդիրը չպայթած ական է։ Պատերազմի վտանգն առաջանում է այն ժամանակ, երբ իշխանությունը, ելնելով քաղաքական նպատակահարմարությունից, պարտությունը փորձում է փաթեթավորել «խաղաղության» փայլաթղթով և լռեցնել բոլոր նրանց, ովքեր հրաժարվում են մասնակցել այդ խաբեությանը։

Գրեթե ամեն ելույթում անդրադառնում եք ԼՂ-ին, բայց միաժամանակ պնդում, թե այդ մասին խոսել պետք չէ՝ հղում անելով «Արևմտյան Ադրբեջան» կեղծ նարատիվին։

Միջազգային իրավունքի նորմերով ինքնորոշված, երեք
տասնամյակ պետականություն ունեցած ժողովրդին համեմատու՞մ եք քաղաքական ֆեյքի հետ։

Ահա այսպես շուրջ երեք տասնամյակ ամեն ինչ արվել է, որ ժողովուրդը զզվի իր իսկ հաղթանակից, որովհետև այն ներկայացվել է որպես բեռ, այսօր էլ՝ որպես խոչընդոտ «խաղաղ ապագայի» ճանապարհին։ Սա ոչ թե պատմության վերարժևորում է, այլ ազգային ինքնագիտակցության հետևողական քայքայում։

Երբ հայտարարում եք, որ պետական պարտքի պատճառներից մեկը ԼՂ-ից բռնի տեղահանվածների խնդիրն է, դուք նպատակային ներազգային թշնամանք եք հրահրում։ Աղքատ քաղաքացուն մատնացույց անելով ղարաբաղցուն, դուք սոցիալական քաղաքականություն չեք վարում։ Դուք ատելություն եք սերմանում։ Եվ դա անում եք գիտակցված։ Սա վերարտադրվելու մեխանիզմ է՝ հասարակությունը բաժանելու հաշվին։

Եվ բացի այդ, ԼՂ-ից բռնի տեղահանվածների աջակցության մասին խոսելիս, ճիշտ կլիներ ասեիք, թե
միջազգային գործընկերներից ինչքան գումար եք ստացել այդ անվան տակ,
ինչ ուղղություններով եք ծախսել,
ինչու ԼՂ ընտրված ներկայացուցիչներին այդ միջոցների կառավարմանը մոտ չեք թողնում։
Հիմա՝ ձեր վարած քաղաքականության մասին։

Դուք հայտարարեցիք, որ «Արցախը Հայաստան է»։
Հետո՝ որ ԼՂ ժողովրդի անունից բանակցելու մանդատ չունեք։
Հետո՝ վերահաստատեցիք Ձեր նախորդներին, որ ԼՂ ժողովրդի անվտանգության երաշխավորն եք։
Ապա սրբագրեցիք՝ միայն սոցիալական անվտանգության երաշխավորը։

Դուք ինքնահոսի մատնեցիք պատերազմը։
Դուք պարտվեցիք։
Դուք հանձնեցիք։
Այնուհետև դադարեցիք կատարել ԼՂ Պաշտպանության բանակի նկատմամբ ստանձնած պարտավորությունները, սակայն բանակի կառավարումը այդպես էլ չվերադարձրեցիք ԼՂ-ին։ Իսկ ճակատագրական պահին նախընտրեցիք «չխառնվել ԼՂ-ի ներքին գործերին»։

Արդյունքում մի ամբողջ ժողովուրդ ձեր որոշմամբ մնաց առանց պետության, առանց կարգավիճակի, առանց ապագայի․․․ և բռնեց գաղթի ճամփան։

Բայց Մայր հայրենիքում նա փախստական էր՝ անհայրենիք, անտուն և անտեր։
Եվ այսօր ոչ մի իրական հնարավորություն չեք ստեղծում այդ մարդկանց համար՝
ոˊչ բնակապահովում,
ոˊչ աշխատանք,
ոˊչ էլ համակարգային ինտեգրում։

Փոխարենը՝ «ժողովրդավարության բաստիոնում» արգելում եք խոսել սեփական իրավունքներից և դրանց հնարավոր պաշտպանությունից։
Դուˊք չեք որոշում՝ ԼՂ-ի հարցը փակ է, թե բաց։
Ալիˊևը ևս չի որոշում։

Դա աշխարհաքաղաքական գործընթաց է՝ երկուսիցդ վեր։ Բայց պիտի գիտակցել, որ ով խուսափում է խնդրի լուծումից, առերեսվելու է ավելի մեծ և վտանգավոր կոնֆլիկտի հետ։
Դուք, այոˊ, չունեք մանդատ խոսելու ԼՂ-ի ինքնորոշված ժողովրդի անունից։

Չունեք իրավունք փակելու նրա հարցը ինչ-որ մեկի քաղաքական քիմքի հարմարությամբ։
ԼՂ-ի ժողովուրդն օժտված է բնական իրավունքներով։
Եվ այդ իրավունքները ոչ մի ժամանակավոր քաղաքական հաշվարկ իրավունք չունի սահմանափակելու, սակարկելու կամ լռեցնելու։

Ճշմարտությունը պատերազմի կոչ չէ։
Ճշմարտությունը պարտության հետ հաշտվելու մերժում է։
Եվ որքան էլ փորձեք այն լռեցնել, այն անխուսափելիորեն վերադառնալու է՝ որպես հարց, որպես պահանջ և որպես պատասխանատվություն։
💯1
🚩ՄԱԳԱՏԷ-ն վերսկսել է ստուգումները Իրանում, բայց առանցքային օբյեկտների հասանելիություն դեռ չկա. Ռաֆայել Գրոսի

«Տեսուչներին թույլատրվում է մուտք գործել միայն այն օբյեկտներ, որոնք չեն ենթարկվել հարվածների (Իսրայելի և ԱՄՆ-ի)», – ասել է գործակալության գլխավոր տնօրենը ՌԻԱ Նովոստիին։

Սակայն Նաթանզում, Սպահանում և Ֆորդոյում գտնվող 3 օբյեկտները, նրա խոսքով, ավելի կարևոր են, քանի որ դրանցում դեռևս զգալի քանակությամբ միջուկային նյութեր և սարքավորումներ կան, և տեսուչները պետք է վերադառնան այնտեղ։
🚩Հայաստանը դիմել է ԵՄ-ին՝ արտաքին միջամտությունը կանխելու համար օգնություն ստանալու նպատակով․ Կայա Կալաս

«Հաջորդ տարի Հայաստանում ընտրություններ են անցկացվելու։ Այսօր մենք կքննարկենք, թե ինչպես կարող ենք օգնել Հայաստանին այս հարցում։ Հայաստանը մեզանից օգնություն է խնդրել արտաքին միջամտությունը կանխելու համար», - նշել է Կալասը։

Կայա Կալասը նախկինում հայտարարել է, որ 2026 թվականի խորհրդարանական ընտրություններին ընդառաջ Ռուսաստանը ակտիվացրել է իր ապատեղեկատվական արշավը։
🤬3
🚩Օրեր առաջ մեր մեդիա տիրույթում տարածվեց լուր, որ հայ սպա Գուրգեն Մարգարյանին քնած ժամանակ կացնահարած Ռամիլ Սաֆարովը Ադրբեջանում ստացել է գնդապետի կոչում։

Այս մասին գրում է ադրբեջանագետ Տաթևիկ Հայրապետյանը։

Նյութը տարածվում էր ադրբեջանական սոցցանցային տիրույթում։ Դրա համար ես թեմային այդ պահին չանդրադարձա․ սպասում էի հաստատման ու փաստական տվյալների։ Երկու օր առաջ ադրբեջանական մամուլն արդեն հրապարակեց լուսանկարներ։ Նորություն չէ, որ Սաֆարովը հենց պետության կողմից արժանացել է թոշակի իր «սխրանքի» համար, ունի բնակարան, լիովին ապահովված է, համարվում է «հերոս»։
🤬1
Դետք | Detq
🚩Օրեր առաջ մեր մեդիա տիրույթում տարածվեց լուր, որ հայ սպա Գուրգեն Մարգարյանին քնած ժամանակ կացնահարած Ռամիլ Սաֆարովը Ադրբեջանում ստացել է գնդապետի կոչում։ Այս մասին գրում է ադրբեջանագետ Տաթևիկ Հայրապետյանը։ Նյութը տարածվում էր ադրբեջանական սոցցանցային տիրույթում։…
Այստեղ մեկ այլ լուր է ինքնին նորություն․ ի՞նչ է սրանով մեզ ասում ադրբեջանական պետությունը, կոնկրետ՝ ղեկավարությունը․ ասում է՝ հայեր, իմացեք, մենք ձեզ ոնց ատել ենք, այդպես էլ ատելու ենք, էդ երեք պարկ «գարին» ու երկու «կանեստըր» բենզինը ուղարկում ենք, որ ձեր կառավարության բերանում լեզու դնենք «խաղաղության» թատերաշրջանի հերթական սեզոնը խաղալու համար, բայց միաժամանակ ձեզ շատ ուղիղ ասում ենք՝ մեզ մոտ քնած հային կացնահարողը «հերոս» է, մեզ մոտ ատելություն քարոզվել է ու շարունակում է քարոզվել պետական մակարդակով, մեզ մոտ Ալիևի ուղիղ հրահանգով ձեր պետությունը համարվում է «մեր պատմական հողը», որի հետևից մենք մի օր գալու ենք, դրա համար էլ շարունակում ենք զինվել։ Սա ասվում է մեզ ուղիղ, հստակ, առանց այլևայլությունների։ Հիմա արդեն հայ հանրության գիտակցությունից է կախված՝ իրենք կորոշեն խաբնվել երեք պարկ բրնձին, թե ուղղակի կընկալեն իրենց ասված անթաքույց թշնամական խոսքը ու իրենց հաշիվը կքաշեն՝ այսինքն՝ կկառուցեն այնպիսի պետություն, որտեղ որևէ մեկի մտքով չանցնի, որ ՀՀ քաղաքացուն հասցված վնասը մնալու է անպատիժ, ավելին՝ պարգևատրվելու է…

Իմ համոզմամբ՝ չի կարելի ունենալ նման կանխատեսելի հակառակորդ ու մնալ անպատրաստ գալիք մարտահրավերների առաջ։ Անպատրաստ լինելը ուղղակի հանցագործություն է մեր պետության ու մեր քաղաքացիների հանդեպ։
😢2
🔺2025 թվականի դեկտեմբերի 12-ին զինծառայողի մահվան դեպքի առթիվ նախաձեռնված քրեական վարույթի նախաքննության ընթացքում 1 անձի նկատմամբ հարուցվել է հանրային քրեական հետապնդում՝ Քրեական օրենսգրքի 522-րդ հոդվածի 2-րդ մասի 3-րդ կետով (զինծառայողին անզգուշությամբ ինքնասպանության հասցնելը):

Վերջինիս նկատմամբ որպես խափանման միջոց կիրառվել է կալանքը: Այս մասին հայտնում է Քննչական կոմիտեի նախագահի մամուլի խոսնակ Կիմա Ավդալյանը։

📌Հիշեցնենք, որ դեկտեմբերի 12-ին՝ ժամը 16:00-ի սահմաններում, հայտնաբերվել է զինծառայող Սմբատ Մհերի Կիրակոսյանի դին՝ հրազենային վնասվածքով:
😢2
🔺Ալիևի հերթական «խաղաղասիրական» քայլը. Ադրբեջանում ներում կշնորհեն ՀՀ-ի և Արցախի դեմ ագրեսիաների մասնակիցներին

Ադրբեջանական պետական APA գործակալությունը հայտնում է, որ նախագահ Իլհամ Ալիևը համաներում հայտարարելու նախաձեռնությամբ է հանդես եկել։

Նախագծի համաձայն՝ նախատեսվում է պատժից կամ քրեական պատասխանատվությունից ազատել «44-օրյա պատերազմում և 2023 թվականի սեպտեմբերի 19-20-ը Լեռնային Ղարաբաղում իրականացված գործողությունների, ինչպես նաև այդ գործողությունների ընթացքում զոհվածների կամ անհետ կորածների մերձավոր ազգականներին, քաղաքացիական բնակչության դեմ Հայաստանի ռազմական պատասխանի հետևանքով հաշմանդամ դարձած անձանց և այլոց»։
Նախագծի համաձայն՝ մի շարք անձինք, որոնք դատապարտվել են ազատազրկման լուրջ հանրային վտանգ չներկայացնող կամ ոչ այնքան ծանր հանցագործությունների համար, կազատվեն բանտից, կամ կկրճատվի նրանց պատժի չկրած մասը։

Ալիևի կողմից Միլլի Մեջլիս ներկայացված «Համաներման մասին» օրենքը, ենթադրաբար, կլինի ամենամեծ համաներումը կալանքից ազատ արձակված բանտարկյալների թվի առումով՝ շուրջ 20000:
🚩🇦🇲🇮🇷 «Թրամփի ուղին» փաստացի նույնական է «Զանգեզուրի միջանցքին», Իրանում ՀՀ դեսպան Գրիգոր Հակոբյանին ասել է Իսլամական հեղափոխության գերագույն առաջնորդի միջազգային հարցերով խորհրդական Ալի Աքբար Վելայաթին։

«Իրանն ի սկզբանե դեմ է հանդես եկել միջանցքին, քանի որ Թեհրանը մերժում է տարածաշրջանային սահմանների ցանկացած փոփոխություն և վախենում է իր անվտանգությանը սպառնացող վտանգներից»,– գրում է IRNA-ն:

Նրա խոսքով՝ այս սցենարը կարող է հանգեցնել ՆԱՏՕ–ի հայտնվելուն Իրանից դեպի հյուսիս՝ լուրջ ռիսկեր ստեղծելով Հյուսիսային Իրանի և Հարավային Ռուսաստանի անվտանգության համար:

Իրանում ՀՀ դեսպանությունը բավարարվել է միայն պաշտոնական հաղորդագրությամբ։ Դեսպանությունից հայտնում են, որ դեսպան Հակոբյանն ընդգծել է, որ «Թրամփի ուղին» կյանքի է կոչվելու պետությունների տարածքային ամբողջականության, ինքնիշխանության, իրավազորության և փոխադարձության սկզբունքների հիման վրա և ստեղծելու է լայն հնարավորություններ տարածաշրջանի փոխկապակցվածության ու տնտեսական զարգացման համար։
😢1
🇦🇲🇫🇷Սեն Սիրի ռազմական դպրոցում ավարտական արարողության ժամանակ, հաստատության պատմության մեջ առաջին անգամ, երկու հայ կուրսանտներ ստացան իրենց սպայական սուսերները: Այս արարողությունը խորհրդանշում է շրջանավարտների մուտքը սպայական կորպուս։

Ֆրանս-հայկակսն ռազմական համագործակցությունը ներառում է առաջադեմ սպայական կուրսանտների համատեղ ուսումնական ծրագրեր։

Այս մասին հայտնել է Հայաստանում Ֆրանսիայի դեսպանատունը։
🤡1
🚩🇦🇲ՀՀ ՊՆ մամուլի քարտուղար Արամ Թորոսյանը հերքել է պահեստազորի գնդապետ Նաիրա Գևորգյանի հայտարարությունը, թե դեկտեմբերի 7-8-ին Մեղրիի զորամասի ուղղությամբ գրոհ է եղել։

ՊՆ մամուլի քարտուղարը սոցցանցերի իր էջում գրել է.

«Զինված ուժերում, մեղմ ասած, անփառունակ ծառայությամբ «աչքի ընկած» անձի հայտարարությունը ոչ միայն ապատեղեկատվություն է, այլև Հայաստանի Հանրապետության, նրա պետական ինստիտուտների ու բանակի դեմ ուղղված տեղեկատվական գրոհի հերթական անհաջող ու ձախողված փորձ:

ԶԼՄ գործընկերներին կոչ ենք անում ձեռնպահ մնալ նմանօրինակ հերյուրանքների արտատպումից և չներքաշվել ՀՀ շուրջ հիբրիդային սպառանալիքներ ստեղծելու դատապարտելի գործընթացի մեջ:

Միաժամանակ կարծում ենք, որ պատկան մարմինները ևս կուսումնասիրեն տվյալ հայտարարությունը և կդիտարկեն դրան իրավական գնահատական տալու հնարավորության հարցը»:
😢1
🇦🇲🇷🇺Մոսկվան պատրաստ է Երևանի հետ քննարկել այսպես կոչված «Թրամփի երթուղի» (TRIPP) նախաձեռնությունը և դրան Ռուսաստանի մասնակցությունը, հայտարարել է ՌԴ ԱԳՆ ԱՊՀ երկրների չորրորդ դեպարտամենտի տնօրեն Միխայիլ Կալուգինը։

Կալուգինի խոսքով, անհրաժեշտ է ուսումնասիրել ԱՄՆ-ի և Հայաստանի նախագծի մանրամասները, և Ռուսաստանը պատրաստ է քննարկել նախաձեռնությանը հնարավոր մասնակցությունը, հաղորդում է «ՌԻԱ Նովոստի»-ն։

Նա նշել է, որ «Հարավկովկասյան երկաթուղի» ընկերությունը կոնցեսիա ունի Հայաստանի երկաթուղային ցանցի կառավարման համար, և որ հանրապետությունով անցնում է նաև ռուսական երկաթուղի։

Կալուգինը հատուկ նշել է, որ «երթուղին» կանցնի ռուս սահմանապահների պատասխանատվության տարածքով, և որ Հայաստանը Եվրասիական տնտեսական միության (ԵԱՏՄ) անդամ է։ Նա ընդգծել է, որ Երևանն ու Վաշինգտոնը չեն շարունակի առանց Ռուսաստանի հետ խորհրդակցությունների։
😢1