Devendra Fadnavis
✔
4.11K subscribers
102K photos
19.4K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
मुख्यमंत्री श्री देवेंद्र फडणवीस:

शिखरापलीकडची झेप!

'नॅशनल इंटरस्टेट सीनियर ॲथलेटिक्स चॅम्पियनशिप'मधील मेन्स हाय जंप प्रकारात महाराष्ट्राचा सुपुत्र सर्वेश कुशारे याने 2.31 मीटर उंच उडी मारत नवा राष्ट्रीय विक्रम प्रस्थापित केला. जिद्द, चिकाटी आणि आत्मविश्वासाच्या जोरावर त्याने ही अभूतपूर्व कामगिरी साध्य केली. त्याच्या या कर्तृत्वाचा महाराष्ट्रासह संपूर्ण भारताला अभिमान आहे. या ऐतिहासिक कामगिरीमुळे त्याने 'एशियन गेम्स 2026' साठी भारतीय संघात आपले स्थानही निश्चित केले आहे.

या देदीप्यमान यशाबद्दल सर्वेश कुशारे याचे मनःपूर्वक अभिनंदन आणि पुढील वाटचालीसाठी हार्दिक शुभेच्छा!

#Maharashtra #NationalRecord #AsianGames2026
लोकांचे हित विकासातूनच साध्य होणार आहे. त्यामुळे माझे संपूर्ण लक्ष केवळ विकासावर आहे.

#Maharashtra #DevendraFadnavis
CMO Maharashtra Tweets:

मुख्यमंत्री देवेंद्र फडणवीस यांनी आज तारापूर, पालघर येथे 'आपली जमीन, आपले हक्क' या कॉमिकचे प्रकाशन केले.

विद्यार्थ्यांनी आपल्या कुटुंबांसाठी मार्गदर्शकाची भूमिका निभावत वैयक्तिक व सामूहिक वनहक्क (वनपट्टा) तसेच विविध शासकीय योजनांचा लाभ मिळविण्यासाठी आवश्यक कागदपत्रांची पूर्तता करून हातभार लावावा, यासाठी त्यांना प्रोत्साहित करणे व प्रशिक्षित करणे हा या कॉमिकचा मुख्य हेतू आहे. यामुळे कायदेशीर नोंदी अद्ययावत करून आदिवासी समुदाय अधिक सक्षम होण्यास मदत होईल.

यावेळी मंत्री गणेश नाईक, मंत्री नितेश राणे, खासदार डॉ. हेमंत सवरा, आमदार राजेंद्र गावित व वरिष्ठ अधिकारी उपस्थित होते.

#Maharashtra #DevendraFadnavis #Palghar
मुख्यमंत्री श्री देवेंद्र फडणवीस:

महाराष्ट्राच्या अर्थव्यवस्थेचे 'ग्रोथ इंजिन' ठरणाऱ्या पालघर जिल्ह्यातील विविध प्रकल्पांची पाहणी...

महाराष्ट्र की अर्थव्यवस्था का 'ग्रोथ इंजन' बनने जा रहे पालघर जिले की विभिन्न परियोजनाओं का निरीक्षण...

(पालघर | 28-6-2026)
#Maharashtra #Palghar #GrowthEngine
CMO Maharashtra Tweets:

पालघर येथील देशातील पहिल्या प्रस्तावित ऑफशोअर विमानतळाच्या जागेची व आराखड्याची पाहणी आज मुख्यमंत्री देवेंद्र फडणवीस यांनी केली. याप्रसंगी त्यांनी संबंधित अधिकाऱ्यांना सविस्तर प्रकल्प अहवाल (DPR) तयार करण्याचे निर्देश दिले.

या विमानतळाची प्रमुख वैशिष्टे -
✅ या विमानतळाला डीएफसी (Dedicated Freight Corridor), बुलेट ट्रेन, उत्तन–विरार सी-लिंक, मुंबई–वडोदरा द्रुतगती मार्ग आणि मुंबई–अहमदाबाद राष्ट्रीय महामार्गाची जोडणी (connectivity) राहणार आहे.
✅यामुळे वाढवण व मुरबे बंदरांमधील मालवाहतुकीला मोठी चालना मिळणार आहे
✅मुंबई विमानतळावरील वाढता प्रवासी ताण कमी करण्यासाठीही हा प्रकल्प महत्त्वपूर्ण ठरणार आहे

यावेळी मंत्री गणेश नाईक, मंत्री नितेश राणे, खासदार डॉ. हेमंत सवरा व वरिष्ठ अधिकारी उपस्थित होते.

#Maharashtra #DevendraFadnavis #AirportDevelopment
CMO Maharashtra Tweets:

मुख्यमंत्री देवेंद्र फडणवीस यांनी आज विरार, पालघर येथे मुंबई-दिल्ली द्रुतगती मार्गावरील मुंबई-वडोदरा इंटर जंक्शनची पाहणी केली. यावेळी मुख्यमंत्री फडणवीस यांनी उत्तन–विरार सागरी सेतू प्रकल्पाबाबतही सविस्तर चर्चा केली.

या उत्तन–विरार सागरी सेतूची वैशिष्ट्ये :

✅ सुमारे ₹58,754.51 कोटींच्या या सहापदरी सागरी सेतूला चारपदरी जोडरस्ते आणि दोन्ही बाजूंना आपत्कालीन मार्गिका प्रस्तावित आहेत
✅ या सेतूची थेट जोडणी मुंबई–अहमदाबाद राष्ट्रीय महामार्गाशी होणार असल्याने दक्षिण मुंबई ते अहमदाबाद दरम्यानचा प्रवास अधिक जलद, सुरक्षित आणि सुलभ होणार आहे

मुंबई-दिल्ली द्रुतगती मार्गावरील मुंबई-वडोदरा इंटर जंक्शनची वैशिष्ट्ये :

✅ महाराष्ट्रातील मुंबई-दिल्ली द्रुतगती मार्गावरील मुंबई-वडोदरा विभाग 157 किमी लांबीचा असून त्यासाठी सुमारे ₹24,000 कोटी खर्च करण्यात येणार
✅ या विभागातील 7 पैकी 5 बांधकाम पॅकेजचे काम पूर्ण
✅ मार्ग सुरू झाल्यानंतर मुंबई-वडोदरा प्रवासाचा कालावधी 8 तासांवरून सुमारे 4 तासांपर्यंत कमी होणार
✅ ठाणे, भिवंडी आणि घोडबंदर मार्गावरील वाहतूक कोंडीचा ताण कमी होऊन वेळ व इंधनाची बचत होणार
✅ जेएनपीएकडे जाणारी मालवाहतूक अधिक जलद व विश्वासार्ह होऊन लॉजिस्टिक्स क्षेत्राची कार्यक्षमता वाढणार
✅ उत्तर व पश्चिम भारतातील औद्योगिक क्षेत्रांना मुंबईच्या बंदर व्यवस्थेशी सक्षम जोडणी मिळाल्याने निर्यात, उद्योग, गुंतवणूक आणि रोजगारनिर्मितीला चालना मिळणार

यावेळी मंत्री गणेश नाईक, मंत्री नितेश राणे, खासदार डॉ. हेमंत सवरा, आमदार राजेंद्र गावित, आमदार स्नेहा दुबे पंडित व वरिष्ठ अधिकारी उपस्थित होते.

#Maharashtra #DevendraFadnavis #InfrastructureDevelopment