Devendra Fadnavis
✔
4.08K subscribers
102K photos
19.3K videos
4.3K files
10.7K links
श्री देवेंद्र फडणवीस यांच्या कार्यालयातून
Download Telegram
मुख्यमंत्री श्री देवेंद्र फडणवीस:

एक आवाज… एक जोश… एकच संकल्प!

आज पुणे येथील भाजपा महाराष्ट्र प्रदेश कार्यकारिणीच्या बैठकीत हजारो कार्यकर्त्यांच्या सोबतीने महाराष्ट्राच्या उज्ज्वल भविष्याचा संकल्प… या बैठकीत अनुभवलेला प्रचंड उत्साह, जोश आणि आपुलकीचा जनसागर मनाला ऊर्जा देणारा ठरला.🚩🔥

#Maharashtra #BJP
Devendra Fadnavis
ध्यास, श्वास, विश्वास... महाराष्ट्राचा विकास! 🪷CM Devendra Fadnavis at 'BJP Maharashtra Pradesh Karyakarini Meeting' being chaired by BJP State President MLA Ravindra Chavan. Legislative Council Chairman Prof Ram Shinde, Assembly Speaker Adv. Rahul Narwekar…
महाराष्ट्राच्या विकासासाठी भाजपा सदैव तत्पर!

मुख्यमंत्री देवेंद्र फडणवीस यांच्या उपस्थितीत आज पुणे येथे 'भाजपा महाराष्ट्र प्रदेश कार्यकारिणीची बैठक' पार पडली. भाजपा प्रदेशाध्यक्ष आमदार रविंद्र चव्हाण यांच्या अध्यक्षपदाच्या कार्यकाळातील ही पहिली राज्य कार्यकारिणी बैठक होती.

मुख्यमंत्री फडणवीस यांनी यावेळी कार्यकर्त्यांना संबोधित करताना महाराष्ट्राच्या विकासाचा रोडमॅप मांडत विरोधकांच्या दुटप्पी भूमिकांवर टीका केली.

भाजपाच्या प्रदेशाध्यक्षपदी आमदार रविंद्र चव्हाण यांची निवड झाल्यानंतर झालेल्या सर्व निवडणुकांमध्ये भाजपा हा सर्वात मोठा पक्ष ठरला असून, सुमारे तीन चतुर्थांश जागांवर महायुतीला यश मिळाले. फेक नॅरेटिव्हच्या विरोधातील लढाई ही आजच्या काळातील महत्त्वाची लढाई असून फेक नॅरेटिव्हला तथ्यांच्या आधारे उत्तर दिल्याने जनतेचा विश्वास मिळाला आणि निवडणुकांमध्ये यश प्राप्त झाले. आता पुन्हा फेक नॅरेटिव्हची नवी पद्धत समोर येत आहे, ती समजून घेऊन जनतेपर्यंत सत्य पोहोचविण्याचे काम भाजपा कार्यकर्त्यांनी करावे, असे आवाहन मुख्यमंत्री फडणवीस यांनी केले.

पंतप्रधान नरेंद्र मोदी यांच्या नेतृत्वाखाली भारत जगातील चौथी मोठी अर्थव्यवस्था बनला असून, देश आत्मनिर्भरतेच्या दिशेने वेगाने वाटचाल करत आहे. भारताच्या वाढत्या सामर्थ्यामुळे काही शक्ती अस्वस्थ झाल्या असून, त्या वेगवेगळ्या माध्यमातून देशाच्या प्रगतीत बाधा आणण्याचा प्रयत्न करत आहेत. काहीजण अजाणतेपणी या शक्तींशी जोडले जात आहेत. संविधानाचे नाव घेऊन संविधानाच्या मूल्यांना पायदळी तुडविण्याचा आणि अराजकतेचे वातावरण निर्माण करण्याचा प्रयत्न केला जात आहे. महामानव भारतरत्न डॉ. बाबासाहेब आंबेडकर यांच्या संविधानाचा दुरुपयोग करणाऱ्यांना जनता योग्य उत्तर देईल, असे मुख्यमंत्री फडणवीस यावेळी म्हणाले.

काँग्रेस नेते राहुल गांधी यांचा ‘छात्रों की गूंज’ हा कार्यक्रम म्हणजे ‘झूठ की गूंज’! याआधी काँग्रेसने संविधान संशोधन करून मूलभूत अधिकार संपुष्टात आणण्याचा प्रयत्न केला आणि त्यासाठी न्यायालयातही जाता येणार नाही, अशा प्रकारची तरतूद केली होती. आज त्याच काँग्रेसकडून माओवादाचा विचार पुढे नेण्याचा प्रयत्न होत आहे. भारताची युवा शक्ती अत्यंत जागरूक आणि हुशार असून, चुकीचे नॅरेटिव्ह स्वीकारण्याऐवजी तथ्य तपासून सत्य समजून घेण्याची क्षमता युवांमध्ये आहे. ‘CJP' ही केवळ एक संघटना नसून ‘काँग्रेस जिताओ प्रोग्रॅम’ आहे, भारत जोडो यात्रेशी संबंधित अनेक संघटना त्यात सहभागी आहेत. हिंदुत्वाच्या विचारसरणीला थेट विरोध करण्याची क्षमता विरोधकांमध्ये उरलेली नसल्याने हिंदू समाज, मंदिरे आणि धार्मिक परंपरांविषयी चुकीचे नॅरेटिव्ह निर्माण करण्याचा प्रयत्न केला जात आहे, असे मुख्यमंत्री फडणवीस यांनी सांगितले.

काँग्रेस शासित राज्यांमधील मंत्रिमंडळात महिलांना प्रतिनिधित्व देण्यात काँग्रेस अपयशी ठरली आहे. महिलांच्या अधिकारांबाबत काँग्रेसची भूमिका दुटप्पी असून राजीव गांधी यांच्या काळात सर्वोच्च न्यायालयाने मुस्लिम महिलांना पोटगीचा अधिकार असल्याचा निर्णय दिल्यानंतर संसदेत कायदा करून तो निर्णय बदलण्याचे काम काँग्रेसने केले. महिला आरक्षणाच्या अंमलबजावणीला अडथळा निर्माण करण्याचे पाप राहुल गांधी आणि त्यांच्या सहकारी पक्षांनी केले आहे.

या उलट पंतप्रधान नरेंद्र मोदी यांच्या नेतृत्वाखाली महिला-तरुणांसाठी विविध स्तरांवर महत्त्वपूर्ण निर्णय घेण्यात आले आहेत. राज्यात सर्वाधिक परदेशी विद्यापीठे येत आहेत तसेच मोठ्या प्रमाणात परकीय थेट गुंतवणूक येत आहे. ‘बेटी बचाओ, बेटी पढाओ’, ‘लखपती दीदी’ यांसारखे महिलांच्या सक्षमीकरणासाठी विविध योजना राज्यात राबविल्या जात आहेत. विविध मानांकनांमध्ये महाराष्ट्र आघाडीवर आहे. महाराष्ट्राच्या विकासाबाबत सरकारने मांडलेली आकडेवारी ही विविध जागतिक संस्था आणि रिझर्व्ह बँकेच्या आकडेवारीवर आधारित आहे. त्यामुळे विरोधकांनी केलेल्या चुकीच्या दाव्यांना तथ्यांच्या आधारे उत्तर देण्याची गरज असल्याचे मुख्यमंत्री फडणवीस यांनी सांगितले.

यावेळी विधानपरिषद सभापती प्रा. राम शिंदे, विधानसभा अध्यक्ष ॲड. राहुल नार्वेकर, केंद्रीय आणि राज्यातील मंत्री, खासदार, आमदार, भाजपा पदाधिकारी व कार्यकर्ते उपस्थित.

#Maharashtra #DevendraFadnavis #BJP