Դետք | Detq
1.35K subscribers
9.95K photos
1.86K videos
9.02K links
«Դետք» տեղեկատվական-վերլուծական կենտրոնը վերլուծում,ներկայացնում է անվտանգային,ռազմական ոլորտին վերաբերող տեղեկատվություն։
Հետևե՛ք մեզ՝
https://www.youtube.com/@DetqMission
https://www.facebook.com/Detq.Analytics
https://www.instagram.com/detq_analytics/
Download Telegram
🚩🇦🇲🇩🇪Հայաստանն ու Գերմանիան երկկողմ գործընկերության ռազմավարական օրակարգի մասին հռչակագիր են ստորագրել

Այսօր (նկատի ունի երեկ` դեկտեմբերի 9-ին խմբ.) ստորագրեցինք Գերմանիայի և Հայաստանը միջև երկկողմ գործընկերության ռազմավարական օրակարգի հռչակագիրը, հայտնել է Ֆրիդրիխ Մերցը:

«Գերմանական ընկերությունները մեծացնում են իրենց հետաքրքրությունը Հայաստանի նկատմամբ»,- նշել է նա։

«Այս այցը պատմական է։ Հայաստանի և Գերմանիայի հարաբերությունները թևակոխում են ռազմավարական գործընկերության փուլ»,- իր հերթին ասել է Նիկոլ Փաշինյանը:

«Գերմանիան ՀՀ հիմնական գործընկերներից է ԵՄ-ում, և մենք շահագրգռված ենք փոխշահավետ տնտեսական համագործակցության խորացմամբ»,- նշել է նա։
🚩Աշխարհի քրիստոնյաները սպասում են Բաքվում պահվող հայ գերիների ազատ արձակմանը

The Christian Post պարբերականը հրապարակել է Բաքվում ապօրինի պահվող Ռուբեն Վարդանյանի որդու՝ Դավիթ Վարդանյանի հոդվածը

«Այսօր աշխարհում քրիստոնյաներն աննախադեպ ծավալի հալածանքների և խտրականության են ենթարկվում: Վերջին գնահատումները ցույց են տալիս, որ հարյուր միլիոնավոր քրիստոնյաներ՝ յուրաքանչյուր 7 հավատացյալից 1-ն ամբողջ աշխարհում և յուրաքանչյուր 5-ից 1-ը Աֆրիկայում, ապրում են այնպիսի վայրերում, որտեղ իրենց հավատքը նրանց ենթարկում է վտանգի ամեն օր: Միայն անցած մեկ տարում ավելի քան 1 քառորդ մլն քրիստոնյաներ վտարվել են իրենց տներից:

Սրանք պարզապես վիճակագրություն չեն: Դրանք ընտանիքներ են: Դրանք ապագաներ են: Եվ իմ ընտանիքի համար այս ճգնաժամն ունի անուն՝ Ռուբեն Վարդանյան:

Մինչ աշխարհը պատրաստվում է տոնել Սուրբ Ծնունդը՝ հույսի և ազատության խորհրդով տոները, ես, իմ քույրերն ու կրտսեր եղբայրը կառչած ենք մեր հորը կրկին տեսնելու հույսից: Իմ դուստրը երբեք չի հանդիպել իր պապիկին. նա ծնվել է մոտ երկու տարի առաջ՝ իր պապիկի գերեվարվելուց հետո:
❤1
Դետք | Detq
🚩Աշխարհի քրիստոնյաները սպասում են Բաքվում պահվող հայ գերիների ազատ արձակմանը The Christian Post պարբերականը հրապարակել է Բաքվում ապօրինի պահվող Ռուբեն Վարդանյանի որդու՝ Դավիթ Վարդանյանի հոդվածը «Այսօր աշխարհում քրիստոնյաներն աննախադեպ ծավալի հալածանքների…
Այսօր հայրս ու ևս 22 հայ քրիստոնյա կալանավորներ մնում են Բաքվում բանտարկված՝ զրկված լինելով պատշաճ դատավարությունից, հոգևոր աջակցությունից և նույնիսկ Աստվածաշունչ ունենալու իրավունքից։

Այնուամենայնիվ, աշխարհը չի լռել: Հորս գործը ստացել է երկկուսակցական աջակցություն ԱՄՆ Կոնգրեսում, ինչպես նաև Ֆրանսիայի խորհրդարանի, Եվրոպական խորհրդարանի և մարդու իրավունքների պաշտպանությամբ զբաղվող առաջատար կազմակերպությունների, օրինակ՝ Amnesty International-ի աջակցությունը՝ կոչ անելով անհապաղ և անվերապահ ազատ արձակել նրան։ Այս ձայները միասնական են. նրա կալանքն անօրինական է և անհիմն։ Սակայն այս ամենով հանդերձ՝ հայրս մնում է ճաղերի հետևում։

Օգոստոսի 8-ին Սպիտակ տանը հայտարարված դիվանագիտական համաձայնությունը խաղաղության ճանապարհ էր առաջարկում և ստեղծում էր հայ բանտարկյալների ազատ արձակման ակնկալիք։ Սակայն Ադրբեջանը չի պահպանել այդ հանձնառությունը:

Վաշինգտոնն ունի ազդեցության զգալի լծակներ։ Ադրբեջանը ձգտում է Արևմուտքի հետ ավելի ամուր տնտեսական գործընկերության, ավելի սերտ պաշտպանական և դիվանագիտական կապերի և նախանձախնդիր է իր համաշխարհային լեգիտիմության մասին։ Եվ ամենակարևորը. այն լսում է, երբ Միացյալ Նահանգները խոսում է։

Ահա, թե որտեղ է կարևոր ուժեղ առաջնորդությունը։ Նախագահ Դոնալդ Թրամփն ունի Սուդանից մինչևՊակիստան անարդարացիորեն բանտարկված անձանց ազատության հասնելու գործում անձամբ միջամտելու լավ վավերագրված պատմություն: Նույն նպատակասլաց առաջնորդությունն այսօր էլ կարող է վճռել՝ ընտանիքները կվերամիավորվեն, թե կմնան հուսահատ սպասման մեջ։

Հայրս միշտ մեզ սովորեցրել է, որ հավատքն առանց խիզախության պարզապես բառ է, և որ լույսը միշտ հաղթում է խավարին։ Նույնիսկ երկու տարի ճաղերի հետևում անցկացնելուց հետո էլ նա չի հանձնվում և շարունակում է պահել այդ լույսը։ Եթե մենք հավատում ենք, որ հավատքի ազատությունը մարդկային համընդհանուր իրավունք է, ապա չենք կարող աչք փակել հայ քրիստոնյաների և այն մարդու վրա, ով մնաց նրանց կողքին՝ օգնելով փրկվել։

Աշխարհը հետևում է։ Մեկ դար առաջ մեր նախնիները փրկվեցին Հայոց ցեղասպանությունից միայն այն բանի շնորհիվ, որ ուրիշներն ունեցան գործելու համարձակություն։ Այսօր հայ քրիստոնյաները բախվում են նոր հալածանքների և բնաջնջման ծանոթ սպառնալիքի։ Պատմությունը կհիշի նրանց, ովքեր պահանջել են արդարություն, և նրանց, ովքեր թույլ են տվել, որ լռությունը գերիշխի։ Սուրբ Ծննդյան տոներին ընդառաջ աշխարհի քրիստոնյաները հետևում են և աղոթում, որ ևս մեկ անգամ ձեռնարկվեն քայլեր»։
This media is not supported in your browser
VIEW IN TELEGRAM
🚩«Բարի գալուստ Գերմանիա, պարոն վարչապետ». Գերմանիայում Ադրբեջանի դեսպանը հայերենով ողջունել է ՀՀ վարչապետ Նիկոլ Փաշինյանին Արտաքին հարաբերությունների գերմանական ընկերակցությունում

«Մեր տարածաշրջանում վիթխարի փոփոխություններ են տեղի ունենում, սա ամենակայուն ու խաղաղ ժամանակաշրջանն է մեր հարաբերություններում»,- ասել է դեսպանը։
🚩⚡️Այսօր Արցախի Անկախության հանրաքվեի և Սահմանադրության ընդունման օրն է։

Արցախի ժամանակավոր կորստով մեր ազգային իդեալը փլուզվել է, բայց այն անխուսափելիորեն վերականգնվելու է:

• Արցախը երբևէ նորից հայկականացվելու´ է:
Դա´ է մեր նահատակների նվիրական պատգամը:

Խունկ և խոնարհում Արցախի պետականության ստեղծման և կայացման գործընթացում իրենց կյանքը նվիրաբերած հայորդիների հիշատակին։

ՀայաՔվե
🔺Ալեն Սիմոնյանը չի բացառում Հայաստանի և Ադրբեջանի պատգամավորների ընդլայնված կազմով հանդիպումը

ԱԺ նախագահ Ալեն Սիմոնյանը չի բացառել, որ իր ադրբեջանցի գործընկերոջ հետ կքննարկեն Հայաստանի և Ադրբեջանի խորհրդարանականների ընդլայնված ձևաչափով շփումների հարցը։

Այս մասին նա ասաց Մարդու իրավունքների պաշտպանության միջազգային օրվա առթիվ կազմակերպված միջոցառման շրջանակում ունեցած ճեպազրույցի ժամանակ՝ անդրադառնալով Հայաստանի և Ադրբեջանի խորհրդարանականների միջև շփումների հնարավորությանը։

«Մենք մշտապես փորձում ենք բոլոր միջազգային հարթակներն օգտագործել շփումների համար, և Ադրբեջանի իմ գործընկերը նույնպես դրական է տրամադրված այդ շփման տրամաբանության նկատմամբ։ Չնայած դեռ խոսակցություն չկա, ենթադրում եմ` Ստամբուլում կայանալիք Միջխորհրդարանական միության համաժողովի շրջանակում շփումներ տեղի կունենան իմ և Ադրբեջանի խորհրդարանի նախագահի միջև։ Կշարունակենք քննարկել այն տրամաբանությունը, որ մենք և մեր պատգամավորներն ընդլայնված ֆորմատով շփումներ ունենանք՝ որևիցե միջազգային համատեքստից դուրս, մեր որոշման հիման վրա»,- ասաց Սիմոնյանը։
🤡1
🚩Իրանը Հայաստանում նոր դեսպան ունի


Իրանի արտգործնախարար Աբբաս Արաղչին ընդունել է Հայաստանում ԻԻՀ նորանշանակ դեսպան Խալիլ Շիրղոլամիին:

Դեսպանն Արաղչիին է ներկայացրել Հայաստանի հետ հարաբերությունների զարգացման իր ծրագրերն ու առաջնահերթությունները։

Արաղչին Հայաստանի հետ հարաբերությունները բնութագրել է որպես սերտ կապերով պատմական հարաբերություններ և ընդգծել մշակութային, աշխարհաքաղաքական, տնտեսական և այլ ոլորտներում ՀՀ հետ համագործակցության առավել զարգացման անհրաժեշտությունը։
🚩 Խորհրդային տարիների երկաթուղին կապում էր Բաքուն Ղազախի հետ, այնուհետև շարունակվում էր դեպի Իջևան:

Բաքուն ներկայումս քննարկում է այս՝ Ղազախից մինչև Հայաստանի սահման հատվածի վերականգնման հարցը։

Minval Politika
This media is not supported in your browser
VIEW IN TELEGRAM
🚩Ադրբեջանական կողմը կարող է սահմանափակ թվով հայ պատանդների ազատ արձակել, եթե նախաստորագրված խաղաղության համաձայնագրի դրույթների կյանքի կոչման ուղղությամբ հայկական կողմը իրականացնի առարկայական քայլեր։ ArmeniaSputnik-ի հետ զրույցում ասաց իրավապաշտպան Սիրանուշ Սահակյանը։

Գերիների ազատ արձակումը այս պահին ուղիղ կապված է քաղաքական պրոցեսների հետ, եթե նախաստորագրված խաղաղության համաձայնագրի դրույթների կյանքի կոչման ուղղությամբ հայկական կողմը իրականացնի առարկայական քայլեր, ապա այս առաջընթացի համընթաց ադրբեջանական կողմը կարող է սահմանափակ թվով հայ պատանդների ազատ արձակել։ Սակայն սա, հասկանալի է, չի վերաբերի Արցախի նախկին և ներկա ղեկավարությանը։
ՀՀ ԱԳՆ-ն արձագանքել է Ադրբեջանի պնդմանը, թե Հայաստան–ԵՄ ռազմավարական գործընկերության նոր օրակարգը հակասում է խաղաղ գործընթացին։


Ադրբեջանի ԱԳՆ հայտարարության վերաբերյալ մեկնաբանության մեջ ՀՀ ԱԳՆ մամուլի խոսնակ Անի Բադալյանը նշել է, որ Հայաստան-ԵՄ գործընկերության ռազմավարական օրակարգն արտացոլում է Հայաստան–ԵՄ խորացող գործընկերությունը՝ հիմնված ընդհանուր արժեքների ու շահերի վրա, ինչպես նաև՝ ԵՄ-ի՝ Հայաստանի ինքնիշխանությանը, տարածքային ամբողջականությանը, ժողովրդավարությանն ու սոցիալ-տնտեսական դիմակայունությանը աջակցելու հանձնառությունը։

Բադալյանը հիշեցրել է, որ ԵՄ-ն ողջունել է ս.թ. օգոստոսին Վաշինգտոնում կայացած Խաղաղության գագաթաժողովում Հայաստանի և Ադրբեջանի միջև արձանագրված պատմական հանգրվանը, այդ թվում՝ «Հայաստանի Հանրապետության և Ադրբեջանի Հանրապետության միջև խաղաղության և միջպետական հարաբերությունների հաստատման մասին» համաձայնագրի նախաստորագրումը։ ԵՄ-ն վերահաստատել է իր ամուր աջակցությունը Հայաստանի և Ադրբեջանի միջև խաղաղության հետագա ամրապնդմանը և ինստիտուցիոնալիզացմանը։
🔺Մեկ խմբին արհեստականորեն առանձնացնելը, դրան որոշակի առաջնահերթություն տալը, իսկ մյուսին անտեսելը՝ փորձ է խաղալու ՀՀ քաղաքական վերնախավի այն խմբերի շահերի հետ, որոնք դեռևս խոսում են ռևանշիստական տրամադրությունների մասին, հայտարարել է Ադրբեջանի նախկին արտգործնախարարը

«Կասկածներ են առաջանում Հայաստանի վարչապետի՝ խաղաղության օրակարգին աջակցելու մասին հայտարարությունների անկեղծության վերաբերյալ», - նշել է Թոֆիկ Զուլֆուղարովը։
❗️❗️Բաքվին առաջարկ ունեմ` զուգահեռաբար փակենք և՛ «Արևմտյան Ադրբեջանի», և՛ Ղարաբաղի հայերի վերադարձի թեման

«Ադրբեջանը մի կողմից ասում է «Արևմտյան Ադրբեջան», մյուս կողմից ասում է գրված է «Ղարաբաղի հայեր»: Ես 2025-ի օգոստոսի 8-ին հաջորդած օգոստոսի 18-ի իմ ուղերձում ասել եմ, որ վերադարձի թեման շատ վտանգավոր թեմա է:

Այս մասին Համբուրգում լրագրողների հետ հանդիպման ժամանակ ասաց վարչապետ Նիկոլ Փաշինյանը՝ անդրադառնալով Ադրբեջանի հայտարարությանը, թե ՀՀ-ԵՄ ռազմավարական օրակարգի փաստաթղթում ներառվել է «Ադրբեջանի ռազմական գործողություններից հետո փախստական դարձած Ղարաբաղի հայեր» ձևակերպումը։

«Եվ ես ուզում եմ հիմա բաց, հրապարակային առաջարկ անել Ադրբեջանին, որովհետև որքան նրանք այդ թեմաներով խնդիր ունեն, մենք էլ խնդիր ունենք։ Ես առաջարկում եմ, որ մենք ընդունենք համատեղ ճանապարհային քարտեզ այս երկու թեմաները զուգահեռ փակելու ուղղությամբ։ Ես Ղարաբաղի մեր ժողովրդին էլ եմ ասել, որ նրանց վերադարձը իրատեսական չէ։
🤬3🤡2
Դետք | Detq
❗️❗️Բաքվին առաջարկ ունեմ` զուգահեռաբար փակենք և՛ «Արևմտյան Ադրբեջանի», և՛ Ղարաբաղի հայերի վերադարձի թեման «Ադրբեջանը մի կողմից ասում է «Արևմտյան Ադրբեջան», մյուս կողմից ասում է գրված է «Ղարաբաղի հայեր»: Ես 2025-ի օգոստոսի 8-ին հաջորդած օգոստոսի 18-ի իմ ուղերձում…
Եթե մենք շարունակենք վերադարձի օրակարգը, դա նշանակում է, որ մենք նորից սկսում ենք Ղարաբաղի շարժումը, բայց ես ասել եմ, որ մենք պետք է չշարունակենք ղարաբաղյան շարժումը։ Ղարաբաղյան շարժումն ավարտվել է, և այն սկսելու փորձերը օգտակար չեն: Բայց մյուս կողմից Հայաստանում էլ տեսնում են, որ Ադրբեջանն անընդհատ օգտագործում է «Արևմտյան Ադրբեջան» անհասկանալի տերմինաբանությունը։ Հիմա պետք է հասկանալ, թե որը որի պատճառն է, որն է պատճառ և որը հետևանք։

Հիմա ուղիղ առաջարկ եմ անում, հույս ունեմ այս առաջարկը կթարգմանվի, որ տեղ հասնի: Ես ասում եմ՝ եկեք նստենք, ճանապարհային քարտեզ մշակենք, թե ոնց ենք այս թեման հանում, որովհետև այս թեման հանելը նշանակում է երկարաժամկետ ռազմավարական առումով ընդհանրապես բառացել որևէ կոնֆլիկտային իրավիճակ:

Ես ասել եմ, որ Հայաստանի Հանրապետությունում չի կարող լինել «Արևմտյան Ադրբեջան», և այո, եթե մենք ճանաչել ենք տարածքային ամբողջականությունը, իսկ մենք ճանաչել ենք միմյանց տարածքային ամբողջականությունը, ուրեմն դա պետք է ամբողջական իրականացվի»,- ասել է Նիկոլ Փաշինյանը։
🤬2
🚩Մոսկվան հարձակման է ենթարկվել ուկրաինական անօդաչուների կողմից

30 անօդաչու է ոչնչացվել ՌԴ ՊՆ ուժերի կողմից
🚩Բաքվում գտնվող բոլոր հայ գերիների հարցը կլուծվի միայն այն ժամանակ, երբ Հայաստանը ղեկավարի ուժեղ բանակցող։ Մեր երկրի թույլ ղեկավարը թույլ տվեց Ադրբեջանին թելադրել իր պայմանները Բաքվում պահվող հայ գերիների հարցում և մյուս բոլոր հարցերում:

Ուժեղ բանակցողի առաջնորդությունը կփոխի իրավիճակը շուտով:

Նարեկ Կարապետյան
👏1
❗❗Նիկոլ Փաշինյանի ինքնաթիռը ԱԹՍ-ների պատճառով վայրէջք է կատարել ոչ թե Մոսկվայում, այլ Սանկտ-Պետերբուրգում


ՀՀ վարչապետ Նիկոլ Փաշինյանի ինքնաթիռը չի կարողացել վայրէջք կատարել Մոսկվայում՝ փակ օդային տարածքի պատճառով, և ուղղությունը փոխել է դեպի այլընտրանքային օդանավակայան։ Այս մասին հայտնում է «База»-ն։

Նշվում է, որ Փաշինյանի ACJ319-ը գրեթե մեկ ժամ պտտվել է Տվերի մարզի վրայով՝ սպասելով վայրէջքի թույլտվության, բայց այդպես էլ չի ստացվել։ Ինքնաթիռը, ի վերջո, ուղղությունը փոխել է դեպի Պուլկովո միջազգային օդանավակայան, որտեղ վայրէջք է կատարել մոտավորապես ժամը 1:00-ին։
❤1
🚩ԱԺ «Պատիվ ունեմ» խմբակցության պատգամավոր Տիգրան Աբրահամյանը գրում է.

«Սահմանադրական փոփոխությունների ողջ թնջուկն Ադրբեջան-Հայաստան հարաբերություններում այն է, որ ստեղի կառավարիչը դա ուզում է ներկայացնել որպես իր նախաձեռնություն, իսկ Ադրբեջանն անընդհատ հիշեցնում է, որ դա իր պահանջով է արվում:

Իրականության մեջ և´Փաշինյանը, և´ Ալիևը նույն բանն են ուզում, ուղղակի Նիկոլն իր դեմքը փրկելու համար փորձում է Սահմանադրության փոփոխությունը որպես երկրի ներքին պահանջ ներկայացնել, ինչն ակնհայտորեն այդպես չէ:

Բաքվում հասկանում են կեղծ խաղաղասիրության դերը փաշինյանական իշխանության վերընտրության հարցում և փորձում են Սահմանադրական փոփոխությունների թեման շատ ավելի թանկ գնով ծախել. արանքում ինչ ընթացիկ պահանջ էլ ունեն` «սղցնում» են:

Հայ ժողովրդի համար փաստ է, որ հայաստանյան իշխանությունը զիջում է իր շահերն ու վերջին հաղթաթղթերը, որոնց վաստակելու հետ այս իշխանությունը որևէ առնչություն չունի էլ, իսկ Ադրբեջանը այս կառավարչին նսեմացնելու ճանապարհով ընդլայնում է իր ազդեցությունն ու հնարավորությունները»:
❗❗️Մոտ 1 ժամ է` ՀՀ ՔԿ-ն խուզարկություն է իրականացնում Արցախի ներկայացուցչությունում, ասաց Արցախի պետնախարար Նժդեհ Իսկանդարյանը։

«Փաստաթղթեր են փնտրում, ինչ-որ բան են փնտրում, գուցե օրակարգում այլ հարց էլ կան։ Դատարանի որոշումը ցույց են տվել, այս պահին 2-րդ հարկում են, 10–ից ավելի քննիչ եկել է։ Համակարգիչներն են նայում։ Այս պահին սպասում ենք»,– ասաց նա։

Քննչական կոմիտեից էլ հայտնեցին, որ քրեական վարույթի շրջանակում կատարվում են անհրաժեշտ քննչական գործողություններ։

«Պատիվ ունեմ» խմբակցության պատգամավոր Տիգրան Աբրահամյանն էլ գրել է, որ Արցախի ներկայացուցչությունում, արցախցիների վերադարձին վերաբերվող խորհրդարանական լսումներից մեկ օր անց Քննչական կոմիտեն ներկայացուցչությունում խուզարկություններ է իրականացնում:
🔺Վերջերս մամուլով և տարբեր անձանց կողմից դիտավորյալ շրջանառվում է անհիմն այն պնդումը, թե Հայաստանյայց Առաքելական Սուրբ Եկեղեցին չունի կանոնադրություն։ Այս մասին ասված է Մայր Աթոռի Տեղեկատվական համակարգի տարածած հայտարարության մեջ:

«Հայոց Եկեղեցին դարեր շարունակ առաջնորդվել է եկեղեցական ժողովների ընդունած կանոններով և Հայրապետական կոնդակներով։ Դեռևս Վազգեն Ա Ամենայն Հայոց Կաթողիկոսի գահակալության օրոք Հայոց Եկեղեցին ձեռնամուխ է եղել ՀԱՍԵ Սահմանադրության ստեղծմանը, որի աշխատանքները շարունակվել են Գարեգին Ա Վեհափառի և ավելի լայն թափով՝ ներկայիս Գարեգին Երկրորդ Ամենայն Հայոց Կաթողիկոսի գահակալության շրջանում։


Անհարմար փաստ է, որ կանոնադրությունների մշակման աշխատանքները խաթարված են՝ ատենապետների ապօրինական ազատազրկման պատճառով։ ԱԵԺ ժողովը, որը պետք է քննարկեր եկեղեցու խնդիրները և առաջնահերթությունները, հետաձգվեց համավարակի ու արցախյան պատերազմի պատճառով, բայց առաջիկայում նախատեսվում է նրա գումարում Մայր Աթոռում»։
🔺Դա նույնն է, որ կանանցից պահանջեն՝ 5 ամսում ինչո՞ւ երեխա չեն ունենում։ Այդ ո՞վ է այդպիսի ժամկետ դրել լուծման։ Մենք ամեն ինչ արել ենք, որ դրականորեն լուծվի, իսկ ինքը այդպես, «մալադեց», ապրի, կարճ ժամանակում ամեն ինչը հանձնեց ու լուծեց, ասել է Սերժ Սարգսյանը:

Լրագրողները երրորդ նախագահին հիշեցրել էին Փաշինյանի ու ՔՊ-ականների արտահայտությունները, թե նախկինները Արցախի հարց լուծող էին, թող մինչև 2018-ը լուծեին։