Դետք | Detq
1.35K subscribers
9.95K photos
1.86K videos
9.02K links
«Դետք» տեղեկատվական-վերլուծական կենտրոնը վերլուծում,ներկայացնում է անվտանգային,ռազմական ոլորտին վերաբերող տեղեկատվություն։
Հետևե՛ք մեզ՝
https://www.youtube.com/@DetqMission
https://www.facebook.com/Detq.Analytics
https://www.instagram.com/detq_analytics/
Download Telegram
🇹🇷🇺🇸 Թուրքիան հույս ունի մոտ ժամանակում ԱՄՆ-ի հետ համաձայնության հասնել «F-35» կործանիչների հարցում

Թուրքիան հույս ունի առաջընթաց գրանցել ԱՄՆ-ի հետ բանակցություններում՝ «F-35» կործանիչների ծրագրին վերադառնալու և ամերիկյան CAATSA պատժամիջոցներին առնչվող տարաձայնությունները կարգավորելու հարցում, հայտարարել է Թուրքիայի ազգային պաշտպանության նախարարի տեղակալ Ալփասլան Քավաքլըօղլուն։

«Մեր առաջին վեց «F-35» ինքնաթիռների վերաբերյալ շատ ինտենսիվ շփումներ են ընթանում»,- հայտնել է Քավաքլըօղլուն։ Նա վստահություն է հայտնել, որ բանակցությունները արդյունք կտան։

ՄԱՆՐԱՄԱՍՆԵՐ
🟩 ՊՆ-ն փորձում է ցույց տալ, թե բանակը հանրության հայելին է․ ինքնասպանությունների թվերի շուրջ նոր զարգացումներ. «Ժողովուրդ»

«Ժողովուրդ» օրաթերթի բացառիկ տեղեկությունների համաձայն՝ ՊՆ նախարարի հրահանգով դիմում է գնացել ՀՀ քննչական կոմիտե, և դիմումով ՊՆ-ն նախաքննական մարմնից կոնկրետ տվյալներ է պահանջել, թե բանակում քանի ինքնասպանության դեպք է եղել, և քանի դեպք է արձանագրվել ինքնասպանություն քաղաքացիական կյանքում։

Իրավապահները այս դիմումի նպատակը ներքին կարգով ցանկացել են պարզել, և նրանց բացատրել են, որ այս քայլով ցանկանում են ցույց տալ, որ բանակը հասարակության հայելին է, ու քաղաքացիական կյանքում ևս ինքնասպանություններ են լինում, որոնք, ի տարբերություն բանակի դեպքերի, ավելի շատ են, բայց պակաս աղմկոտ։

ՄԱՆՐԱՄԱՍՆԵՐ
🇮🇱🇺🇸🇮🇷 Նեթանյահուն և Թրամփը քննարկել են Իրանի դեմ հարվածները վերսկսելու հարցը

Իսրայելի վարչապետ Բենիամին Նեթանյահուն անցյալ շաբաթ ԱՄՆ նախագահ Դոնալդ Թրամփի հետ քննարկել է Իրանի ուղղությամբ հարվածները վերսկսելու հնարավորությունը։

Այս մասին հայտնել է Իսրայելի 12-րդ հեռուստաալիքը։

ՄԱՆՐԱՄԱՍՆԵՐ
🟥 Ադրբեջանի իշխանությունները փորձում են կրոնական դաշտը պահել խիստ վերահսկողության ներքո. այս քայլը լայն ու բացասական արձագանք է ստացել Թուրքիայում

Թուրքագետ Վարուժան Գեղամյանը, անդրադառնալով Ադրբեջանում տեղի ունեցող բողոքի ցույցերին, ներկայացրել է գլխավորը, որը պետք է իմանալ տեղի ունեցողի մասին։

ՄԱՆՐԱՄԱՍՆԵՐ
🟥 Մենք խաղաղություն ունենք Ադրբեջանի հետ, թեև դեռևս մի քանի քայլ պետք է իրականացվի։

Մենք կարգավորում ենք հարաբերությունները Թուրքիայի հետ։ Սահմանը դեռևս փակ է, սակայն կարծում եմ՝ գործընթացն արդեն զգալիորեն հասունացել է, և միանգամայն հնարավոր է, որ վաղն առավոտյան արթնանանք ու լրահոսում տեսնենք հետևյալ վերնագիրը՝ «Հայաստան–Թուրքիա սահմանը բաց է»։

Արարատ Միրզոյան

ՄԱՆՐԱՄԱՍՆԵՐ
❤1🤬1
🟥 Հայաստանում երկու ամսով կալանավորված ադրբեջանցի զինծառայող Նասիմի Մուսաևի հարցով Կարմիր խաչի միջազգային կոմիտեն կապի մեջ է համապատասխան իշխանությունների հետ։

«Նրանց համաձայնությունը ստանալուց հետո մենք կկարողանանք տեսակցել նրան», – «Ազատությանը» հայտնել է Հայաստանում ԿԽՄԿ պատվիրակության հաղորդակցման ղեկավար Զառա Ամատունին։
🤬1
🟥 Բողոքի ալիք Բաքվում և «անկյունաքարային բոնուս» Երևանից. Հակոբ Բադալյան

«Ադրբեջանում տեղի ունեցող բողոքի ալիքի ֆոնին վարչապետ Նիկոլ Փաշինյանը տեսանյութ է տարածում Երեւանից, որտեղ խոսելով «պատմություն ստեղծելու» մասին, հայտարարում է, որ պետք է կենտրոնանալ Ադրբեջանի հետ խաղաղության համաձայնագրի ստորագրման եւ վավերացման վրա։ Ընդ որում, այդ խնդրի լուծումը նա համարում է Հայաստանի «հարատեւության անկյունաքար»։

Ի՞նչ է ստացվում։ Ադրբեջանը խաղաղության պայմանագրի ստորագրման պայման է դիտարկում Հայաստանի Սահմանադրության փոփոխությունը եւ դրանից Անկախության հռչակագրի հղման չեղարկումը։ Դա այլ բան չէ, քան Հայաստանի Հանրապետության իրավաքաղաքական հիմքի վերանայում, չեղարկում, ըստ էության՝ «զրոյական կետից» ձեւակերպում»,- նշել է քաղաքագետը։

ՄԱՆՐԱՄԱՍՆԵՐ
🤬2
🇹🇷🇦🇿 Քեմալ Քըլըչդարօղլուն Ալիևին կոչ է արել հանգիստ թողնել կանանց

Թուրք ընդդիմադիր քաղաքական գործիչ, նախկին նախագահի թեկնածու Քեմալ Քըլըչդարօղլուն արձագանքել է Ադրբեջանում դպրոցներում հիջաբ կրելու շուրջ ծավալված բանավեճին, հաղորդում են թուրքական լրատվամիջոցները։

Նա Ադրբեջանին կոչ է արել «հանգիստ թողնել կանանց, թույլ տալ նրանց ինքնուրույն ընտրել, թե ինչ են ուզում կրել»։

ՄԱՆՐԱՄԱՍՆԵՐ
📷 Արխիվային լուսանկար․ Հայաստանի Հանրապետության պատվիրակությունը ԱՄՆ-ում, 1919 թ.

1919 թ. աշնանը Հայաստանի Հանրապետության պատվիրակությունը՝ վարչապետ Հովհաննես Քաջազնունու գլխավորությամբ, Փարիզից մեկնեց ԱՄՆ։ Պատվիրակության կազմում էր նաև հայ ազգային-ազատագրական շարժման նշանավոր գործիչ, զորավար Անդրանիկ Օզանյանը։

Այցի ընթացքում պատվիրակությունն արժանացավ ջերմ ընդունելության և հանդիպումներ ունեցավ ամերիկյան բարձրաստիճան պաշտոնյաների հետ։ 1920 թ. ապրիլին ԱՄՆ-ը պաշտոնապես ճանաչեց Հայաստանի Հանրապետությունը։
🫡1
🟦 Փաշինյանն իրավունք չունի Հայաստանի շահերը դնել թուրքական միջանցքի ռելսերի տակ. Արտակ Զաքարյան

«Հոկտեմբերի 29–30-ին Թուրքիայում կկայանա թուրքական պետությունների կազմակերպության (ԹՊԿ) ղեկավարների 13-րդ գագաթնաժողովը։ Դրա նախաշեմին Անկարան ակտիվացնում է տեղեկատվական գործունեությունը, և «եղբայրության մասին» հռետորաբանության հետևում ավելի ու ավելի հստակ ուրվագծվում են տնտեսական շահերը»,- գրել է ՊՆ նախկին փոխնախարար Արտակ Զաքարյանը։

ՄԱՆՐԱՄԱՍՆԵՐ
❤3
🇺🇦🇷🇺 ՌԴ-ն բալիստիկ հրթիռներով հարվածել է Կիևին․ Զելենսկին մեղադրել է Արևմուտքին

Արևմտյան գործընկերները կրկին չեն զգուշացրել Ուկրաինային այն մասին, որ Ռուսաստանի զինված ուժերը հոկտեմբերի 13-ի երեկոյան բալիստիկ հրթիռներով հերթական հարվածն են հասցնելու Կիևին։ Այս մասին հայտարարել է Ուկրաինայի նախագահ Վլադիմիր Զելենսկին։

Նրա խոսքով՝ հարվածի հիմնական թիրախը եղել է քաղաքի էներգետիկ ենթակառուցվածքը, մասնավորապես՝ ՋԷԿ-4-ը (ТЭЦ-4)։ Վնասվել է բնակելի շենք, որտեղ հրդեհ է բռնկվել։

ՄԱՆՐԱՄԱՍՆԵՐ
📌 «Հայաստանի և Թուրքիայի սահմանի փակ լինելն անտրամաբանական է»․ Մուրաթ Օնայ

Հոկտեմբերի 12-ից մեկնարկել է «Հայաստան-Թուրքիա մեդիա տուրը», որին մասնակցում են հայ և թուրք լրագրողներ։

«Ermenihaber.am»-ի թղթակից Անի Գալստյանի հետ զրույցում Մուրաթ Օնայն անդրադարձել է հայ-թուրքական հարաբերություններին ու սահմանի հնարավոր բացմանը։ Օնայը նշել է, որ երբ բացվի հայ-թուրքական սահմանը, երկու երկրների արդյունաբերական ընկերությունները կարող են համագործակցել։

ՄԱՆՐԱՄԱՍՆԵՐ
🤬1
📌 Ադրբեջանում տարակուսանք են հայտնել՝ կապված Ալիևի հասցեին Թուրքիայից հնչող վիրավորանքների հետ

««Մեկ ազգ՝ երկու պետություն» սկզբունքը, որը ձևակերպվել է համազգային առաջնորդ Հեյդար Ալիևի կողմից, ենթադրում է հենց երկու անկախ և ինքնիշխան պետությունների գոյություն։ Այս սկզբունքի էության խեղաթյուրումը, այն Ադրբեջանի ներքին գործերին միջամտելու և ադրբեջանական հասարակությանը արտաքին քաղաքական ու գաղափարական մոտեցումներ պարտադրելու հիմք դարձնելն անթույլատրելի է»։

Այս մասին հայտարարություն են տարածել Ադրբեջանի և Թուրքիայի միջև միջխորհրդարանական հարաբերությունների հարցերով Ադրբեջանի խորհրդարանի աշխատանքային խումբը։

ՄԱՆՐԱՄԱՍՆԵՐ
🇮🇱🇵🇸 Իսրայելը թույլ չի տա, որ Հորդանանից արևմուտք արաբական բանակ հայտնվի. Նեթանյահու

Իսրայելի վարչապետ Բենիամին Նեթանյահուն հայտարարել է, որ երկիրը պատրաստ է Հորդանան գետի Արևմտյան ափին հնարավոր հարձակումներին, ներառյալ՝ այն սցենարին, երբ Պաղեստինյան ինքնավարության անվտանգության ուժերը զենքը կուղղեն իսրայելցի զինվորականների դեմ։

Նա նախազգուշացրել է, որ նման դեպքում Իսրայելը կպատասխանի այնպիսի ուժով, որի մասշտաբները, ըստ նրա, հակառակորդները չեն էլ կարող պատկերացնել։

ՄԱՆՐԱՄԱՍՆԵՐ
🟧 Բաքուն Անկարային կոչ է արել չմիջամտել երկրի ներքին գործերին

Ադրբեջանի իշխող «Միասնական Ադրբեջան» կուսակցությունը հայտարարություն է տարածել՝ կոչ անելով Թուրքիայի իշխանություններին չմիջամտել երկրի ներքին գործերին։

◾️ Պատճառը լրատվամիջոցներում և սոցիալական ցանցերում հրապարակումներն են, այդ թվում՝ Թուրքիայի նախագահի գլխավոր խորհրդական Օքթայ Սարալի և «Արդարություն և զարգացում» կուսակցության պատգամավորների մեկնաբանությունները, որոնցում քննադատվում են ադրբեջանական դպրոցներում հիջաբ կրելու սահմանափակումները։

Հայտարարության մեջ նշվում է, որ նման զգայուն թեմաների օգտագործումը քաղաքական մանիպուլյացիաների և Ադրբեջանի վրա ճնշում գործադրելու նպատակով անթույլատրելի է։
🟩 Ամերիկյան «Global Firepower» վերլուծական ընկերությունը հրապարակել է 2026 թ. աշխարհի ամենահզոր օդուժ ունեցող երկրների վարկանիշային նոր աղյուսակը։

Առաջին եռյակը գլխավորում են ԱՄՆ-ն, Ռուսաստանը և Չինաստանը։ Չորրորդ տեղում Հնդկաստանն է, հինգերորդում՝ Հարավային Կորեան, իսկ վեցերորդ հորիզոնականում՝ Ճապոնիան։

Թուրքիայի ռազմաօդային ուժերը զբաղեցնում են 8-րդ հորիզոնականը։ Հայաստանի օդուժը 84-րդ տեղում է։ Իսկ սահմանակից մյուս երկրներից Իրանը 21-րդ տեղում է, Ադրբեջանը՝ 53-րդ և Վրաստանը՝ 87-րդ:
❤1
This media is not supported in your browser
VIEW IN TELEGRAM
🏆 Գերծանր քաշային հայ ըմբիշ Արամայիս Հարությունյանը Մ23 աշխարհի առաջնությունում հաղթել է ադրբեջանցի ըմբիշին և կպայքարի բրոնզե մեդալի համար։
❤4
🟥🟥 Վարչապետը բացահայտեց՝ Արծվաշենը՝ Ադրբեջանին, 3 անկլավ՝ ՀՀ-ին․ Թագուհի Ղազարյան. Factor.am

Խոսելով սահմանազատման գործընթացի սկզբունքների մասին՝ ՔՊ-ական պատգամավոր Թագուհի Ղազարյանը վերահաստատել է իշխանության դիրքորոշումը.

«Մեր դիրքորոշումը այն է, որ մեր տարածքային ամբողջականությունը և Ադրբեջանի տարածքային ամբողջականությունը նույն չափի՝ սանտիմետրի, միլիմետրի ճշգրտությամբ պետք է պահպանվի, բայց կարող են լինել տեղեր, որտեղ կենսական անհրաժեշտության ենթակառուցվածքների բերումով կարող են որոշակի տեղաշարժեր լինել»։

ՄԱՆՐԱՄԱՍՆԵՐ
⬛️ Իրանում սպանել են «Բասիջ» ստորաբաժանման կին հրամանատարին

Լրատվամիջոցների տվյալներով՝ կնոջը գնդակահարել են նրա տան մուտքի մոտ։ Հաղորդվում է, որ հարձակվողները առնչություն են ունեցել ԱՄՆ-ի և Իսրայելի հետ։

ՄԱՆՐԱՄԱՍՆԵՐ
🟦 ՄԱԿ-ի գլխավոր քարտուղարը ժամանել է Հայաստան

Մհեր Գրիգորյանը «Զվարթնոց» միջազգային օդանավակայանում դիմավորել է ՄԱԿ-ի գլխավոր քարտուղար Անտոնիո Գուտերեշին։

Վերջինս ժամանել է Հայաստան մասնակցելու ՄԱԿ-ի Կենսաբազմազանության մասին կոնվենցիայի Կողմերի 17-րդ համաժողովին՝ COP17-ին։

Այցի ընթացքում նախատեսվում է Գուտերեշի ու Նիկոլ Փաշինյանի հանդիպումը։